Pavarësisht që publikimi serik i incizimeve të dosjes ‘Pronto 2’, për veprimet kriminale të zyrtarëve të lartë të shtetit, që kanë rënë dhe vazhdojnë të jenë akoma ndesh me ligjin, ka arritur numrin dyshifror (dhjetë publikime të tilla), institucionet vendore të sundimit të ligjit janë duke bërë sehir. Analistët politikë, njohësit e fushës së sundimit të ligjit dhe deputetë të Kuvendit të Kosovës këtë heshtje e shohin si pasojë e lidhjes së ngushtë kriminale të sistemit të drejtësisë me politikën në pushtet, asaj politike që ka qenë dhe vazhdon të jetë mbi ligjin, shkruan gazeta Kosova Sot.

Vetëm dekriminalizimi i kësaj klase politike dhe depolitizimimi i institucioneve të drejtësisë, sipas bashkëbiseduese, mund të krijojë mundësi të funksionalizimit dhe forcimit të shtetit të se drejtës. Analisti politik Florim Zeqa thotë se publikimi i audio-incizimeve me vazhdime të grupit mafioz “Pronto”, më tepër se një fejton i gjatë publicistik, po ngjason në një telenovelë televizive të stilit “Dinastia Pronto”, për faktin e thjeshtë se protagonistët e vjetër po shoqërohen me të rinjtë, duke e bërë të gjatë e të pafund vargun e të inkriminuarve në aferën “Pronto”, për të cilën po hesht drejtësia, por edhe vetë politika që vë bazamentin e ndërtimit të drejtësisë në shtet. Ai thotë se fatkeqësia më e madhe është se për aferën po heshtin kokat kryesore të shtetit.

Ndryshimi do të vijë një ditë

Sipas Zeqës, institucionet shtetërore po heshtin, po heshtin presidenti dhe kryeministri, edhe pse kryeparlamentari po mundohet të luajë rolin e “arbitrit”. Prononcimet e tij janë aq të paqarta dhe konfuze saqë nuk dihet roli i vërtetë i tij në grupin “Pronto”, në ishte urdhërdhënës kryesor apo udhëheqës i grupit,…ngase zoti Adem Grabovci, apo siç po i thonë ndryshe “shefi i shefave”, është vetë njëri nga udhëheqësit, për të mos thënë i fundit në grupin “Pronto”! “Drejtësia vendore – KGJK-ja, KPK-ja, por edhe dhe Ministria e Drejtësisë, si hartuese e politikave të kësaj fushe, po heshtin dhe nuk po reagojnë ndaj përgjimeve që prekin sistemin e drejtësisë, shtyllën kryesore te shtetit, për faktin se janë të kapura dhe të ngulfatur nga grupi “Pronto”, drejtuesit kryesorë të të cilit janë instaluar në majat e pushtetit, me shtrirjen e rrjetit të tyre në të gjitha institucionet shtetërore, përfshirë edhe sistemin e drejtësisë, të cilët janë pjesë përbërëse e grupit “Pronto”, tha Florim Zeqa.

Sipas tij, shpresa në instalimin e shtetit të së drejtës është mjaft e zbehur. “Këto ditë, derisa bisedoja me një mik timin rreth sistemit të drejtësisë vendore,…i zhgënjyer dhe plot pesimizëm, më tha: “Asnjëherë nuk do të ndryshoj sistemi qeverisës në Kosovë”, të cilit iu përgjigja në këtë mënyrë; “para vitit ’90-të pak kush në Kosovë e besonte se një ditë Serbia do të largohet nga Kosova, andaj i kujtova një proverb italian; “Mai dire mai”, që në shqip i bie “Kurrë mos thuaj kurrë”,…patjetër një ditë do të ndodhë ndryshimi në Kosovë”, ka pohuar Florim Zeqa për “Kosova Sot”

Derisa po vazhdon seria e publikimeve të përgjimit me dosjen ‘Pronto 2’, një skandal që zbardh të dhëna dhe fakte se sa thellë kanë depërtuar krimi dhe korrupsioni i nivelit të lartë politik në kapjen e të gjitha institucioneve të shtetit për interesat kriminale të grupeve të caktuara, analistët politikë dhe përfaqësues të subjekteve politike opozitare konsiderojnë se tani është koha e fundit që edhe ndërkombëtarët të distancohen nga kjo klasë politike e kriminalizuar në pushtet dhe të mbështesin një opsion puro të ri politik qytetar, shkruan gazeta Kosova Sot.

Vetëm publikimet e fundit të dosjes ‘Pronto 2’ janë një argument i mjaftueshëm edhe për ndërkombëtarët që të ndërpresin besimin e bashkëpunimin me këtë klasë politike që ka kapur shtetin dhe po e pengon zhvillimin e tij, në të cilin një investim të madh e kanë bërë edhe miqtë ndërkombëtarë të Republikës së Kosovës. Heshtja kundër kësaj dukurie dhe vazhdimi i përcjelljes së saj nëpër medie, pa asnjë veprim ndëshkues, konsiderohet si zhvendosje e qëllimshme e vëmendjes mediale te dosja ‘Pronto’, për t’iu larguar rastit të rëndë të Demarkacionit dhe të Asociacionit dhe nuk shkon fare në funksion të luftimit të krimit dhe të korrupsionit.

