Deputeti i Nismës, Zafir Berisha është shprehur i zhgënyer me dënimin e bashkëluftetarit të tij, Xhemshit Krasniqi.

Berisha tha se dënimi i “Xhemës”, me 8 vjet burg është i papranushëm.

“Dënimi i mikut dhe bashkëluftetarit Xhemshit Krasniqit- Xhema me 8 vjet burg është i papranueshëm dhe tregon se deri ku ka arrit degjenerimi i shoqërisë dhe përdhosja e vlerave të UÇK-së”, shkruan Berisha,transmeton PrizrenPress.

“ Me dënimin e ‘Xhemës’ nga prova të sajuara nga ish- bashkëupuntorët e Sërbisë është denuar UÇK-ja, Brigada 125 e ZOP, Prizreni, Vrrini e Tusuzi prandaj shpreh zhgënjimin e madh lidhur me këtë dënim”.

“Familja Krasniqi shokët dhe miqtë e vërtet të ‘Xhemës’ nuk duhet të ligështohen, por të mburren për kontributin e tij, dhënë për lirin e Kosovës”.

Gjykata Themelore e Mitrovicës e ka dënuar me tetë vjet burg dhe 1500 euro gjobë, Xhemshit Krasniqin për “krime të luftës kundër popullsisë civile” dhe “mbajtje në pronësi, kontroll apo posedim të paautorizuar të armëve”, thuhet në njoftimin e dërguar mediave nga EULEX-i.

Misioni Evropian për Sundim të Ligjit, EULEX ka sqaruar se vendimi është marrë nga një trup gjykues i përbërë nga gjyqtarë ndërkombëtar.

“I pandehuri u shpall fajtor për arrestimin, ndalimin e paligjshëm, cenimin e integritetit trupor, të shëndetit dhe torturimin disa dëshmitarëve dhe civilëve të panjohur në kampet e UÇK-së në Kukës dhe Cahan (Shqipëri), si edhe në Prizren gjatë vitit 1999. I akuzuari i kreu veprat e tij në bashkëkryerje me pjesëtarët e tjerë të UÇK-së”, thuhet në njoftimin e EULEX-it.

Komunikata sqaron më tej se “me anë të një vendimi të veçantë, atij i është vazhduar paraburgimi deri sa ky aktgjykim ta merr formën e prerë”.

Prokuroria dhe i dënuari tash kanë të drejtë ankese ndaj vendimit./PrizrenPress.com/

Sot në Gjykatën Themelore është marrë vendim për ish ushtarin e UÇK-së, Xhemshit Krasniqin, i akuzuar për krime lufte.

Lajmi.net mëson se Krasniqi është dënuar me 8 vjet burg.

Pas disa viteve të arratisë dhe fshehjes, Policia e Kosovës e kishte arrestuar atë vitin e kaluar në Prizren, Xhemshit Krasniqin.

Operacioni i madh ishte kryer nga Policia e EULEX-it dhe Njësia Speciale e Kosovës. Njësia Speciale e kishte zënë Krasniqin në vendin ku ai dhe familjarët e tij po kryenin punë bujqësore.

Krasniqi, për shumë vite në arrati, do të duhej të ishte pjesë e procesit kundër Sabit Gecit. Sabit Geci akuzohej se në mes të prillit dhe qershorit të 1999, në një bazë ushtarake të UÇK-së të vendosur në Kukës, në mënyrë individuale dhe në bashkëveprim me të tjerët duke përfshirë Xhemshit Krasniqin i ka shkelur rregullat e ligjit ndërkombëtar në kohën e luftës, konfliktit të armatosur ose okupimit dhe me këtë ka kryer veprën penale krime të luftës kundër popullsisë civile. /Lajmi.net/

Policia ka bërë me dije se në Vërmicë është arrestuar një i dyshuar shqiptar shtetas i Shqipërisë, për shkak se i njëjti ka hyrë ilegalisht në territorin e Kosovës dhe gjatë legjitimit nuk ka prezantuar asnjë dokument identifikimi, shkruan PrizrenPress.

Me urdhër të prokurorit i dyshuari është dërguar në mbajtje. /PrizrenPress.com/