Derisa vendi po u ofrohet zgjedhjeve të reja, të rregullta lokale vitin që vjen, por edhe mundë- sisë për të shkuar shpejt në zgjedhje të jashtëzakonshme parlamentare, analistët politikë po e shohin si mundësi reale edhe ndonjë manovrim që në kuadër të lëvizjeve të reja si iniciativa politike, të improvizohet qëllimshëm edhe ndonjë aktivizim i grupeve në emër të shoqërisë civile në jetën politike, si mundësi reale e sponsorizimit të vetë ish- strukturave të SHIK-ut si të një nisme të tillë si të “lirë” dhe kinse e pavarur politike për qëllime të caktuara strategjike e logjistike të lojës për pushtet.
Analistët politikë thonë se format e tilla të krijimit të partive të reja politike satelite, logjistikë e partive në pushtet, nuk janë të panjohura në praktikën e demokracive të brishta dhe akoma të pazhvilluara, me qëllim të krijimit të hutisë në opinion dhe që të ruhet pushteti i politikës së kriminalizuar.
Një rrezik të tillë, që mund ta dëmtojë demokracinë e brishtë kosovare, nuk e përjashton si mundësi reale edhe analisti politik Albrim Badallaj.
“Realisht, edhe mund të ketë iniciativa të reja të formës së grupimit të anë- tarëve nga shoqëria civile, të cilët ka gjasë që të jenë marionetë e partive të caktuara. Në vendet në tranzicion, siç është edhe rasti i Kosovës, tentohet që parti të caktuara të jenë të varura, e jo të pavarura në veprime, meqë për shkak të distancimit të partive aktuale ndërmjet vete humbin edhe partnerët politikë për të qeverisur së bashku”, theksoi ai. /Kosova Sot/
