Ky është sezoni i fundit për James Rodriguez nën fanellën e Real Madridit.
Trajneri Zinedine Zidane ka vendosur që ta largojë kolumbianin nga skuadra.
Ai nuk po i përshtatet prej kohësh skemave të francezit dhe në anën tjetër, kërkon më shumë minutazhë, përcjellë “lajmi.net”.
Në këtë situatë të komplikuar, klubi ka vendosur që ta shesë gjatë verës.
Skuadrat më të interesuara për shërbimet e tij janë Manchester Untied, Chelsea dhe Bayern Munchen. /Lajmi.net/
Partia Demokratike e Kosovës(PDK) në Suharekë, ka fajësuar kryetarin e Komunës, Sali Asllanajn, për sulmin fizik që ndodhi, dy ditë më parë brenda këtij institucioni.
“Duke marrë shkas nga ngjarja në ambientet e zyrave të Drejtorisë së Arsimit në Komunën tonë, ne si Grup i asamblistëve nga PDK-ja, i dënojmë ato veprime të cilat kanë ardh si pasojë e mos- veprimit të organeve komunale, konform ligjeve në fuqi edhe pse, në disa seanca kemi reaguar dhe kemi tërheq vërejtjen, se po shkelen ligjet lidhur me veprimet në ekskuzione të institucioneve publike përkatëse”, thuhet në reagimin e PDK-së në Suharekë, shkruan PrizrenPres.
Të martën, brenda në ndërtesën e Komunës së Suharekës ka pasur një përleshje fizike, e cila ka ndodhur në mes të dy drejtuesve të firmave të autobusëve që dërgojnë nxënësit e shkollave të mesme në ekskursion në Shqipëri.
Zëdhënësi i Policisë për rajonin e Prizrenit, Hazir Berisha ka thënë për lajmi.net, se deri te përleshja ka ardhur gjatë kohës sa në ndërtesën e Komunës po mbahej mbledhja, ku po diskutoheshin ofertuesit për dërgimin e nxënësve në Shqipëri.
“Në ndërtesën e Komunës sot ka pasur një mbledhje ku janë diskutuar ofertat e kompanive të transportuese për dërgimin e nxënësve në ekskursionin në Shqipëri. Gjatë kësaj kohe dy nga drejtuesit e kompanive kanë pasur një ngatërresë e cila ka kaluar në përleshje fizike” është shprehur Berisha.
Ai ka konfirmuar se nga kjo ngjarje nuk ka pasur të lënduar, por që dy të dyshuarit janë në arrest.
“Nga rrahja nuk ka të lënduar, kurse të dyshuarit kanë mbetur në mbajtje për t’i kryer procedurat e caktuara të arrestit”, ka thënë Berisha.
Ndërkaq, PDK-ja, vlerëson se kjo ngjarje tregon edhe një herë se qeverisja e Sali Asllanajt, ka humbur legjitimitetin, arsyen dhe besimin e qytetarëve të Suharekës. /PrizrenPress.com/
Dy persona kanë tentuar të vetëvriten, duke konsumuar sasi të tepruar të medikamenteve të llojeve të ndryshme.
Komandanti i Stacionit të Policisë në Suharekë, Milazim Lumi, tha se rastet kanë ndodhur brenda javës.
“Brenda javës kemi pasur dy raste të tentim vetëvrasjes”, tha Lumi, shkruan PrizrenPress.
Ai tregoi se gjatë javës, po ashtu ka ndodhur një aksident trafiku, tri vjedhje, një kanosje si dhe një sulm fizik.
Sipas tij, gjendja e sigurisë në Suharekë , nëpërgjithësi është e mirë. /PrizrenPress.com/
Komuna e Suharekës ka thirrur mbledhje të jashtëzakonshme për të debatuar rreth gjendjes në krijuar në KF “Ballkani”.
Mbledhja do të mbahet të premtën në ora 10.
Kjo është hera e dytë që Kuvendi Komunal i Suharekës mban mbledhje të jashtëzakonshme.
Kjo e drejtë është e mbështetur me Ligj dhe me rregullore./AktivPress
Lëvizja Vetëvendosje! në Prizren, vlerëson se Shtëpia e Kulturës në Zhur është shndërruar në tragjikomedi.
