Jo rrallë herë përdoruesit e rrjeteve sociale shfaqen në fotografi me armë. Një banorë nga Zymi i Dragashit e kishte zgjedhur platformën e komunikimit Viberin që të postonte një fotografi me armë të zjarrit.

Për fotografin e postuar janë informuar edhe Policia e Kosovës. Duke e konsideruar rastin si armëmbajtje pa leje, njësitet policore kanë shkuar dje tek shtëpia e zymjanit, por nuk e kanë gjetur në shtëpi.

“Raportohet se i dyshuari mashkull K-Shqiptar ka postuar një foto me armë në rrjetin social VIBER. Njësiti policor me urdhër të prokurorit ka bastisur shtëpinë e të dyshuarit por gjatë kontrollit nuk është gjetur asgjë”, ka bërë të ditur Policia e Kosovës në një konkikat për media.

Ndërkaq, është bërë e ditur se rasti ka shkuar në procedurë të rregullt.

Prokuroria Themelore e Prizrenit ka autorizuar zyrtarët policorë që të hetojnë pretendimet për numrin e madh të mësimdhënësve të pakualifikuar në arsimin prizrenas, shkruan sot Koha Ditore.

Kryeprokurori i kësaj prokurorie, Sylë Hoxha, ka konfirmuar autorizimin e hetimeve policore për të parë nëse ka ndonjë shkelje ligjore në këtë plan. “Kemi autorizuar njësitin përkatës për të nisur veprimet hetimore.

Tashti duhet të presim epilogun e hetimeve të policisë për të parë nëse ka apo jo elemente të veprave penale në këto raste”, ka theksuar Hoxha

Ndonëse së fundi zbardhja e vrasjeve politike gjatë dhe pas luftës ka filluar të bëhet temë diskutimi edhe në nivel të institucioneve të Kosovës, pritjet për fillimin e zbardhjes së këtyre vrasjeve janë të pakta. Madje ka një disponim fare pak optimistë që këto vrasje të zbardhen nga Prokuroria vendore, derisa edhe Gjykata Speciale që pritet të veprojë së shpejti e ka të përshkruar me ligj kryesisht ndjekjen e krimeve kundër viktimave që janë pjesë e minoriteteve të ndryshme në Kosovë, por jo edhe të shumicës shqiptare. Edhe për një kohë të gjatë Kosova do të mundë ta jeton kështu me një politikë të kriminalizuar, e cila përtej të gjitha interesave ka kapur edhe sistemin e drejtësisë. “Edhe shumë vite duhet pritur që drejtësia vendore të fillojë zbardhjen e vrasjeve politike. Tash për tash nuk ka asnjë gjasë që drejtësia jonë ta bëjë zbardhjen e ndonjë vrasje politike. Ne ende duhet të presim që të shohim se a do ta bëjë Gjykata Speciale veprimin e duhur, sepse fare lehtë mund të ndodhë që edhe ajo do të jetë një instrument për nevoja të politikës ndërkombëtare”, tha deputeti Adem Salihaj, shkruan gazeta Kosova Sot.

Drejtësia e kapur

Naim Miftari, njohës i mirë i fushës së sigurisë në vend, thotë se Gjykata Speciale nuk do të merret shumë me vrasjet politike të pasluftës. “Ajo do të merret kryesisht me akuzat për vrasjet e minoritarëve serbë, romë, ashkali e të tjerët, dhe nuk pres fare nga Gjykata Speciale që do të zbardhen këto rastet e vrasjeve të pas luftës me karakter politik në mes të shqiptarëve, mirëpo nuk pres që zbardhja do të ndodhë edhe nga kjo Qeveri, respektivisht nga këta njerëz që janë sot në pushtet, sidomos nuk pres se do të bëhet nga ata që janë në drejtësi, sepse ata nuk kanë guxim ta bëjnë këtë”, tha ai.”Tash edhe nga një anë ka kaluar edhe një kohë e gjatë, 15-16 vjet, kështu që një pjesë dërmuese e dëshmitarëve janë të vdekur, zhdukur, e ndërkohë janë zhdukur edhe shumica e vrasësve, ata janë vrarë në mënyra nga më të ndryshmet dhe gjurmët për mundësi të zbardhjes janë shumë të pakta. Pra, unë besoj fare pak, për të mos thënë aspak, në këtë drejtësi që kemi tani, por më shumë besoj në vetë kohën që gradualisht do të zbardhë një pjesë të këtyre vrasjeve, por jo tani dhe jo nga ky gjyqësor dhe kjo prokurori që i kemi tani”, tha Miftari për “Kosova Sot”. Sipas tij, vetë fakti se kush i ka zgjedhur këta gjykatës dhe prokurorë të jep të kuptosh që edhe zbardhja e krimeve të rënda që lidhen me këtë politikë nuk mund të bëhet prej tyre..

Deputeti i Nismës për Kosovën, Enver Hoti, ka reaguar pas ngritjes se aktakuzës ndaj Fatmir Limajt nga ana e Prokurorisë Speciale të Kosovës.

Hoti në një postim në ‘Facebook’, ka shkruar se sa herë që goditën vlerat e UCK-së e në veçanti kur është fjala për Limajn, atëherë sipas tij, ngrihet në këmbë gjithë llumi dhe mbetjet jugosllave për të zbrazur gjithë urrejtjen qe kanë,

“E disa të mjerë që thirren si themelues, drejtues të UÇK-së,e në fakte janë vetëm përfitues nga vlerat e UÇK-së, është mirë me ndalë lojën e djallit sepse kur t’i hedhë djalli nuk do t’i duhen, e as nuk do t’i dhimbën askujt”, ka shkruar ndër të tjera Hoti në ‘Facebook’.

Postimi i plotë i Enver Hotit:

Sa herë që goditën vlerat e Ushtrisë Çlirimtare të Kosovës e në veqanti kur është fjala për z. Fatmir Limaj, ngre krye i gjithë llumi dhe mbëtjet Jugosllave për të zbrazur gjithë urrejtjën që kanë.

E disa të mjerë që thirren si themelues, drejtues të UÇK-së,e në faktë janë vetëm përfitues nga vlerat e UÇK-së, është mirë me ndalë lojen e djallit sepse kur t’i hedhë djalli nuk do t’i duhen, e as nuk do t’i dhimbën askujt.

Të dy keto kategori e kanë të kotë sepse pas çdo beteje Çeliku del edhe më i forte se në fillim.

(Kosova Sot)

Një i ri është shpërthyer me thikë në lagjen “Ortokoll” në Prizren. Zëdhënësi i Policisë, Vesel Gashi tha se gjendja e viktimës është e rëndë.

“Sot rreth orës 10.40 në lagjen Ortakoll në afërsi të motel “Fatoni” ka ndodhur një zënkë e rastit në mes të dy të rinjëve. Si pasojë e kësaj është plagosur R. Z i lindur në vitin 1992”, tha Gashi.

“ Ai dyshohet të jetë goditur me mjete të mprehta dhe është duke u trajtuar në Spitalin Rajonal të Prizrenit”.

“ Policia është duke u marrë me hetimin e rastit ndërsa, D. N është shoqëruar në stacionin policor në Prizren”.

“Gjendja shëndetësore e të riut të lënduar si pasojë e goditjes më thikë është e rëndë”./PrizrenPress.com/