Rrjedha e Lumbardhit përgjatë qytetit të Prizrenit është përdorur shumë për funksionimin e mullinjve, e të tillë dikur kishte shumë.
Sot në Prizren mund ta gjejmë vetëm një mulli, atë të “Tabakhanës”, i cili përveç veçantisë dhe vjetërsisë së tij, ka hyrë edhe në legjenda të popullit, ngase thuhet se shëron fëmijët memecë.
Historiani Enver Batiu thotë për RTV Dukagjinin se ky mulli ka vlera të larta arkitektonike dhe etnologjike, por ka disa njerëz që besojnë se ai shëron fëmijët memec.
“Prizreni kishte një numër të madh të mullinjve, por sot ka mbetur vetëm me një të tillë, ai është mulliri i Tabakhanës. Është i veçantë dhe pronarët e tij janë ndërruar gjatë kohërave të ndryshme. Ky mulli ka hyrë në legjendat e popullit, dhe shpeshherë nënat të cilat nuk iu dëgjojnë fëmijët, i dërgojnë te ky mulli të dëgjojnë zhurmat e tij, dhe thuhet se po ta dëgjojë femja këtë zë, i hapet goja dhe fillon të flasë”, tregon historiani Batiu.
Mulliri është në pronësi të Maliq Gërmizajt, dhe ai tregon se ende vijnë njerëz për të kërkuar shërim te ky mulli.
“Ka efekte sepse të vjetrit jo rastësisht e kanë lënë legjendën se ky mulli shëron, bien fëmijë këtu, ka suksese, po normal se ajo është puna e Zotit, e jona është me i bërë rendin”, thotë pronari i mullirit.
Sipas historianit Batiu, mullinjtë e shumtë në Prizren që ekzistonin, kishin përgatitur këtë qytet të bëhej kryeqendër e shqiptarëve. /Telegrafi/
Për shkak të semaforëve të cilët japin sinjalizim të gabuar shenjën e gjelbërt dhe të kuq të dyja palëve është bllokuar komunikacioni në të dy anët e aksit rrugor Prizren-Prevall tek Mulliri, transmeton TV Besa.
Këto semafora janë vendosur nga kompania e cila ka vendosur gjatë punimeve që bëhen në këtë rrugë.
Pamjet të cilat ka dërguar një qytetar i Prizrenit shihet për një tollovi të madhe nga vendi i ngjarjes.
Bllokohet tërsisht rruga Prizren – Prevallë tek "Mulliri"Për shkak të semaforëve të cilët japin sinjalizim të gabuar shenjën e gjelbërt dhe të kuq të dyja palëve është bllokuar komunikacioni në të dy anët e aksit rrugor Prizren-Prevall tek Mulliri..Këto semafora janë vendosur nga kompania e cila ka vendosur gjatë punimeve që bëhen në këtë rrugë…Pamjet të cilat ka dërguar një qytetar i Prizrenit shihet për një tollovi të madhe nga vendi i ngjarjes…
Kampioni i WBC-së në kategorinë e peshave të rënda në boks, Deontay Wilder, ka thënë se nuk ka dyshim se do të ndeshet me Tyson Furyn gjatë këtij viti.
Boksieri britanik të shtunën ndeshet me italian Francesco Pianeta në Belfast dhe në rast të triumfit, ka paralajmëruar se do të dëshironte një duel me kampionin amerikan.
Dhe 32-vjeçari e ka konfirmuar se është i gatshëm të ndeshet me ish-kampionin e unifikuar botëror.
“Posa ta heqë nga rruga kundërshtarin e tij (Francesco Pianeta), do të ndodhë. Është kaq e thjeshtë”, ka thënë Wilder për BBC Sport.
Kur është pyetur një lidhje me një mesazh të Furyt, ‘Bomberi i Bronztë’ është shprehur: “Pritëm. Po vi të të nokautoj, plotësisht”.
Menaxheri i amerikanit, Shelly Finkel, ka thënë se meçi do të ndodhë në nëntor ose në dhjetor, në New York apo në Las Vegas.
