18.2 C
Prizren
E diel, 6 Korrik, 2025

Vlora Dumoshi: Do të mbetet i paharruar kontributi sportiv i Fazli Azemit

Ministrja e Kulturës, Rinisë dhe Sportit, Vlora Dumoshi, ka dërguar një telegram ngushëllimi me rastin e vdekjes së punëtorit sportiv, Fazli Azemi.

Ajo ka thënë se do të mbetet i paharruar kontributi i Fazliut në klubet Besiana dhe Llapi.

“E nderuara familje e Fazli Azemit, bashkëpunëtorë, miq e dashamirë të tij. Me pikëllim të madh e mora lajmin për ndarjen nga jeta të Fazli Azemit, punëtorit të madh e të paepur të futbollit i cili ka dhënë kontribut të çmuar për këtë sport në vendin tonë”.

“Sidomos do të mbetet i paharruar kontributi i Fazliut në klubet llapjane Besiana dhe Llapi. Ai u dallua si shërbëtor i futbollit me punën e madhe në këtë sport dhe si rezultat I angazhimit të tij dhe me virtytet e larta që e karakterizonin, ka fituar respektin dhe mirënjohjen e të gjithëve”.

“Ishte mik i jashtëzakonshëm jo vetëm për futbollistët, por edhe për opinionin futbolldashës llapjanë e më gjerë”.

“Andaj, më lejoni të ju shpreh ngushëllimet më të sinqerta dhe të thella, familjes së Fazliut, miqve e dashamirëve të tij, klubeve, futbollistëve dhe tërë komunitetit të futbollit, si dhe Federatës së Futbollit të Kosovës, për humbjen e një punëtori kaq të zellshëm”.

“I paharruar qoftë emri i Fazli Azemit, u prehtë në paqe dhe i lehtë i qoftë dheu”,
thuhet në telegram ngushëllimin e ministrës Dumoshi.

Më Shumë

Akaki Khorava, gjeorgjiani që luajti Skënderbeun- dikur i dashur, por sot i harruar…

Nga Elis Kullo (Marrë nga ObserverKult) Nëse ka një grup personash, të cilët shoqëria shqiptare i ka lënë në harresë, njëri ndër ta është padyshim...

Zihet ashurja në teqenë ‘Halveti’ në Prizren, tërheq vëmendje të madhe

Me rastin e muajit Muharrem, në Teqenë historike Halveti në Prizren kanë filluar të zihen kazanët tradicionale të ashures. Aktiviteti po tërheq vëmendjen e...

Lajmet e Fundit