“Drejtësia në Kosovë duhet të motivohet edhe nga vendet e rajonit, por edhe nga ato të BE-së, të cilat kur është në pyetje zbatimi i ligjit, i sjellin para bankës së akuzës pa asnjë hezitim, si kryeministrat, ashtu ministrat, por edhe presidentët apo edhe deputetët, duke i gjykuar dhe vendosur pa i paragjykuar rastet, por gjithnjë duke u bazuar në prova, dëshmitarë dhe në ligj”, deklaroi për gazetën “Kosova Sot” avokati Skender Musa, raporton Gazeta Kosova Sot.

Analistë dhe njohës të fushës së drejtësisë, por edhe opozitarë të vendit thonë se kredibiliteti karshi popullit për sistemin e drejtësisë ka rënë në pikën më të ulët, për të mos thënë në zero, derisa, sipas tyre, kjo për shumë faktorë, sikur janë: korrupsioni, mungesa e etikës profesionale, integritetit profesional, pastaj mungesa e pavarësisë dhe paanësisë në vendimet ndaj shkelësve të ligjit dhe kryesve të veprave të ndryshme penale e civile, po ashtu mungesa e llogaridhënies në institucionin e drejtësisë, mungesa e pandëshkueshmërisë ndaj vetë abuzuesve me ligjin dhe të drejtën ndaj vetë njerëzve të sistemit të drejtë- sisë, derisa bëjnë shkelje dhe abuzojnë me të drejtën e kështu me radhë.

Ndaj është shtruar edhe çështja se çfarë duhet bërë për ta pasur një sistem drejtësie kredibil dhe efikas e larg ndikimeve politike, derisa është ngjallur edhe pyetja se përse politikanët (pushtetarët) tanë asnjëherë nuk debatuan për drejtësinë e kapur?

Analisti Naim Kelmendi, në një prononcim për gazetën “Kosova Sot”, ka thënë se janë shumë faktorë që e predispozojnë humbjen e besimit të qytetarëve në sistemin e drejtësisë. Në këtë drejtim, sipas tij, mjafton veç të kemi parasysh gjendjen e sistemit të drejtësisë, derisa vjen edhe konkluzioni se ky sistem është i kapur nga politika dhe e kontrolluar nga ajo për interesa të saj.

Rënia e besimit, alarmante Sipas Kelmendit, duke pasur këtu parasysh gjykatat e prokuroritë për rënie të besimit, këtu ndikojnë disa faktorë sikur janë: korrupsioni, mungesa e etikës profesionale, integriteti profesional, pastaj mungesa e pavarësisë dhe paanësisë në vendimet ndaj shkelësve të ligjit dhe kryesve të veprave të ndryshme penale e civile, po ashtu mungesa e llogaridhënies në institucionin e drejtësisë, mungesa e pandëshkueshmërisë ndaj vetë abuzuesve me ligjin dhe të drejtën ndaj vetë njerëzve të sistemit të drejtë- sisë, derisa bëjnë shkelje dhe abuzojnë me të drejtën e kështu me radhë.

“Andaj, marrë parasysh këtë gjendje aspak të mirë në drejtësi përgjithësisht, mbase do të ishte korrekte dhe e ndërgjegjshme sikur politika dhe pushteti të debatonte për drejtësinë, në mënyrë që kështu të ndryshohej gjendja për të mirë në sistemin e drejtësisë, por për këtë gjë duket se nuk ekziston vullneti politik, prandaj edhe për sa kohë ky sistem i drejtësisë së kapur vazhdon të jetë i degraduar, i pabesueshëm nga qytetaret dhe njëherësh edhe pa kredibilitet”, u shpreh analisti Naim Kelmendi. /Kosova Sot/

Prokurori i rastit ‘Dehari’, Metush Biraj ka konfirmuar për Gazetën Express, se tashmë i ndjeri Naser Makolli ka qenë dëshmitar në këtë rast.

Biraj ka thënë se për vdekjen e tij është informuar në orët e mbrëmjes nga mediat.

“Po ka qenë dëshmitar, por unë nga ju sapo dëgjova për vdekjen”, ka thënë Biraj për Express.

Gazeta Express ka siguruar raportin mjekësor të Naser Mekollit, ku thuhet se “ne mesdite, rreth orës 12 45, gjendja e te burgosurit i është përkeqësuar, ka pasur rënie te shtypjes se gjakut, mjeku ka intervenuar menjëherë sipas indikacioneve te paraqitura dhe menjëherë pacienti është dërguar nga njësiti i transportit se bashku me kryeinfermierin e burgut kane transportuar pacientin ne Lipjan”.

