Një person është arrestuar për armëmbajtje në fshatin Vlashnje të Prizrenit. Policia e Kosovës njofton se gjatë një kontrolli në shtëpinë e të arrestuarit është gjetur dhe konfiskuar një pistoletë me tre copë fishekë.
“Njësitë policore gjithashtu në pyllin afër shtëpisë së tij, kanë gjetur dhe konfiskuar një pushkë automatike, e cila i përket të dyshuarit”, njofton PK-ja.
Me vendim të prokurorit i dyshuari është dërguar në mbajtje. /PrizrenPress.com/
Shirat e rrëmbyeshëm dhe përmbytjet në jug dhe në lindje të Kinës kanë lënë mbi 200 persona të vdekur ose të zhdukur.
Autoritetet po ashtu raportojnë për dëme të mëdha në prona dhe humbje mbi 7 miliardë dollarë në të korra.
Siç raporton agjencia zyrtare e lajmeve Xinhua, 17 milionë njerëz në provincat Hubei dhe Anhui janë prekur nga përmbytjet.
Shirat e furishëm kanë nisur qysh më 18 qershor dhe meteorologët parashohin vazhdimin e tyre edhe gjatë kësaj jave.
Një 13-vjeçare është larguar nga banesa që prej datës 2 korrik. Familjarët e saj janë drejtuar në polici të shqetësuar për të denoncuar mungesën e vajzës së tyre, me iniciale L.Q, e cila është shpallur në kërkim.
Vajza ka humbur çdo kontakt me familjen. Nuk dihet nëse rasti do të jetë i njëjtë me disa të tjera, ku vajzat janë larguar me të dashurit e tyre, megjithatë hetimet vijojnë për gjetjen e së miturës. Mamaja e vajzës, Floresha Qorri, duke folur për mediat, ka thënë se dyshon te një burrë 33-vjeçar i pamartuar nga Gramshi, që shkonte shpesh te shtëpia e tyre.
“Kam dyshime se ma ka mashtruar vajzën. Që kur është larguar vajza, ai nuk ka ardhur më”, thotë e ëma. Ajo ka bërë kallëzim më datë 03.07.2016, rreth orës 15:00, pranë Komisariatit të Policisë Sarandë, se ka humbur çdo lloj kontakti me të bijën, që prej ditës që është larguar, datë 02.07.2016. Policia po punon për gjetjen e kësaj shtetaseje.
Fiter Bajrami është festa e cila bëhet pas mbarimit të muajit të Ramazanit. Emri Fiter Bajram vjen nga fakti se myslimanët para ditës së Bajramit shpërndajnë lëmoshë, solidarizohen me të varfrit, dhe kështu në këtë mënyrë festojnë së bashku këtë festë.
Zoti ligjësoi në fund të muajit të Ramazanit festën e Fiter Bajramit, gëzim për myslimanët, ashtu siç ligjësoi festën e Kurban Bajramit në ditën e dhjetë të muajit Dhul-Hixhxhe. Festa e Bajramit manifestohet duke falur namazin e Bajramit.
Namazi i Bajramit është obligim i domosdoshëm për çdo mysliman. Muhammedi i ka kushtuar rëndësi të veçantë duke i urdhëruar myslimanët që të falin këtë namaz.
Koha e namazit të Bajramit fillon me ngritjen e diellit nga horizonti sa një shtizë, derisa të arrijë në zenit.
Namazi i Bajramit ka dy rekate dhe dallon prej namazeve tjera për nga mënyra e faljes. Në rekatin e parë pas tekbirit fillestar merren shtatë tekbire, mandej lexohet sureja Fatiha dhe ndonjë sure tjetër. Pas plotësimit të rukusë dhe sexhdesë së rekatit të parë, ngritet për në rekatin e dytë dhe menjëherë merren pesë tekbire pas të cilëve lexohet Fatiha dhe ndonjë sure, më pas shkohet në ruku dhe sexhde e kështu përfundon namazi.
Përgatitja për festën e BajramitElementet e përgatitjes për festën e Bajramit janë këto:-Larja e trupit.-Të stolisurit me rroba të bukura.-Ngrënia e hurmave para daljes për të falur namazin e Bajramit.-Të shkuarit herët në musal-la për të falur namazin e Bajramit.-Shkuarja në musal-la këmbas.-Ndërrimi i rrugës në shkuarje dhe kthim nga musal-la.Pas festësPrej shenjave të pranimit të adhurimit është vazhdimi i bamirësisë pas çdo vepre të mirë. Të parët tanë gjithmonë janë përpjekur që adhurimin ndaj Zotit ta përkryejnë, janë kujdesur që veprat e tyre të jenë në përputhje me sunnetin e Pejgamberit e me këtë, të jetë e pranuar tek Zoti.
Kryeministri i Kosovës, Isa Mustafa u ka uruar të gjithë besimtarëve musliman festën e Fitër Bajramit, me dëshirën për harmoni, solidaritet e mirëkuptim.
Ai në një postim në rrjetin social Facebook ka uruar të gjitha të mirat për familjet e secilit.
“Të gjithë besimtarëve muslimanë në Kosovë ju uroj Festën e Bajramit. Uroj që harmonia, solidariteti dhe mirëkuptimi të zotërojnë tek ne dhe në familjet tona! IM”, thuhet në urimin e Mustafës.
Partia Konservatore e Kosovës ka uruar të gjithë qytetarët për Fitër Bajram.
“Pas një muaji të kaluar në vetëpërmbajtje, përkushtim të plotë dhe dashuri ndaj Krijuesit dhe njeriut, besimtarët Islamë i gëzohen festës së Fitër Bajramit ,e cila simbolizon përkushtimin e njeriut për mbizotërimin e të mirës ndaj të keqes”, thuhet në urimin e PK-së.
