Edhe pse kanë kaluar plot 17 vjet të realitetit të ri politik në Kosovë, funksionimi i demokracisë së mirëfilltë brendapartiake, si një nga segmentet kryesore edhe në demokratizimin e institucioneve të shtetit, vazhdon të mbetet pika më e dobët e funksionimit të shoqërisë së re kosovare. Këtë më së miri po e dëshmojnë zgjedhjet brendapartiake, sidomos në fazën e tranzicionit, kur arrihet nevoja e ndryshimit të liderit të partisë, një proces, i cili nuk po arrin të realizohet përmes garës së mundësive të barabarta të figurave të reja brendapartiake, por vazhdon të mbetet peng i klientelave të ngushta dhe grupeve të interesit të rreshtuara rreth një individi. Analistët politikë theksojnë se pikërisht zgjedhjet për liderin që po ndodhin nëpër partitë politike kosovare, një proces që zhvillohet pa kundërkandidat, dhe kryesisht përmes votimit të hapur me aklamacion, janë dëshmia më e fortë se klientelat e inkriminuara dhe grupet e interesit nuk lejojnë zhvillimin e garës reale zgjedhore, me mundësi të barabarta dhe hapje për figurat e reja reformuese.

Edhe zgjedhja e Kadri Veselit pa kundërkandidat dhe me votim të njëzëshëm, sikur ajo e Isa Mustafes para një viti, tregon se Kosova është shumë larg për të pasur parti që lejojnë frymën e kritikes e mendimin e ndershëm, që bëjnë një garë zgjedhore të vërtetë për të nxjerrë e zgjedhur më të mirin. Zeqa: Demokracia e brendshme partiake po ngufatet Analisti politik Florim Zeqa thotë se zgjedhja e liderëve partiakë me “aklamacion” dhe pa kundërkandidat është shndërruar në një dukuri të zakontë të subjekteve tona politike. Sipas tij, praktikat e zgjedhjes së liderit partiak me votim të hapur, përveçse janë dukuri e trashëguar nga e kaluara komuniste, janë një dëshmi më tepër, se në vendin tonë dita-ditës po mbytet dhe ngufatet skajshëm demokracia e brendshme partiake. “Eliminimi i garës paraprake zgjedhore nga klientelat partiake po ua zë frymën gjeneratave të reja dhe reformimit brendapartiak. Sikurse zgjedhja e liderit të LDK-së një vit më parë, edhe zgjedhja e liderit të PDK-së një vit më pas pa kundërkandidat, përveçse praktikë e regjimeve diktatoriale, është tregues se Kosova është shumë larg së dëshiruarës. Pra, e lejimit të frymës së lirë dhe demokratike si tek partitë politike në pushtet, ashtu edhe në opozitë.

“Konventa” zgjedhore, siç po e quajnë kuvendin zgjedhor të PDK-së, i cili konfirmoi zgjedhjen e numrit 1 të SHIK-ut, Kadri Veselit, në krye të PDK-së pa asnjë kundërkandidat, është një ogur i zi për të ardhmen politike jo vetëm të kësaj partie politike, por edhe të vendit në përgjithësi”, thotë Zeqa për gazetën. Ai ka pohuar se ajo çka është më e keqja, përmes formave antidemokratike, në kreun e partive politike po instalohen figura të inkriminuara, të përcjella me një rrjet të zgjeruar të grupeve të interesit, të cilat po i forcojnë akoma më tepër interesat klinteliste të barrikaduara prapa liderëve partiakë. “Përveç kapjes dhe uzurpimit të shtetit, është mënyra e zgjedhjes së liderëve partiakë që i përafron mes vete edhe më tepër partnerët e koalicionit qeverisës PDKLDK”, thotë Zeqa për “Kosova Sot”…

Ish-komandanti i UÇK-së Zafir Berisha ka përkujtuar 16- vjetorin e vrasjes së Ekrem Rexhës-‘Drini’.