Këshilli për Mbrojtjen e të Drejtave dhe Lirive të Njeriut, Dega në Prizren pak ditë pas vdekjes së Astrit Deharit, kishte publikuar një raport për këtë ngjarje në të cilën ishte përfshirë edhe rrëfimi i shokut të dhomës së të ndjerit.

Naser Makolli, që ka vdekur sot në Qendrën e Paraburgimit në Lipjan, sipas disa zyrtarëve e pjesëtarëve të Lëvizjes Vetëvendosje, ka qenë shok dhome i Astrit Deharit në Qendrën e Paraburgimit në Prizren.

Kjo ishte komunikata e plotë e KMDLNJ-së në Prizren:

”Qëllimi i vizitës ishte njoftimi shtesë lidhur me rastin e vdekjes së të paraburgosurit A.D. Fillimisht takimi u bë me u.d. drejtorit të Qendrës së Paraburgimit, z.Destan Zogaj, që ka ofruar transparencë të plotë duke vënë në dispozicion çdo informatë lidhur me rastin e të ndjerit A.D.”

Naser Makolli, ka qenë i intervistuar nga KMDLNJ-ja, pasi që në krahun A-3 ka qenë në të njëjtën qeli me të ndjerit.

‘Prej fillimit kam qenë në të njëjtën dhomë me Astritin. Me mua dhe ate kanë qenë edhe F.L.e A.G. Ka qenë shumë i sjellshëm dhe i shoqërueshëm. Asnjëherë s’kam vërejt ndonjë shqetësim. Ditën kritike (05.11.2016) paradite kemi dalë bashkë në sheti në ora 9.00. Pasdite kemi bërë pastrimin e zakonshëm, të gjithë ne, të të njëjtës qeli bashkarishtë. Ai, pas pastrimit ka hequr edhe mjekrën, dhe me sa mbaj mend gjatë qëndrimit të tij këtu, vetëm dy herë ka hequr mjekrën’, ka thënë fillimisht Makolli.

‘Në kohën e shëtisë së pasdites në ora 14.00 Astriti ka thënë se do të rrij në dhomë, ngase ka dhimbje koke dhe do të pushoj. Ka ndodhur ndonjëherë që edhe unë, por edhe ndonjëri sikurse edhe Astriti që të mos del në sheti, dhe kjo na ka bërë që të mos shfaqim ndonjë dyshim. Madje, edhe unë shpesh nuk dalë për arsye të ndryshme. Mirëpo, unë e as shokët e dhomës nuk kemi vërjetur diçka të dyshimtë. Pas përfundimit të pushimit, në ora 15.00 jemi kthyr dhe unë i pari kam qenë që e kam parë Astritin të shtrirë në dysheme në shpinë, prapa kam pasur shokët e dhomës dhe oficerin D.K. Kam parë që as nuk ka lëviz apo lëshuar ndonjë gjëmë. Ka pasur në gojë një shishe plastike (të mjaltit) që blihen në kantinë. Në moment ka reaguar oficeri dhe ka thirrur në ndihmë ekipin mjekësor të Qendrës së Paraburgimit, që shpejt ka ardhur dhe i kan dhënë ndihmën e parë. Sipas atyre që dhanë ndihmën ka pasur puls, shenja jete derisa ishte në dhomë. Më pas është bartur poshtë në ambulancë. Ndërsa, më pas në lajmet e para, në medie (nuk di saktë kur) kemi marrë njoftimin se ka ndërruar jetë’, ka thënë Naser Makolli.

Ai, ka pohuar se derisa ka qenë në dhomë me të (e me të ndjerin ka qenë që nga ardhja e tij këtu) asnjëherë, jo që ka pirë ndonjë tabletë, apo medikament, por as që është ankuar në ndonjë sëmundje. Ndërkohë, konstatimi i vdekjes është bërë po të njëjtën ditë (dt.05.11.2016) në ora 15.55 në Qendrën Spitalore të Prizrenit. Ai, kishte qenë në Qendrën e Paraburgimit nga dt.01.09.2016 e deri në ditën kritike 05.11.2016. Takimi me zyrtarët e ambulancës Se nuk ka përdorur barëra asnjëherë apo ndonjë lloj medikamenti që nga ardhja e deri në ditën kritike, e pohuan edhe zyrtarët e ambulancës, që ofruan edhe kartelën personale shëndetësore (të cilën e ka çdo i burgosur), ku qartë shihej se asnjë lloj barëre s’është përdorur nga i ndjeri. Analizat i ishin bërë njëherë me dt.18.10 2016 me kërkesën e tij dhe ato kishin rezultuar në rregull. Ndërsa, psikologu e kishte vizituar me datat 6 e 8 .09.2016 dhe nuk ka konstatuar ndonjë shqetësim apo ankesë. Takimi me zyrtarin social i ndjeri me dt.02.09.2016 ishte intervistuar për hartimin e anamnezës.

