Komisioni Qendror i Zgjedhjeve njofton se të premtën në mbrëmje, më 21 shkurt 2025, është përmbyllur procesi i numërimit të votave të kandidatëve për deputetë dhe verifikimit të votave të subjekteve politike nga formularët e plotësuar në vendvotime më 9 shkurt 2025.

Në 38 Qendrat Komunale të Numërimit, Komisioni Qendror i Zgjedhjeve ka ofruar transparencë të plotë të procesit të numërimit duke prezantuar në ekrane punën e çdo ekipi të numërimit, përfshirë pamjen e fletëvotimeve të plotësuara në vendvotime nga votuesit dhe krijimin e formularëve digjital.

Gjatë kësaj periudhe, numri i vendvotimeve të rregullta që janë numëruar është 2,533, në të cilat më 9 shkurt 2025 janë mbajtur Zgjedhjet për Kuvendin e Kosovës.

Në Qendrat Komunale të Numërimit, përveç procesit të numërimit të votave të kandidatëve për deputetë, është bërë edhe verifikimi i votave të subjekteve politike nga formularët të cilët janë plotësuar në vendvotime pas numërimit të votave për subjektet politike.

Pas procesit të numërimit dhe verifikimit që është zhvilluar në Qendrat Komunale të Numërimit, KQZ ka publikuar platformën elektronike https://rezultatet2025.net në të cilën janë publikuar rezultatet për subjektet politike dhe kandidatët për deputetë. Në këtë platform do të publikohen edhe rezultatet nga vendvotimet e mbetura.

Po ashtu, me qëllim të rritjes së transparencës, KQZ ka filluar me publikimin e formularëve të rezultateve për subjektet politike dhe kandidatët nga Zgjedhjet për Kuvendin e Republikës së Kosovës, të mbajtura më 9 shkurt 2025.

Këta formularë janë plotësuar në Qendra Komunale të Numërimit gjatë procesit të numërimit të votave të kandidatëve për deputetë dhe verifikimit të rezultateve të subjekteve politike nga formularët e vendvotimeve.

Publikimi i formularëve nga QKN-të sipas komunave është proces i vazhdueshëm. Pas përfudimit të numërimit, formularët e plotësuar skanohen dhe të njëjtit publikohen gradualisht në ueb faqen e KQZ-së.

Marketing

Kliko linkun:https://www.facebook.com/PrizrenPress/videos/653245074050170

Arsimtari Bedri Çejku është pensionuar pas një karriere 42-vjeçare në arsim. Ceremonia e pensionimit u mbajt në sallën e edukatës fizike dhe sporteve të SHFMU “Mustafa Bakiu” në Prizren, ku ishte ekspozuar një pano me fotografi dhe kupa të fituara gjatë karrierës së tij.

Drejtoresha e shkollës, Behare Kryeziu, gjatë fjalës së saj përshëndeti Bedriun dhe theksoi kontributin e tij të jashtëzakonshëm në edukimin dhe arsimimin e brezave të shumtë. Ajo e vlerësoi për angazhimin e tij të palodhur në aktivitete shkollore dhe sindikale, duke i dhënë mirënjohje për punën e tij.

Për kontributin e Bedriut në sindikatë folën edhe përfaqësuesit sindikalë, Gani Shinik dhe Ganimet Mrasori, të cilët vlerësuan angazhimin e tij në mbrojtjen e të drejtave të mësimdhënësve, duke e nderuar me mirënjohje.

Mësimdhënësit Agron Spahiu, Naser Bresa dhe Vllaznim Bytyçi kujtuan veprimtarinë e Bedriut jo vetëm në arsim, por edhe në sport dhe aktivitete patriotike gjatë karrierës së tij.

Në fund, Bedri Çejku falënderoi të pranishmit për pjesëmarrjen në këtë ngjarje të paharruar dhe ndau kujtime nga periudha e tij e gjatë profesionale, duke reflektuar mbi sfidat dhe arritjet e jetës së tij.