Policia e Kosovës ka arrestuar dy të dyshuar nën dyshimin se të njëjtit kanë keqpërdorur detyrën zyrtare.
Ngjarja ka ndodhur në Mamushë, ndërsa me vendim të prokurorit të dyshuarit janë dërguar në mbajtje.
Armëmbajtje ilegale në Skorobisht
Dje rreth orës 15:30 minuta, njësiti i hetime të stacionit policor Prizren Veri pas një pune intensivë ka arrit qe në fshatin Skorobisht te Prizrenit në kërkim të armëve ilegale që të identifikojë të dyshuar AA.
Me këtë rast Policia ka gjetur dhe sekuestruar (01)pushkë automatike prodhim kinez me Nr. Serik 3135432,dy (02) karikatorë te pushkës automatike, dhjete (10) krehër te fishekëve dhe Njëqind e gjashtëdhjetë e katër (164)fishekë te kalibrit 7.62mm.
I dyshuari është intervistua ne prani e avokatit mbrojtës dhe ka pranua se gjë sendet e gjetura janë te tije dhe ka qen shume kooperativë me hetuesit. Provat materiale dhe shkresat e lëndës do t’i kalojnë prokurorisë se shtetit për procedura të më tejme. Me urdhër te Prokurorit të shtetit i dyshuari ndalet për 48 orë.
Në UPZ nisi punimet Konferenca VII ndërkombëtare me temë “Gratë dhe Biznesi”
Në Universitetin “Ukshin Hoti” në Prizren, të enjten ka nisur punimet Konferenca VII ndërkombëtare me temë “Gratë dhe Biznesi” organizuar nga UPZ, Universiteti i Trakisë dhe nga Grupi Ndërkombëtar i Grave dhe Biznesit.
Në këtë konferencë të rëndësishme po marrin pjesë 70 studiues ku do të paraqiten 40 punime shkencore me këtë temë. Pjesëmarrësit dhe studiuesit janë nga Amerika, Turqia, Maqedonia, Shqipëria dhe Kosova.
Nikoqiri i kësaj konference njëherësh i pari i Universitetit “Ukshin Hoti”, Rektori Prof. Dr. Ramë Vataj, bëri hapjen e punimeve ku theksoi rëndësinë e këtij evenimenti. Rektori Vataj e falënderoi këshillin organizativ për punën e bërë për këtë ngjarje të rëndësishme në Universitetin “Ukshin Hoti”./PrizrenPress.com/
Prizreni tenderon manifestimin e 28 Nëntorit
Komuna e Prizrenit ka iniciuar procedurat e prokurimit për organizimin e manifestimeve për nder të 28 Nëntorit – Ditës së Flamurit. Vlera e parashikuar e kontratës për festën në Prizren është 7 mijë euro.
Tashti është formuar edhe Komisioni organizativ 5-anëtarësh, ndërkohë që këshilltarët e partive opozitare akuzojnë ekzekutivin se ka lënë anash Kuvendin e Komunës në këtë vendimmarrje.
Kryetari i Prizrenit Ramadan Muja tha se , vendimi është marrë pas pajtimit me diplomatët nga Shqipëria.
“Në zyrën tim e kam prituar ambasadorin e Shqipërisë në Kosovë, Qemal Minxhozin, i cili ka propozuar që të shënohet kjo ditë edhe në Prizren”, tha Muja, shkruan KD.
Sipas tij, për nder të 28 Nëntorit, do të organizohen një sërë aktivitetesh.
Rahovec: Dy komisione për vlerësimin e dëmeve pas vërshimeve
Pas vërshimeve të shkaktuara nga reshjet atmosferike të cilat kanë rënë që nga fillimi i kësaj jave, kryetari i Komunës së Rahovecit, Idriz Vehapi ka formuar dy komisione për vlerësimin e dëmeve të shkaktuara nga reshjet e shiut.
Komisionet të cilat janë formuar nga ana e kryetarit të Komunës janë: Vlerësimi i dëmeve të shkaktuara nga vërshimet në lëmin e bujqësisë dhe vlerësimin e dëmeve të shkaktuara në ekonomi familjare dhe amvisëri.
