Kuvendi Komunal i Suharekës sot ka mbajtur një mbledhje të jashtëzakonshme në të cilën pikë e rendit të ditës ishte diskutimi për situatën në klubin futbollistik “Ballkani” të këtij qyteti.
Pasi kjo e fundit ditë më parë ka njoftuar për ngrirjen e bashkëpunimit ndërmjet drejtorisë së Sportit dhe “Ballkanit”.
Arsye sipas këtyre ka qenë një lajm i publikuar që e ngarkon këtë klub me kurdisje të rezultateve.
Kryetari i klubit, Florim kryeziu i ka mohuar akuzat se ka pasur kurdise të ndeshjeve, njofton Klan Kosova.
Në këtë mbledhje të jashtëzakonshme të Kuvendit morën pjesë anëtarë të kryesisë së klubit, asamblistë, kryetari komunës, ku opozita i akuzoi qeverisjen komunale që e ka politizuar klubin dhe nuk e ka përkrahur sa duhet.
Ndërsa kryetari i komunës Sali Asllanaj i ka mohuar akuzat, ndërsa ka thënë se klubi është përkrahur aq sa ka pas mundësi komuna.
Përfundimisht u vendos që kryesia e brendshme e klubit “Ballkani” të dal në një qëndrim dhe ta propozojë në mbledhjen e ardhshme të Kuvendit.