Në Malishevë, sot u hap panairi dy ditorë i veshjeve tradicionale shqiptare dhe i prodhimeve ushqimore tradicionale, në të cilin po marrin pjesë shoqata dhe individ, të cilët merren me zejen e vjetër të trashëgimisë kulturore shqiptare, sikur edhe me ushqimet tradicionale.
Ky panair mbahet në kuadër të shënimit të Ditëve të Diasporës dhe në Malishevë organizohet krahas festivalit folklorik “Oda e Llapushës”, që gjithashtu fillon sonte.
Panairin e ka vizituar edhe kryetari i Malishevës, Ragip Begaj, i shoqëruar nga nënkryetari Rexhep Mazreku dhe drejtorët e drejtorive.
Begaj, i ka përgëzuar të gjithë pjesëmarrësit në këtë panair, për punën që e bëjnë, në ruajtjen e trashëgimisë sonë kulturore. Po ashtu ai, ju uroj sukses edhe në prezantimin e sotëm në këtë panair.
Përndryshe, panairi i veshjeve tradicionale dhe i ushqimeve dhe prodhimeve vendore, është tradicional në Malishevë dhe mbahet më 1 dhe 2 gusht, në kuadër të shënimit të Ditëve të Diasporës. Panairi dhe aktivitetet e tjera, në kuadër të shënimit të Ditëve të Diasporës, organizohet nga Komuna e Malishevës, përkatësisht Drejtoria për Kulturë, Rini dhe Sport (DKRS).
Me këtë rast, edhe drejtoresha e DKRS-së në Malishevë, Blerta Krasniqi, i ka uruar dhe përgëzuar të gjithë pjesëmarrësit në këtë panair, për punën e tyre, në ruajtjen dhe kultivimin e trashëgimisë sonë kulturore. /PrizrenPress.com/
Trashëgimtarja e pasur, Paris Hilton, ka thënë se ka frikë që ajo mund të jetë shënjestra e radhës e ISIS-it, sepse është e pasur dhe e famshme. Duke folur për revistën spanjolle, Diario de Ibiza, ajo është ankuar se statusi i saj mund t’i kushtojë me jetë.
“Pas sulmeve në Francë dhe në Gjermani, vazhdimisht mendoj për veten. Kjo që ndodh është e tmerrshme. Më mundon kjo dhe jam e shqetësuar”.
“Udhëtoj shpesh dhe kam frikë kur mendoj për gjërat e këtilla. Shpesh lëviz nga një vend në tjetrin dhe jam personalitet i njohur, gjë që më bën shënjestër për sulm dhe më tmerron”, ka deklaruar Hilton.
Megjithatë, ajo është zotuar se nuk do të angazhojë truproja si personalitetet tjera të njohura.
“Kujdesem vet për veten. Gjithmonë shkoj vet, pa sigurim. Shumë të njohur kanë deri në 10 truproja, por mua më pëlqen të dal me miqtë e mi dhe të jem normale si krejt të tjerët”, ka shtuar ajo.
Një grup ushtarësh, që dyshohej se do të kapnin presidentin Erdogan gjatë grushtit të shtetit në Turqi, janë arrestuar.
Mediat thonë se të arratisurit janë kapur nga forcat speciale në një zonë pyjore.
Mes ushtarëve dhe forcave speciale ka pasur shkëmbim zjarri, por asnjë të lënduar.
11 persona janë arrestuar.
Erdogan ishte me pushime në një hotel luksoz, kur ndodhi grushti i shtetit.
Ndërkohë të dielën, të paktën 35 mijë persona dolën në një tubim pro-Erdogan në Këln të Gjermanisë.
Por Turqia u zemërua pasi një gjykatë gjermane nuk lejoi që Erdogan të përshëndeste tubimin me anë të një video-link.
“Ky është një turp për demokracinë gjermane,” bëri të ditur Ankaraja zyrtare.
Gjykata gjermane deklaroi se mesazhet e Erdogan mund të krijojnë tension mes 3 milionë turqve që jetojnë në Gjermani.
Ndërkohë në Këln pati edhe një anti-miting kundër Erdogan, me një pjesëmarrje shumë të vogël.
Nga ana e saj, e përditshmja Bild i është përgjigjur deklaratave të Ankarasë për demokracinë gjermane, duke kujtuar se në Gjermani lejohet të protestosh kundër qeverisë, lejohet liria e medias dhe e lëvizjes, por mbi të gjitha pranohet historia.