Anëtarët e komisioneve janë të obliguar, që menjëherë të dalin në teren dhe vlerësimet t’i bëjnë në mënyrë profesionale, të drejtë, të paanshëm dhe të hartojnë raporte me shkrim.
Kur kryeministri fol për shëndetësinë me një papërgjegjësi prej një të padituri!
Nga Muharrem Kuçi
Kur Kryeministri i Kosovës, Isa Mustafa, më 9 Nëntor 2016, gjatë pritjes së sekretarit të përgjithshëm të Shoqatës së Diabetologëve Evropianë, Dario Rahelic, i cili shoqërohej nga doktorët kosovarë, Luan Gola dhe Bardhyl Gashi, theksoi se Shëndetësia është prioritet i rëndësishëm i Qeverisë së Kosovës, si profesionist i fushës ndihesh i zhgënjyer por edhe i fyer me papërgjegjësinë e zyrtarit të parë të qeverisë, që do të duhej të matej mirë çfarë thotë dhe si e thotë.
Retorikë e thatë dhe shumë e papërgjegjshme!
Me çka e argumenton ai angazhimin për të arsyetuar këtë pohim. Me asnjë veprim as Ministri i Shëndetësisë që vjen nga partia e tij dhe as Kryeministri nuk e kanë dëshmuar me asnjë veprim deri më tani se Shëndetësinë e kanë prioritet të qeverisjes në këtë mandat.
Madje as për kategorinë e të sëmuarëve nga Diabeti nuk ka bërë ndonjë veprim që do t’ju lehtësonte vështirësitë dhe problemet që i atakojnë këtë kategori (sigurimi i barnave nga lista esenciale dhe participimi në koston e tyre, mundësi rehabilitimi apo mbështetje të familiarëve)
As pas më shumë se dy vitëve edhe përkundër trumbetimit të reformave të parapara asnjë veprim konkret në implementimin e ligjit për sigurimet shëndetësore nuk është bërë.
Kur krahason Ligjin për Buxhetin e vitit 2017, buxheti dhe mjetet e parapara për Shëndetësinë, jo që nuk vërtetojnë pohimin e Kryeminitrit se e ka prioritet, por se duket qartë se Qeveria as që e ka ndërmend të angazhohet seriozisht për përmirësimin e situatës në Shëndetësi.
Me këtë buxhet asnjë implementim nuk është i mundur e lëre më përmirësimin në investime në infrastrukturë dhe në kushtet e punëtorëve shëndetësor që është një parakusht për përmirësimin e kualitetit të shërbimeve shëndetësore.
Të gjitha hapat e ndërmarrë deri më tani kanë treguar përkushtimin e qeverisë për të kontrolluar gjithçka në këtë sektor, sidomos ato segmente ku paraja qarkullon më shumë (Tenderomania)!
Personeli mjekësor po lëshon vendin, paknaqësitë e këtyre profesionistëve janë në kulm, e gjithë kjo mund të qoi shumë shpejtë në një kolaps të plotë të ketij sistemi shumë të vlefshëm të shoqërisë sonë.
Ështe koha e fundit që kryeministri dhe vartësit e tij të peshojnë mirë deklaratat e tyre që nuk janë aspak bindëse për qytetarin e thjeshtë e lëre më për ekspertët e fushës.
Pasojat për dështimet që janë evidente së fundmi do bijnë mbi ta si përgjegjës për propagandën e vazhdueshme dhe të rreme.
Këto dështime nuk mund t’i faturohen askujt pos juve dhe vartësve Tuaj, Zt.Kryeministër?
(Autori është Sekretar për Shëndetësi i NISMA për Kosovën)
Pesë ditë nga vdekja e Astrit Deharit, institucionet ende pa përgjigje
Sot janë bërë pesë ditë nga vdekja e dyshimtë e aktivistit të Lëvizjes Vetëvendosje Astrit Dehari.
Dehari kishte ndërruar jetë në qendrën e paraburgimit në Prizren, ku edhe po mbahej si i paraburgosur nën dyshimin se kishte marrë pjesë në organizimin dhe ekzekutimin e sulmit ndaj ndërtesës së Kuvendit të Kosovës më 4 gusht të këtij viti.