“Uroj të të ketë festë në familjet tona, duke mos harruar të jemi pranë njeri tjetrit dhe më solidarë me fqinjët,miqët dhe të gjithë ata që kanë nevojë të jemi pranë tyre, vlera këto emblematike të kësaj feste.Edhe në këtë Festë i kujtojmë me pietet sakrificën më sublime të dëshmorëve tonë duke u lutur për shpirtat e tyre tek Zoti i Madhërishëm!”
“Partia Konservatore e Kosovës uron që ,si në vendin tonë ashtu edhe ne gjithe botën, të mbizotroj paqja, dashuria,toleranca dhe bashkëjetesa mes njerëzve dhe popujve dhe te ketë sa më pakë urrejtje dhe dhunë!”
“Partia Konservatore e Kosovës përzemërsisht uron Fitër Bajramin te gjithë qytatarët e vendit tonë!Gëzuar dhe për shumë mot!“ përfundon urimi i PK-së nënshkruar nga kryetari Munir Basha./PrizrenPress.com/
DokuFest në bashkëpunim me Shorts TV, një kanal i dedikuar filmave të shkurtër nga filmbërësit nëpër gjashtë kontinente, ju sjell të nominuarit për çmimin Oskar – pjesë e programit special të DokuFest-it.
Pesë filmat e nominuar për “Oscar” do të shfaqën gjatë edicionit të sivjetëm të festivalit në Prizren.
Shorts TV është kanal që shfaq filmat e shkurtër të zhanrit “live action”, animacion dhe dokumentar nga festivalet e filmit më të famshëm në botë, si dhe nga furnizuesit e pavarur. Nëpërmjet shfaqjëss së këtyre filmave, kanali ju ofron filmbërësve profesionistë të cilët prodhojnë filma të shkurtër një platformë të pashembullt botërore për të promovuar filmat dhe zhvilluar karrierën e tyre.
Ky është viti i parë që DokuFest bashkëpunon me Shorts TV, dhe filmat e përzgjedhur janë paraqitur më poshtë:
Alles wird gut (Everything Will Be Okay)
(dir. Patrick Vollrath)
Një baba i shkurorëzuar merr vajzën e tij 8 vjeçe, Lea. Fillon si çdo fundjavë e dytë të cilën ata e kalojnë së bashku, por pas një kohe, Lea e ka ndjenjën se diçka nuk është në rregull.
Ave Maria
(dir. Basil Khalil)
Rutina e qetë e 5 murgeshave palestineze që jetojnë në Bregun Perëndimor çrregullohet kur një familje izraelite vendoset aty mu në kohë të Shabatit.
Day One
(dir. Henry Hughes)
Bazuar në ngjarje të vërtetë. Përkthyeseja për njësitin e ushtrisë amerikane ballafaqohet me ndërlikime brutale derisa ata kërkojnë një terrorist lokal.
Shok
(dir. Jamie Donoughue)
Me eskalimin e situatës në Kosovë, miqësia e dy djemve vihet në provë maksimalisht në këtë dramë të fuqishme dhe të në ngjarje të vërteta.
Stutterer
(dir. Benjamin Cleary)
Mbretëria e Bashkuar, Irlandë/ UK, Ireland – 2015
Greenwood ka vetëm një lidhje me botën reale – një marrëdhënie online. Pas 6 muajve, Ellie vije në Londër për t’a takuar, dhe gjithçka mund të shkatërrohet. /PrizrenPress.com/
Disa sulme vetëvrasëse janë raportuar afër disa xhamive në pjesë të ndryshme të Arabisë Saudite, një ditë para fundit të muajit të Ramazanit, raporton AFP.
Një prej xhamive të shënjestruara ka qenë edhe xhamia shumë e frekuentuar në Medinë, ku dikur thuhet të jetë falur edhe vetë profeti Muhamed.
Deri më tani nuk dihet për ndonjë të vrarë, përveç vetë terroristëve.
Vala e sulmeve ndaj popullatave myslimane para fundit të Ramazanit përkon me thirrjen e shefit të grupit militant Shteti Islamik (ISIS), Abu Bakr al-Baghdadi, për një valë terrori për të shënuar muajin e shenjtë islamik.
Sulmet duket të kenë qenë të koordinuara, me disa shpërthime jashtë xhamive në Qatif dhe Medinë në të njëjtën kohë. /Express/
http://dai.ly/x4jld6i
Në Prizren gjatë ditës së djeshme janë arrestuar dy meshkuj shqiptar, për shkak të armëmbajtës pa leje.
Në fshatin Korishë, njësia policore ka bërë kontrollin e shtëpisë së të dyshuarit mashkull shqiptar ku kanë gjetur dhe konfiskuar një pushkë gjuetie dhe 9 copë fishekë të kalibrit 12 mm, njofton Policia e Kosovës, shkruan PrizrenPress.
Rasti i dytë ka ndodhur në fshatin Petrovë, ku njësia policore nga i dyshuari mashkull shqiptar ka konfiskuar një revole të kalibrit 7.62 mm, pasi që i njëjti në një aheng familjar kishte shtënë në ajër.
Me urdhër të prokurorit pas intervistimit të dyshuarit janë liruar në procedurë të rregullt. /PrizrenPress.com/
Në fshatin Lladroc të komunës së Malishevës, janë vjedhur disa krerë lopë, shkruan PrizrenPress.
Policia e Kosovës njofton se ankuesi mashkull shqiptar ka raportuar se nga stalla e tij gjatë natës persona të panjohur i kanë vjedhur tri krerë gjedhe.
Njësia përkatëse policore është duke hetuar rastin. /PrizrenPress.com/