Ikona e Milan, Paolo Maldini, nuk ka kursyer elozhet për Gianluigi Donnarumma të cilin e konsideron si portierin më të mirë në botë.
“Është obligimi i Milan për të provuar që ta mbajnë në skuadër një lojtar të rëndësishëm si Gigio, për atë që ai përfaqëson si simbol, një lojtar që erdhi nga akademia, dhe sipas opinionit tim, sepse është portieri më i mirë në botë”, ka thënë Maldini për ‘DAZN’.
Donnarumma kohë më parë ka thënë se dëshiron qëndrimin në ‘San Siro’, por tashmë kanë ngecur negociatat. Portieri italian gëzon vëmendjen e skuadrave të mëdha, një nga to që është Paris Saint Germain.