“Në Gjermani, mohimi i Holokaustit është vepër penale. Në Turqi dënohesh nëse e quan genocid vrasjen e një milion armenëve”, shkruan gazeta.
Tre shtetas britanikë, mes tyre dhe një ish-kampion britanik i xhudos janë dënuar nga gjykata për trafik të paligjshëm të emigrantëve shqiptarë në Britani, me barkë përmes brigjeve të kanalit anglez, Kent.
Robert Stilwell, 33, nga Dartford, është dënuar me 4 vjet pasi u akuzua si fajtor për tentativën e trafikut drejt Britanisë të 18 shqiptarëve përmes një barke, duke rrezikuar mbytjen e tyre.
Mbrëmjen e 28 majit, 15 burra, një grua dhe dy fëmijë shqiptarë u shpëtuan nga rojet bregdetare pas telefonatës së familjarëve të tyre se rrezikonin të mbyteshin pasi varka ku ata po lundronin ishte duke u fundosur.
Robert Stilwell dhe bashkëpunëtori i tij, Mark Stribling, 35, pranuan akuzat dhe të dy janë dënuar nga gjykata e Maidstone. Ndërkohë një tjetër anglez Stephen Jackson u dënua nga gjykata e Lewes pasi tentoi të fuste në Angli një grup shqiptarësh 6 ditë më përpara, ngjarjes në brigjet e kanalit anglez, Kent.
Jackson, 51 vjeç u dënua me 4 vjet e 9 muaj burg për ngjarjen e 23 majit kur përmes një varke tentoi të fuste në Angli një grup tjetër shqiptarësh.
Një festival i artit të muzave, – kështu e quan regjizorja Driada Dervishi nismën e ideuar prej saj për të mbajtur në amfiteatrin e Durrësit një veprimtari verore në disa gjini të arteve.
Nisur nga 4 gushti, çdo mbrëmje dritat do të mbahen ndezur gjatë në këtë verë, duke përfshirë pothuaj gjithë muajin.
Ndryshe, Vera në Epidamn do të krijojë atmosferën e munguar në këtë sezon, kur rrallë është trajtuar amfiteatri si qendër kulturore, edhe pse vizitorët të huaj e shqiptarë interesin e parë e drejtojnë për aty. Në këtë rast Driada, që nuk i është larguar qytetit të saj, as teatrit “Aleksandër Moisiu”, duke pasur një jetë aktive dhe kontribute në vite, ka mundur të zgjerojë këtë veprimtari.
Kështu qyteti i Durrësit, Dyrrahu apo Epidamnus siç quhej në fillesat e tij, do të zgjerojë hartën e pritjes. Duke miksuar muzikën, teatrin, emrat që do të jenë bëjnë teatrin sot, interpretojnë, luajnë dhe këndojnë në skena brenda dhe jashtë vendit.
Dervishi thotë se mbrëmjen e parë do të nisë në amfiteatrin e qytetit, me dramën “Doktor Shuster”, nga trupa e teatrit “Andon Zako Çajupi”, Korçë, me regji të Qëndrim Rijanit. Ndoshta ky është nga bashkëpunimet më të veçanta që po ndodh, kur ky regjisor i ri, shqiptar nga Maqedonia ka krijuar një aktivitet teatror në qytetin juglindor, duke nxitur një frymë moderne në këtë teatër, përveç mbajtjes gjallë të kësaj tradite.
Më datë 7 gusht, “Mozart Coctail”, do sjellë një mbrëmje muzikore, me kompozimet më të njohura të këtij artisti, në rastin e 260 vjetorit të ndarjes nga jeta, shoqëruar me kostume të stilizuar nga stilistja e njohur, Enada At Nikolla. Mbrëmja muzikore vjen e konceptuar nga regjisorja Driada Dervishi, ku këndojnë sopranoja Arlinda Morava, Sindi Mamaqi, shoqëruar në flaut nga Daorsa Dervishi, në violinçel Blerina Durmishaj, në piano nga Klejda Tare, Neti Xhakosi, me pjesëmarrjen e aktorëve Aishe Stari, Adelina Muça, Alesia Xhemalaj, Aurora Qazimi, Arjola Basho, ndërsa koreografia e realizuar nga Elton Cefaj, me balerinë Akreoma Saliu me përzgjedhje muzikore, e ide nga Metila Dervishi.
