Propozimi i deputetit të Partisë Demokratike të Kosovës Nait Hasani për debat parlamentar për ndryshimin dhe plotësimin e ligjit për Gjykatën Speciale nuk ka kaluar.
Me 53 vota për, 1 abstenim dhe një kundër, nuk kalon mocioni për debat për shqyrtimin e ligjit për Gjykatën Speciale, i propozuar nga deputeti I PDK-së Nait Hasani.
Sot, në orët e mëngjesit është rrënuar edhe një shtëpi e vjetër brenda Qendrës Historike të Prizrenit, në rrugën “Pushkatarët”.
Procesi i dhënies së pëlqimeve dhe lejeve nga organet shtetërore për zonat dhe monumentet e trashëgimisë kulturore vazhdon të mbetet skajshmërisht jotransparent.
Ec Ma Ndryshe, rekomandon marrjen e vendimit për moratorium për këtë zonë, që nënkupton ndalimin e çfarëdo aktiviteti (në përjashtim të atyre me natyrë emergjente), përderisa është duke u hartuar Plani i Menaxhimit dhe Konservimit për Qendrën Historike të Prizrenit./PrizrenPress.com/
Nga Faton Mehmeti
Si asnjëherë më parë, asnjë pjesëtar i Familjes së Adem Jasharit nuk ka marrë pjesë në ceremoninë e organizuar nga Presidenca e Qeveria me rastin e 19 vjetorit të rënies heroike të Komandantit Legjendar Adem Jashari dhe familjes së tij. Dëshpërimi i familjes Jashari me klasën politike në vend daton qysh moti dhe si duket tani ka arritur limitet. Faktikisht çdo familje që nuk ka lidhje direkte apo indirekte me politikën sot në Kosovë nuk është e kënaqur me gjendjen në vend, por protesta me mospjesëmarrje nga familja legjendare Jashari trumbeton më fortë.
Një familje që dha çdo gjë për atdhe dhe për liri lëshon klithjen e dëshpërimit. Ka kohë që oda e Jasharajve ka qenë e mbyllur për liderët politikë të vendit, disa prej të cilëve rrahin gjoks se ishin shokë me Adem Jasharin.
Pakënaqësia me klasën politike në vend, respektivisht me devijimin e rrugës për të cilin familja Jashari sakrifikoi 56 anëtarë të familjes ka bërë që kritikat ndaj institucioneve të vendit të shtohen. Ndërkohë, para dy viteve, më 5 mars, Bekim Jashari kishte quajtur turp të institucioneve pse nuk kishin lejuar të intonohej himni kombëtar në ceremoninë përkujtimore për Familjen Jashari. E si mos të jetë e dëshpëruar kjo familje, por dhe çdo qytetar i këtij vendi me gjendjen e tanishme në vend.
Kjo nuk është Kosova për të cilën dhanë jetën qindra e mijëra dëshmorë, që klasa politike të bëhen milionerë brenda natës e populli të dergjet për një kafshatë bukë. Këta politikanë përveç që janë të dëshpëruar janë edhe të dështuar, të paaftë për të bërë dhe drejtuar shtet, kanë rënë gjithnjë nga zhgënjimi që qytetarët e shumtë kanë parë tek klasa politike.
Në Kosovën, në të cilën paga mesatare është rreth 270 euro, gjysma e popullatës është e papunë dhe e varfër, askush nuk mund të jetë krenare me këtë vend dhe këtë udhëheqësi. Familja Jashari lëshon zërin se kështu nuk shkon, për ata që kanë vesh daullet po bijnë. Këta që u thirrën në emër të familjes Jashari, gjoja se ishin shokët e Ademit, kanë sjellë vendin afër greminës. Këta po abuzojnë me paranë publike dhe e shohim të gjithë dhe nuk ka fuqi askush për të vepruar, sepse edhe Gjyqësori është i ndërlidhur me këtë politikë dhe krim të organizuar.