Pianeta do të jetë kundërshtari i dytë i Furyt që nga rikthimi i tij në ring. Boksieri shqiptar, Sefer Seferi, ishte boksieri i parë me të cilin u ndesh britaniku.
Vite më parë kur në krye të Ministrisë së Arsimit, Shkencës dhe Teknologjisë ka qenë ministri Arsim Bajrami, u pat dhënë njoftimi se do të testohen mësimdhënësit, gjegjësisht do të bëhet vlerësimi i njohurive të tyre të përgjithshme, kryesisht atyre teknologjike.
Lidhur me këtë çështje, u pat bërë debat i madh sidomos pas rezultateve të dobëta të testit PISA.
Kjo gjë pati shkaktuar shumë frikë dhe debate tek mësimdhënësit, të cilët patën mbledhur diku 15 mijë nënshkrime që kjo gjë të mos ndodhë. Por, që nga atëherë ka qenë vetëm diskutim dhe asgjë në letër, se çfarë konkretisht do të ndodhë.
Mësimdhënësit sikurse dikur në krye me SBASHK-un, sindikatë kjo e cila i përfaqëson ata për Gazetën Observer kanë deklaruar njëzëri se asesi nuk e pranojnë testimin e tyre. Kjo madje sipas tyre është veprim i ulët dhe mjaft poshtërues.
Ndërsa nga Ministria e Arsimit, Shkencës dhe Teknologjisë (MASHT), kanë deklaruar se nuk do të ketë testim të mësimdhënësve, por nga muaji shtator do të ketë vetëm inspektim të punës së tyre.
“Në shtator të këtij viti, MASHT-i përmes Inspektoratit të Arsimit do të fillojë me procesin e Vlerësimit të Performancës së Mësimdhënësve. Do të jenë të angazhuar inspektorët e arsimit të cilët janë të trajnuar për këtë proces. Nga viti i ardhshëm do të rritet numri i inspektorëve të arsimit të kyçur në këtë proces si dhe do të angazhohen ekspertë dhe vlerësues të jashtëm”, ka njoftuar Valmir Gashi, këshilltar politik i ministrit të Arsimit, Shyqiri Bytyqi.
Këtij procesi do t’i nënshtrohen të gjithë mësimdhënësit e institucioneve publike të arsimit parauniversitar në Kosovë. Nga rezultati i dalë nga vlerësimi i performancës mësimdhënësi do të avancohet në karrierë, do t’i përtrihet licenca ose do t’i ipet një vit shtesë për zhvillim profesional.
Gashi më tej ka njoftuar për mënyrën e vlerësimit të performancës e cila do të bëhet nga Inspektimi.
“Vlerësimi i brendshëm i cili i referohet komponentëve të VPM-së që kryhen nga mësimdhënësi dhe nga drejtori i shkollës: Vetëvlerësimi dhe Vlerësimi nga drejtori i shkollës.
Vlerësimi i jashtëm i cili i referohet komponentëve të VPM-së që kryhen nga Inspektorët e arsimit: Vëzhgimi i orës mësimore dhe Planifikimi dhe përgatitja me shkrim.
Niveli i zotërimit të standardeve të ndryshme analizohet përmes formularëve të veçantë të cilët janë të dizajnuara për secilin komponent të procesit të vlerësimit. Niveli i përgjithshëm i performancës, i cili përfshinë të katër komponentët e VPM-së, bazohet në total prej 140 pikësh që ndahen si më poshtë”, njofton këshilltari Gashi.
Këto janë pikët që fitohen nga vlerësimet:
Vetëvlerësimi i mësimdhënësit 10% 14 pikë
Vlerësimi nga drejtori i shkollës 30% 42 pikë
Vëzhgimi i orës mësimore 30% 42 pikë
Planifikimi dhe përgatitja me shkrim 30% 42 pikë
Në krejt këto pikë sipas MAShT-it arrihen 140 pikë që është 100 përqindëshi.
Këtij procesi do t’i nënshtrohen të gjithë mësimdhënësit e institucioneve publike të arsimit parauniversitar në Kosovë.
