Në Prizren sot është djegur një depo e ambalazhit të plastikës, transmeton Koha.net.

Këtë për Koha.net e ka konfirmuar zëdhënësi i Policisë së Kosovës në Prizren, Hazir Berisha, i cili bën të ditur se është djegur objekti i ish-fabrikës së duhanit.

Ai ka thënë se nuk të lënduar nga ky rast, por që dëmet materiale janë mjaft të mëdha.

“Sot është djegur depoja e ambalazhit të plastikës që është objekti i ish-fabrikës së duhanit. Nuk ka të lënduar nga ky rast, por dëmet materiale janë mjaft të mëdha”, ka thënë Berisha për Koha.net.

Një lexues i Koha.net ka dërguar pamje të momentit të djegies së objektit.

Kryeministri Isa Mustafa ka njoftuar se ka ndërruar jetë veprimtari i LDK-së, Zyber Kryeziu – Baci. Ai u ka shprehur familjes ngushëllime.

“Me dhëmbje të thellë mora lajmin se sot ndërroi jetë veprimtari i palodhshëm i LDK-së, Zyber Kryeziu BACI. Ngushllime familjes Kryeziu, Kryetarit dhe Degës së LDK-së në Dragash! IM”, ka shkruar Mustafa në Facebook.

Tashmë është bërë zakon që shumë kosovarë të kenë destinacion Shqipërinë në ditët e vikendit. Por, fluks dukshëm më i madh duket në kohën e festave.

Kjo është parë edhe sot në kufirin Kosovë-Shqipëri ku qindra e mijëra vetura kanë zgjedhur destinacion Shqipërinë për të kaluar vikendin atje dhe për t’i “ikur” festës së Bajramit.

Më shumë se 2 kilometra ka qenë kolona në orët e para të mëngjesit në këtë pikë kufitare. E shtuna, e diela dhe e hëna pritet të jenë më të stërmbushura për bregdetin shqiptar.

Fat i mirë për pushuesit do të jenë edhe temperaturat e larta të cilat pritet të jenë mbi 30 gradë celcius./Indeksonline/

Një shtetase e Shqipërisë është arrestuar në pikën kufitare të Vërmicës.

Arrestimi i saj është bërë me urdhër të Gjykatës Themelore të Prizrenit.

Ajo është dërguar në vuajtje të dënimit./PrizrenPress.com/

Një këmbësor është goditur nga vetura në rrugën “Ismet Kryeziu” në Prizren.

Policia njofton se aksidenti ka ndodhur për shkak pakujdesisë së shoferit të veturës.

Viktima ka pësuar lëndime trupore dhe i njëjta është dërguar për tretman mjekësor në spitalin e Prizrenit. /PrizrenPress.com/