Zafir Berisha nga NISMA për Kosovën, në Info Magazine të Klan Kosovës, ka thënë se decertifikimi i tij nga kandidatura për kryetar të Prizrenit është konstrukt i Klanit Pronto, pasi sipas tij ai ua rrezikon interesat.
Sipas tij, kandidati i PDK-së për kryetar të Prizrenit, Shaqir Totaj, në një sontazh është rënditur i pesti.
“Në bazë të një sontazhi, Totaj është radhitur i pesti, prandaj Klani Pronto po bënë përpjekje të më eliminojnë nga gara”, tha Berisha.
Zafir Berisha nga NISMA për Kosovën, në Info Magazine të Klan Kosovës, ka thënë se decertifikimi i tij nga kandidatura për kryetar të Prizrenit është konstrukt i Klanit Pronto, pasi sipas tij ai ua rrezikon interesat.
Ai ka deklaruar se kjo s’është vecse një përplasje e tija e radhës me bandat e Hashim Thacit dhe Klanin Pronto, të cilën beson se do ta kalojë me sukses, njofton Klan Kosova.
“Kryekëput politik. Po ua rikujtoj se i njëjti Zafir me këto ligje ka qenë në garë. Por kjo po ndodh sepse unë rrezikoj ckapjen e Prizrenit nga banda Pronto. Natyrisht unë do të tërhiqem kur t’i kem shfrytëzuar të gjitha të drejtat ligjore. Do të bëj ankesën fillestare në PZAP, pastaj në Gjykatën Supreme, e deri në Gjykatën Kushtetuese, sepse besoj se me këtë ligj shkelen të drejtat e njeriut”.
“Mua po më vjen keq për ata 80 tjerët janë decertifikuar për shkak timin. Por unë jam mësuar me beteja nga më të ndryshmet. Kjo është përplasja e radhës që kam me bandat e Hashim Thacit dhe Klanin Pronto. Ky ligj ka qenë në fuqi edhe muaj më parë, por atëherë kanë garuar edhe të atillë që kanë bërë hajni, ndërsa tani janë ministra… Pas qëndrimit tim në kuvend dhe abstenimit tim gjërat kanë ndryshuar”.
“Me Zafirin, apo pa Zafirin, Klani Pronto nuk do të fitojë në Prizren. Krejt ky është skenar i përgatitur për dënimin e figurës time. Unë jam në politikë, por kam parime. Kam qenë në PDK derisa ajo ka dalë nga rruga e Zotit“. /klankosova.tv
Komisioni Qendror i Zgjedhjeve ka marrë vendim për decertifikimin e disa kandidatëve për zgjedhjet e 22 tetorit. Madje, në mesin e tyre ishte edhe Zafir Berisha, kandidatit për kryetar të Prizrenit, pasi i njëjti, sipas KQZ-së, nuk kishte paguar një borxh 140 eurosh për energji elektrike. Njëri prej personave që mori më së shumti vota në rajonin e Prizrenit paralajmëroi edhe disa nxjerrje të argumenteve rreth shitjes së distribucionit të KEK-ut.
Në një prononcim për “Indeksonline”, Berisha thotë se KQZ-ja bëri një hap tejet qesharak me ndalesën për të garuar në komunën e Prizrenit.
“Ky është vendim puro-politik. Tashmë s’ka më koment pasi bëhet fjalë për një njeri i cili me të njëjtat ligje para 3 muje u zgjedh deputet i Parlamentit të Kosovës. Për këtë bandë mafioze e cila me cdo kusht dëshiron mem eliminu nga politika nuk u kanë e rëndësishme që të zgjidhme deputet, sepse aty ka pas në garë që e kanë damtu Kosovën me nga 30 milion, por aty e kanë rujt shancën që mem eliminu në garën për Prizrenin. Ku dihet që kjo bandë qe 10 vjet e zhvat qytetin e Prizrenit”, ka thënë ai.
Madje, Berisha ka paralajmëruar se nesër do ta bëjë edhe një ankesë në Gjykatën Kushtetues dhe ankesë në PZAP rreth këtij vendimi.
“Është padrejtësi dhe atak i qëllimshëm. Në mbledhjen e KQZ-së para 4 dite të gjithë kanë qenë kundër, përpos Valdete Dakës, ndërsa sot i ngritën “duart dhe këmbëtë” mem largu nga gara sepse lidhet edhe me votën time rreth qeverisë “Haradanaj”. Kjo është vazhdimësi sepse gjithë ky atak që bëhet rrjedhin për shkak të fjalimeve të mia në Kuvend”, është shprehur ai.
