Ajo ka një fizik që shumë femra do e kishin zili.
Megjithatë modelja dhe aktorja Danni Levy nuk ndalet. 32-vjeçarja ka zbuluar se do bëjë një ndërhyrje të pestë në gjoks.
Në DokuFest 12 filma në konkurrencën kombëtare
Dymbëdhjetë filma të metrazhit të shkurtët janë në konkurrencë të kategorisë kombëtare në edicionin e 15-të të DokuFest-it. Gjatë ditës së sotme veç është bërë publik i gjithë programi i këtij edicioni i festivalit të dokumentarëve dhe filmave të metrazhit të shkurtët që për të pesëmbëdhjetën herë radhazi mbahet në qytetin e Prizrenit. Pesë filma janë filma kosovarë, tre të Shqipërisë, një i Maqedonisë, një kosovaro-zviceran, një kosovaro-francez dhe një kosovaro-britanik.
“A performance” është filmi i parë në listën e konkurrentëve të kategorisë kombëtarë të DokuFest-it, film ky me regji të Dritëro Mehmetaj e që vjen nga Kosova, pastaj është “Drande” regjia Blerta Berisha dhe Felix Hergert nga Shqipëria, “Ferdonija” me regji të Gazmend Bajri dhe Shkurte Dautit nga Kosova, “I kissed your kiss on your girldriend’s cheek, it was still wet” me regji të Samuel Weniger dhe Dardan Zhegrovës film kosovaro-zviceran, “Is it clear for your ear” regjia Ylli Selmani, Ridvan Hamza dhe Adnan Beqiri film kosovar, “Machinima film” regjia Lum Çitaku film nga Shqipëria, “Mimi” regjia Eneos Çarka nga Shqipëria, “My grandmother” me regji të Jurgen Agushi nga Shqipëria, “Një pikë gjaku” me regji të Bekim Gurit film kosovaro-francez, “Think twice”, regjia Naser Shillova film kosovaro-britanik, “Toka” me regji të Ibrahim Dearit film nga Maqedonia dhe “Treni” me regji të Selmon Beha nga Kosova.
DokuFest nis edicionin e 15-të më datën 5 gusht dhe zgjat deri me 13 gusht, ku përgjatë këtyre tetë ditëve qyteti i Prizrenit merr një pamje mahnitëse, me plotë kreativitet, ngjarje të ndryshme e padyshim edhe filma të ndryshëm kombëtar e ndërkombëtar./KultPlus.com
Digjet një objekt në Prizren (Foto)
Në lagjen “Jeta e re” përreth rrugës Prizren- Gjakovë, është duke u djegur një objekt.
Një qytetar që ka dërguar fotografitë njofton se Brigada e Zjarrëfikësve ndodhet në vendngjarje, por për shkak të shpërthimit të zjarrit të madh, ende situata është jashtë kontrollit.
Kosova e 190-ta
Kosova është përfshirë për herë të parë në renditjen e FIFA-s, e cila publikohet çdo muaj.
Pas pranimit në UEFA e FIFA në maj të këtij viti dhe ndeshjes së parë zyrtare miqësore kundër Ishujve Faroe, të cilën e fitoi me rezultat 2:0, Kosova ka debutuar në pozitën e 190 të renditjes së FIFA-s, me 66 pikë, e cila është publikuar sot në faqen zyrtare të shtëpisë së futbollit botëror .
Sigurisht se në muajt në vazhdim, veçmas pas ndeshjeve të para kualifikuese për Botërorin 2018, që zhvillohen në shtator e tetor, Kosova ka mundësi për ta përmirësuar edhe më tej pozitën e saj në këtë renditje, mirëpo pozita debutuese është një fillim premtues për skuadrën e udhëhequr nga trajneri, Albert Bunjaki. Do theksuar se ndeshjet miqësore që ka zhvilluar Kosova para pranimit në UEFA e FIFA nuk janë regjistruar për renditjen zyrtare të FIFA-s.
Ndërkohë, Shqipëria pas pjesëmarrjes në Kampionatin Evropian, është ngritur për 5 pozita në renditjen mujore të FIFA-së. Kuqezinjtë kanë qenë në pozitën e 42-të në muajin qershor, ndërsa tani janë ngritur në pozitën 37.
