Ka dalë nga shtypi libri me tregime “Parullat”, i autorit Gëzim Ajgeraj

Autori përmes këtij libri, kthen në rikujtues kohën më të lavdishme e të guximshme të Kosovës

.Duke shpalosur tregimet e Ajgerajt, sikur shpalosim një të kaluar të popullit tonë sa të dhimbshme aq edhe krenare për brezat që i shërbyen asaj dhe çështjes madhore të kombit tonë.

Është kjo kohë tani më e transformuar në art që brenda këtij libri na vjenë në sentencat e tregimeve.

Sado që titujt e këtyre tregimeve na tingëllojnë në formën e prozës, ndërtimi struktural i tregimeve brenda për brenda kalojnë në zhanrin e tregimit modern, duke kapërthyer formën artistike të regjimit për kohën.

Pra, gjejmë këtu ngjarjet e mëdha kombëtare që e përcollen çështjen madhore të atdheut dhe idealin për të, të cilën e krijuan idealistët e kohës.

” Parullat”, është njeri nga tregimet që i prinë këtij libri, për të vazhduar me pastaj edhe me tregimet: Vullnetaret, Dhembshuri, Rruga e lirisë, Prita, Kundërsulmi, Vitet ikin shpejtë, Në mbrojtje të pozicioneve, Mësuesi, Ata ranë me këngë në gojë, Rob, Kasapi, Trollin nuk e lëshoj, Ikja biblike, Çlirimtarët, Minat, etj.

Të gjitha këto tregime bashkë bëjnë një kompozicion ideali për liri, duke përcjellë një pjesë të udhëtimit tonë kombëtar drejte lirisë.

Tregimet e Ajgerajt, vijnë si një rifreskim i kujtesës sonë në këto ditë kur po shënojmë ngjarjet e mëdha të kombit dhe kujtesës së fillimit të luftës së lavdishme për liri.

Ky libër është vetëm një pjesë e arkivës së tregimeve të Ajgeraj,i cili për këtë libër ka shkëputur vetëm ato nga idealizma dhe lufta e jonë për liri..

Ky libër me tregime si edhe librat tjerë të këtij autori vërtetë po bëhen një bazament dokumentar për luftën e paepur për liri që kanë bërë djemtë e vajzat dhe populli i kësaj treve.
Qazim THAÇI

Reagimi, në anën tjetër, është në këtë fotografi dhe tregon një gjuhë vulgare nga një qytetar kundrejt këtij veprimi që ka marrë Tufa dhe Kapri.
Për shkak se ka nisur një nismë për të ndaluar me ligj filmat propagandistik komunistë të regjimit të Enver Hoxhës, shkrimtari Agron Tufa ka marrë
kërcënim në rrjetin e tij social Facebook.

Këtë nismë ai e ka nisur bashkë me Erald Kapri ndërsa kërcënimi ka ardhur nga një person anonim.

Sipas Tufës, këta filma janë mbetje toksike, radioaktive e dëmshme për shëndetin moral publik.

“Mbetjet e diktaturës dhe nostalgjikët e asaj idile kinematografike perverse, incestuoze, qenkan prekur në kockë. Në Neës 24 kisha sqaruar, se: jo përjashtimisht të gjithë filmat të ndalohen. Por të bëhet një listë e kujdesshme e filmave ( të pakët) që nuk përçojnë propagandë komuniste, si dhe: të gjithë filmat e ‘mbijetuar’ të paraprihen para transmetimit me një 5 minutësh hyrje, ku të shpjegohet se përse transmetohet aksh film (vlera artistike, regjisoriale, aktoriale, tematike etj)”.
Reagimi, në anën tjetër, është në këtë fotografi dhe tregon një gjuhë vulgare nga një qytetar kundrejt këtij veprimi që ka marrë Tufa dhe Kapri. / KultPlus.com

Shkrimtarët Diana Çuli dhe Agron Tufa, përplasjen e nisur nga rrjetet sociale dhe mediat e shkruara në lidhje me rolin e të parës në gjykimin dhe pushkatimin e poetit Genc Leka 40 vite më parë.

Agron Tufa këmbënguli se recenca e bërë prej Çulit të poezive të Genc Lekës, çuan në dënimin me vdekje dhe poetit. Ai tha se recenca e shkrimtares ka qenë e ashpër dhe e qëllimshme.

“Ju tek poezitë që ishin lirika peisazhi, mund t’i kishe bërë një interpretim më neutral. Ju thoni që mund t’i kishe bërë më keq?! Interpretimi juaj ishte i ashpër sepse kishit një urrejte të madhe për këtë klasë, mbronit regjimin”, tha ai. Vetë Diana Çuli tha se nuk kishte përgjegjësi në pushkatimin e Genc Lekës, ndërsa shtoi se nëse nuk do të bënte recencën e poezive, mund të dënohej.

“Nëse nuk do ta bëja unë ekspertizën, recencën e poezive të Lekës, unë do të dënohesha dhe këtë do ta bënte një tjetër shkrimtar. Nuk e quaj veten përgjegjëse për vrasjen, se ndryshe nuk do të dilja në rrugë. Jam shumë e lënduar dhe e trishtuar për vuajtjen që ka hequr Genc Leka dhe Vilson Blloshmi dhe nuk e quaj veten përgjegjëse për vrasjen”, deklaroi shkrimtarja. Çuli thotë se ka folur gjithmonë kur kjo çështje është ngritur mediatikisht dhe në publik që prej vitit 1994, ndërsa shton se ka zgjedhur përgjithësisht heshtjen ndaj familjes Blloshmi për të respektuar dhimbjen e tyre.

“Kam kërkuar ndjesë për familjen e Genc Lekës, por nuk e shoh veten përgjegjëse për vrasjen e Genc Lekës. Akuza është shumë e rëndë dhe nuk është ngritur as kundër përgjegjësve të diktaturës. Nuk kam dashur të replikoj me zotin Blloshmi asnjëherë sepse kam kuptuar dhimbjen e tij. Nuk e quaja të drejtë që të replikoja me zotin Blloshmi, që ka shumë artikuj ku shpjegon edhe rrethanat plotësuese të asaj historie. Isha pjesë e përdorur nga sistemi dhe unë isha e detyruar që ta bëja këtë”, tha ajo.
Çuli tha se Agron Tufa nuk e bën këtë lëvizje për të zbardhur të vërtetën, ndërsa Mark Marku ishte në qëndrimin e Tufës, kur tha se recenca e shkrimtares ishte tejet e ashpër dhe e rreptë. / Top Channel / KultPlus.