Më tej, Berisha tha se me u marrë për një dënim 140 euro dihet se është i qëllimshëm dhe ka histori në vete ky vendim. Sipas tij, derisa amnistohen banditëtët që e kanë dëmtu Kosovën dhe ia kanë marrë fytyrën këtij vendi, ata kanë arritur përmes edhe disa portaleve të poshtra që janë dorë e zgjatur e Hashim Thaçit, me degradu atë para opinionit por unë jam shumë krenar dhe i kam dhënë shumë këtij vendi.
Madje, zyrtari i lartë i NISMA-s paralajmëroi edhe paraqitjen e rastit të shitjes së Distribucionit dhe Furnzimit të Korporatës së Energjisë Elektrike të Kosovës (KEK). I njëjti u shit me 26 milion euro në kohën kur ministër ishte Belul Beqaj i PDK-së.
“Unë do të kërkoj llogari edhe për shitjen e distribuimit të energjisë elektrike që jam shumë i bindur dhe kam argumente dhe fakte se qëndrojnë banditë që e kanë vjedh Kosovën dhe e kanë shpërla paret në këtë shitblerje. Dyshimet e mia për distrubimin e energjisë do të trajtohet edhe në seancën e Kuvendit. Pra, them se Ramush Haradinaj në kabinetin e vet ka ministra të cilët kanë qenë pjesë e bordit të këshillit të ministrave që e kanë shit distrubimin”, ka thënë ai.
Në fund, Berisha tha se vendimi i KQZ-së për me eliminu nga gara nuk do të thotë se munden me ndal atë në aktivitetin politik. “Jo, askush s’mundet me ma mshel gojën për me i luftu bandat”, është shprehur ai.
Kryetari i Lëvizjes Vetëvendosje në Prizren, Artan Abrashi thotë se decertifikimi i kandidatit të Nismës, Zafir Berishës është akt i hakmarrjes së ultë politike të PDK-së.
“Po të ishte me të vërtetë në pyetje ndalimi i pjesëmarrjes në zgjedhje të shkelësve të ligjit, atëherë PDK duhej të shpallej organizatë kriminale dhe të decertifikohej në tërësi nga KQZ”, shkruan ai në Facebook.
Shkruan: Dr. Xhafer Beqiraj
Lajmi për ndarjen nga jeta e Prof. dr. Abdullah Zymberit është i dhimbshëm jo vetëm për familjen, por edhe për shokët, miqtë, kolegët, studentët. Po jo vetëm kaq, ndarja nga jeta e profesorit tonë është humbje shumë e madhe për Universitetin „Ukshin Hoti“ dhe për Universitetin e Prishtinës ku ai punoi, si dhe për gjuhësinë shqiptare dhe mbarë kombin.
Prof. Abdullah Zymberi, nga të fundit të mëdhenj gjuhëtarë, është përfaqësues i asaj plejade të ndritur shkencëtarësh që vunë themelet e kështjellës së gjuhësisë shqiptare dhe është ndër të parët pishtarë të arsimit në Kosovë, i cili punoi disa dekada me radhë pa u lodhur e me përkushtim të jashtëzakonshëm për arsimimin e gjeneratave të reja. Ai është ndër ata të paktë studiues në fushën e leksikologjisë e leksikografisë (leksikut dialektor e dialektologjisë në përgjithësi), që mund të numërohen me gishta në gjuhësinë shqiptare, i cili, duke qenë dijetar me njohuri të thella gjuhësore dhe me dhunti të rrallë shkencore, ka arritur të jetë latuesi dhe qëmtuesi më i spikatur i fjalës shqipe.
Profesor A. Zymberi, ky qëmtues i spikatur i fjalës shqipe (i xhevahireve popullore), do t’u mungojë trevave të ndryshme të shqipes, të cilat presin që dikush t’i mbledhë, për të mos i mbuluar pluhuri i harresës. Themi se do t’u mungojë atyre, sepse ai, nëpër shumë treva shqiptare, mblodhi nektarin popullor gjatë gjithë jetës së tij, duke lënë pas vetes tre fjalorë popullorë të paçmueshëm për leksikografinë e shqipes, dhjetëra artikuj shkencorë për të folmet e të trevave të ndryshme shqiptare.