Rrënja e përbashkët e të gjitha partive politike bashkë me sektorët tjerë të korruptuar janë struktura të krimit të organizua . Shqiptarët e Kosovës janë të dëshpëruar që nuk mund të jetojnë të ndershëm, të kenë jetë të dinjitetshëm dhe mos të kenë harbutë në pushtet, por njerëz me integritet dhe qe nuk e vjedhin vendin e tyre të larë me gjak. E kush më tepër se familja Jashari ka derdhur gjak për këtë vend ?!
Këshilli Prokurorial i Kosovës, në mbledhjen e së enjtes, ka avancuar tre prokurorë në Prokurorinë Speciale.
Sylë Hoxha, ish Kryeprokuror i Prizrenit, përmes konkursit tani është zgjedhur prokuror në Prokurorinë Speciale, njofton Klan Kosova.
Pos tij në këtë pozitë janë përzgjedhur edhe prokurorja Fikrie Krasniqi Fejzullahu, si dhe prokurorja Florije Salihu Shamolli.
Dy kandidatë nuk i kanë plotësuar kushtet për tu bërë pjesë e kësaj prokurorie.
Ndërsa në Prokurorinë Themelore të Prishtinës janë avancuar tre prokurorë nga departamenti i përgjithshëm në atë për krime të rënda.
Ndër të tjera në këtë mbledhje është shqyrtuar edhe Raporti Vjetor i Mekanizmit përcjellës për harmonizim të statistikave për vitin 2016.
Tre persona janë arrestuar në Prizren.
Arrestimi i tyre është bërë me urdhër të Gjykatës Themelore në Prizren.
Të arrestuarit janë dërguar në burgun e Prizrenit. /PrizrenPress.com/
Një sulm fizik ka ndodhur në rrugën “Jusuf Gërvalla” në Prizren.
Viktima ka pësuar lëndime të rënda trupore.
Policia njofton se i dyshuari është dërguar në mbajtje./PrizrenPress.com/
Atë që ka bërë Barcelona ndaj Paris Saint-Germain në ndeshjen e mbrëmshme është rikthimi më i madh në historinë e Ligës së Kampionëve.
Skuadra katalanase kishte humbur 0:4 në ndeshjen e parë në Paris, por në atë të kthimit arriti të triumfonte 6:1, për të siguruar kalimin në çerekfinale.
Faqja zyrtare e UEFA-s ka publikuar rikthimet më të mëdha që janë arritur nga skuadrat pasi që kishin humbur ndeshjet e para, transmeton KosovaPress.
Chelsea 3:1 Barcelona
Barcelona 5:1 Chelsea (Pas vazhdimeve)
1999/2000 çerekfinale
AC Milan 4:1 Deportivo La Coruna
Deportivo La Coruna 4:0 AC Milan
2003/04 çerekfinale
Real Madrid 4:2 Monaco
Monaco 3:1 Real Madrid
2003/04 çerekfinale
Napoli 3:1 Chelsea
Chelsea 4:1 Napoli (Pas vazhdimeve)
2011/12 1/8 e finales
AC Milan 2:0 Barcelona
Barcelona 4:0 AC Milan
2012/13 1/8 e finales
Olympiacos 2:0 Manchester United
Manchester United 3:0 Olympiacos
2013/14 1/8 e finales
Paris Saint-Germain 3:1 Chelsea
Chelsea 2:0 Paris Saint-Germain
2013/14 çerekfinale
Porto 3:1 Bayern Munich
Bayern Munich 6:1 Porto
2014/15 çerekfinale
Wolfsburg 2:0 Real Madrid
Real Madrid 3:0 Wolfsburg
2015/16 çerekfinale
Një libërth prej rreth 150 faqesh, që na zbulon një aspekt tjetër të Amik Kasoruhos, që e kemi njohur për përkthimet e tij të shkëlqyera apo si publicist. Poezitë zënë fill që në vitin 1953, kur ai vuante dënimin në Burgun e Burrelit, pastaj shtrihen në vite, deri në 1995.
“Ah, jo-na s’jem të huej… na jem të lumë:/ as tallja e njimendjes, as ngërdheshja/ s’na pezmaton!.. për ne asht gaz përleshja,/ dhe vala s’asht ma valë/ po s’pat tallaz e hov e shkumë!…”.
