28.7 C
Prizren
E mërkurë, 2 Korrik, 2025

Quni: Ishim ne që vulosëm fitoren e Haskukës, i cili vendosi që tash e tutje të rrugëtoi pa ne

Kryetari i Degës së LDK-së në Prizren, Anton Quni, dhe njëheri Ministri i Mbrojtjes, me anë të një postimi në rrjetin social Facebook, ka dhënë detaje rreth prishjes së koalicionit VV-LDK në Prizren.

Kryetari i kësaj komune nga VV-ja, Mytaher Haskuka, sot i ka dhënë fund këtij koalicioni, për shkak se  LDK-ja nuk mori pjesë në seancën për zgjedhjen e kryesuesit të Asamblesë Komunale.

 

 

Quni deklaroi se ata e respektojnë vendimin e tij dhe e falënderojnë për bashkëpunimin që kanë pasur përgjatë këtyre viteve.

“Kemi kërkuar nga partneri ynë që të bëjmë shpërndarjen e përgjegjësisë me bindjen se kjo do ta rriste performancën dhe efikasitetin e shërbimeve karshi qytetarëve prizrenas”.

“Ne konsiderojmë që koncetrimi i pushtetit tek njëri partner, nuk është praktikë e mirë në demokraci”.

“Mosgatishmëria për ti dhënë zgjidhje kërkesës tonë, ka rezultuar me pamundësi për koordinim për zgjedhjen e kryesuesit të ri të Kuvendit Komunal”, ka shkruar Quni.

Postimi i plotë:

E vërteta rreth koalicionit LDK-VV në Prizren

Të nderuar qytetar të Prizrenit, duam ta sqarojmë opinion e gjerë në lidhje me zhvillimet e fundit rreth koalicionit tonë me VV-në në nivel lokal.

Grupi i kuvendarëve të LDK’së në koordinim me kryetarin e degës dhe organet e partisë, sot nuk ka marrë pjesë në seancën për zgjedhjen e kryekuvendarit, për shkak se ne kemi qenë në negociata që si partner në koalicion ti sqarojmë pozicionet tona, pas situatës së re të krijuar në qeverinë lokale, si rezultat i daljes së Nismes nga koalicioni.

Kemi kërkuar nga partneri ynë që të bëjmë shpërndarjen e përgjegjësisë, me bindjen se kjo do ta rriste performancën dhe efikasitetin e shërbimeve karshi qytetarëve prizrenas.

Ne konsiderojmë që koncetrimi i pushtetit tek njëri partner, nuk është praktikë e mirë në demokraci.
Mosgatishmëria për ti dhënë zgjidhje kërkesës tonë, ka rezultuar me pamundësi për koordinim për zgjedhjen e kryesuesit të ri të Kuvendit Komunal.
Lidhja Demokratike e Kosovës, në vazhdimësi ka qenë e hapur për partneritet të sinqert.

Kërkesa për balancimin e përgjegjësisë, ishte në proporcion me përfaqësimin që LDK ka në Kuvendin Komunal dhe i bazuar në faktin e pakontestueshëm se ishim ne që vulosëm fitorën e kryetarit Haskuka, i cili sot vendosi që tash e tutje të rrugëtoi pa ne.

Ne e respektojmë vendimin e tij dhe e falenderojmë për bashkëpunimin që kemi pasur përgjatë këtyre viteve.

Anton Quni
Kryetar i LDK’s në Prizren

Më Shumë

Zafir Berisha synon Prizrenin me Bashkimin Demokratik

Pas dështimit për të siguruar postin e kryetarit të Prizrenit me Nismën Socialdemokrate në zgjedhjet lokale të vitit 2021, Zafir Berisha ka vendosur ta...

Gjonaj, aksion për dhurim vullnetar të gjakut në kuadër të Javës së Dëshmorëve të Hasit

Me rastin e “Javës së Dëshmorëve të Hasit”, në organizim të rinisë hasjane dhe në bashkëpunim me degën e OVL-së së UÇK-së, për të...

Lajmet e Fundit