Por jo vetëm kaq, prof. Abdullahu la pas vetes edhe mjaft studime të leksikut në veprat letrare të shumë autorëve shqiptarë dhe të huaj. Ai është autor edhe i shumë studimeve nga fusha e gramatikës së shqipes.
Një tjetër veçori e personalitetit të tij është se ai qe një fanatik i gjuhës standarde shqipe. Prandaj, porosia e tij për pasurimin dhe ruajtjen e gjuhës shqipe është shumë e drejtë dhe duhet të ngulitet mirë e përherë në ndërgjegjen e çdo shqiptari; qoftë ai mësues, student; qoftë gazetar apo punonjës në radio dhe televizione etj. Ai ishte i bindur se ndikimi i tyre, nëse gjuha standarde zbatohet siç duhet nga ta, do të ishte shumë i madh në masën e gjerë popullore. Kurse në rast se ajo bastardohet nga ta, thoshte profesori ynë, jep shembullin më të keq të shpërdorimit të saj, duke ndikuar për keq në masën e gjerë popullore.
Prandaj jo rrallëherë, ai shkroi artikuj kundër kësaj dukurie, duke vënë në pah shpërdorimin e gjuhës amtare nga ata që do të duhej të ishin shembull i mirë, siç thoshte profesori, për të folurit dhe të shkruarit e shqipes sonë të bukur. Prandaj, tundohej skajshmërisht kur vërente se po shpërdorohej ajo nga folësit dhe shkruesit e saj.
Ai, përveç tjerash, qe dhe një pedagog i veçantë e shumë i zellshëm. Unë, sigurisht, jam shumë me fat, sepse pata nderin të jem student i tij, por mbi të gjitha e pata shok e mik, së fundi edhe koleg, prej të cilit mësova shumëçka. Profesori ynë ishte i tillë për të gjithë studentët. Ai arriti ta bëjë gjuhën amtare si një makth për ne të gjithë, që sa më shumë i merr erë, aq më shumë të tërheqë dhe të bën për vete. Ai ishte plotësisht i vetëdijshëm, se vetëm kështu mund të rritte dashurinë dhe respektin tonë për shqipen. Duke qenë pedagog model e një studiues i përvujtur, për ne të gjithë ka qenë sa stimulues gjatë studimeve tona, po aq reflektues. Kjo është figura e shquar e profesor Abdullah Zymberit, i cili qe dhe mbetet në kujtesën tonë një pedagog i spikatur dhe një studiues i dalluar në fushën e albanologjisë, me të cilin jemi krenarë të gjithë, sepse vepra e tij shumëdimensionale është dhe do të jetë e pavdekshme për jetë e mote.
Jemi shumë të ndërgjegjshëm, se në këto momente dhembjeje nuk na jepet mundësi për t’i vënë në dukje të gjitha të arriturat dhe vlerat shkencore e pedagogjike të këtij pedagogu, shkencëtari e atdhetari të pakundshoq, mirëpo veprimtaria e paçmueshme e tij do të studiohet nga gjeneratat e ardhshme dhe veçanërisht nga bashkëveprimtarët e tij, sepse vepra e tij është monumentale.
Prandaj, shembulli dhe veprat e profesor Abdullah Zymberit do të kujtohen gjithmonë nga studentët, profesorët e Universitetit „Ukshin Hoti“ ku së fundi ai punoi dhe nga qendrat e tjera universitare e parauniversitare. Sepse vepra i tij qe dhe do të jetë shëmbëlltyrë për të gjithë ne, e cila, në të vërtetë, do t’na shërbejë njëherazi edhe si një fanar ndriçues gjatë rrugëtimit tonë në të ardhmen.
Ngushëllime familjes Zymberi!
Ngushëllime miqve, shokëve dhe kolegëve të profesorit!
Qoftë e përjetshme dhe e paharruar vepra e profesorit tonë!
Pushoftë në paqe!
Komisioni Qendror i Zgjedhjeve ka marrë vendim për decertifikimin e 86 kandidatëve për asamble komunale. Në mesin e këtyre kandidatëve është edhe kandidati i Nisma për Kosovën për kryetar të Prizrenit, Zafir Berisha.
Berisha e ka cilësuar këtë vendim puro politik, dhe siç shprehet ai i “nxitur nga bandat e Hashim Thaçit”.
Kështu është shprehur në një prononcim për Telegrafin vetë Zafir Berisha, i cili ka treguar poashtu se do t’i drejtohet Gjykatës Kushtetuese për vendimin e sotëm të KQZ-së.