Amik Kasoruho ishte vetëm 17 vjeç kur u burgos si armik i popullit. Nuk e kish mbaruar ende shkollën e mesme dhe iu desh të “përleshej” për të mbijetuar. Ai ishte armik, bir armiku, e fati për të ishte paracaktuar.
Por edhe mes atij terri ku e përplasën, ai arrinte t’i gjente shkëndijëzat e dritës. E pikërisht kështu, “Shkëndijëzat mes errësirës” titullohet vëllimi me poezi i Amik Kasoruhos, përgatitur dhe përzgjedhur nga Meri Lalaj, një botim i Institutit të Studimit të Krimeve të Komunizmit.
Një libërth prej rreth 150 faqesh, që na zbulon një aspekt tjetër të Amik Kasoruhos, që e kemi njohur për përkthimet e tij të shkëlqyera apo si publicist. Poezitë zënë fill që në vitin 1953, kur ai vuante dënimin në Burgun e Burrelit, pastaj shtrihen në vite, deri në 1995.
“Ishte një befasi e këndshme, kur në pranverë, zonja Xhovana Kasoruho, bashkëshortja e Amikut, pasi patëm biseduar më parë, më solli një dosje të mbushur plot me fletë të shkruara me dorë dhe me makinë shkrimi. Fillova të lexoj dhe të njoh Amikun poet, nuk e prisja që të gjeja poezi aq të fuqishme në mendim dhe në ndjenjë, poezi të shkruara në moshë fare të re, 18 apo 19 vjeç”, thotë Meri Lalaj në parathënien e librit.
“Ndërsa lexoja e përzgjidhja poezitë e Amikut, vura re se përveç mendimeve filozofike, ndjenjave të holla, figurave artistike, gjuhës së pasur, formës së soneteve në dy strofa katërvargëshe dhe dy të tjera trevargëshe, më bëri shumë përshtypje që një gjirokastrit si Amiku shkruan në një gegërishte të mirëfilltë, duke iu përmbajtur drejtshkrimit të para vitit 1972 dhe më vonë, sipas normave të drejtshkrimit standard”, sqaron Lalaj.
Poezitë e shkruara në Burgun e Burrelit janë kryesisht kushtime. Kushtime nënës, motrës, babait që u pushkatua pas “incidentit” të bombës në Ambasadën Sovjetike, bashkëvuajtësve të tij, Tefikut, Loros, Lorencit, nji fshatareje, “njij malcueri qi i njef veç zanin”… Janë poezi malli, dhimbjeje, dashurie.
Prekëse janë poezitë kushtuar nënës, sytë e së cilës janë një pasqyrë ku ai shikon veten, lexon dhimbjen, por edhe kurajën për të mos u dorëzuar. “E sa do të doja, e sa do të jepja që syu yt/të fekstijë edhe një herë me atë flakërimë/të qashtër e të pafajme që pat shkreptirë/njëzet e një vjet më parë, kur pyetjes/sate në at natë çmendurije kur më solle/ në jetë për pak jetën tënde bëre fli/ më linde në botë, të tjerët u përgjigjën:/I gjallë, i gjallë ka lerë!/O nëna ime, ti ke sytë e tij…”. Shkruante Kasoruho kur mbushte 21 vjeç, i mbyllur në Burgun e Burrelit. Siç vë re edhe Lalaj, një pjesë e poezive të Kasoruhos janë shkruaj në gegnisht dhe kjo dëshirë për t’u shprehur në gjuhën e Fishtës e të Mjedës ka nisur qysh në Burrel (Qe djelli Vlla! Mbi f’tyrën tande shof qi lehtas ndehet/nji dritë e druejtun vlla: po vjen agimi) të përmbledhura nën titullin “Shkëndijëzat mes errësirës”, por edhe në “Kangë për nanën dhe atin tem”, ku janë përfshirë poezi të shkruara në Durrës e Tiranë mes viteve 1956-1986, “Prehja na është e huej” me poezi të shkruara mes Durrësit e Tiranës.