Mbrëmja e 11 gushtit do të vazhdojë me teatrin, ku do vihet vepra “Një jetë me ty” me autor e regji Erion Kamen. Për tre netë, 12,13,14 gusht do të ngjitet në amfiteatër komedia e Plautit, “Binjakët”, e cila vjen si premierë e teatrit të qytetit të Durrësit, “Aleksandër Moisiu” me regji të Driada Dervishit. Ka domethënie për regjisoren ardhja e kësaj pjesë në skenën e qytetit antik. “Binjakët” (Menehmët), komedia më e suksesshme e Plautit, ngjarjet e së cilës ndodhin në Epidamn, vjen për herë të parë në Durrësin tonë pas 2200 vjetësh, në Amfiteatër, si pjesë e Festivalit “Verë në Epidamn””, thotë Driada. Në këtë pjesë interpretojnë: Romir Zalla, Besmir Bitraku, Amos Zaharia, Suela Bako, Adelina Muça, Marvin Tafaj, Sanie Hoti dhe Muharrem Hoxha, me skenë dhe kostume të realizuar nga Desantila Lika.
Një ekspozitë poetike, siç cilësohet, do të jetë për herë të parë në Banjat termale që ndodhet në teatrin A. Moisiu. Ky cikël quhet “Muzat e Epidamnit”, të realizuar nga regjisorja Adelina Muça. Brenda natyrës së këtij festivali, pritet të shfaqet filmi “Epidamn” në galerinë e amfiteatrit, si dhe disa filma të shkurtër dhe dy dokumentarë, si: “Buka” me skenar e regji të Blerta Kelmendit, “Ana” me skenar dhe regji të Arjola Daja, “Mëngë këmishe”, me skenar e regji të Suela Bakos, “Humanisti i heshtur”, shfaqet premierë me skenar e regji të Merita Çoçolit, “Dinastia Tedeschini”, me skenar të Rovena Rrozhani, Vali Qyrfyci dhe regji të Anila Varfit. Më 20 gusht, në hyrjen e Amfiteatrit për të sensibilizuar, por dhe për të parë punë unike në fotografi, të cilat janë përfshirë në publikime ndërkombëtare, – do të jetë ekspozita fotografike e artistes Soela Zani, në bashkëpunim me “Doën Syndrome Albania”, quajtur “Edhe unë jam një vepër arti”.
Festivali organizohet nga shoqata “Eja” në bashkëpunim me teatrin “Aleksandër Moisiu”, mbështetur nga Ministria e Kulturës me ndihmë infrastrukturore nga Bashkia e qytetit, si dhe drejtoria Rajonale e kulturës kombëtare. /Mapo
Njeriu që mban gjallë fuqinë në prapaskenë të PDK-së së pushtetshme është Adem Grabovci. Koordinon të gjitha aktivitet e paligjshme të partisë. I luten të gjithë për kryerjen e favoreve. Ai iu nënshtrohet vetëm dy vetave: Hashim Thaçit e Kadri Veselit.
Adem Grabovcin të gjithë e thërrasin “shef”. I tillë është me veprime kur është fjala për të shpërdoruar autoritetin zyrtar.
Fuqia e tij dhe strukturës së Partisë Demokratike të Kosovës dëshmohet me një seri përgjimesh telefonike që ka siguruar Insajderi. Vetëm për dy muaj, nëntor – dhjetor 2011, ai punëson qindra njerëz, zgjedh dhjetëra kryetarë e anëtarë bordesh, drejtorë ndërmarrjesh e agjencish të pavarura.
Heq nga lista njerëz që në teste dalin të parët për pozita udhëheqëse. Ndërron komisione për konkurse. Madje i anulon konkurset në ato raste kur njerëz të tij nuk marrin pikë të mjaftueshme.
Pos kësaj, Grabovci punëson njerëz të vetë në Policinë e Kosovës, zgjedh prokurorë e gjyqtarë. Mes tyre, Sali Mekajn e bën kryetar të Gjykatës së Apelit, Sylë Hoxhën e bën kryeprokuror të Prizrenit. Kërkesa të shumta për ta takuar Grabovcin bën Haxhi Dërguti, atë kohë prokuror në Prokurorinë e Qarkut të Prishtinës. Aktualisht, Dërguti është kryeprokuror i Prokurorisë së Apelit.
Gjithë këto veprime Grabovci i bën me dijeni dhe në bashkëveprim me Hashim Thaçin, president i Kosovës të cilin e quan “shef”.