Nga rezultati i dalë nga vlerësimi i performancës mësimdhënësi do të avancohet në karrierë, do t’i përtrihet licenca ose do t’i ipet një vit shtesë për zhvillim profesional.
“Vlerësimi i performancës së mësimdhënësve është proces i vazhdueshëm. Nga rezultati i dalë nga vlerësimi i performancës mësimdhënësi do të avancohet në karrierë, do t’i përtrihet licenca ose do t’i ipet një vit shtesë për zhvillim profesional.
Mërgimtari nga Austria, Dr. Sabedin Mustafa, i ka dhuruar bibliotekës komunale ne Rahovec “Sulejman Krasniqi” një enciklopedi në gjuhën gjermane me 24 vëllime, me mbi 200 mijë fjalë.
Dr. Mustafa jeton dhe punon në Austrinë e Epërme, duke arritur të hapë edhe ordinancën e vet private.
Gjatë vizitës që i bëri vendlindjes, dr. Mustafa u ndal edhe në bibliotekën komunale, me ç’rast ofroi ndihmën e tij konkrete për pasurimin e fondit librar në këtë bibliotekë. Enciklopedia është vlerë e shtuar për bibliotekën komunale dhe mund t’ju shërbejë studentëve në fusha të ndryshme të shkencës.
Për këtë dhuratë atë e falënderoi shefi i sektorit për Rini dhe Sport, pranë DKRS-së Qemajl Krasniqi, duke i dhënë edhe një fletë-falënderim për këtë dhuratë të çmuar. Dr. Sabedin Mustafa ka lindur dhe është rritur në fshatin Potoçan i Ulët, duke arritur nivele të larta të profesionalizmit në mjekësi dhe tani e ushtron këtë profesion me shumë sukses në Austri.
Ditëvë të fundit në rrjete sociale po qarkullon një storie televizive e cila përcakton “qendrimin e Prizrenit’’ për bojkotimin e mallrave elektronike amerikane, kryesishtë Iphonat, nga presidenti i Turqisë, Rejep Taip Erdogan.Dy emocione i përjetova gjatë shikimit të stories; dëshprim dhe kënaqesi
E para, lidhët me gjeneralizimin i prizrenasve më tre intervistues, e që nuk ishin prizrenas , por shtetas turk.
E dyta, patriotizmi dhe gatishmëria e popullit (turistë turk) për ta dërguar mesazhin në vënd, i dhënë nga Lideri i tyrë për t’mirën e vendit.
Dhe e treta, ironia e kolegëvë dhë miqve t’mi, të cilët, në hyrjë të objekti të punës më parashtorjnë pyetjen; ‘’’Denis, ka sah po shkojnë iphonat në Prizren?’’
Sidoqoftë, do të shkruaj veç për ate së çfarë ishtë mbresëlënëse për mua, e bësoj që edhe ju duhët ta mërrni si shembull.
Për dallim nga ne, që secilën fjalë të politikanëvë tanë më e dimë përmëndsh, qoftë gënjështër apo e vërtet, ku më këtë ka humbur shpresa, dashuria për atdheun dhe është shtuar pesimizmi, turistët edhe pse nuk ishin prezent në vendin e tyre, gjatë intervistës treguan dashuri, optimizëm dhe jo tradhti ndaj vendit të tyre.
Ata thanë; ‘’Nësë blërja e pajisjeve elektronike nga një vend i huaj ndikon negativishtë për vendin tonë, Turqinë, atëherë më mirë është të bojkotojmë, ashtu siç tha edhe vetë presidenti. Kjo është më pozitive për shtetin tonë’’.
E, ne, çfare kishim me bo?
Çdo i dyti apo i treti i cili e ka lëshuar Kosovën apo dëshrion ta bënë këtë, në mundësinë e parë do të kishtë thonë;
‘’Kurrë mos ia pafsha syt më Kosovës’’.
‘’Lë t’bëhën copa’’.
‘’Kujt po ia ndinë për telefona, allahile’’,
‘’Por çfarë rritje të ekonomisë’’…
Pra, gjërat primare i kishim bo sekundare, dhe ishim marrë më ato krejtesishtë terciale.