Sipas tij, vrasja e “Drinit” ishte një humbje e madhe për Prizrenin dhe Kosovën.

“Ende pa u bërë një vit që kishte përfunduar lufta, para shtëpisë tij në mënyrë qyqare vritet bashkëluftëtari Ekrem Rexha-Drini”, shkruan Berisha në Facebook,transmeton PrizrenPress.

“Vrasja “Drinit” ishte një paralajmërim se Kosova po futet në një rrugë pa krye dhe krimi i organizuar në bashkëpunim me barkëqitjen sllave do ta shkatërron seriozisht vlerën e këtij vendi që quhet UÇK, duke e dërguar vendin drejt falimentimit”.

“ Vrasja e komandant “Drinit” nuk ishte humbje vetëm për familjen dhe shokët e luftës, por ishte humbje për Prizrenin, Kosovën dhe perspektivën evropiane të të gjithë qytetarëve”.

Komandati i UÇK-së Ekrem Rexha -‘Drini’ u vra para shtëpisë së tij në lagjen “Bazhdarhane” në rrethana misterioze, në mëngjesin e 8 majit të vitit 2000, në kohën kur po punonte si drejtor komunal për Emergjencë. Në momentin kritik ai kishte dalë të ndezte veturën për të shkuar në punë, ndërsa ishte qëlluar me armë automatike, derisa po shikonte gomën e parë të veturës, nga ana e shoferit që ishte shpuar qëllimisht./PrizrenPress.com/

Hajrije Rexha beson se Gjykata Special, do të zbardhë vrasjen e bashkërtit të saj, Ekrem Rexha-‘Drini’. Ajo thotë se drejtësia e vendit, ka dështuar në zbardhjen e vrasjes së “Drinit” dhe vrasjeve të tjera pasluftës.

“Besojmë se kjo vrasje dhe vrasjet e tjera të pasluftës do të zbardhen nga Gjykata Speciale”, thotë Rexha,shkruan PrizrenPress.
Gjykata Speciale këtë vit pritet të funksionalizohet. Kjo gjykatë do të hetojë rastet e krimeve nga periudha janar 1999-dhjetor 2000.

Sot, në Prizren është shënuar 16- vjetori i vrasjes së “Drinit”.

Komandati i UÇK-së Ekrem Rexha -‘Drini’ u vra para shtëpisë së tij në lagjen “Bazhdarhane” në rrethana misterioze, në mëngjesin e 8 majit të vitit 2000, në kohën kur po punonte si drejtor komunal për Emergjencë. Në momentin kritik ai kishte dalë të ndezte veturën për të shkuar në punë, ndërsa ishte qëlluar me armë automatike, derisa po shikonte gomën e parë të veturës, nga ana e shoferit që ishte shpuar qëllimisht.

Për zbardhjen e vrasjes, nën drejtimin e ndërkombëtarëve në Prizren janë mbajtur dy procese gjyqësore, por në mungesë provash, të akuzuarit, ish-pjesëtarë të UÇK-së, por edhe ish-shokë të “Drinit”, janë liruar.

Procesi për të zbardhur vrasjen më vonë u zhvendos në Prishtinë, ku në një proces tjetër me drejtësinë u përball ish-komandanti i Zonës së Dytë të TMK-së, gjeneral Sali Veseli, që ishte akuzuar për bashkëpunim në vrasje. Shkalla e dytë e Gjykatës e pat prishur aktgjykimin e Gjykatës në Prizren, siç është thënë në mungesë provash liroi të akuzuarit.

Ndërkaq, bashkëshortja e “Drinit”, Hajrije Rexha thotë se ata që e kanë bërë këtë krim nuk meritojnë të jenë ende në liri.

“Ata që e kanë bërë këtë krim, vendin e kanë në burg”, thotë Rexhaj.

Sipas saj, kokat më të mençura të vendit, u vranë pasluftës.

“Po të ishin këto koka vendi do të ishe më ndryshe”, shprehët ajo./PrizrenPress.com/