Rio De Janeiro – “Një sportiest amerikan me medalje olimpike tha se ai dhe tre shokë të tij ishin grabitur nga persona të armatosur. Por policia braziliane tha se kjo nuk ishte e vërtetë. Kush ka të drejtë?: shkruan sot CNN, transmeton Syri.net.
Pas disa ditëve konfuzion për atë që ndodhi vërtet me sportistët amerikanë Ryan Lochte, James Feigen, Jack Conger dhe Gunnar Bentz se u grabitën me armë nga persona të armatosur të veshur si policë, zbulohet mashtrimi i tyre dhe publikohet jë video që tregon shumë nga incidenti, që ndodhi në një pika karburanti, mëngjesin e 14 gushtit.
Dy nga sportistët, Bentz dhe Conger dhanë një deklaratë të enjten ku mohuan se kishin qënë viktima të një grabitjeje dhe se versioni që u paraqit nga shoku i tyre Lochte nuk ishte i vërtetë, njoftoi Policia Civile.
Kreu i Komitetit Olimpik të SHBA ka kërkuar falje për incidenti.
SI NDODHI?
Të hënën, Lochte foli për një grabitje. Autoritetet braziliane nuk ranë dakord. Rrëfimet përputhen në një pikë: Që pati armë dhe u dorëzuan ca para. Por, ndryshojnë në një pikë të vetme: kur Lochte zbriti dhe hyri sërish në taksi pasi ndaloi në stacionin e karburantit.
Komiteti Olimpik i SHBA kërkoi falje për incidentin: “Sjellja e këtyre atletëve është e papranueshme, ajo nuk përfaqëson vlerat e ekipit amerikam ose të shumicës dërrmuese të anëtarëve të tij. Ne do ta shqyrtojmë çështjen më tej dhe mund të ketë pasoja për sportistët, kur të kthehemi në SHBA,” tha kreu ekzekutiv i USOC, Scot Blackmun.
“Në emër të Komitetit Olimpik të SHBA ne u kërkojmë ndjesë mikpritësve tanë në Rio dhe popullit të Brazilit për këtë përvojë të hidhur në kulmin e asaj që me të drejtë duhej të ishte një festim i përsosmërisë.”
Deklarata thotë se incidenti, pë rata që nuk e kuptuan, ndodhi në një pikë karburanti. Katër sportistët ndaluan për të përdorur një banjë dhe njeri prej tyre kreu një akt vandalizmi.
“Një debat nisi ndërmjet sportistëve dhe dhe rojeve të armatosura, staf i sigurisë që ruante pikën e karburantit, ata shfaqen me armët e tyre dhe urdhërojnë sportistët të zbresin nga makina dhe të kryejnë një pagesë për dëmin” thuhet në deklaratë. Sapo shefat e sigurisë morën paratë nga sportistët, i lanë të lirë të largohen.”
Conger dhe Bents u zbritën nga avioni natën e së mërkurrës kur ishin përgatitur për të shkuar në shtëpi, pasi një gjykatës brazilian lëshoi një urdhër për konfiskimin e pasaportave të amerikanëve. Kështu që ata nuk mund të largoheshin nga vendi pa u marrë në pyetje.
Zyrtarët thanë se Conger dhe Bentz folën me policinë të enjten në një zyrë policie për turistët dhe pas kësaj, të dy fluturuan për në shtëpinë e tyre.
Shefi i Policisë Civile të Brazilit tha se ky krim nuk çon në arrestimin e tyre./Syri.net