Familjarët e Astrit Deharit, Lëvizja Vetëvendosje, përfaqësues të Institucioneve dhe partive politike në Kosovë, kanë kërkuar hetim të pavarur rreth detajeve të vdekjes së Deharit.Madje Ministria e Drejtësisë është zotuar se ka aktivizuar të gjithë mekanizmat relevantë për zbardhjen e këtij rasti.
Megjithatë, kanë kaluar pesë ditë dhe ende nuk ka përgjigje rreth ngjarjes tragjike.
Në Vetëvendosje vazhdimisht kanë thënë se vdekja e Deharit nuk ishte fatkeqësi, por një montim politik.Kjo për shkak të deklaratave kontradiktore të institucioneve të Kosovës, rreth detajeve të vdekjes së Deharit.
Limaj për vërshimet në Malishevë: Falënderoj Zotin që nuk pati viktima
Për shkak të reshjeve të mëdha të shiut që kanë rënë gjatë ditës së djeshme dhe sot, të cilat kanë shkaktuar shumë dëme, kryetari i Nisma-s Fatmir Limaj ka falënderuar Zotin që deri tani nuk kemi pasur viktima në njerëz.
Siç ka shkruar Limaj në Facebook, deri më tani Komuna e Malishevës është në situatë më të vështirë nga këto përmbytje, për çka ai shprehu mirënjohje për komunën që udhëhiqet nga partia e tij dhe sipas tij qeveria komunale është shumë e mobilizuar dhe në krye të detyrës së saj.
Postimi i Limajt:
Reshjet e shiut mbrëmë dhe sot kanë shkaktuar përmbytje të mëdha në disa pjesë të Kosovës. Deri më tani komuna e Malishevës është në situatë të vështirë nga këto përmbytje.Shfrytëzoj rastin të shprehi mirënjohjen dhe po ashtu mbështetjen tonë për qeverinë komunale e cila është shumë e mobilizuar dhe në krye të detyrës së saj për tu dalur në ndihmë qytetarëve që kanë nevojë.
Gjithashtu, mirënjohje për qytetarët të cilët janë aktivizuar së bashku me qeverinë komunale në ofrimin e ndihmës familjeve të prekura.Unë pres që organet qendrore të aktivizohen dhe tu dalin në ndihmë zonave të prekura nga vërshimet. Falënderoj Zotin që deri tani nuk kemi pasur viktima në njerëz.
Malisheva do të përballet me probleme serioze nëse vazhdojnë të reshurat
Reshjet e fundit që kanë mbuluar vendin, kanë prekur shumë komuna ku dhe janë shkaktuar dëme materiale.
Një nga këto komuna është edhe Malisheva, njofton Klan Kosova.
‘Gjendja ka qenë vërtetë e tensionuar, si pasojë e daljes së lumit nga shtrati ku akset rrugore kanë qenë të bllokuara”, ka thënë Sejdi Paçarizi drejtor për mbrojtje dhe shpëtim në Malishevë
“Kemi pas dëme edhe në kulturat bujqësore”.
Pikat më kritike atje janë fshatrat si Mirusha, Malisheva, Bellenicë dhe disa fshatra të tjera.
Paçarizi ka thënë se gjatë familje në këtë komunë janë të evakuuar, si pasojë e reshjeve.
“Shpresoj që komuna do tu dalë në ndihmë, por që kuvendi komunal ka pak të hyra”, ka thënë Paçarizi.
Ai shton se situata ka filluar të qetësohet, por tërheq vërejtjen se nëse të reshurat vazhdojnë atëherë do të ketë probleme të mëdha.
Drejtësia, levë e politikës
Krimi dhe korrupsioni nuk po luftohen.
