Njësitet e Doganës në bashkëpunim me Policinë e Kosovës gjatë kontrolleve në pikën kufitare të Vërmicës arritën të kapin mbi 10 kg substanca narkotike të llojit marihuanë.

“Mbrëmë rreth orës 23:50 është ndalur për kontrollë në vijën e dytë të kontrollit vetura e tipit OPEL me targa të Kosovës që drejtohej nga një shtetas i Kosovës. Gjatë kontrollit të ushtruar në automjetin e lartë përmendur është zbuluar një sasi e konsiderueshme e lëndës narkotike. Sasia e lëndës narkotike ishte 10300 gram (10 kilogram e 300 gram)”, citon PrizrenPress, komunikatën e Doganës së Kosovës.

“Lënda narkotike u zbulua e fshehur në disa pozicione në automjet, më saktësisht në bagazh në vendin e gomës rezervë (13 paketime), në anën e majtë të bagazhit (3 paketime), përpara në motor tek filtri i ajrit (2 paketime) dhe afër xhamit të parë tek hapësira për ventilim (3 paketime), pra gjithsejtë 21 paketime”.

“Personi i dyshuar është arrestuar nga ana e Policisë dhe rasti është përcjell tek Policia e Kosovës”.

“Gjatë kontrollit janë shfrytëzuar pajisjet e dhuruara nga Qeveria amerikane përmes programit EXBS-i, të cilat mundësuan zbulimin e shpejt të këtij rasti”. /PrizrenPress.com/

Nexhat Çoçaj, drejtori i Arsimit në Prizren me tre vjet burgim për keqpërdorim të detyrës zyrtare, në një intervistë për emisionin “Interaktiv” të KTV-së, ka thënë se ende nuk e ka menduar dorëheqjen nga posti.

Gjykata Themelore në Prizren ka shpallur fajtor drejtorin komunal të Arsimit në Prizren, Nexhat Çoçaj dhe dy të akuzuarit tjerë në akuzat për keqpërdorim.

Çoçaj është dënuar me tri vjet burg efektiv, i akuzuari tjetër Bekim Thaçi me 14 muaj, ndërsa, i akuzuari i tretë me gjashtë muaj burg.

Ata akuzoheshin për keqpërdorim të parave të dedikuara për manifestimin tradicional kushtuar dëshmorit të UÇK-së, Remzi Ademi.

Ai ka thënë se ditëve në vijim do të dalë me një vendim nëse do të japë dorëheqje apo jo nga posti i Drejtorit të Arsimit në Prizren.

“Unë këto ditë, meqë dje ka ndodhur kjo, jam duke menduar për këtë çështje. Nesër apo pasnesër do të marrë vendim sepse jam ithtar i ligjeve. Unë do ta nderoj edhe Remzi Ademin dhe zotohem se do të zbatoj ligjet”, ka thënë Çoçaj.

“Deri më tani nuk kam folur me asnjë zyrtar partiak. Sot kam pasur angazhime të caktuara më herët. Dhe nuk kam komunikuar me ta. Nesër do të komunikoj, por duhet të zbatoj ligjet e Kosovës”.

I dënuari me tre vjet burgim, ka folur edhe për tërheqjen e parave në Shqipëri për pagesën e 60 busteve për shkollat në Prizren.

“Në vitin 2011 ka qenë dhjetëvjetori i manifestimit dhe ne kemi porositur disa buste nga një skulptor i Tiranës dhe normalisht është dashur me bë tërheqjen e parave. Ka pasur 60 buste për secilën shkollë. Nuk më kujtohet saktësisht, por janë diku 3 mijë euro, aq sa kemi nxjerrë aq ia kemi dhanë skulptorit”, ka thënë ai.

“Në shtëpinë botuese në Durrës unë kam qenë duke e përgatitur një libër dhe kisha bashkëpunim jo vetëm ato ditë, por edhe sot kam bashkëpunim si redaktor i botimeve profesionale. Unë kam qëlluar aty. Janë në pyetje 3000 mijë euro. Skulptori atëherë ka qenë në Durrës”, ka thënë veç të tjerash Çoçaj.