Ajo e ka gjetur famën e saj në rrjetet sociale.
Disa thonë se ajo është femra më seksi në Instagram.
Bëhet fjalë për modelen amerikane, JoJoBabie.
Ajo ka postuar disa foto të reja në rrjet, që po çmendin fansat.
Femra më seksi në IG tregon asetet e saj seksi
Kjo modele e Playboy e bën gjithçka në mënyrë seksi
Erika Jordan është një prej modeleve më të preferuara të revistës Playboy.
Ajo është e famshme për format e saj seksi.
Por interesant është se ajo e bën gjithçka në mënyrë seksi, edhe shëtitjen e qenit.
Marinsja më seksi në botë
Heavenly Hope Howard do t’ju lërë gojëhapur. Kjo bukuroshe dëshironte gjithmonë që të bëhej një modele, por së pari ajo vendosi t’i shërbente vendit të saj.
Sapo përfundoi shkollën e mesme, ajo iu bashkua Forcës Ajrore Amerikane dhe u bë një mekanike e avionëve luftarakë.
Në moshën 19 vjeçare, Hope u dërgua në Afganistan. Ndërsa ishte në shërbim, Hope mësoi se i pëlqente të çonte pesha dhe të merrej me fitnes.
Në fund të shërbimit të saj, ajo e rimendoi karrierën e saj dhe filloi ta bënte ëndrrën e saj realitet, transmeton Gazeta Express.
Ajo tashmë ka bërë ëndrrën e saj të fëmijërisë realitet dhe është bërë një modele që po çmend të gjithë.
Se si duket ajo mund t’i shihni fotot më poshtë:
Gjykata e Prizrenit lëshon urdhërarrest ndaj një femre
Shqyrtimi fillestar i paraparë të mbahej të hënën, në Gjykatën Themelore në Prizren, tek gjykatësja Shpresa Emra, shtyhet për shkak të mos prezencës së të akuzuarës për kanosje, I. A. Për këtë të fundit gjykata lëshoi urdhëresë për sjellje me dhunë, ngase nuk i ishte përgjigjur ftesave të gjykatës.
Ndërkaq, prezent në këtë shqyrtim ishin prokurori Fatos Ajvazi dhe e dëmtuara V. A.
Seanca e radhës u caktua të mbahet me 13 prill 2017, në ora 9:00.
I. A. akuzohet se me 17 tetor 2014, rreth orës 17:28, në rrugën “Behajdin Hallaqi” në Prizren, seriozisht kanosë me fjalë, vepra dhe gjeste se do ta privoj nga jeta të dëmtuarën V. A.
E akuzuara për shkak të një mosmarrëveshje që kishte pasur me të dëmtuarën, rreth një borxhi në vlerë prej 700 euro, ku e dëmtuara i kërkon që t’ia kthej borxhin. E akuzuara në orën e lartcekur, e telefonon dhe e kanos me fjalët “mos me bjerë më ka dera e shtëpisë time se kam me të kallë, kam me të mbytë dhe unë kam me ardhë te djemtë tu dhe kam me të qit prej shpie”, përmes të cilave të dëmtuarës i shkakton ankth dhe frikë.
Sipas aktit akuzues, e njëjta ngarkohet me veprën penale “kanosje” nga neni 185 paragrafi 2 të Kodit të ri Penal të Republikës së Kosovës, vepër kjo e dënueshme me gjobë ose me burgim deri në një vit./betimiperdrejtesi/
Prizren: Xhelozia i kushton me dënim prej 300 euro
Gjykata Themelore në Prizren, të hënen, e ka dënuar me 300 euro gjobë, të akuzuarin për kanosje, sulm dhe marrjen në posedim të pasurisë së luajtshme, Xh. J. Vendimi i mor nga gjyqtari i rasti Gani Kastrati, pasi Jonuzaj, i cili nuk kishte të angazhuar mbrojtës, e pranoi fajësinë për veprat e lartcektura.
Shpallja e aktgjykimit u bë pasi për deklarimin e tw akuzuarit, nuk kishte kundërshtime as nga ana e prokurorit Musli Gashi.
Ndërkaq, e dëmtuara Sh. J. , deklaroi se nuk i bashkangjitet ndjekjes penale, dhe nuk kërkoi kompenzim të dëmit.
