Drini i Bardhë do të kurorëzohet sot kampion i Ligës së Tretë të Kosovës, pas një sezoni të suksesshëm që e ka kthyer këtë ekip në krenarinë e rajonit të Hasit.

Ndeshja përmbyllëse e sezonit do të zhvillohet në stadiumin “Përparim Thaçi” në Prizren, me fillim nga ora 13:00, ku Drini i Bardhë do të përballet me ekipin Istogu 03, raporton PrizrenPress.

Pas përfundimit të takimit, do të organizohet ceremonia zyrtare e ndarjes së kupës dhe medaljeve për futbollistët, të cilat do të dorëzohen nga Federata e Futbollit të Kosovës.

“Ju ftojmë të gjithëve të jeni pjesë e kësaj feste”, thuhet në njoftimin zyrtar të klubit, i cili i bën thirrje tifozëve të bashkohen për të festuar këtë arritje historike.

Festimet nuk përfundojnë me kaq. Ceremonia do të vazhdojë të hënën, më 5 maj, në ora 18:30, në “Kodrën e Pajtimit” në fshatin Gjonaj, ku klubi do të organizojë një ngjarje festive për të gjithë komunitetin.

“Mos mungoni në ndeshje e në ceremoni – bashkë fituam titullin, bashkë festojmë!” – përfundon thirrja e klubit në njoftim.

KF Drini i Bardhë po e mbyll sezonin me stil, duke sjellë jo vetëm sukses sportiv, por edhe gëzim e krenari për banorët e Hasit dhe më gjerë./PrizrenPress.com

Super finalja e “Play-off”-it është qershia mbi tortë e këtij edicioni të ProCredit Superligës.

Në finale do të përballen Bashkimi dhe Trepça, përkatësisht vendi i parë dhe i dytë gjatë garave të rregullta.

Ndeshjen çerekfinale dhe gjysmëfinale të “Play-off”-it dhuruan spektakël të basketbollit, derisa adrenalina do të rritet në maksimumin në finale, ku të dy skuadrat duan titullin e kampionit.

Këto dy skuadra u kualifikuan direkt në finale dhe me seri identike 3:1 arritën finalen. Bashkimi triumfoi ndaj Pejës, kurse Trepça ndaj Sigal Prishtinës.

Në garat e rregullta, Bashkimi ishte lider me 20 fitore e tetë humbje, kurse Trepça e dyta me 19 fitore e nëntë humbje.

Këto dy skuadra u përballën katër herë në këtë edicion në ProCredit Superligë, ku kishin nga dy fitore ndaj njëra-tjetrës, ku të gjitha fitoret ishin si vendas.

Po ashtu u përballën në finale të Kupë, ku ‘Xehetarët’ triumfuan në kryeqytet.

Bashkimi kërkon titullin e dytë në histori, të parin pas vitit 2018, ndërsa Trepça është kampione aktuale, ndërsa në historinë e saj e ka fituar këtë trofe pesë herë.

Ndeshja e parë do të zhvillohet sonte (e diel) në Prizren, ndërsa skuadra që shënon katër fitore fiton titullin e kampionit.

Orari i finaleve

Finalja 1

E diel, 4 Maj Bashkimi – Trepça

Finalja 2

E mërkurë, 7 Maj Trepça – Bashkimi

Finalja 3

E diel, 11 Maj Bashkimi – Trepça

Finalja 4

E mërkurë, 14 Maj Trepça – Bashkimi

Finalja 5 (eventuale)

E diel, 18 Maj Bashkimi – Trepça

Finalja 6 (eventuale)

E mërkurë, 21 Maj Trepça – Bashkimi

Finalja 7 (eventuale)

E diel, 25 Maj Bashkimi – Trepça

Prizreni ka regjistruar një tjetër fitore të rëndësishme në kuadër të Ligës së Dytë të Kosovës, duke mposhtur në shtëpi Vllaznisë së Pozheranit me rezultat bindës 3:0, raporton PrizrenPress.

Ndeshja u zhvillua këtë të shtunë në stadiumin “Përparim Thaçi” në Prizren, ku skuadra vendase tregoi dominim gjatë gjithë takimit, duke konfirmuar formën e mirë dhe pretendimet serioze për ngjitje në Ligën e Parë.

Me këtë triumf, prizrenasit vazhdojnë të qëndrojnë në vend të parë me 63 pikë, në hap me objektivin sezonal./PrizrenPress.com

Përballja e shumëpritur mes Bashkimit dhe Trepçës do të transmetohet drejtpërdrejt në ekran gjigand, por tashmë me një ndryshim, vendndodhja e ekranit është zhvendosur në Shatërvan të Prizrenit, raporton PrizrenPress.

Bashkimi njoftoi të shtunën se për shkak të rrethanave organizative, ekrani që fillimisht ishte planifikuar të vendosej në oborrin e Qendrës Sportive “Sezai Surroi”, do të vendoset në Shatërvan. Transmetimi live i ndeshjes së parë finale do të nisë të dielën në ora 19:00.

“Ejani ta përjetojmë emocionin e finales së bashku në zemër të qytetit dhe të përkrahim me zemër Portokall e Zi! Bashkë për Prizrenin!” – thuhet në njoftimin e klubit prizrenas.

Në këtë seri finale, që zhvillohet sipas sistemit “best-of-seven”, Bashkimi hyn si kampion i sezonit të rregullt dhe synon titullin e dytë në histori, ndërsa Trepça kërkon ta mbrojë kurorën e kampionit, pas pesë titujve të mëparshëm./PrizrenPress.com