Në pikën kufitare të Vërmicës është arrestuar një shtetas i Shqipërisë.

Policia njofton se arrestimi i tij është bërë me urdhërarrest ndërkombëtar.

Me vendim të prokurorit i dyshuari është dërguar në mbajtje./PrizrenPress.com/

Një aksident trafiku ka ndodhur në fshatin Piranë të Prizrenit.

Dy persona kanë pësuar lëndime trupore.

Ata janë dërguar për trajtim mjekësor në Spitalin e Prizrenit.

Policia njofton se vozitësi i cili ka shkaktuar aksidentin ka qenë i dehur./PrizrenPress.com/

Një ditë pas reagimit të ashpër të faktorëve ndërkombëtarë ndaj nismës së presidentit Thaçi për transformimin e njëanshëm, me ligj, të FSK-së në Ushtri të Kosovës, duke anashkaluar ndryshimet adekuate kushtetuese, pa e marrë mbështetjen e faktorëve ndërkombëtarë, kanë vazhduar komentet e njerëzve të politikës, por edhe të analistëve të pavarur. Deklarimi i presidentit se nuk heq dorë nga Projektligji i sponsorizuar nga kabineti i tij, nga njohës të këtyre rrethanave është cilësuar si veprim që mund ta rrezikojë sigurinë nacionale të Kosovës dhe ta fusë shtetin edhe në konfrontim të panevojshëm me SHBAnë dhe NATO-n. Kundërshtimi ndërkombëtar i nismës së presidentit po vlerësohet edhe si fundi i mbështetjes amerikane për Thaçin, që mund të jetë edhe njëri nga të akuzuarit e mundshëm të Gjykatës Speciale.

Adem Salihaj, deputet nga radhët e LDK-së, tha për “Kosova Sot” se shteti i Kosovës duhet ta ketë dhe do ta ketë ushtrinë e tij dhe këtë do ta arrijë jo me përkrahjen e Listës Serbe, por vetëm me përkrahjen e SHBA-së dhe NATO-s. “Ne duhet ta dimë qartë se Lista Serbe asnjëherë nuk do të pranojë që të ndryshohet Kushtetuta në favor të krijimit të Ushtrisë së Kosovës. Ajo që duhet të bëjmë ne është që t’i bindim ndërkombëtarët se serbët nuk do të pajtohen të formohet Ushtria e Kosovës, ndërsa Kosova ka nevojë dhe ka të drejtë ta këtë ushtrinë e saj, që të jetë faktor stabiliteti në rajon”, është shprehur ai.

Loja e rrezikshme e krerëve të PDK-së

Sipas Salihajt, lojërat e Thaçit janë të rrezikshme. “Jam i bindur që shqetësimi i tij nuk është formimi i Ushtrisë së Kosovës, por shantazhimi i ndërkombëtarëve me destabilizimin e Kosovës, në mënyrë që t’i shpëtojë arrestimit nga Gjykata Speciale”, tha Salihaj për “Kosova Sot”. Duke folur për veprimin e pakoordinuar të presidentit më aleatët ndërkombëtarë, Salihaj thotë se kjo lojë e rrezikshme është luajtur nga përgjegjësit kryesorë që drejtojnë PDKnë. “Hashim Thaçi, bashkë me Kadri Veselin, të dytë me autoritet të rrënuar, të kërcënuar nga arrestimi, po mundohen me dëshpërim të shiten patriotë, duke u munduar t’i vrasin dy zogj me një gur, duke formuar Ushtrinë e Kosovës dhe duke goditur LDK-në. Por, të dyja u shkuan huq”, ka potencuar më tej ai. “Ambasada amerikane në mënyrë të qartë na e bëri me dije se duhet ndjekur një rrugë tjetër për ta formuar Ushtrinë e Kosovës. Ne duhet të punojmë me durim e përkushtim që ta formojmë Ushtrinë e Kosovës, rruga mund të jetë më e gjatë, por gjithsesi do ta arrijmë qëllimin tonë”, tha Adem Salihaj.