Ashtu siç nuk jemi duke u marr tani për tani.
Ne publikojmë faturat e shpenzuara për drekë dhe darka të udhëheqësve tanë para pothuajse dhjetë viteve ku nga ajo punë veç sa do të hidhërohëmi më shumë dhe asgje s’mund të ndryshojmë.
Aq shumë merremi me të kaluarën, sa që i kem harruar gjerat të cilat na prekin direkt xhepin tonë, si p.sh;
– dhenia e bursavë për nxënësit e shkollës mesme dhe fillore
– ngritja e pensioneve për pensionistët tanë
– njohja e stazhit të punës gjatë vitëve të nëntëdhjeta për
mësimdhënës tanë
– ngritja e zërit kundër çmimit aktual të naftës
– ngritja e zërit për fatura t’fryera të rrymës
– ngritja e zërit për mungesë të barnave nëpër spitale tona…
Dhe shumë gjëra tjëra, e në flasim për marrëdhëniet Amerikë – Turqi, kah sah po shkojnë iphonat në Prizren, rakia e dardhës dhe vera e kuqe e Presidentit…
Mos harroni së; Amerika dhe Turqia janë aleat të NATOS. ‘’Ahmeti dhe Jamesi’’ sërish do të komunikojnë përmës Iphonit apo Samsungut.
Presidenti sërish do të pijë raki dardhe apo kumbulle, për nxënësit tanë do të shkojnë në shkollë më duar dhe xhepa t’thata, e pensionistët do të prësin rend ne bankomata për pare që as barnat nuk iu dalin me ble…
Gazeta amerikane, New York Times i ka kushtuar një artikull Dukagjin Lipës, babait të Dua Lipës për organizimin e “Sunny Hill Festival”, festival ky që solli në Prishtinë disa yje të skenës botërore si vajzën e tij, Dua Lipa, Martin Garrix dhe Action Bronson.
Prestigjiozja amerikane shkruan në detaje për festivalin dhe biografinë e Dukagjinit si dhe kontekstin politik në të cilin gjendet Kosova, përcjell Klan Kosova.
Lipa ka folur për sfidat që kishte në organizimin e këtij festivali duke cekur edhe çmimin e lartë të biletave bazuar në standardin e Kosovës.
“Themelimi i festivalit treditor Sunny Hill – i kryesuar nga vajza e tij, ylli i popit Dua Lipa ishte i vështirë.”, vazhdon shkrimi
“Asnjë promotor nuk do të vinte me dëshirë në Kosovë. Është një makth logjistik. Është një makth financiar, ” tha Lipa për NYT, kur u pyetën pse askush nuk ishte organizuar një ngjarje e ngjashme më parë.
Ai tregon sesi kishte blerë pajisje skenike në vlerë të dy milionë dollarëve në Rumani
Në artikull theksohet gjithashtu se bileta në vlerë prej 55 eurove, ose rreth 62 dollarë ishte e lartë për të rinjtë.
Mbi gjysma e 15 deri 24 vjeçarëve të Kosovës janë të papunë sipas Kombeve të Bashkuara, kështu që ata kanë pak të ardhura.
Lipa tha se biletat ishin të lira aq sa ishte e mundur për shkak se po përpiqej të organizonte një ngjarje sipas standardeve ndërkombëtare, duke përfshirë edhe sjelljen e këngëtarëve të njohura botërore si vajza e tij, Dua Lipa.
Edhe biografia e Dua Lipës zuri vend në këtë shkrim.
“Ylli i popit ka lindur në Londër, por kaloi katër vjet të fëmijërisë së saj në Prishtinë. Ajo bisedon rregullisht për rrënjët e saj në intervistat dhe para 16 milionë ndjekësve në Instagram-it. Muzikantë të tjerë kosovarë, si Rita Ora, kanë zgjuar gjithashtu shumë vëmendje në vend”.
Dukagjin Lipa flet edhe për imazhin e Kosovës në botë.