Edhe Raporti i sivjetmë i Progresit nga Komisioni Evropian, që flet për Kosovën, sikurse të gjitha raportet e deritashme të pasluftës, i kanë nxjerrë në plan të parë krimin dhe korrupsionin sërish si sfidat kryesore të Kosovës, me të cilat përballet shteti më i ri i Evropës. Natyrisht se raporti përmban edhe lëshime të tjera në sistemin gjyqësor, si administrimi i drejtësisë është i ngadalshëm dhe joefikas, derisa ka llogaridhënie të pamjaftueshme të zyrtarëve gjyqë- sorë. Po ashtu, raporti thekson se gjyqësori është ende i dobët për të larguar ndikimin politik dhe institucionet e sundimit të ligjit vuajnë nga mungesa e fondeve dhe burimeve njerëzore. Raporti gjithashtu nënvizon se korrupsioni mbetet i përhapur në shumë fusha dhe vazhdon të jetë një problem shumë serioz, teksa është i domosdoshëm një vullnet i fortë politik për ta trajtuar këtë në mënyrë gjithëpërfshirëse. Si e gjetur tjetër e këtij raporti është edhe fakti se Kosova është në një fazë të hershme në luftën kundër krimit të organizuar, derisa numri i hetimeve dhe dënimeve përfundimtare në këtë drejtim mbetët i ulët. Sipas Raportit të Progresit, edhe mangësitë në legjislacion janë të pranishme dhe zbatimi duhet të përmirësohet në mënyrë të veçantë në çështjen e pastrimit të parave, konfiskimin dhe sekuestrimin e aseteve, si dhe hetimin financiar, ndërsa ndikimi i tepruar gjatë hetimeve dhe mungesa e përkushtimit strategjik politik e pengon luftën kundër krimit të organizuar.
Të dhënat e fundit të këtij raporti dhe vërejtjet e Komisionit Evropian janë një tregues se drejtësia kosovare po shndërrohet në një levë të politikës për amnistimin e krimit dhe korrupsionit, derisa ndërhyrjet politike në drejtësi mbeten si problemi dhe sfida më e madhe për vetë shtetin dhe funksionimin e sistemit të drejtësisë.
Integriteti i sistemit, në pikëpyetje
Analisti Naim Kelmendi, në një prononcim për gazetën “Kosova Sot”, ka thënë se drejtësia kosovare është bërë kaherë levë e politikës me ndikimet dhe ndërhyrjet e kësaj politike në sistemin e drejtësisë, por edhe në prokurori e në gjykata, derisa, sipas tij, duke interferuar në drejtësinë kosovare, kanë dëmtuar kështu funksionimin e sistemit të drejtësisë dhe pavarësinë e gjyqësorit. Tutje, Kelmendi thotë se sikur është gjendja e tanishme e drejtësisë tani për tani nuk është e pavarur nga ndikimet politike shumë të dëmshme për vetë funksionimin e saj dhe sa herë që atakohen apo preken njerëzit e mafio-politikës drejtësia kësisoj bëhet levë e saj, duke iu shërbyer kështu interesave të mafio-politikës, derisa, sipas tij, për rrjedhojë kështu cenohen vetë pavarësia dhe integriteti i gjyqësorit në dhënien dhe nxjerrjen e vendimeve dhe gjykimin e dënimin në mënyrë të pavarur.
“Mbase këtë që po themi, e vërtetojnë edhe të gjeturat e Raportit të fundit të Progresit mbi Kosovën nga Komisioni Evropian, i cili thekson këto ndërhyrje të mafio-politikës në drejtësinë kosovare, teksa kjo tregon edhe për gjendjen në të cilën gjendet sistemi i drejtësisë në vend, pa lënë aspak anash këtu edhe prokuroritë. Së këndejmi, kur ndërhyn politika, si gjithmonë në rastet kur preken njerëzit dhe interesat e mafio-politikës, rastet e tyre mbyllen si të pafajshme e në mungesë provash, duke e amnistuar kështu krimin dhe kriminelët. Ndërhyrjet dhe interferimet e politikës duke ndikuar drejtpërdrejt në drejtësi në gjykimet dhe vendimet dhe në ndarjen e drejtësisë, përmes oligarkëve të politikës, ky është një problem i mprehtë për vetë drejtësinë, pavarësinë dhe integritetin e drejtësisë”, ka vijuar më tej ai.
Kelmendi ka nënvizuar tutje se janë të shumta rastet e aktakuzave të ngritura nga prokuroritë, por që me ndikimin dhe ndërhyrjet e politikës ato raste mbesin pa u gjykuar dhe pa marrë verdiktin e drejtësisë, teksa këto raste, sipas tij, heshtën, anashkalohen dhe më në fund edhe harrohen që t’u kalojnë edhe afatet ligjore për ndarjen e drejtësisë. (Kosova Sot)