Pas marrëveshjes për koalicion parazgjedhor të PDK-së me AAK-në e NISMA-n, kanë shpërthyer paknaqësi në partinë e Kadri Veselit.

Portali “Infokusi” ka kontaktuar gjatë ditës me disa përfaqsuës të strukturave të larta të PDK-së, të cilët kanë treguar se koalicioni i kryetarit të tyre me kreun e AAK-së, Ramush Haradinaj dhe atë të NISMA-s, Fatmit Limaj po konsiderohet shumë i dëmshëm për partinë me të madhe në vend.

Ata thonë së Kadri Veseli gaboj rëndë në pazarin e marrëveshjes me Ramushin e Limajn.

“Një pjesë e madhe në PDK janë të tronditur se si Kadri Veseli pranoj t’ia jap postin e kryeministrit, Ramush Haradinajt. Përveç kësaj, nuk po arrin ta kuptojnë si është e mundur të kenë edhe 50 % në ndarjën e listave për deputetë”, ka thënë një anëtar i kryesisë së PDK-së duke kërkuar mos t’i publikohet emeri për shkak të ndikimit që mund të këtë brënda partisë.

Ai ka sqaruar edhe një detaj tjetër i cili sipas tij e bën PDK-në humbësin më të madh në gjithë këto pazare të medha që u bënë brenda pak orëve të mbrëmshme.

Ky është fakti se partia e Kadri Veselit nuk do të ketë në listën zgjedhore më shumë së 40 kandidatë për deputet.

Koalicioni me parti të vogla i zë vendin PDK-së në listën e përbashkët prej 20 vendeve, 60 të tjera janë të AAK e NISMA-s.

“Prej 120 kandidatëve sa do të jenë në liste, 60 i takojnë partnerit AAK e Nisma, 20 janë të partive të vogla dhe 40 mbesin për kandidatët e PDK-së. Ky fakt nuk mund të përbihët leht për shkak së jemi partia më e madhe në vend, nga viti 2007. Nuk jam i sigurtë se çfarë do të ndodh me gjithë këto parti, nëse do të arrin Kadri Veseli t’a menagjoj këtë situatë. Kjo do të shpërthej në momentin kur do të bëhët lista”, ka thënë për portalin Infokusi.com ky anëtar i kryesisë së PDK-së./Infokusi.com

Lëvizja Vetëvendosje ka vendosur të garojë e vetme në zgjedhjet e 11 qershorit. Vendimi është marrë sot në një mbledhje të Kryesisë së partisë.
Lëvizja Vetëvendosje ka mbajtur sot mbledhjen e Kryesisë së saj, në të cilën është diskutuar për përgatitjet për zgjedhjet e 11 qershorit.

Nëpërmjet një komunikate, VV ka bërë të ditur se është “duke bërë përgatitjet e duhura që në këto zgjedhje të garojë e vetme”.

“Lëvizja Vetëvendosje sot ka mbajtur mbledhjen e Kryesisë në të cilën janë diskutuar përgatitjet për zgjedhjet e 11 qershorit dhe përgatitjet për mbledhjen e Këshillit të Përgjithshëm të Lëvizjes e cila mbahet nesër, e ku do të votohet edhe lista e kandidatëve të Lëvizjes Vetëvendosje për këto zgjedhje”, thuhet në komunikatë.

“Tanimë, afati për koalicione ka përfunduar dhe Lëvizja është duke bërë përgatitjet e duhura që në këto zgjedhje të garojë e vetme. Gjatë ditës së sotme kemi pranuar dhjetëra kërkesa për takim nga koalicioni LDK/AKR. Edhe pse jemi në orët e fundit para dorëzimit të listave, kryesia e Lëvizjes vendosi që t’i pranojë në takim”, ka thënë VV.

“Programi i Lëvizjes Vetëvendosje dhe konsistenca politike e qëndrimeve dhe veprimeve na bëjnë ne subjektin më të besuar për transformim të Republikës, me luftim të krimit e progres shoqëror. Të gjithë ata që janë të gatshëm t’i bashkohen kësaj beteje për ndryshim rrënjësor jemi të gatshëm t’i presim në takim”, përfundon komunikata e VV’së.

Kadri Veseli gjatë një vizite në Malishevë ka siguruar elektoratin e PDK-së se kjo parti do t’i hyjë garës për kryetar të kësaj Komune.
Kjo deklaratë bie ndesh me marrëveshjen për koalicion parazgjedhor, sipas interpretimit të bërë nga sekretari i përgjithshëm i Nismës për Kosovën, Bilall Sherifi, mbrëmë pak kohë pas njoftimit për koalicionin PDK-AAK-Nisma.

“Në marrëveshjen e koalicionit parazgjedhor… ka qenë kërkesë e Nismës që PDK dhe AAK të mos nxjerrin kandidat nga Malisheva, bastion i Nismës në Malishevë, sepse ne dëshirojmë që aty të kandidojmë me kandidat të Nismës për Kosovë”, ka thënë ndër të tjera mbrëmë Bilall Sherifi.

Por, sot, në një takim me drejtuesit e degës së PDK-së në Malishevë, kryetari Kadri Veseli ka thënë se “vetëm organet e PDK-së, niveli qendror, kryesia e partisë, këshilli drejtues edhe ju si degë vendos qysh keni me kandidu në Komunë, këtë e vendosni ju”.

“Në zgjedhjet e ardhshme komunale du me e rikthy fitoren e fuqishme të PDK-së në Malishevë”, tha kreu i Partisë Demokratike.

Gjatë këtij takimi, Veseli ka kërkuar nga bashkëpartiakët që t’i besojnë atij si kryetar partie e jo “koftëlargut”.

“Mos bjerni në hezitime dhe në fjalë të huaja. Më ka shqetësu momenti që ju keni besuar. Kryetari (Hysni Kilaj) më ka prit tek shkallët sot, unë i folsha ky nuk më dëgjojke. I thash: “A jam unë kryetar i PDK-së apo ai koftëlargu që e ke dëgju ti?”, tha Veseli në këtë takim.
PDK, AAK dhe NISMA kanë nënshkruar një marrëveshje koalicioni parazgjedhor pak momente para se të skadonte afati për regjistrimin e koalicioneve./Kallxo.com/