“Nesër avokati im do ta bëjë një kërkesë në Gjykatën Kushtetuese për verifikimin e ligjshmërisë së këtij vendimi, për shkak se në atë dënimin me gjobë prej 140 euro nuk më është ndaluar aktiviteti publik dhe pjesëmarrja në institucione. Ky është një vendim arbitrar dhe puro politik i nxitur nga bandat e Hashim Thaçit”, u shpreh Berisha.
Deputeti i Nismës, theksoi se do ta shfrytëzojë edhe ankesën 24 orëshe në PZAP.
“Sido që të jetë përfundimisht jemi vendosur me Zafën apo pa Zafën bandat e Hashim Thaçit me 22 tetor t’i heqim nga Prizreni”, ka thënë Berisha.
Ai theksoi se ky është vendim “për eliminim politik të një njeri që 17 vite merret me politik, i një njeriu i cili para tre muaj po me këto ligje që u thirr sot banda e Hashim Thaçit në KQZ, ka garuar dhe është zgjedhur deputetë me 13 mijë vota”. /Telegrafi/
Komisioni Qendror Zgjedhor (KQZ) ka miratuar decertifikimin e 86 kandidatëve nga pjesëmarrja e tyre në zgjedhjet lokale të 22 tetorit, të cilët kanë vendim përfundimtar nga gjykatat e Kosovës.
Tetë vota ishin për, një kundër dhe një abstenim. Kundër këtij decertifikimit ishte përfaqësuesi i Nismës në KQZ, Eshref Vishi, ndërsa ka abstenuar përfaqësuesi i Vetëvendosjes, Adnan Rrustemi.
Me këtë vendim kandidati i Nisma për Kosovën për kryetar të Prizrenit Zafir Berisha decertifikohet dhe i pamundësohet gara për të parin e Prizrenit.
Ky vendin ishte paraparë që të merrej në mbledhjen e djeshme mirëpo një gjë e tillë nuk ndodhi pas anëtarët vlerësuan që kanë nevojë për një analizim të aktvendimeve, raporton Ekonomia Online.
Partia e Fatmir Limajt, Nisma, së shpejti nuk do të jetë pjesë e PAN-it. Ata kanë vendosur që tash e tutje të veprojnë si grup i vetëm Parlamentar.
Këtë e ka konfirmuar për Express të martën, sekretari i përgjithshëm i Nismës, Bilall Sherifi.
“Po e kemi proceduar në Kuvend informatën që në të ardhmen do të funksionojmë si grup i veçantë parlamentar”, u shpreh deputeti i Nismës.
Ai sqaroi se ky veprim ka qenë vendim i partisë qysh në fillim.
Sidoqoftë, kujtojmë se PAN kishte arritur koalicion parazgjedhor me partinë e Limajt, ku kjo e fundit mori udhëheqjen e dy ministrive, atë të Ministrisë së Arsimit dhe MTI-së, ndërkaq Zëvendëskryeministër, Fatmir Limaj.
Ramush Haradinaj të shtunën mori mbështetjen e 61 deputetëve që të jetë në krye të Qeverisë, me 21 Ministra. /Express/
Atë Gjergj Fishta është një ndër figurat më të rëndësishme të historisë, letërsisë e kulturës shqiptare. Në poliedrinë e tij, ai dha kontribut të jashtëzakonshëm në të mirë të atdheut. Por edhe ai, si çdo njeri tjetër kishte miq, shokë e të afërt, punën dhe shpirtin e të cilëve admironte.
I tillë është edhe Atë Anton Xanoni, meshtari jezuit i lindur në Durrës në vitin 1863 dhe i rritur në Shkodër ku edhe vdiq në vitin 1915. Për plot 22 vite, pas shkollës së bërë jashtë Shqipërisë dhe misioneve të shkurtra në Torino e Poloni, i shërbeu atdheut si studiues, shkrimtar, mësues, përkthyes e meshtar.
Në biografinë e shkurtër shkruar nga Gaetano Petrotta, ai ishte adhurues i letërsisë greke dhe romake si dhe njohës shumë i mirë i këtyre gjuhëve nga të cilat nisi të përkthente vepra të rëndësishme. Pavarësisht kësaj, asnjëherë nuk e la pas dore dashurinë për gjuhën amtare, dashuri të cilën e manifestoi me studimin e saj dhe duke e përdorur për të shkruar poezi e proza mbresëlënëse.
