Edhe pse afera e përgjimeve po hedh dritë mbi modelin qeverisës të partive kosovare, veç- mas të PDK-së, ende nuk ka një distancim publik qoftë nga vetë drejtuesit e PDK-së apo partnerët e saj në pushtet. Analistët politikë kërkojnë nga LDK-ja, si partner i koalicionit të PDK-së, që të bëjnë një distancim publik nga modeli “Grabovci”, sepse, sipas tyre, një parti që qeveris duhet që të distancohen haptazi nga kjo formë e pistë e qeverisjes. Ndërkaq, nëse nuk e bën këtë LDK-ja, kjo tregon kështu se edhe ata do të vazhdojnë me të njëjtën logjikë të keqe qeverisëse, që është një formë nepotike, klienteliste, diskriminuese, antiligjore e qeverisjes.

Por, një pjesë e analistëve thonë se ata që janë pjesë e Qeverisë nuk kanë mundësi që të distancohen nga këto afera. Ata theksojnë se Skandali “Pronto 2” është treguesi më real dhe më i sinqertë për moralin e ulët, që kanë zyrtarët tanë politikë. Me gjithë pyetjet e dërguara na adresë të zyrtarëve për informim të dy partive politike të koalicionit aktual, PDKLDK, se a do të ndodhë një distancim i tillë nga modeli “Grabovci”, zyrtarët e koalicionit nuk kanë dhënë ndonjë përgjigje, shkruan gazeta Kosova Sot.

Morali politik në krizë

Deputeti i opozitës, Haxhi Krasniqi (Nisma), është i mendimit se me të dalë në medie të këtij rasti, po të kishte pak moral tek këto dy parti të koalicionit, drejtuesit e PDK-së, por edhe të LDK-së ka qenë dashur që menjëherë të distancohen publikisht nga modeli “Grabovci”. Në të kundërtën, sipas opozitarit Krasniqit, heshtja e tyre si pjesë e koalicionit me PDK-në ka treguar dhe ka dëshmuar kështu se koalicioni aktual edhe në të ardhmen e qeverisjes së tyre, derisa të jenë në pushtet, do të vazhdojnë me të njëjtën logjike të keqe qeverisëse, që nuk është gjë tjetër veçse një formë e sundimit nepotik, klientelist, diskriminuese, antiligjore e modelit “Grabovci” të qeverisjes.

“Heshtja e tyre është një tregues se te këto dy parti politike mungon morali politik dhe përgjegjësia nga prononcimet publike”. Ndërkohë analistët thonë se rasti i Adem Grabovcit mbetet një limon në duart e Hashim Thaçit dhe të Kadri Veselit, të cilët janë maja e ajsbergut në këto afera korruptive, nepotike, klienteliste dhe diskriminuese për një shoqëri, e cila ka pasur nevojë të ngutshme me rimëkëmbë ekonominë dhe gjendjen sociale. Analisti politik, Shefqet Dibrani tha për “Kosova Sot” se Skandali “Pronto 2” është një tregues i qartë për moralin e ulët që kanë zyrtarët politikë të PDKsë, por hiç më mirë nuk qëndrojnë as partitë e tjera.

Deputetët e Kuvendit të Kosovës do të mblidhen sot në seancën e radhës për të votuar ratifikimin e marrëveshjes për shënjimin e vijës kufitare në mes Kosovës dhe Malit të Zi.

Kjo çështje është kthyer në një prej problematikave më të mëdha të Kosovës, pasi që ky version i marrëveshjes për demarkacionin me Malin e Zi është kundërshtuar në mënyrë të fuqishme nga opozita dhe një grup ekspertësh.

Ata thonë se me këtë marrëveshje, Kosova humb 8 mijë hektarë tokë, derisa kanë deklaruar se do të votojnë kundër kësaj marrëveshje.

Në anën tjetër, partia më e madhe opozitare në vend, Lëvizja Vetëvendosje, ka thirrur një protestë gjithëpopullore për të kundërshtuar ratifikimin e kësaj marrëveshje.

Edhe disa deputetë të pozitës, së fundmi kanë deklaruar se nuk do të votojnë pro kësaj marrëveshje, pasi që ata besojnë se Kosova rrezikon të humb territor.

E krerët e institucionevetë Kosovës janë të bindur se kjo marrëveshje do të ratifikohet sot, duke hedhur poshtë pretendimet e opozitës se Kosova humb territor.

Seanca fillon në orën 11:30.

Deputeti i Lidhjes Demokratike të Kosovës, Anton Çuni, edhe një ditë para seancës për ratifikimin e Marrëveshjes për shënjimin e vijës kufitare ndërmjet Kosovës dhe Malit të Zi, nuk ka pranuar të bëj publike votën e tij.

Derisa kryesia e LDK-së, ka shprehur unanimisht përkrahjen për deputetët e kësaj partie për të votuar Pro Demarkacionit, Anton Çuni nuk pranon të flas nëse do të votoj për apo kundër, shkruan lajmi.net

“Kam thënë edhe më herët që votën time do ta bëj publike më 1 shtator”, është shprehur Çuni për lajmi.net

Deri më tani deputeti Çuni nuk është deklaruar fare për marrëveshjen e cila përcakton kufirin ndërmjet Kosovës dhe Malit të Zi, ndërkaq disa koleg nga partia e tij e kanë kundërshtuar hapur. /lajmi.net