Në këtë kapitull gjejmë disa poezi që Kasoruho ia dedikon mikut të tij, përkthyesit Robert Schwartz: “Qeshme na atëhera,/ por gazi i jonë dridhtoi ke shpirt na fali/e pse na lot ndër sy të hirta pamë,/ nuk qe shue ma, as qamë: ia nismë kangës/ qi asht gaz i marrë e lot qi djeg i hidhun” (“E vërteta e thjeshtë”). Siç vërehet nga këto vargje, por edhe të tjera që i ka kushtuar Schwartzit, mes dy personaliteteve ka ekzistuar një miqësi e hershme, që karakterizohet nga besnikëria, ndërsa i bën bashkë pasioni për gjuhën dhe letërsinë dhe në këtë punë që kërkonte “kërrusje”, për ta nuk mund të kishte prehje.
“Kur Amiku lirohet nga burgu dhe nuk ka të drejtën për të qëndruar në Tiranë, Roberti e mban në shtëpinë e vet në një kohë kur secila familje është libër shtëpie ku kontrollohej për çdo vizitor që i vinte dhe duhej të raportonte në polici nëse i vinin miq”, tregon Lalaj. Por, përveç poezive që i bën bashkë malli, dhimbja, mungesa, qelia, gjaku, ka edhe krijime kushtuar dashurisë. Edhe pse Kasoruho do të humbte lirinë, pikërisht në moshën e dashurive të para, ai ende shpreson dhe është i mbushur me dashuri për njerëzit, për jetën, për të bukurën, për vashëzën gjeraqinë..
Për t’u mbyllur me poezi dedikuar Migjenit, Skënder Aranitit, Qemal Stafës etj., përtej emrave të përveçëm, që kanë qenë shkëndija e frymëzimit të Kasoruhos. Madje, duket se i gjithë libri është një dedikim për jetën, së cilës i njohu të dyja anët e medaljes. /PANORAMA
Kërkesa për rikonstruktimin e xhamisë në Kalanë e Prizrenit do të refuzohet. Kësisoj ka vendosur Komisioni i Institutit të Kosovës për Mbrojtjen e Monumenteve. Gjatë kësaj jave pritet që vendimi t’i dërgohet edhe Iniciativës Qytetare të Prizrenit për rindërtimin e xhamisë në Kala. Këtë e kanë konfirmuar tri burime të ndryshme të gazetës.
Qysh në mbledhjen e 24 shkurtit të këtij viti shumica e anëtarëve të këtij Komisioni, të themeluar nga Instituti i Kosovës për Mbrojtjen e Monumenteve, ishin deklaruar pro refuzimit të kërkesës. Pika e 4-të e rendit të ditës të asaj mbledhjeje të Komisionit ka qenë “Kërkesë për shqyrtimin e lëndës së Bashkësisë Islame – Xhamia në Kalanë e Prizrenit”.
Sipas burimeve të gazetës dhjetë anëtarë të Komisionit kanë qenë kundër dhënies së pëlqimit për rikonstruktimin e xhamisë, përderisa, Samir Hoxha, drejtor i Qendrës Rajonale të Trashëgimisë Kulturore në Prizren ka votuar pro. Në këtë mbledhje ka munguar anëtari i Komisionit, Skender Boshtrakaj, drejtor i Muzeut të Kosovës,shkruan Koha Ditore.
“Komisioni ka vlerësuar se kërkesa nuk i plotëson kushtet për t’iu dhënë pëlqimi. Është rast pothuajse i njëjtë me kërkesën e Kishës Ortodokse Serbe për ndërhyrje në kompleksin e Manastirit të Kryeengjëjve në Prizren”, ka thënë njëri burim. Gazeta ka marrë vesh se përgjigjja zyrtare parashtruesve të kërkesës do t’u dërgohet brenda kësaj javë.
Pas fitores historike 6-1 përballë PSG-së, sulmuesi i Barcelonës Neymar ka vendosur të publikojë në rrjetet sociale një foto të kundërshtarëve të tyre.
Braziliani ka zgjedhur një foto të futbollistëve të PSG-së, Rabiot dhe Kurzaëa të cilët tregojnë me shenjë numrin 6 po aq gola sa bëri edhe skuadra e drejtuar nga Luis Enrique, transmeton Gazeta Metro.
Kjo është fotografia e tij e publikuar në Instagram.