Veprimet e njëanshme shpijnë në konfrontim

Politologu Arsim Haziri thotë se presidenti i vendit, me hapin e fundit të njëanshëm në kuptimin e mosbashkëpunimit me faktorin ndërkombëtar, SHBA-në dhe NATOn, për çështjen e ushtrisë ka dhënë mesazh të dëmshëm për interesin e shtetit të Kosovës.

“Veprimet e njëanshme mund të fusin Kosovën në konfrontime të panevojshme me SHBA-në dhe NATO-n. Mbi këtë bazë theksoi se, siç edhe po duket, raportet mes Thaçit dhe faktorit ndërkombëtar janë në fazën e fundit të funksionimit dhe kjo njëherësh mund të jetë edhe indikacion se ai është figura e parë e cila do të jetë subjekt i Gjykatës Speciale”, ka thënë Haziri.

Njohësi i marrëdhënieve ndërkombëtare, Albinot Maloku, thotë se reagimet e menjëhershme të faktorit ndërkombëtar në raport me iniciativën e presidentit Thaçi për rolin e ri të FSK-së, sidomos atyre që i kemi e i konsiderojmë partnerë strategjikë shtetërorë të Kosovës, ishin të shpejta dhe në një formë edhe ultimative, sidomos deklarimi për mundësinë e rivlerësimit të bashkëpunimit dypalësh. Ai beson se megjithatë propozimi i presidentit Thaçi që me ligj të ndryshohet roli i Forcës së Sigurisë së Kosovës nuk ka qenë e thënë të marrë vëmendje të nivelit çfarë e ka marrë nga faktori ndërkombëtar.”Pa dyshim, kjo ide për intervenime ligjore në rolin e FSK-së mund të mos jetë edhe aq e preferuar, por me kapacitetin kushtetues që e ka Republika e Kosovës do të vazhdojmë të jemi të lidhur për çdo gjë nga Serbia. Këtë besoj e dinë edhe reaguesit, me të cilët çdo gjë e kemi koordinuar si shtet e si politikë”, tha Maloku.

Servilizmi i presidentit

Eksperti i fushës së sigurisë, Naim Miftari, ish-kryeshef i G2, pranë UÇK-së dhe TMK-së, thotë se nuk e beson që presidenti Thaçi guxon të dalë në këso lloj aventurash pa e pasur një lloj mbështetje, së paku në hije, të faktorit ndërkombëtar, e veçmas nga amerikanët, ndonëse figura e tij kontroverse lë shumë për të dyshuar për veprimet që i ka ndërmarrë gjatë gjithë karrierës së tij politike dhe që kanë qenë në dëm të shtetit të Kosovës.

“Duke e njohur presidentin si servil të ndërkombëtarëve, nuk besoj se ky guxon të rrezikojë kaq shumë në kartë të gabuar. Por, unë dyshoj në sinqeritetin e vetë Thaçit, sepse dihet se si në marrëveshjen e vitit 1999 pikërisht Hashim Thaçi shpërbeu dhe tradhtoi kryekëput tërë UÇK-në për disa përfitime të vetat politike dhe materiale, i shtyrë sidomos nga francezet. I njëjti njeri na gënjeu pandërprerë se TMK do të jetë ushtri, të njëjtën gënjeshtër e bëri edhe me FSK-në dhe tani i njëjti njeri do ushtri”, tha Naim Miftari për “Kosova Sot”. Ai thekson se Kosova duhet ta ketë gjithsesi ushtrinë mbrojtëse profesionale.

Fshati i Malësisë së Re vazhdon të neglizhohet nga Komuna e Prizrenit. Pavarësisht premtimeve të shumta të pushtetarëve, ky fshat vazhdon të anashkalohet prej investimeve dhe shërbimeve publike që i takojnë.