“Listës së gjatë të skandaleve që kanë prekur Komunën e Prizrenit i prin afera disa milionëshe e Shtëpisë së kulturës në Zhur”, thuhet në reagimin e VV-së në Prizren.
“Ky është një rast i paprecedent”.
“Si asnjëherë tjetër në Prizren, me gjasë edhe në tërë Kosovën, për ta ndërtuar këtë objekt nuk kanë mjaftuar 9 vite. Ndërtimi ka nisur në vitin 2009 dhe vlera e investimit kalon shifrën e 1.5 milion eurove, por për ironi, as kjo shumë marramendëse për këtë objekt nuk ka mjaftuar që punimet të mbarojnë në kohë. Këtë papërgjegjshmëri të Komunës edhe më tragjikomike e bëjnë deklaratat famoze të zyrtarëve të Komunës me daljet e tyre publike të fundvit kur patën deklaruan se objekti në fjalë, i cili është dashur të jetë në funksion vite më parë, do t’iu dhurohet zhurjanëve brenda vitit. Prapa këtij refreni të vazhdueshëm të këtyre zyrtarëve fshihet abuzimi, keqpërdorimi dhe paaftësia qeverisëse”.
“ Ky është refreni i vazhdueshëm përgjatë këtyre viteve, derisa situata në terren është krejtësisht ndryshe. Ndërtesa është kthyer në “muze”, dhe vizitorët e vetëm janë pëllumbat që kanë gjetur strehë në çatinë gjysmë të shkatërruar”.
“Qeveria komunale e Prizrenit ndaj banorëve të Zhurit po sillet me paturpësinë më të madhe dhe pa fije ndërgjegje, sepse vetëm gjatë viteve të fundit, këta zyrtarë, Shtëpinë e kulturës në Zhur e kanë inauguruar hiç më pak se tri herë, ndërkohë që objekti nuk është përfunduar”.
“Ky projekt, ndër investimet më të mëdha të Komunës së Prizrenit, i bërë me paratë e taksapaguesve, duke pasur parasysh kohën e gjatë të mos funksionalizimit të tij për shkak të punimeve të dobëta që janë kryer, zhurjanët patën dorëzuar peticionin me nënshkrimet që këtij objekti fillimisht t’i bëhet një ekspertizë mbi qëndrueshmërinë dhe sigurinë e tij e që do të garantonte se objekti në fjalë i plotëson parametrat dhe është i gatshëm të vihet në funksion”.
“Ndërkohë banorët ende nuk kanë marrë asnjë përgjigje nga ana e Komunës. Paralizimi i projektit të Shtëpisë së kulturës e ka bërë gati të pamundur zhvillimin normal të aktiviteteve kulturore dhe sociale për këtë komunitet e për të cilat kanë aq shumë nevojë”.
“ Lënia në harresë e një investimi kaq të madh dhe mos menaxhimi i saj nga institucionet komunale po e çon këtë objekt drejt shkatërrimit të mëtejmë”.
“Lëvizja VETËVENDOSJE! në Prizren kërkon që investimet e këtilla disa milionëshe, nga taksat e qytetarëve të Prizrenit, të mos përfundojnë si mos më keq dhe që përgjegjësit të mos sillen sikur nuk ka ndodhur asgjë, por ata të japin llogari para qytetarëve”/PrizrenPress.com/
Inspektorati Policor i Kosovës (IPK) në bashkëpunim me Universitetin “Ukshin Hoti” përkatësisht Fakultetin Juridik kanë organizuar një ligjëratë me temë “Inspektorati Policor i Kosovës, roli dhe rëndësia në sundimin e ligjit në Kosovë”, ku është prezantuar para studentëve roli, misioni dhe fushë-veprimtaria e IPK-së. Pjesëmarrës në këtë aktivitet ishin edhe zyrtarë të EULEX-it, Policisë së Kosovës si dhe stafi akademik i Universitetit ”Ukshin Hoti” me në krye Dekanin Prof. Ass. Arif Riza, me përkrahjen e të cilëve është organizuar ky aktivitet.