Sipas aktit akuzues, Xh.J. më 3 gusht 2014, rreth orës 23:30, në lokalin “Fast Food” në Prizren, e kanosë seriozisht të dëmtuarën Sh. J., me fjalët “kam me të mbyt, kam me të bë copa copa, e kam me të shti në kese”, përshkak të një mosmarrveshje, shkaku i xhelozisë. Poashtu të njëjtën ditë dhe vend kritik, i akuzuari e sulmon të dëmtuarën duke e goditur me shuplakë në fytyrë, dhe pasi që i akuzuari ishte duke u larguar nga vendi i ngjarjes, në mënyrë të kundërligjëshme i merr syzat me dioptri të dëmtuarës, në vlerë prej dyqind euro.
Vepra penale “kanosje” nga neni 185, paragrafi 2, të Kodit të ri Penal të Republikës së Kosovës, me të cilën ngarkohej Xh. J., dënohet me gjobë ose me burgim deri në një vit.
Vepra penale “sulm” nga neni 187, paragrafi 1, të Kodit të ri Penal të Republikës së Kosovës, dënohet me gjobë ose me burgim deri në tri vite.
Ndërkaq, vepra penale “marrja në posedim e pasurisë së luajtshme” nga neni 331, paragrafi 1, të Kodit të ri Penal të Republikës së Kosovës, dënohet me gjobë ose me burgim deri në një vit./betimiperdrejtesi/
Kryetari i Rahovecit, vizitë zyrtare në Republikën e Kroacisë
Me ftesë të ministrit të Bujqësisë së Republikës së Kroacisë Tomislav Tolusic, Kryetari i Komunës së Rahovecit, Idriz Vehapi i shoqëruar nga Avdullah Kryeziu, drejtor për Ekonomi, Zhvillim dhe Turizëm dhe Bekim Hoxha, Drejtor i Departamentit te vreshtarisë dhe verarrisë në MBPZhR, kanë nisur sot një vizitë zyrtar tri ditëshe.
Gjate kësaj vizite tri ditshe, Kryetari Vehapi do të vizitoj Komunën e Ozalje, ku do të pritet në takim nga Kryetarja e kësaj Komuna Gordana Lipshiniq, në agjendën e ditë së parë të kësaj vizite është e parapare nënshkrimi i marrëveshjes së bashkëpunimit ndërmjet dy Komunave, në fushën e sektorit të vreshtarisë dhe veretarise, turizmit rural, kultures, dhe fushave tjera të ekonomisë. Poashtu do te realizohet vizita e njërit prej përpunuesve të verës ( OPG Verbanek-Vivodinë).
Dita e dytë e vizitës do të jetë vizita në Institutin e veretarise dhe vreshtarisë në Zagreb me Drejtoreshën e Institutit Ivana Petric. Gjate kësaj dite do mbahet takimi me sekretarin e shtetit të Ministrisë së Bujqësisë se Kroacise Tugomir Majdak./PrizrenPress.com/
Shuhet kantautori Françesk Radi
Ka ndërruar jetë vetëm pak minuta më parë në spitalin “Nënë Tereza” në Tiranë, kantautori Françesk Radi.
Radi ishte i shtruar prej një jave në reanimacionin e QSUT-së, pas një hemorragji cerebrale.
Prizren: Kërcënon në “Facebook”, dënohet me 300 euro gjobë
M. A. është dënuar me 300 euro gjobë nga Gjykata Themelore në Prizren, pasi ka pranuar se ka kryer veprën penale “kanosje”.
Pas leximit të aktakuzës nga prokurori Musli Gashi, i dyshuari , i cili nuk kishte të angazhuar avokat mbrojtës, është deklaruar fajtor duke shtuar se nuk do të kryejë më një veprim të tillë.
Shpallja e aktgjykimit në fjalë u bë në seancën e së hënës, nga gjykatësi Gani Kastrati. Ky i fundit, gjatë shpalljes deklaroi se janë marrë parasysh rrethanat lehtësuese të cilat i parasheh Kodi Penal i Kosovës me rastin e pranimit të fajësisë.
Sipas aktakuzës, M. A. me 7 shkurt 2015 në Prizren, për shkak të një mosmarrëveshje që kishte me të dëmtuarën A. S. , e kanos përmes rrjetit social “Facebook”, me fjalët “nëse vetëm edhe një herë shkon në polici dije se shumë keq ka me ta bo, 24 orë të përcjelli, nëse më lajmëron në polici vetë kur të zë dije shumë keq kemi me u nda”.
