Sot, ditë e martë, do të transferohen ndihmat sociale, 10 ditë para kohe dhe atë për dy muaj në vijim.
Siç kishte njoftuar kryeministri i Kosovës Albin Kurti ditë më parë, pagesa e muajit të dytë nuk do të hyjë në përllogaritjet e muajve në vijim që do të thotë u falet përfituesve.
“Familjeve që marrin ndihma sociale, të martën do t’ua transferojmë ndihmat sociale 10 ditë para kohe dhe atë për dy muaj në vijim. Me këtë pagesa e muajit të dytë nuk do të hyjë në përllogaritjet e muajve në vijim që do të thotë u falet përfituesve”, ishte shprehur kryeministri Kurti.