Insajderi ka siguruar mbi njëmijë biseda të përgjuara telefonike të nxjerra me vendim gjykate të Adem Grabovcit, gjatë nëntorit dhe dhjetorit të vitit 2011. Ishte hetuar nga EULEX-i.
Asokohe, Grabovci, shef i grupit parlamentar të Partisë Demokratike të Kosovës hetohej për vepra penale të krimit të organizuar, shpërdorimit të detyrës zyrtare e lidhje kontratash të dëmshme. Këto veprime dyshohej se i kishte kryer gjatë kohës sa ishte zëvendësministër i Transportit dhe Postë-Telekomit.
Kjo ministri drejtohej nga Fatmir Limaj, i cili po përballet me një gjykim për vepra të njëjta penale për të cilat dyshohej Grabobvci.
Hetimi për Grabovcin ishte mbyllur në mungesë provash. Por, përgjimi i tre numrave telefonik ka zbuluar se Grabovci përdorte gjithë fuqinë dhe autoritetin zyrtar për të kryer punë në interes të njerëzve të tij, të militantëve partiakë dhe për të dëmtuar të tjerë që nuk i përkisnin linjës dhe interesit të tij.
Gazeta online Insajderi ka përzgjedhur një seri përgjimesh telefonike që lidhen me veprimet politike, ndërhyrjet në punën e Kuvendit dhe deputetëve, ndikimin ndërkombëtar mbi PDK-në dhe Hashim Thaçin dhe votimin me çdo kusht të dy ligjeve të kontestueshme atë kohë: atë për Qendrën Historike të Prizrenit dhe Ligjit për Hoqën e Madhe të Rahovecit.
Ndikimi i njerëzve të përgjuar shtrihet mbi secilin institucion të Kosovës, përfshirë pushtetet e pavarura. Ai ka ndikim mbi sistemin gjyqësor, atë prokurorial, mbi Policinë e Kosovës, mbi media siç është Televizioni Publik, disa gazeta ditore, mbi një televizion privat dhe mbi shumë gazetarë.
Grupi i tij politik kontrollon Universitetet, zgjedh për anëtarë bordesh zyrtarë të lartë partiakë si dhe cakton udhëheqës të këtyre institucioneve.
Gjithashtu, Grabobvci ka ndikim mbi biznese siç është kompania “Dukagjini” e Ekrem Llukës dhe kompaninë “Devolli Group”, asokohe pronë e vëllezërve Shkelqim e Blerim Devolli.
Ndikim dhe punësime në institucione shtetërore kanë edhe djemtë e tij, Ngadhënjimi dhe Guximi.
Në këto përgjime Grabovci zbulohet duke i dhënë listë me emra njerëzish, drejtorit të Policisë së Kosovës, Shpend Maxhuni për punësim në këtë institucion.
Insajderi do të sjell një seri bisedash të Grabovcit me Hashim Thaçi, Kadri Veselin, Shaip Mujën, Ramë Bujën, Ilhami Gashin, Hajdar Beqën, Latif Gashin, Azem Sylën, e zyrtarë tjerë shtetërorë e partiak.
Bisedat dëshmojnë veprimet dhe metodat e Thaçit për të mbajtur dhe forcuar pushtetin me çdo kusht.
Njerëzit me të afërm të tij janë Shkelqim Devolli me të cilin komunikon disa herë në ditë, Hajdar Beqën, Shaip Mujën, Ilhami Gashin e Ramë Bujën, etj.
Përgjimi zbulon po ashtu talljet e deputetëve të PDK-së me deputetët e pakicave. Serbët quhen “shkije”, ndërsa romët, ashkalitë dhe egjiptasit – “magjup”.
Insajderi ka kontaktuar me shumicën e protagonistëve, por ata kanë refuzuar të flasin për këtë çështje./Insajderi.com
Trajneri i Arsenalit, Arsene Wenger, ka dhënë një lajm tejet të mirë për tifozët e klubit anglez. Pas miqësores me Chivas, trajneri francez u pyet për Riyad Mahrezin, nëse tashmë Arsenali ka bërë ofertë për yllin e Leicester Cityt.
Kur u pyet nëse është duke vëzhguar lojtarin më të mirë të Premielrigës për sezonin që lamë pas dhe nëse Arsenali ka bërë ofertë, Wenger tha për Bein Sports: “Po, natyrisht, ne jemi duke i shikuar gjithë lojtarët”.
