Prokurori i Shtetit njofton se nga prokuroritë themelore janë ngritur 31 aktakuza kundër 51 personave, për vepra të ndryshme penale.
Ndërsa, me urdhër të Prokurorit të Shtetit, janë ndaluar 17 persona, si dhe pranë gjykatës kompetente janë? parashtruar gjashtë kërkesa për caktim të paraburgimit ndaj shtatë personave të pandehur.
Prokuroria Themelore në Prishtinë, gjatë 24 orëve të fundit, me urdhër të prokurorit ka ndaluar pesë persona, ka paraqitur një kërkesë për caktimin e masës së paraburgimit ndaj një personi, si dhe ka ngritur katër aktakuza kundër katër personave, për vepra të ndryshme penale.
Kurse Prokuroria Themelore në Prizren, pranë gjykatës kompetente ka parashtruar tri kërkesa për caktim të paraburgimit ndaj tre personave. Ndërsa, nga kjo prokurori janë ngritur 17 aktakuza kundër 34 personave, për vepra të ndryshme penale.
Prokuroria Themelore në Pejë, ka ndaluar për 48 orë tre persona të dyshuar për kryerje të veprave penale dhe ka parashtruar një kërkesë për caktimin e masës se paraburgimit ndaj një personi.
E Prokuroria Themelore në Gjilan, me urdhër të prokurorit ka ndaluar një person në kohëzgjatje prej 48 orëve dhe ka ngritur dy aktakuza kundër dy personave.
Prokuroria Themelore në Gjakovë, gjatë 24 orëve të fundit, me urdhër të prokurorit kujdestar, ka ndaluar katër persona në kohëzgjatje prej 48 orësh, për kryerjen e veprave të ndryshme penale.
Ndërsa Prokuroria Themelore në Mitrovicë, ka ndaluar një person ka paraqitur një kërkesë për caktim paraburgimi dhe ka ngritur një aktakuzë kundër tre personave për vepra penale të ndryshme.
Prokuroria Themelore në Ferizaj, ka ndaluar tre persona të dyshuar dhe ka ngritur shtatë aktakuza kundër shtatë personave për vepra të ndryshme penale.