Kosova në mendjen e shumë të huajve është ende e formësuar nga lufta e fundit, në të cilën kryengritësit shqiptarë etnikë luftuan për pavarësi nga Serbia dhe kriza e refugjatëve që pasoi, transmeton Klan Kosova.
Ai shtoi se shumë njerëz kur e pyesin se nga është ai dhe kur thotë “Kosova”, ata shpesh i përgjigjën:”Oh, sa e trishtuar, ndihem shumë keq për ty”.
NYT përmend edhe artistët shqiptarë që performuan në koncert si Mc Kresha dhe grupi Jericho.
Poashtu theksohet se audienca ishte thuajse e tëra e përbërë nga shqiptarë të Kosovës dhe se Dua Lipa që është po ashtu shqiptare u vesh me rroba kuq e zi duke simbolizuar flamurin shqiptar. Por këngëtares shqiptare iu bashkua edhe Action Bronson, babai i të cilit është me origjinë shqiptare, para mijëra fansave shqiptarë bashkë me të tjerët bënë simbolin e shqiponjës me duar.
që të paktën për një çast
të mos jetë e pavdekshme.
Vdekja është gjithmonë e vonuar
në atë grimë kohe.
Më kot rropatet me dorezën
e një dere të padukshme.
Kohën e arritur nuk ia rrëmben
dot askujt.
Ekipet e FSK-së të Njësisë Ndërlidhëse për Reagim në Kriza dhe ato të Batalionit të Xhenios, po i dalin në ndihmë institucioneve dhe qytetarëve të Komunës së Suharekës në përballimin e situatës së shkaktuar pas vërshimeve të fundit.
Vendimin që FSK t’i dal në ndihmë Suharekës, e ka marrë komandanti i Forcës së Sigurisë së Kosovës, gjenerallejtënant Rrahman Rama, pas kërkesës së Kuvendit Komunal të Suharekës.
Sipas një komunikate, operacionet e FSK-së janë duke vazhduar punën, si në pastrimin e rrugëve, largimin e ujit me pompa nga objektet e banimit, largimin e shumë objekteve të forta nga rrugët dhe trotuaret, të cilat janë bartur nga shirat e shumta që kanë rënë në natën e 15 gushtit në këtë komunë.
Pas vërshimeve, në Komunën e Suharekës, shumë lagje kanë pësuar dëme materiale, qoftë në infrastrukturë rrugore, qoftë në shtëpitë private dhe objekte tjera afariste.
“Në këtë operacion, FSK-ja ka angazhuar teknikën e saj të përshtatshme për këto raste, si: autocisterna për pastrimin e rrugëve dhe parandalimin e erozionit; kamionë Kiper për ngarkimin dhe transportimin e dheut dhe zhavorrit si dhe ekskavatorë për kryerjen e punimeve në evitimin e dëmeve në fshatrat Greiqec, Papaz dhe Leshan”, thuhet në njoftim.
E kush nuk i njeh ata? Zërin melodioz , e ledhatues të Arifit dhe tingujt muzikor rrëmbyes e ngacmues të bandës së tij?
Pëgjatë gjithë kësaj kohe njerëzit i kanë dashuruar shumë herë marrëzisht duke i quajtur këngët e tyre si “diçka të magjishme”.
Mjafton të kujtojmë ” Al Kapone” ( 1992) këtë personazh të kriminalitetit të viteve ’20-’30 për të kuptuar ende se edhe sot ” dashuria është në hall” apo ” Ç’ka m’ka syri që m’loton” pjesë të albumit sërish më 1992- ” Nuk jam Al Kapone” për të parashtruar lojën paralele të dykuptimësisë e cila gjithaq lojcake shfaqet edhe më 2018 si Kreu i mardhënieve dashurore.
E , më tej me ” Fol vetëm fol” (1995) , ” Udhëtari i natës” ( 1995) apo ” Sajzeza” bashkëpunimi suksesshëm me Adelina Ismajlin ( 1997) e cila shtangu mbarë mendimin e opinionit shqipëtar mbi muzikën, videoklipin, tekstin dhe mënyrën e performancës duke zbritur në mendjet dhe veshët tanë si një lloj metamorfoze.