Si studiues i gjuhës shqipe, studioi dialektet e saj si dhe librat e Pjetër Budit e Pjetër Bogdanit. Gjithashtu mblodhi lëndë të rëndësishme për gramatikën duke i përmbledhur në një libër prej 230 faqesh të cilin e la në dorëshkrim. Gjithashtu mblodhi edhe shprehje e fraza të përdorura në malet e veriut, qoftë vetë, qoftë ua la si detyrë vëllezërve jezuitë të cilët shërbenin atje në misionet shëtitëse.
Në vitin 1909 botoi librin “Gramatika Shqipe” duke mos përfshirë çdo gjë, me shpresën e parealizuar, t’i botonte më vonë në një libër më vete.
Shkroi edhe për retorikën dhe stilistikën e gjuhës shqipe, artikuj të cilët u botuan në revistën “Lajm’tari i Zemrës s’Jezu Krishtit” nga numri i parë në 1911 e në vazhdim, edhe pas vdekjes së tij.
Prej librave të shumtë të Atë Xanonit, mund të veçojmë: “Nji gjeografi e Shqipnisë”, “Nji përmbledhje historie”, “Lexime për shkollat fillore”, “Trembëdhjetë të martat e Shna Ndout”, “Jeta e Shën Françesk Saverit” e të tjerë.
Në Shqipëri, Atë Xanoni u bë i njohur me përkthimin e romanit “Gjinovefa di Barbante” pjesë të të cilit u botuan fillimisht në revistën e përmendur më lart dhe më pas në trajtën e një libri.
Atë Xanoni shkroi artikuj të shumtë studimorë e kulturorë në periodikët më në zë të kohës, qoftë ato të etërve jezuitë, qoftë edhe të tjerë si “Hylli i Dritës”, si dhe disa tregime, novela e poezi, kryesisht për fëmijë.
Gjithsesi, pjesa më e madhe e punimeve të tij mbeten (dhe vazhdojnë të jenë) të pabotuar, tani ndoshta edhe të humbur gjatë periudhës komuniste.
Atë Anton Xanoni i dha gjallëri letërsisë shqipe duke e pasuruar atë me leksikun e larmishëm të veprave të tij.
Vdiq me 16 shkurt të vitit 1915 duke hidhëruar të gjithë atdhedashësit dhe vëllezërit meshtarë, por mbi të gjitha, Atë Gjergj Fishtën me të cilin e lidhte një miqësi vëllazërore. Ai ishte admirues i shpirtit, mendjes dhe kulturës së tij të gjerë, aq sa pas vdekjes, i shkroi një elegji të ndjerë. /Konica.al
1. “Gra të vogla”, Louisa May Alcott
“Gra të vogla” është janë një klasik i dashur i shekullit të 19-të, që ende lexohet sot dhe i pëlqen të gjithëve, veçanërisht grave nga e gjithë bota. Romani flet për katër motra që rriten së bashku, për dashurinë familjare, për rivalitetet mes tyre, për kërkimin e identitetit, për dashurinë dhe marrëdhëniet, varfërinë, pasurinë, përparësitë në jetë dhe, më e rëndësishmja, përqëndrohet në pavarësinë e femrave. Në atë kohë, një grua e re nuk mund të konkuronte me shokët e saj meshkuj. Ky roman thyen stereotipet.
2. “Krenari dhe paragjykime”, nga Jane Austen
Ky libër është konsideruar si një i preferuar personal nga shumë gra. Një nga veprat më të famshme të Jane Austenit, “Krenari dhe Paragjykime”, ofron dy mësime të vlefshme në jetë që çdo vajzë duhet të mësojë: përshtypjet e para nuk janë gjithmonë të duhurat, dhe secili ka nevojë për shanse të dyta. Gjithashtu mëson se kur bie në dashuri, krenaria duhet të ketë përulësi, dhe paragjykimet duhet të zhduken.
3. “Matilda” nga Ronald Dahl
Matilda është një vajzë e re, e cila është lënë pas dore nga familja e saj. Ajo është e zgjuar dhe shumë e talentuar. Më vonë zbulohet se ajo zotëron fuqi magjike. Dhe kjo fuqi inkurajohet më shumë, nga një mësues i mirë i klasës së saj. Më pas, Matilda merr kontrollin e jetës dhe vendos fatin e saj. Ky roman për fëmijë është i rëndësishëm për një grua, sepse mëson që ajo ka vlerë, përtej asaj që të tjerët shohin tek ajo.
