Kryetari i LDK-së në Prizren, Haxhi Avdyli, thotë se britaniku Jon Harrison, me anëtarësim, ka nderuar LDK-në e Prizrenit.
“LDK është e nderuar që luftëtari i Koshares Jon Harrison është bërë pjesë e saj”, tha Avdyli për PrizrenPress.
Lidhja Demokratike e Kosovës ka pranuar dje në radhët e veta Veteranin Luftëtar të Ushtrisë Çlirimtare të Kosovës, britanikun Jon Harrison.
Ceremonia e anëtarësimit të Harrison në LDK u zhvillua në Degën e LDK-së në Prizren, pas solemnitetit me rastin e emërimit të një rruge në këtë qytet me emrin e luftëtarit të lirisë së Kosovës, Jon (Xhon) Harrison.
“Harrison ka një respekt të veçanet për rolin e presidentit historik të Rugovës”, shprehet Avdyli.
Avdyli tregon se janë shumë faktorë që Harrison është bërë pjesë e LDK-së.
Sipas tij, britaniku Harrison, ka miq të shumtë në Kosovë.
“Ai ka një numër të madh të miqve duke përfshirë ish- ushtarët e Kosharës,që vazhdojnë të vlerësojnë një ikonë e tyre”.
“ Anëtarësimi i tij,tregon se LDK-ja si parti e traditës dhe shtet-ndërtimit mbetet e respektuar dhe e besueshme, si nga populli jonë, por edhe nga miqtë tanë nga globi”./PrizrenPress.com/