Për këtë veprim, Asllani ishte ngarkuar me veprën penale “kanosje” nga neni 185 paragrafi 1, të Kodit të ri Penal të Republikës së Kosovës , vepër kjo e cila dënohet me gjobë ose me burgim deri në gjashtë muaj./betimiprdrejtesi/
Shpallen të pafajshëm zyrtarët komunal të Prizrenit
Zyrtarët e Komunës së Prizrenit, Nexhmedin Musliu dhe Refki Musbeg, të cilët akuzoheshin për keqpërdorim të pozitës zyrtare, të hënën, janë shpallur të pafajshëm nga Gjykata Themelore në Prizren.
Sipas aktgjykimi të shpallur nga kryetarja e trupit gjykues, Ajser Skenderi, nuk është arritur të provohet se të njejtit e kanë kryer veprën penale me të cilën ngarkoheshin.
Nexhmedin Musliu akuzohej se në cilësinë e Inspektorit Komunal për ndërtim, pasi ka dalë në vendngjarje, nuk ka ndaluar rrënimin e objektit të trashëgimisë kulturore “Hani i Mullafazlive”, por vetëm ka urdhëruar që të hiqen mbetjet nga rrënimi i tij.
Ndërsa, Refki Musbegu akuzohej se duke qenë bashkëpunëtor profesional në Drejtorinë e Urbanizmit të Komunës së Prizrenit, nuk i është përgjigjur kërkesë për leje-rrënim të objektit “Hani i Mullafazlive” të parashtruar nga familja Mullafazliu, me ç’rast, pronari i ri ka vepruar duke rrëzuar objektin në fjalë./betimiperdrejtesi/
Këngët në ‘sirtarin’ e Malda Susurit
Ndonëse së fundi nuk është aktive në skenën muzikore, Malda Susuri mbahet mend për këngët “Heronjtë”, “Dashuri e hidhur” e “S’të kam afër”. Kësaj here, ajo vjen në Gazetën Zëri për tu bërë pjesë e rubrikës “Rrëfej përmes muzikës”, ku nuk flet për këngët e saj, por për ato që i flenë në shpirt.
Nina-Nana
Sikur të kisha mundësi, ninullën ‘Nina Nana’ do e vlerësoja me notat më të larta e me fjalët më të bukura që ekzistojnë në të gjitha gjuhet e botës.
Kjo ninullë për mua ishte përballja ime e parë me melodinë dhe muzikën, me qetësinë dhe me ëmbëlsinë që transmeton shpirti i nënës përmes zërit te saj. Për çdo fëmijë, zëri i nënës është zëri më i bukur në jetë. Sa herë e kujtoj këtë ninullë më rikthehet ajo ndjenja e bukur nostalgjike e fëmijërisë, ku
ndihesha, si asnjëherë më parë, e rrethuar me plotë siguri e dashuri të pafund. Ndoshta kjo ninullë ka një melodi shumë të thjeshtë mirëpo është shumë domethënëse jo vetëm për mua, por besoj prej secilit prej nesh. E më e bukura e kësaj ninulle është që magjia qetësuese e saj vazhdon të jetojë përgjithmonë, duke u përcjellë nga gjenerata në gjeneratë.
Ky marak, marak i shkretë
Është një ndër këngët me të preferua të miat për sa i përket këngëve të vjetra qytetare. Me një tekst shumë të këndshëm dhe të ëmbël dashurie. Kjo këngë më kujton vitet e bukura të shkollës fillore. Me kujton shoqërinë e parë dhe momentet gazmore që kalova me ta. Mbi të gjitha, kjo këngë me kujton mësuesen time, Amire Birajn, qe për mua, zë vendin si mësuesja më e mirë në botë. Kjo kënge ishte kënga që mësuesja jonë gjithmonë e zgjodhi qe ne ta këndonim në manifestimet e ndryshme.
Yesterday – The Beatles
Është një këngë e cila është dëgjuar dhe ende vazhdon të dëgjohet anë e mbanë botës. Mund të thuhet se kjo këngë është një ndër këngët më të famshme në historinë e muzikës. Për mua kjo këngë zë një vend te veçantë, sepse ishte kënga e parë të cilën unë e studiova notë për notë, pasi qe ishte një nder këngët e para që unë këndova kur u bëra pjesë e korit të Shoqërisë Kulturo-Artistike “Agimi” në Prizren.
