Profesoresha e UPZ-së, Vjollca Dibra, e cila ka raportuar rastin në polici kolegun,Shkëlqim Millakun, ka thënë për Sinjalin se e ka adresuar çështjen në organet kompetente dhe se nuk do të merret më me deklarata.

Tutje, shtoi se ndihet e shqetësuar nga veprimet e Profesorit.

“Ai le të deklarohet çka të dojë, unë jam deklaruar aty ku duhet, ai të merret tani me organet e rendit. Jam shumë e shqetësuar nga veprimet e tij, unë e lë në organet e hetuesisë”, tha Dibra.

Rasti është duke u trajtuar nga organet kompetente, ndërkohë që Universiteti i Prizrenit ende nuk ka dalë me një reagim zyrtar për incidentin që ndodhi në ambientet e tij.

Kjo është profesoresha që e denoncoi në polici profesorin Millakun

Profesori i Universitetit të Prizrenit, Shkëlqim Millaku është denoncuar në polici nga kolegia e tij, Vjollca Dibra.

Burime të Sinjalit bëjnë të ditur se përplasja ka ndodhur pas mbledhjes së Senatit të Universitetit, në të cilën asnjëri prej tyre nuk është zgjedhur në pozitat e propozuara si anëtarë të këtij organi.

Përplasja ka nisur kur profesori Millaku, sipas burimeve, i është drejtuar profesoreshës Dibra me fjalët: “Pse nuk po e lëshon zyrën?”, duke aluduar se asaj i kishte përfunduar mandati. Kjo situatë ka shkaktuar tension mes palëve dhe ka përfunduar me një denoncim për kanosje, bërë nga Dibra ndaj Millakut.

Rasti është duke u trajtuar nga organet kompetente, ndërsa Universiteti i Prizrenit ende nuk ka dalë me një reagim zyrtar lidhur me incidentin që ndodhi në ambientet e tij.

Marketing

Një sherr mes dy profesorëve ka ndodhur në Universitetin “Ukshin Hoti” në Prizren, më saktë në Fakultetin e Filologjisë.

Siç merr vesh Klankosova.tv, profesor Shkëlqim Millaku po dyshohet se e ka kanosur një profesoreshë.

Sipas informacioneve të para, dyshohet se rasti ka ndodhur për shkak të disa proceseve të brendshme në fakultet.

Lajmi është konfirmuar edhe nga Policia Rajonale në Prizren, të cilët për Klankosova.tv, kanë bërë të ditur që me urdhër të Prokurorit të Shtetit është iniciuar hetimi.

“Ankuesja F/SH/K raporton rastin për një kërcenim nga kolegu i saj M/SH/K te cilët janë punonjës ne Universitetin e Prizrenit “Ukshin Hoti”. Patrulla policore u është përgjigjur rastit dhe te njëjtët viktimën e rastit e kane shoqëruar për ne stacionin policor Prizren për intervistim. Lidhur me rastin është informuar hetuesi kujdestar i cili ka informuar Prokurorin e shtetit dhe me urdhër te tij iniciohet rast. Rasti dërgohet për hetime te mëtutjeshme”, bën të ditur policia.

Klani ka kontaktuar profesorin, por i njëjti dhe pse e ka mohuar, ka nënkuptuar që ka pasur diçka, duke deklaruar qe kolegia e ka humbur procesin.

Marketing

Kryetari i Komunës së Prizrenit, Shaqir Totaj, ka zgjuar vëmendje me një deklaratë plot humor dhe simbolikë gjatë pjesëmarrjes në manifestimin gjithëkombëtar “Festa e Abetares”, ku morën pjesë nxënës të klasave të para nga të gjitha trojet shqiptare.

Ai, u shpreh me tone të qeshura se, sikur të kishte mundësi, do të hartonte një Abetare për partitë politike, në mënyrë që ato të mësonin që në fillim si të silleshin kur është në pyetje interesi kombëtar, shkruan “PrizrenPress”.

“Shumë kisha pas dëshirë me pas mundësi me bë një Abetare për këto parti tona politike që prej fillimit mi mësu gjanat edhe me ditë qysh mu sjell kur është në pyetje interesi kombëtar, por s’e kemi atë mundësi”, deklaroi ai para nxënësve dhe mësuesve të pranishëm.

Manifestimi tradicional “Festa e Abetares” është një ngjarje kulturore që mbledh nxënës të klasave të para nga të gjitha trevat shqiptare për të kremtuar mësimin e shkrimit dhe leximit në gjuhën shqipe, duke u shndërruar çdo vit në një simbol të bashkimit dhe identitetit kombëtar./PrizrenPress.com/

Marketing