Për këtë qëllim Pika e Lëvizjes VETËVENDOSJE! në Malësi të Re, sot dorëzoi kërkesë të mbështetur me rreth 100 nënshkrime të banorëve të këtij fshati për ndërtimin e objektit të Qendrës së Mjekësisë Familjare dhe objektit të Shkollës Fillore, cikli i ultë.

Aktualisht në këtë fshat janë 200 shtëpi dhe nevoja për realizimin e kërkesave të komunitetit për shërbime bazike nuk ka qenë asnjëherë më e madhe.

Banorët e këtij fshati duhet të udhëtojnë 4 kilometra për vizita mjekësore në fshatin Korishë, dhe duke pasur parasysh se të moshuarit dhe fëmijët janë kategoritë më në nevojë, ndërtimi dhe hapja e një qendre shëndetësore në këtë fshat është domosdoshmëri.

Kurse sa i përket ndjekjes së mësimeve, afërsisht 100 nxënës të këtij fshati çdo ditë duhet të udhëtojnë nga 2 kilometra për t’i vijuar mësimet në fshatin Lutogllavë.

Mosofrimi i përkujdesjes institucionale është diskriminim. Mosrealizimi i premtimeve është mashtrim i cili nuk do të has në mirëkuptimin tonë./PrizrenPress.com/

Rigjykimi ndaj ish-gjyqtares dhe tani avokates, Shemsije Sheholli, ka dështuar të fillojë për të dytën herë radhazi.  Pas mungesës së saj në seancën e 3 shkurtit, sërish, të enjten ka munguar me arsyetimin e njëjtë se është e sëmurë dhe se nuk ka mundësi të prezantojë në shqyrtim.

Mbrojtësja e të akuzuarës, avokatja Shpresa Berisha-Rexhepi, ka thënë se e mbrojtura e saj është ende në pushim mjekësor për shkak të problemeve shëndetësore. Ajo i ka propozuar gjykatës që shqyrtimin ta shtyjë pa afat e në ndërkohe ajo vet do ta njoftojë gjykatën për gjendjen e të akuzuarës.

Prokurori i rastit, Genc Nixha, ka kërkuar që në këtë rast të veprohet me urgjencë sepse ko lëndë do të mbërrijë afatin e vjetërsimit në korrik të këtij viti.

Përfaqësuesi i të dëmtuarve, avokati Hajrip Krasniqi, ka propozuar që nga e akuzuara të kërkohet që të paraqesë një mendim të mjekut sipas të cilit ajo nuk mund të paraqitet në këtë shqyrtim gjyqësor.

Kryetarja e trupit gjykues, Raime Elezi, ka thënë se nuk mund të vlerësojë raportet mjekësore të të akuzuarës andaj i ka dhënë afat prej 10 ditëve që e akuzuara të paraqesë një mendim mjekësor i cili sqaron gjendjen e saj dhe nëse ajo mundet të përcjellë gjykimin.

Seancën e radhës e ka caktuar për 23 mars, në ora 13:30.

Me datën 12.09.2013, Prokuroria e Shtetit, ka ngritur aktakuzë ndaj Shemsije Shehollit, të cilën e akuzon se në cilësinë e gjyqtares në ish-Gjykatën Komunale në Prishtinë, ka keqpërdorur pozitën zyrtare të saj.

Sipas aktakuzës, Sheholli ka aprovuar kërkesën e paditësve Jetullah, Sherife dhe Naim Krasniqi, me të cilën ka vërtetuar se ata janë pronar të një prone, në vendin e quajtur “Kroi i Bardhë”, pa ftuar në shqyrtimin gjyqësor, palën paditëse.

Sipas aktakuzës, Sheholli i ka caktuar palës së paditur, përfaqësues të përkohshëm, pa u munduar që të sigurohet se i njëjti nuk  jeton në Kosovë, por se është mjaftuar me deklaratën e paditësve se i padituri, Ustun Sylejman, është shpërngulur në Turqi.