Gjatë diskutimit të hapur me studentë për fushëveprimin e IPK-së (rolin dhe autorizimet), u dhanë shpjegimet për ecurinë e procedurës hetimore në rastet që trajton IPK në përputhje me Kodin e Procedurës Penale të Kosovës, inspektimet dhe roli i tyre në ngritjen e profesionalizmit të policisë dhe rëndësinë e integritetit policor.
Studentët e Universitetit “Ukshin Hoti” morën informacione shtesë edhe për rolin e IPK-së në sundimin e ligjit në Kosovë si dhe për projektin e regjionalizimit të IPK-së respektivisht hapjen e zyrave rajonale në Prizren, Gjilan dhe Mitrovicën e Veriut.
Vlen të theksohet se ky aktivitet është përcjellë me interesim nga studentët ku edhe janë parashtruar pyetje të cilave u kanë dhënë përgjigje zyrtarët e IPK-së.
ALDA BARDHYLI
Jam shumë afër atij që ai të ëndërroj për mua,
Unë nuk fluturoj larg tij e as që ia mbath prej tij
Të fshihem poshtë rrënjëve të pemës. Jam shumë afër….
Wislawa Szymborska polakja me sytë e kaftë plot jetë i shkroi këto vargje teksa përpiqej ti afrohej një burri. Për të, poezia ishte jo vetëm një udhëtim i vetmuar, por dhe udhëtim drejt një bote që shpesh konfigurohej në formën e gjinisë tjetër.
“Jam shumë afër”, është ndoshta një prej poezive të saj më të ndjera, të cilën cdo grua do donte ta shfletonte në ato ditët e tendosura drejt afrimit të dashurisë. Në ato ditë ku mungesa dhe padurimi nuk janë gjë tjetër vecse vargje që flasin. “Jam e kufizuar në trajtat e mia/Unë që isha shtenkë, që isha hardhucë”, thotë ajo në një tjetër varg.
Rudolf Marku duket se e ka takuar shpesh Szymborska-n. Takime të ndodhura herët mes dy poetëve, që duket sikur shkëmbejnë kohët në vargjet e tyre. Komunizmi që Szymborska kishte lënë pas, ishte steha ku I duhet të sillte vargjet Markut pas viteve 1980-të.
Redaksia e gazetës “Drita” ku punoi në sektorin e përkthimit të poezisë dhe përkthimit, vargjet që kërkonin të dilnin përtej aeurolës së soc-realizmit, dhe buzëqeshja e polakes bri vargjeve që përshkronin rrugë librash për të mbërritur tek ai, duket sikur i bënin të paharrueshme ato takime të para. Wislawa Szymborska është zbulim për cdo poet, teksa sheh një grua të shpërndajë veten në dhjetëra copëza fjalësh brënda një poezie.
Szymborska nuk është e vetmja që sillte trullosje të bukur në botën e poetit. Për gati 40 vjet, dhjetëra personazhe të letërsisë botërore do ta grishnin me estetikën e përkryer që mbartin. Në kohën kur Parisi përlotej për ikjen e Paul Celan (vitet 70-të) një poet shqiptar që po i afrohej të 30-tave, jetonte gëzimin e “takimit” me të. “Bashkë me mua, kujto: Qielli i Parisit, ay krokull gjigand I vjeshtës…”, janë vargjet e para të poezisë “Kujtimi i Francës”.
“Retë që shkasin atje tej, retë e mrekullueshme…” është botimi më i ri i botimeve “Mapo”, një antologji e ri e poezisë bashkëkohore botërore me autor poetin Rudolf Marku. Një libër i cili vjen si një ftesë për të besuar se poezia, do vijojë të mbetet pararojë e mendimit, dhe se gjithë filozofia njerëzore mund të lexohet lehtë në dy vargje. Nën redaktimin e Preç Zogaj, i cili e njeh mirë gjuhën e poezisë, kjo antologji është udhëtimi më i bukur që mund të bëni para pak mesnatës, përmes dritës së blertë të abazhurit. Libri duket i vyer dhe për Markun, i cili kërkon ta ndajë me lexuesin historinë e çdo përkthimi.
“Ky libër përfshin poezi të përkthyera gjatë viteve , shumë prej tyre të lexuara në rrethe të ngushtë miqsh, 40 e më tepër vite më parë. Më pas, disa nga këto poezi kanë qarkulluar nëpër fletore për një kohë aq të gjatë, sa duke kaluar dorë më dorë, ndonjë lexues I tyre mund të jetë ngatërruar e t’I ketë marrë si përkthime të vetat!”, shkruan Marku.