I pyetur për mundësin e nënshkrimit me Mahrezin, francezi u përgjigj: “Nuk mund të ju them po apo jo, sepse ne nuk i bëjmë publike këto gjëra. Mënyra më e mirë për të funksionuar, është t’i mbajmë gjërat e fshehura deri në një moment të caktuar”.
Revista më e famshme erotike në botë, “Playboy”, deri tani ka arritur të zhvesh disa nga bukuroshet më të njohura në botën e shoubiznesit, por disa prej tyre ishin më të veçanta.
Ne kemi përzgjedhur disa nga seks-bombat të cilat dikur kanë shkaktuar interesim të paparë të meshkujve në mbarë botën, ndërsa ato me krenari kanë zhveshur rrobat për këtë revistë.
Sharon Stone për “Playboy” ka pozuar në vitin 1999, ndërsa zhveshja dhe paraqitja lakuriqe duket se nuk kanë qenë problem për të, sepse në vitin 1992, ajo ka aktruar në filmin legjendar “Basic Instict”, ku kishte skenat më të nxehta seksuale të realizuara në ndonjë film.
Edhe pse në kohën kur ka pozuar për “Playboy”, nuk ishte e popullarizuar siç është tani, por ishte një yll në ngritje, Kim Kardashian gjithmonë ka ditur se si të tërheqë vëmendjen te vetja. Në janar të vitit 2007, ajo është zhveshur për “Playboy”, e cila e ka prezantuar atë si ‘seks-yllin e ardhshëm të Hollivudit”.
Bukuroshja, Carmen Electra, në ballinat e kësaj reviste, është paraqitur 44 herë në botimet e 21 shteteve. Electra ishte bërë e njohur për rolin e saj në serinë hit “Baywatch” nga vitet e ‘90-ta, por të gjitha pozimet kishin ardhur pas përfundimit të kësaj serie.
Por lepurusha e “Playboy”-it, padyshim se është tashmë e ndjera Anna Nicole Smith. Ajo ballinat e kësaj reviste i ka zbukuruar 47 herë në botimet e 20 shteteve. Herën e fundit në këtë ballinë ishte paraqitur disa muaj pas vdekjes, kur i është bërë një nderim për të gjitha vitet që ka kaluar në këtë revistë.
Bukuroshja dhe këngëtarja e famshme, Mariah Carey, për herë të parë dhe të vetme në ballinën e “Playboy”-it, është paraqitur në vitin 2007, në prag të daljes në shitje të albumit të saj 11-të, “E=MC²”. Albumi në fjalë, më pas i ka siguruar asaj titullin e solo-këngëtares me më së shumti këngë që janë gjetur në pozitën e parë në top-listat amerikane.
Modelja 28-vjeçare Aline Furlan është gjetur e vdekur në Sao Paulo, Brazil. Në 14 korrik kur u zhduk, më parë kishte qenë me miqtë në një bar të Piracicaba. Trupi i modeles është gjetur pranë makinës së saj, në fund të një shkëmbi.
Policia beson se vajza është viktimë e një aksident me makinë, por nuk e ka përjashtuar mundësinë e një sulmi.
“Ne jemi duke hetuar. Në këtë moment gjithçka duket një aksident, por nuk përjashtojnë asnjë hipotezë”, tha shefi i policisë së Sao Paulo, Joao Sergio Batista.
Kapiteni i Manchester Unitedit, Wayne Rooney, shpreson se klubi do të bëjë të pamundurën për ta sjellë në ‘Old Trafford’, Paul Pogban
Edhe përkundër se vazhdimisht raportohet për arritje të marrëveshjes me Unitedi e Juventusit për mesfushorin Paul Pogba, ende nuk ka asgjë zyrtare, por Rooney shpreson që kjo të ndodhë sa më shpejt.
Sipas tij, Pogba ka ‘punë të papërfunduar’ në ‘Old Trafford’ dhe se e mirëpresin atë.
“Shpresoj se ai do të rikthehet te Unitedi dhe të dëshmojë se është lojtar i klasit botërorë. Nëse ai është i lumtur që do të luajë me ne, ne do të jemi më të lumtur që ai po rikthehet. Jam i sigurt se ai mendon se te Unitedi ka ‘punë të papërfunduar’. Do të jetë diçka e madhe për klubin nëse arrin të transferojnë atë”, tha Rooney.
“E mbaj mend atë shumë mirë në disa stërvitje. Ai gjithmonë shikon për të të lënduar me lëvizjet që bën, do të ishte një nënshkrim tejet i mirë”, shtoi kapiteni.