Ndërsa në vendin e parë vazhdon të jetë Argjentina e ndjekur nga Belgjika, ndërsa fituesja e Euro 2016 Portugalia është ngjitur në pozitën e 6-të.
Kuvendit të Malishevës i jepen tri rekomandime
Komiteti për Komunitete, organ i Kuvendi të Komunës së Malishevës, nën drejtimin e kryesuesit të këtij komiteti, Labinot Gashi, ka mbajtur mbledhjen e rregull. Në këtë mbledhje, u shqyrtua raporti i punës së Drejtorisë për Arsim dhe Edukim, ndërsa në fund, komiteti ka dhënë edhe tri rekomandime, që do ti bëhen Kuvendit të Komunës, për planifikimin buxhetor.
Fillimisht drejtori i arsimin, Avdi Morina, raporti për punën e kësaj drejtorie në gjashtë mujorin e parë, si dhe për procesin e regjistrimit të nxënësve në vitin e ri shkollor. Sipas drejtorit, është përmbyllur një vit i suksesshëm, sidomos në infrastrukturën shkollore, por edhe në suksese në mësime, suksese të cilat vet nxënësit, i kanë arritur në garat e ndryshme shkollore. Po ashtu, edhe testi i maturës ka qenë shumë i suksesshëm, ku maturantët tanë kanë treguar rezultat të mirë, sikur që edhe testi i arritshmërisë ka dalë me rezultat të mirë. Sa i përket regjistrimit, drejtori Morina tha se janë duke u regjistruar nxënësit në shkollën e mesme, në gjimnaz dhe dy shkollat profesionale.
Anëtarët e komitetit, duke e shqyrtuar këtë raport, kërkuan nga drejtoria, që të mos lejoj mbingarkesë në klasa, pasi hapësira është e mjaftueshme.
Në fund, komiteti miratoi edhe tri rekomandime për Kuvendin e Komunës. Rekomandimi i parë është që të ndahen mjete për përfundimin e kanalizimit në Kijevë, ndërsa rekomandimi i dytë ishte për ndarjen mjeteve për vendosjen e shenjave në rrugë, sidomos në vendet e frekuentuara, siç janë shkollat. Dhe rekomandimi i tretë, ishte për ndarjen e mjeteve për zgjidhjen e çështjes së banimit, për dy familje të komunitetit RAE. /PrizrenPress.com/
Benatia në Torino për testet mjekësore
Medhi Benatia do të jetë lojtari më i ri i Juventusit.
Mbrojtësi maroken i Bayern Munich, Medhi Benatia, ka arritur në Torino, për të kryer tekstet e mjekësore te skuadra e Juventusit.
Benatia do të vijë si huazim te Juventusi me të drejtë blerje.
Ish mbrojtësi i Romës nuk ka mundur të gjejë vetën në Gjermani dhe pas dy viteve është kthyer në Itali.
Bayern dhe Juventus kanë marrëdhënie të mira pasi ky është transferimi i tretë brenda dy viteve, pasi Arthuro Vidal dhe Kinsley Coman nga Juve kaluan te bvavarezët.
Prizren: Arrestohet i dyshuari për vjedhje të rëndë
Policia e Kosovës njofton se ka arrestuar të dyshuarin i cili dy muaj më parë ka kryer vjedhje të rëndë në Prizren, shkruan PrizrenPress.
Me vendim të prokurorit i dyshuari pas intervistimit është dërguar në mbajtje. /PrizrenPress.com/
Pengon Policinë në detyrë, arrestohet një person në Prizren
Në Prizren është arrestuar një person pasi që i njëjti ka penguar zyrtarët policorë në kryerjen e detyrës derisa ishin duke bërë verifikimin e të dyshuarit dhe veturës që drejtonte, njofton Policia e Kosovës, shkruan PrizrenPress.
Ngjarja ka ndodhur dje në orën katër, në rrugën “Bekim Berisha”.