’Absolutisht s’kam vërejt ndonjë shqetësim emocional. Ka qenë shumë i hapur. E kam takuar edhe dy herë të tjera ku ka pasur kërkesë për libra. Ka lexuar rregullisht’, ka thënë Haqif Iliazi, zyrtar social, por që asnjë shqetësim se kishte vërejtur e as që kishte paraqitur i ndjeri. Shtojcë: Sa i përket shishes e cila i ishte gjetur në gojë nga ana e shokëve të qelisë në momentin kritik, zyrtarët e Qendrës së Paraburgimit kanë ofruar këto të dhëna: ajo është paketim plastik me mjaltë të ndryshme me sasi 340 gr, që blihet në kantinë.”

”Me dt. 27.10.2016 të ndjerin e ka vizituar Dardan Molliqaj dhe me dt.03.11.2016 e ka vizituar edhe Sami Kurteshi. Që të dyja vizitat janë bërë bashkë me familjarët e tashmë të ndjerit dhe me lejen e Vebi Kashtanjevës, gjyqtar, i Gjykatës Themelore për krime të rënda në Prishtinë.”

KMDLNJ, kërkon nga opinion publik, mediet dhe akterët tjerë që lidhur me rastin të drejtohen drejtpërdrejtë në Qendrën e Paraburgimit në Prizren, ku hollësisht mund të njoftohen lidhur me këtë rast, pasi që menaxhmenti u tregua shumë profesional dhe transparent gjatë vizitës sonë.

Madje, ata janë qetësisht të interesuar që rasti të zbardhet, por që puna duhet tu lihet organeve të thirrura për këtë rast. Meqenëse, rastin e vdekjes e ka cilësuar të dyshimë edhe Prokuroria e shtetit, KMDLNJ edhe njëherë kërkon hetim të shpejtë, të gjithanshëm dhe profesional, për ndriçimin e rastit, dhe po ashtu kërkon që rasti të mos prejudikohet.

Po ashtu, KMDLNJ kërkon që përgjegjësit e rastit të sillen para drejtësisë dhe kërkon ngritjen e nivelit të sigurisë në Qendrat e Paraburgimit dhe burgjet e Kosovës.

Partia Demokratike dhe Lidhja Demokratike, që aktualisht qeverisin me vendin, pas zgjedhjeve të ardhshme parlamentare do të jenë opozitë. Kështu është thellë i bindur kryetari i Nismës për Kosovën, Fatmir Limaj.

Limaj, në emisionin ‘InfoBox’ të RTV Dukagjinit tha se ose Vetëvendosje, ose subjekti i tij bashkë me AAK-në, do t’i fitojnë zgjedhjet e ardhshme.

Madje, thotë se bashkë këto tri subjekte do të kenë jo më pak se 57% të votave.

“Opozita ka për ta drejtuar kryeministrinë e ardhshme. Edhe nëse mbahen nesër zgjedhjet, e që shtyhen jam i bindur se vetëm sa ka për t’u fuqizuar opozita. Kjo sepse disponimi te qytetarët është duke ndryshuar. Njerëzit janë të pakënaqur, janë të zhgënjyer. Asnjë premtim i tyre nuk është realizuar. Njerëzit e kanë kuptuar se mashtrimi nuk ndez”, tha Limaj.

Për Gjykatën Speciale që së shpejti pritet të publikoj edhe aktakuzat e para, Limaj tha se ky është projekt serb, i ndihmuar nga disa njerëz në Kosovë.

“Gjykata Speciale është projekt i Serbisë i ndihmuar nga individë këtu. Si mund ta thotë Presidenti i vendit që Gjykata Speciale është projekt ndërkombëtar. Do të thotë se ndërkombëtarët me kohë e kanë planifikuar rrënimin e këtij vendi. Projekti ndërkombëtarë është liria e Kosovës”, tha ai.

Nismën e Thaçit për ndryshimin e ligjit për ushtrinë, ish-bashkëpartiaku i tij e quajti hajgare, derisa nuk jep dorëheqje për këtë. Për demarkacionin, Limaj tërhoqi vëmendjen edhe një herë, duke thënë se kjo më nuk kthehet as me luftë.

I burgosuri i cili sot ka ndërruar jetë në burgun e Lypjanit, ishte dëshmitari kryesor i cili kishte parë vdekjen e Astrit Deharit, ka shkruar në profilin e tij në facebook, kryetari i Prishtinës Shpend Ahmeti.

Ja postimi i tij i plotë:

Kur në burg humbi jetën Astrit Dehari, i pari që hyri në dhomë ka qenë i burgosuri Naser Makolli. Sot, ky dëshmitar kyç ka vdekur në burgun e Lypjanit. Ende pa u hetuar në mënyrë të pavarur…/Indeksonline/