Politika e ndershme e shpëton shtetin

Deputeti i Lëvizjes ‘Vetëvendosje’, Ismail Kurteshi, pohon se derisa nuk ndodh ndërrimi gjeneral i kësaj klase politike në pushtet, e cila pa të drejtë po mbështetet edhe nga ndërkombë- tarët, shteti i Kosovës nuk mund të forcohet dhe zhvillohet si shtet normal pa krim dhe korrupsion.”Korrupsioni eliminohet vetëm me ardhjen në pushtet të një klase të pakorruptuar politike, e vendosur ta fitojë këtë betejë që është shumë e rëndësishme për vendin tonë. Edhe kërkesat e ndërkombëtarëve drejtuar të korruptuarve që ta luftojnë korrupsionin tingëllojnë si farsë. Kosova ose do ta fitojë luftën mbi korrupsionin ose do të rrënohet si shtet. Sado që strukturat korruptuarve duken të forta, ato do ta pësojnë, Kosova do të fitojë mbi korruptonin, sepse në këtë vend ka më shumë njerëz të ndershëm sesa të korruptuar”, tha Kurteshi. Mirëpo, analistët politikë vazhdojnë të jenë shumë më kritikë karshi faktorit monitorues ndërkombëtar, që nuk po e izolon më shpejt këtë klasë politike të kriminalizuar në pushtet, sesa që janë kritikë ndaj vetë atyre që drejtpërdrejt janë të përfshirë në veprimet kriminale. Kjo pakënaqësi i adresohet faktorit ndërkombëtar, ngase vlerësohet që ndikimi i miqve ndërkombëtarë në aspektin e zhvillimeve pozitive dhe distancimin nga politika kriminale do t’i përshpejtonte shumë më fuqishëm proceset pozitive.

Deputeti i Nismës, Zafir Berisha është marrë sërish me festivalin “DokuFest”. Sipas tij, ky festival ka devijuar duke u shfrytëzuar për përdoruesit e drogës.

Postimi i plotë në Facebook

Përfundoi me ,,suksesë,, të madhë ,,DokuDroga,, në Prizren!
DokuFest2016 ishte kulminacioni i asaj që nuk kemi pritë dhe nuk duhet të ndodhë me një evenimentë të rëndësishëm kulturor e artistikë, misjoni i tij tash më i devijuar skajshmërishtë nga një festivale i mirpritur nga qytetarët e Prizrenit dhe Kosovës në fillim, në një festivalë i urryerë me të drejtë për shkakë se ky festivalë po përdoret për degjenerim të rinis ton të pastër. DokuFesti gjithnjë e më shum po e humbë kuptimin në cilin thirret, ky festivalë edhe sipas raporteve puplike të policiis po shfrytzohet për dilerët e drogës me mjeshtri dhe jo rastësisht gjatë kohës sa mbahet DokuFesti në Prizren dynden të gjithë përdoruesit e drogës nga i gjithë vendi dhe me gjerë, ku bashkë me ta edhe të gjithë dilerët e drogës nga Kosova dhe jashtë saj.

Kampet që hapen për këtë festivalë shfrytzohen për drogë, prostutucion dhe përdorim të alkoholit nga adoloshent të cilët në emer të vullnetarve të DokuFestit bëjn atë kolazhin e përshtatshëm për ,,misjonin ,, e ulët të degjenerimit të rinis së qytetit ton.

DokuFesti edhe në përmbajtje ka deviju sepse tashë më është pa se nga vlerat artistike që ka pas, ka kalu në tema poltike dhe atë politika djallzore të cilat mundohen që luftën për lirin të UÇK -së dhe popullit shqiptar me barazu me luftën fasiste dhe gjenocidale të Sërbis 98/99. Për devijimin e këti festivali kuptova se jan në dijeni nga vitet e kaluara institucionet lokale dhe qëndror nga organete renditë dhe siguris mirpo për fatin e keq këto institucione kan bër se nuk po shohin dhe dëgjojn asgjë dhe tash më DokuFest është bë aren e bandave për ta përfitu terenin për shitjen e drogave.

Afaristët dhe pronarët e lokaleve tregëtare dhe hoteljere në pjesën qëndrore të Prizrenit jan dëshmitarët më të mir se cka ndodhë gjatë ditëve sa organizohet DokuFesti ku qindra të rinjë edhe të moshave 15 e 16 vjeqë bredhin rrugve gjithë natën nën ndikimin e alkoholit por edhe të përdorimit të substancave narkotike ku nëpër lokale jo vetëm që kërkojn alkoholë por edhe letra që përdoren për droga/ashashin.

Mëqense Prizreni nuk ka kryetar ose ka një kryetar kukullë duhet organizatorët e DokuFestit por edhe organet e policis të marrin masa që këto dukuri devijante mos të ndodhin përndryshe ky evenimentë nuk mundë të thirret DokuFest por DokuDroga, DokuAlkoholi, DokuProstutucione etj etj
Zafa

Nesër përkujtohet 18- vjetori i rënies së dëshmorit të kombit Remzi Ademaj-Petrit Kodra.

Kryetari i Prizrenit, Ramadan Muja për nder të ditës së rënies së “Petritit” do të vizitojë Varrezat e Dëshmorëve në Landovicë, si dhe vendin e rënies së dëshmorit në fshatin Nashec.

“Petriti” po ashtu do të përkujtohet edhe nga bashkëluftëtarët e UÇK-së.

Remzi Ademaj ishte komandanti i parë i UÇK-së për rajonin e Prizrenit dhe një nga komandantët e parë të UÇK-së për ZOP-in.

Ai ra heroikisht më 15 gusht 1998 në një pritë që forcat serbe i kishin organizuar në fshatin Grazhdanik të Prizrenit./PrizrenPress.com/