Kandidati për deputet nga radhët e AAK-së, Blerim Kuçi po mbështetet me të madhe nga qytetarët e komunës së Therandës për zgjedhjet e 11 qershorit. Ai, ka zgjedhur kontaktin e drejtpërdrejt me bashkëvendësit e tij në qytet por edhe nëpër fshatrat e komunës dhe më gjerë, për të bashkëbiseduar në lidhje me ofertën qeverisëse të koalicionit PDK-AAK-NISMA, me kryeministër Ramush Haradinaj.

Qytetarë të shumtë po i bashkohen çdo ditë ekipit dhe vizionit të Blerim Kuçit nëpër familje, lagje, fshatra e qytete. Tubime të mëdha, në mbështetje të Blerim Kuçit, janë organizuar edhe në Prishtinë dhe qytete të tjera të Kosovës, nga të rinjtë kryeqytetas, studentë të rajoneve të ndryshme të vendit, biznesmenë, miq e familjarë. Shumë prej tyre kanë mbushur rrjetet sociale me foto dhe mesazhe mbështetëse nga këto aktivitete.

Blerim Kuçi, është kandidat për deputet në Kuvendin e Kosovës, në listën e koalicionit PDK AAK NISMA me numër 26.

Kuçi është sekretar organizativ i Aleancës për Ardhmërinë e Kosovës. Ai, në zgjedhjet lokale të vitit 2009, kishte shkaktuar sensacion, duke arritur të shënoj fitore bindëse për kryetar të Therandës, kundrejt kandidatit të LDK-së, parti kjo që e konsideronte Therandën, bastion të pamposhtur të saj.

Gjatë mandatit të tij në krye të komunës, Theranda mori çmimin e parë për qeverisje nga organizata me renome botërore.

Blerim Kuçi, njihet edhe si biznesmen shumë i suksesshëm, i cili ka arritur të krijojë shumë vende pune si dhe të ndihmojë shumë familje në nevojë si dhe të ndajë dhjetëra bursa për studentë për vite me radhë. Motoja e fushatës së tij është “Ka ardhë koha, për shtet të vërtetë”.

Kandidatët për Deputetë të Parlamentit të Republikës së Kosovës, Nait Hasani, Nezir Çoçaj dhe Nijazi Kryeziu kanë takuar elektoratin e fshatrave Lubizhdë e Qytetit, Skorrobisht, Reqan, Mushnikovë dhe Genqar.

“Fillimi i Ri është kategori ekzistenciale për të gjithë ne, është thelbi i politikës së re në Kosovë” kanë theksuar kandidatët për deputetë nga dega e PDK-së në Prizren.

“Fshatrat e rajonit të Podgurit do mbesin prioritet i qeverisjes së ardhshme që bazat i ka në platformën politike të Fillimit të Ri, duke i kushtuar vëmendje dhe përkushtim të lartë zhvillimit të bujqësisë, blegtorisë dhe turizmit si komponent i rëndësisë së veçant për zhvillimin ekonomik lokal”.

Qytetarët e fshatrave pjesëmarrës në këtë takim elektoral garantuan mbështetje të fuqishme platformës politike të PDK-së dhe Fillimit të Ri, duke potencuar mirënjohjen për të gjitha investimet që janë bërë në vitet paraprake nga pushteti lokal. /PrizrenPress.com/

Kandidati për deputet i Nismës për Kosovën, Zafir Berisha, ka thënë se versioni aktual i demarkacionit nuk do të kalojë. Ka thënë se votat e Nismës për Kosovën nuk do ta japë votën as për Asociacionin e Komunave me Shumicës Serbe.

“Nuk nënkupton se në koalicionin fitues nuk e kemi tretur identitetin. Do të kemi besimin tuaj. Ne nuk do ta votojmë versionin aktual të demarkacionit dhe as asociacionin”, ka thënë Berisha, në Prizren.

Ky kandidat ka thënë se shteti i Kosovës duhet të jetë mbi partitë dhe mbi interesat personale.

Kandidati i NISMA’s për Kosovën, Fatmir Limaj, ka thënë se programi i partisë së tij parasheh punësimin e të paktën një anëtari në secilën familje në Kosovë. Ka thënë se në këtë mënyrë do të zbusin papunësinë.

Nga Prizreni, Limaj ka dhënë premtime se do të ketë investime në bujqësi dhe përkrahje të të rinjëve.

“NISMA për Kosovën nuk ka dhënë premtime asnjëherë. Në këto vitet e fundit kemi vizituar punëtorë, bujq, fermerë… Duke biseduar me ta kemi dëgjuar kërkesat e tyre. Kemi dalë me një projekt”, ka thënë Limaj.

Ai ka premtuar se me NISMA’n për Kosovën do të ndalet pabarazia.

“Nga këtu do të fillojmë zbutjen e kësaj pabarazie. Në Kosovë nuk do të ketë më asnjë familje pa një të punësuar”, ka shtuar ai.

Limaj në qytetin e Prizrenit është prezantuar si Zëvendëskryeministër në Qeverinë e udhëhequr prej Ramush Haradinajt.

“Me NISMA’n në Qeveri. Urime të gjithëve”, ka shtuar ai.

Kandidatet për deputet të NISMA për Kosovën për zgjedhjet e 11 qershorit, u pritën përzemërsisht nga qytetartë e lagjës “Arbana” të Prizrenit, me ç’rast para qindra të pranishmëve prezentuan edhe projektin e NISMA për Kosovën.

Kryetari i Degës së NISMA-s në Prizren, njëherit kandidat për deputet, Zafir Berisha kërkoi nga të pranishmit që të jenë pjesë e ekipit të NISMA-s për zgjedhjet e 11 qershorit, me qëllimin që të hapet një dritare e shpresës, për zhvillimin ekonomik dhe perspektivë europiane.

Sekretari i NISMA për Kosovën, Bilall Sherifi, foli për rëndësinë e votës dhe kërkoi masovikisht të dilet në zgjedhjet e 11 qershorit dhe të përkrahet projekti i NISMA-s dhe kryetarit të saj, Fatmir Limaj.

Albulena Balaj-Halimaj kandidate për deputete e cila vjen nga lagja “Arbana”, tha se ndjehem e nderuar që do ta përfaqesoj Arbanën, Prizrenin dhe Kosovën në përgjithësi.  /PrizrenPress.com/