Stop – Sam Brown
Kur dëgjova këtë kënge arrita që plotësisht të kuptoja shprehjen “Kënga të qetëson shpirtin”. Edhe pse kjo kënge ka një tekst shume prekës, është shumë i fuqishëm dhe për ketë arsye më ka inspiruar të qëndroj e fortë në shume raste të pikëlluara apo stresuese të jetës sime. Refreni vazhdimisht përmend fjalën “stop” që do te thotë “ndal”, ndërsa unë derisa dëgjoja këngën futesha në një botë tjetër dhe lutesha qe kënga mos të ndalej asnjëherë.
7 Seconds – Neneh Cherry.
Kjo këngë ka qenë shumë e pëlqyer nga motra ime Aurora, e cila e këndonte shume shpesh gjatë performancave te saj live dhe unë e dëgjoja gjithmonë pasi që gjithmonë isha prezente në lokalet ku ajo performonte. Sa herë që fillonte kjo këngë, më dukej se fytyra e Aurorës ndryshonte ngaqë e këndonte me aq pasion dhe kjo ishte më e bukura e gjithë këngës, sepse arrinte të përcillte shumë emocion në të gjithë ne që e dëgjonim teksa ajo e këndonte këtë këngë. Kështu fillova edhe unë ta adhuroja sa që shpesh herë kur shtrihesha për të fjetur e këndoja me zë pëshpëritës.
Shpresë e marrëzi – Aurela Gace
Kjo mbetet kënga më e bukur shqipe për mua. Është një këngë që ka një kompozim perfekt, tekst shumë të fuqishëm dhe sigurisht një këngë e interpretuar në mënyrë perfekte nga Aurela, të cilën unë e adhuroj shumë. Do doja të kishim më shumë këngë të tilla.
The Reason – Celine Dion
Kjo këngë ishte arsyeja që unë vendosa të filloj karrierën time si këngëtare, andaj mbetet një kënge tejet e veçantë për mua. “The Reason” ishte kënga me të cilën unë vendosa të konkurroja në garën për talente këndimi “Pop Idol”, e cila u mbajt në Prizren. Kjo këngë më kujton eksperiencën time në këtë garë e cila ishte fantastike.
In The Air Tonight – Phill Collins
Sa herë që ndodh diçka pozitive, për shembull nëse unë krijoj diçka te mirë në punë, ose marr një lajm të mirë, kjo këngë më përcjell gjithmonë. Mund të them se teksti i kësaj kënge ndoshta është pak abstrakt, sepse herë i këndon tradhtisë e herë i këndon shpresës, mirëpo në fund kënga tregon se në fund, diçka e mirë do të vijë dhe diçka e mirë mund të ndodh pas së keqes.
Here Comes The Rain Again – Joss stone
Jeta ka anët e saj pozitive si dhe negative, na përballon me momente të mira po edhe të këqija. Fatkeqësisht, shoqëria kosovare po përballet me më shumë të këqija se sa te mira. Ky shiu që përmendet në këtë këngë më jep ndjenjën e shpresës, se nuk duhet të dorëzohemi edhe në ato raste kur jemi duke kaluar momente tejet të vështira të cilat e bëjnë te pamundur që ne të jemi optimistë. Sikurse Sahara që pret shiun, edhe shoqëria jone pret të mirën prej shumë e shumë kohësh, gjithmonë duke shpresuar që të mos zhgënjehemi pas kësaj pritje të palodhshme.
One – U2
Teksti i kësaj kënge ka domethënie të madhe, sepse tregon se sa të rëndësishëm jemi secili prej nesh si qenie njerëzore. Shumë shpesh njerëzit mundohen shumë që të bëjnë më të mirën në mënyrë që të tjerët t’i duan ata, mirëpo në këtë mënyrë ata harrojnë ta duan vetveten. Harrojnë që secili nga ne jeton vetëm një jetë e cila është mjaft e shkurtër. Harrojnë apo kanë frikë të ndjekin ëndrrat dhe të zhytur në xhelozi dhe urrejtje harrojnë të duan dhe respektojnë njeri-tjetrin. Kjo këngë, sipas kuptimit tim, gjithmonë me jep mesazhin se jeta duhet jetuar ashtu siç dëshirojmë ne, duke dashur vetveten si dhe te tjerët rreth nesh.