Që në fakt na pëlqeu. Na interesoi dhe e përqafuam.
Kështu Elita 5, do i donim ç’do vit e më shumë, duke mezipritur hitet e tyre të cilat u ngritën mes nesh furishëm dhe që koha i shtyn ende një nga një thuajse njësoj drejt simpatisë sonë.
Ky grup rock i krijuar në fillim të viteve ’90 me prejardhje nga Tetova, i përbëre prej 5 artistëve
Mevaip Mustafi (solo kitarë), Besim Ibrahimi (bateri), Arif Ziberi (vokal) ,Agron Idrizi (bass kitarë), Nexhat Mujovi – Wirusi (Sintisizer – Producent) dhe Valon Gashi (solo kitarë) do të zbresin në Amfiteatrin e Tiranës më 7 shtator në ora 20:00.
Kështu të gjithë do të mund të festojmë së bashku 30-vjetorin e krijimit të grupit dhe prezantimin e albumit më të ri në një super koncert të legjendave të cilat tashmë rikthehen si TORNADO – për të prezantuar edhe hitet e Tornado-s.
Andaj kureshtja e Konica.al u zgjua dhe lideri i grupit ; Z. Arif Ziberi e miratoi dëshirën për t’u përgjigjur:
” Me datën 7 shtator, do të festoni 30 vjetorin e krijimit të grupit në Tiranë dhe do të prezantoni albumin thuaj më të ri përmes një koncerti në Amfiteatrin e Liqenit. Si ndjeheni?”
Sigurisht është një ndjenjë e veçante. Kur i kujtoj “fillet” e grupit, më shtyn të them se djenja e koncertit sigurisht që do të jetë e perzier.
“A mendonit se do të rezistonit kaq gjatë në skenën muzikore?”
E vërteta është s’e kur e nisem grupin nuk menduam për asgjë. Nuk e dinim madje edhe se do të merreshim me muzike si profesion. Mendoj që është dhuratë e Zotit, për ne.
” Tri dekada bashkë…si merreni vesh? Cili është burimi harmonisë tuaj?”
E thjeshtë fare! Ne jemi rritur dhe pjekur bashkë. Mjafton një shikim dhe merremi vesh menjëherë.
“Ç’mendoni për muzikën shqiptare sot dhe si e ndjeni veten ne tregun aktual?”
Sigurisht, sot muzika ka degraduar. Kjo nga një hiperproduksion që ka si rrjedhoje këngë ma kualitet të ulët dhe mjerisht ; jetëgjatesi të shkurtër.
” Në Tiranë e kudo ende dëgjohet si herën e parë një prej super hiteve tuaj “Al Capone”. Si erdhi në muzikën tuaj ky personazh kriminaliteti?”
– Me qejf do të përgjigjesha,por më kompetent nuk do të isha unë , por i autori i tekstit Lirim Alija.
” Do të na tregosh ndonjë të pathënë sa i takon Sajzezës, bashkëpunimit me Adelinën ? “
Nuk ka te pathëna! Sajzeza, i thotë të gjitha.
” Fëmijët tuaj a janë në gjurmët tuaja?”
Sigurisht.Te tre vajzat janë muzikante.
” A ndjeheni ende si në fillimet tuaja dhe keni ndonjë peng?”
Të them të drejtën, ndjehem më serioz dhe i pjekur…kurrë nuk kam pasur pengje.
“Ju ishit grupi mbështetës kur Scorpions erdhën për herë të parë në Tiranë, në kohën që Z. Rama ishte kryetar bashkie. Çfarë mbani mend nga ai koncert?”
Mbaj mend që pasi përfunduam pjesën tonë, gjysma e stadiumit u zbraz. Pra, shumica kishin ardhur për ne.
“Tashmë jeni një grup legjendë në viset shqiptare dhe më tej : sa e vështirë është të jeni një TORNADO ?”
A jemi apo jo një Tornado, sigurisht do të na e thotë publiku. Me qejf, do të ishim.