Më kohë me zakonin e rikthimit te shkrimi, ai I është rikthyer shpesh vargjeve të përkthyera herët. Në antologji janë përfshirë dhe poezi të ripërkthyera të T S Eliot-it, të E. Pound dhe të W.H…Auden-it, duke mos e konsideruar përkthimin e bërë të këtyre autorëve ca vite të shkuara po prej tij. Për herë të parë vjen në gjuhën shqipe përmes këtij botimi, poema e Ezra Paund-it “Hugh Selwyn Mauberley”, poemë e cila konsiderohet njëra ndër më të rëndësishmet dhe më të bukurat e poezisë botërore të shekullit që kaloi, po kështu dhe poema e francezit J. Laforgue, të ccmuar nga vetë Eliot në kohën e vetë.
Interesante është prania e vargjeve të Safo-s, poezitë e Li PO-së dhe ato të Du Fu-së si dhe poezitë e Sextus Propertius dhe të Efelisë, të Thomas Middleton-it dhe të John Donn-it, për të dëshmuar se moderniteti fillon me poezinë shumë më herët nga kalendarët e shumëkujt.
Apo ashtu siç shprehet dhe Borghes I cili ka ishullin e tij në këtë libër, ”arti duhet të jetë si kjo pasqyrë/ që na shfaq tonën fytyrë”. Ka shumë arsye që të çojnë natyrshëm tek kjo antologji, prej prej të cilave është dhe fakti që ajo na vjen në shqip nga një poet.
Mauro Icardi ka bërë me dije që dëshiron të luajë deri në fund të karrierës me skuadrën e Interit.
Kapiteni i ‘zikaltërve’ tregon edhe njëherë me radhë dashurinë që ka për klubin dhe i premton tifozëve që synimi i tij është të qëndrojë në Milano deri në fund të karrierës.Icardi i ka vënë objektiv vetes që ta ndihmojë Interin të kthehet në majat e futbollit evropian dhe ai dëshiron të jetë pjesë e këtij projekti.
“Dua të luaj në Ligën e Kampionëve me këtë skuadër dhe kur të jemi aty shpresoj të jemi gati për të përballuar me sukses çdo sfidë. Objektivi im është të luaj në nivelet më të larta me Interin”, ka theksuar 24-vjeçari.
“Jam tifoz i Interit dhe dua të qëndroj këtu gjithmonë, e shoh veten shumë mirë me këtë fanellë, jam kapiteni i kësaj skuadre të madhe dhe dëshira ime është të kem një karrierë të gjatë te Interi”, ka përfunduar ai. Icardi ka realizuar 20 gola me Interin këtë stinor në Serie A.
Dje në Prizren policia e Kosovës ka arrestuar një të dyshuar , pasi që i njëjti pas përfundimit të një seance gjyqësore, e ka sulmuar fizikisht viktimën mashkull palë në proces gjyqësor.
Ngjarja ka ndodhur në lagjen “William Walker” në orët e paradites.
Me vendim të prokurorit, i dyshuari pas intervistimit është dërguar në mbajtje.
Borussia Dortmund ka zyrtarizuar marrëveshjen me talentin Mahmoud Dahoud.
Reprezentuesi U21 i Gjermanisë, Mahmoud Dahoud do t’i bashkohet Dortmundit në përfundim të stinorit pas marrëveshjes që verdh-e-zinjtë kanë arritur me Borussia Monchengladbach.
Dortmund ka paguar klauzolën prej 10 milionë eurosh për futbollistin, i cili ka qenë në radarin e shumë skuadrave tjera evropiane, transmeton KosovaPress.
“Dahoud është një futbollist shumë i talentuar të cilin e kemi përcjellë tash e sa vite”, ka deklaruar drejtori sportiv i Dortmundit, Michael Zorc. “Ai tashmë ka treguar se mund të luajë në nivelet më të larta dhe e presim me krahë hapur për sezonin e ardhshëm”. Dahoud ka nënshkruar kontratë me Dortmundin deri në
vitin 2022.