Deputeti i Partisë Demokratike të Kosovës, Nait Hasani ka deklaruar para pak çastesh se vota e tij për demarkacionin do të jetë ashtu siç mendojnë rugovasit.

“Unë jam me banorët e Rugovës”, ka thënë shkurt ai, shkruan Indeksonline.

Deputetja e Lëvizjes Vetëvendosje, Donika Kadaj-Bujupi nuk është lejuar të hyjë në Kuvendin e Kosovës, ndërkohë që është arrestuar nga Policia e Kosovës.

Raportohet se Kadaj-Bujupi është arrestuar pasi i është gjetur gaz lotsjellës.

Pika e rendit të ditës sa i përket ratifikimit të marrëveshjes për demarkacion me Malin e Zi, e cila pritej të dilte sot në Kuvend për votim përfundimisht pritet të shtyhet.

Sipas burimeve të Zeri.info, shkaktar është Lista Serbe. Pas një udhëtimi që kjo listë ka bërë në Beograd, sipas informatave që zeri.info ka marrë nuk do të votoj për ratifikimin e kësaj marrëveshje.

Pas listën serbe, ratifikimi i demarkacionit është i pamundur. Rrjedhimisht, kjo ka bërë që dy liderët e koalicionit qeverisës të thirrin një takim urgjent para seancës së Kuvendit e cila pritet të filloi në orën 11:30.

Liderët e koalicionit në këtë diskutim pritet të flasin rreth opsioneve që kanë përpara në këto momente. E më i logjikshmi është shtyrja e kësaj pike të rendit të ditës për një ditë tjetër.

Megjithatë shtyrja e ratifikimit të demarkacionit do të kishte pasoja “fatale” sa i përket liberalizimit të vizave, transmeton zeri.info.

Në veçanti kur dihet se rregullorja për Kosovën do të dalë në votim në Komitetin e Parlamentit Evropian me 5 shtator dhe ku decidivisht thuhet se deri në atë ditë demarkacioni duhet të ratifikohet.

Ministrja e Drejtësisë Dhurata Hoxha ka thënë se organet e pavarura dhe kompetente e përcaktojnë se a ka bazë për të filluar procedura ligjore, pavarësisht se për kë bëhet fjalë. E pyetur për aferën “Pronto” ajo ka thënë se nëse ka bazë të tillë, atëherë ligji duhet të zbatohet ndaj të gjithë atyre që kanë shkelur ligjin dhe që duhet të ballafaqohen me drejtësinë

Afera “Pronto” nuk bën përjashtim nga rastet tjera dhe se nëse organet e drejtësisë vlerësojnë se ka bazë për t’i filluar procedurat ligjore, atëherë, sipas saj, kjo duhet të bëhet ndaj të gjithë atyre që shkelin ligjin.

Kështu ka thënë ministrja e Drejtësisë, Dhurata Hoxha, në një intervistë për gazetën “Zëri”, për të shtuar se pavarësia e gjyqësorit është e garantuar dhe se pushtetet të cilat funksionojnë mbi parimin e ndarjes dhe mosndërhyrjes duhet t’i shmangen komenteve dhe kritikave që do të rrezikonin pavarësinë dhe besimin e opinionit publik në sistemin gjyqësor.

Kurse duke komentuar kërkesën e zëvendëspresidentit amerikan, Joe Biden, për luftim të korrupsionit, ministrja Hoxha ka thënë se kjo kërkesë është në vijë të plotë me qasjen e re të Ministrisë së Drejtësisë që të përqendrohet në sundimin efektiv të ligjit…