Poashtu, Sheholli, akuzohet se nuk ka zbatuar ligjet pozitive që të shpallë në gazetën zyrtare, vendimin mbi caktimin e përfaqësuesit të përkohshëm, me çka i është mohuar e drejta e pjesëmarrjes në kontest, trashëgimtarëve ligjor të të paditurit Ustun, mbesat dhe nipat e tij, Zineta, Ifeta dhe Eroll Nikoqeviq dhe Emil Popoviq.

Me 27 maj 2016, e akuzuara Shemsije Sheholli, është shpallur fajtore për veprat penale me të cilat ngarkohet dhe është dënuar me 3 muaj burgim efektiv.

Ndaj këtij aktgjykimi, palët e dëmtuara dhe prokurori i rastit, kanë parashtruar ankesë në Gjykatën e Apelit, ku kanë kërkuar që të rritet lartësia e dënimit.

Poashtu edhe mbrojtësja e të akuzuarës, avokatja Shpresa Berisha-Rexhepi, ka bërë ankesë ku ka kërkuar që të prishet aktgjykimi dhe rasti të kthehet në shkallën e parë për rivendosje.

Me 5 dhjetor 2016, Gjykata e Apelit, ka marrë aktvendim me të cilin ka aprovuar ankesën e mbrojtjes dhe e ka kthyer rastin në shkallën e parë, për rivendosje.

Sipas aktvendimit të Apelit, gjykata e shkallës së  parë nuk ka arritur që të vërtetojë në tërësi gjendjen faktike, pasi që nuk ka administruar si provë, lëndën kontestuese për të cilën bëhet fjalë në aktakuzë, ku do të vërtetoheshin nëse janë të sakta pretendimet e palës akuzuese apo asaj mbrojtëse.

Lënda penale në këtë rast, në korrik të këtij viti, arrin afatin e vjetërsimit.

rokuroria Themelore në Prizren, ka ngritur aktakuzë kundër të pandehurit D.S., për shkak të dyshimit se ka kryer veprën penale, fajdeja, nga neni 343, paragrafi 2, lidhur me paragrafin 1, të KP-së, njofton kumtesa nga Prokuroria, transmeton koha.net.

Sipas aktakuzës, i pandehuri D.S. nga muaji shkurt 2016 e deri më datë 18 janar 2017, me qëllim që të përfitojë për vete apo personin tjetër pranon ose kontrakton një shumë dukshëm jo proporcionale të pasurisë në këmbim të shërbimit të personit tjetër duke shfrytëzuar gjendjen e rëndë financiare të të njëjtit, pa përvojën ose pa aftësinë për të gjykuar, në atë mënyrë që i jep para me interes me fajde të dëmtuarit B. F, në vlerë prej shtatë mijë e dyqind ( 7200 ) euro, për periudha kohore të caktuara dhe për të njëjtat nga i dëmtuari merr interes – kamatë në vlerë prej trembëdhjetë mijë e shtatë qind ( 13.700 ) euro, në këtë mënyrë të dëmtuarin e çon në një gjendje të rëndë financiare – ekonomike.

I pandehuri D.S. me këto veprime ka kryer veprën penale, fajdeja, nga neni 343, paragrafi 2, lidhur me paragrafin 1, të KP-së.

Avokati Ilaz Kadolli, ka bërë  Kallëzim penal,  kundër kryetarit të Prizrenit, Ramadan Muja dhe kryesusit të Kuvendit , Kujtim Gashi.

Kallëzimi Penal është bërë sot në Prokurorin Themelore të Prizrenit.

Kadolli, akuzon Mujën dhe Gashin, se kundërligjshëm kanë vepruar në rastin e iniciativës për ndërtimin e xhamisë në Kalanë e Prizrenit, shkruan PrizrenPress.

“Me këtë mënyrë konsideroj se e kanë konsumuar veprën penale të keqpërdorimit të detyrës zyrtare, duke marrë veprime të kundërligjshme”, tha Kadolli. /PrizrenPress.com/