4. “Të vrasësh zogun që përqesh”, nga Harper Lee
Një klasik i bukur, ky roman merret me një protagoniste 6 vjeçare, e cila spikat si ikonë feministe dhe që refuzon të pranojë standardet e shoqërisë, në vend të kësaj bën përpjekjepër të nxitur barazinë gjinore. Romani i vendos ngjarjet gjatë Depresionit të Madh, dhe deri sot, mësimet e jetës së protagonistes janë të zbatueshme për lexuesit e kohëve moderne.
5. “Ditari i një vajze të re” nga Anne Frank
Gjatë pushtimit nazist të Holandës, mijëra hebrenj u larguan e u fshehën. Anne Frank ishte një prej tyre. Dhe ajo që e bën atë të veçantë dhe të dashur për miliona njerëz në mbarë botën, është ditari që ajo shkroi gjatë kohës që qëndroi e fshehur. Ky ditar i famshëm tregon, sidomos për gratë e reja anembanë botës, detajet e vogla të një vajze të re që rritej: ndërgjegjja tipike e vajzave, miqësia me vajzat e tjera, pëlqimet e djemve, si ka ndikuar në jetën e saj pesha historike, dhe vetmia e saj.
6. “Unë e di përse këndon zogu në kafaz” nga Maya Angelou
Maya Angelou e shkroi këtë autobiografi në vitin 1969. Ky roman është një shembull i fortë se si një grua mund të qëndrojë e fortë, pavarësisht nga padrejtësitë shoqërore dhe personale. Me luftën kundër racizmit, seksizmit dhe traumave personale, ky libër tregon se sa e lehtë është të brendësosh këto forca negative dhe sa e fuqishme mund të bëhet një grua duke u rezistuar atyre.
7. “Ella e magjepsur”, nga Gail Carson Levile
Ella është inteligjente, e mprehtë dhe aventureske. Ajo është si Hirushja moderne por me një ndryshim. Ajo ka një princ simpatik që bie në dashuri me të dhe nuk është ai, por Ella, e cili është e aftë të shpëtojë veten. Ky libër tregon një heroinë të pavarur që lufton kundër mallkimit të bindjes dhe nuk ka nevojë për një kalorës me armaturë argjendi për ta shpëtuar.
8. “Ngjitja e Esperanzas” nga Pam Munoz Ryan
Ky roman për të rritur është vendosur gjatë Depresionit të Madh. Ngjarjet zhvillohen në Meksikë dhe Kaliforni. Esperanza është një vajzë e pasur që lufton kur familja e saj bie në varfëri. Historia është një reflektim mbi pikënisjen për vajzat që fillojnë të mësojnë për jetën e emigrantëve, mbivendosjen e kulturave dhe sfidën e varfërisë.
9. “Bossypants” nga Tina Fey
Kush tha se gratë nuk mund të jenë me humor? E pra, komediania Tina Fey e di mirë rrugën e saj në botë, për të rrëfyer se gratë mund të jenë argëtuese. Kjo autobiografi komike gjithashtu hedh dritë mbi mësimet e vlefshme rreth feminizmit dhe imazhit të trupit, diçka që çdo grua duhet ta mësojë.
10. “Inkheart” nga Cornelia Funke
Meggie dhe babai i saj kanë një fuqi të veçantë: kur lexojnë me zë, të këqinjtë e fantazisë hyjnë në botën reale. Një natë, kur babai i saj po lexonte me zë një libër, zogjtë hynë në dhomën e tyre të ndenies dhe e lanë Meggiën pa zgjidhje tjetër, përveçse ta luftonte atë dhe të shpëtonte. “Inkheart” është një libër për aventurën e fantazisë, për feminizmin e fortë, për imagjinatën, dhe më e rëndësishmja, për jetën, shkruan bota. al.
Një libër mund të jetë miku më i mirë i një gruaje.
Librat mund të frymëzojnë për të bërë kaq shumë gjëra, për të kapërcyer emocionet, për ta kuptuar qëndrimin e dikujt në këtë botë dhe, sigurisht, të frymëzojnë për të qenë e pavarur dhe të ngresh zërin për barazinë gjinore.
Një grua duhet të lexojë shumë libra për të patur një kuptim më të mirë të botës dhe vendit të saj në të.