Me vendim të prokurorit i dyshuari pas intervistimit është dërguar në mbajtje. /PrizrenPress.com/
Rrokulliset një veturë në Landovicë të Prizrenit
Një veturë është rrokullisur në orët e hershme të mëngjesit në fshatin Landovicë të Prizrenit.
Vozitësi i veturës nuk ka pësuar lëndime të rënda, shkruan PrizrenPress. Ndërkaq, policia është duke hetuar shkakun e rrokullisjes së veturës. /PrizrenPress.com/
DokuFest me 238 filma për edicionin jubilar
DokuFest ka shpallur sot programin e filmave për edicionin jubilar të 15-të, i cili do të mbahet nga data 05 – 13 gusht në Prizren, Kosovë. Të zgjedhura nga një numër rekord i aplikimeve, festivali do të prezantoj 238 filma nga 57 vende në 6 programe garuese dhe një numër të programeve speciale.
Kategoritë garuese të festiavalit janë në qendër të programit dhe përzgjedhja e këtij viti përfshinë një numër të jashtëzakonshëm të filmave dokumentar, të filmave të shkurtë dhe eksperimental, të cilët janë nisë në qytetin sharmant të Prizrenit dhe kinemave të tij të njohura.
Korrupsioni është tema qendrore e festivalit të këtij viti, konteksti social lokal dhe global si dhe pasojat e tij, të cilat do të theksohen dhe eksplorohen përmes një numri të eventeve, përfshirë panele, diskutime me filmëbërës dhe eskpertë të ftuar ndërkombëtar dhe lokal, punëtori dhe konferencë të teknologjisë. Një përzgjedhje e filmavë që fokusohet në çështjen e Korrupsionit si dhe dy fenomeneve që shkojnë bashkë me të, Fuqisë dhe Rrenave, është kuruar posaçërisht për të përkuar me temën.
Duke vazhduar bashkëpunimin e tij me DokuFest, regjisori Daniel Mulloy ka krijuar edhe një kampanjë vizuele goditëse që përputhet me temën e këtij viti.
View From The World, programi jo-garues i festivalit prap do të sjellë disa nga filmat më të rëndësishëm të këtij viti në Prizren, përfshirë fituesit e Sundance, Berlinale dhe SXSW ndërkohë eksplorimi i vazhdueshëm i Pamela Cohn i dokumentarëve për muzikë në Substancat Magjike: Muzika në Film premton një shiqim emocionues dhe eksperiencë të dëgjimit kujtdo që i dorëzohet.
Festivali do ti bëjë homazh mjeshtrit të madh të kinemasë iraniane dhe të botës Abbas Kiarostami, i cili vdiq më 22 korrik të këtij viti, me shfaqjen e filmit të tij ikonik Taste of Cherry. Festivali poashtu do ti bëjë homazh Chantal Akerman, një tjetër mjeshtër të kinemasë e cila dhimbshëm vdiq vjet, me shfaqjen e filmit të saj të fundit No Home Movie si dhe shfaqjen e versionit të restauruar të kryeveprës Jeanne Dielman, 23 Commerce Quay, 1080 Brussels. Një intervistë me Akerman, e xhiruar disa muaj para vdekjes së saj nga artisti nga Bosnja Ibro Hasanovic dhe me rastin e vizitës së Akerman në Kosovë, poashtu do të shfaqet.
Filmat e shkurtë të nominuar për Oscar, filma për internet, për sulme masive me armë në SHBA, për një shkëmb të vetëvrasjeve në Japoni si dhe gjendjen e refugjatëve të cilët përpiqën të arrijnë Evropën janë të gjitha pjesë e programit të edicionit jubilar të këtij viti. Plus shumë më tepër që mezi presim të ndajmë me publikun tonë!
“DokuFest po feston edicionin e tij të 15-të me një program eklektik të filmave. Ne shpresojmë që ata do të ju mahnisin, emocionojnë dhe befasojnë aq sa edhe neve”, tha Veton Nurkollari, Drejtori Artistik i DokuFest.
“Ne jemi të kënaqur që jemi në gjendje të prezantojmë veprat e cilësisë më të lartë nga filmëbërës të ri dhe mjeshtërat e kinemasë në këtë përvjetor”. /PrizrenPress.com/