Pas një procesi të stërzgjatur, numërimi i të gjitha votave për zgjedhjet parlamentare të 9 shkurtit ka përfunduar në Qendrën e Numërimit dhe Rezultateve (QNR).

Ky proces, i cili pritej të mbyllej shumë më herët, arriti të përfundonte vetëm me 5 mars 2024, gati një muaj pas zgjedhjeve të 9 shkurtit.

Gjatë ditës së mërkurë janë numëruar votat e fundit me kusht dhe ato të personave me nevoja të veçanta.

Zëdhënësi i Komisionit Qendror të Zgjedhjeve (KQZ), Valmir Elezi, ka bërë të ditur se tani fillon periudha e pritjes për ankesat e mundshme përpara se të shpallen rezultatet përfundimtare.

“KQZ-ja është e obliguar që të presë të paktën 48 orë para se të shpall rezultatet përfundimtare të Zgjedhjeve për Kuvendin e Kosovës. Ky nen, parasheh mundësinë që në PZAP, në një afat brenda 48 orëve nga ndodhja e shkeljes së supozuar, të paraqiten ankesat për administrimin e numërimit që është zhvilluar në Qendrën e Numërimit dhe Rezultateve. Sot, është dita e fundit kur këtu në QNR ka pasur administrim të numërimit të fletëvotimeve, andaj edhe ky afat llogaritet nga dita e sotme, 5 mars 2025, ora 21:00”, ka thënë ai.

Punimet në renovimin e Repartit të Pulmologjisë kanë hyrë në fazën përfundimtare, ka njoftuar Spitali i përgjithshëm i Prizrenit.

Në njoftim thuhet se ky investim po realizohet për të mundësuar ambient më të mirë për pacientët dhe personelin, që ndikon edhe në ofrimin e shërbimeve më cilësore mjekësore.

Në të njëjtën kohë është bërë e ditur se menaxhmenti i Spitalit ka vizituar këtë Repart, për të parë ecurinë e punimeve, me c’rast kanë diskutuar edhe mbi detajet e përfundimit të projektit.

“Si menaxhment, ne jemi të përkushtuar të investojmë në përmirësimin e infrastrukturës, me qëllim përmirësimin e kushteve të punës për stafin dhe krijimin e një ambienti më të mirë për pacientët. Investimet në infrastrukturë janë të rëndësishme dhe kanë një ndikim të drejtpërdrejtë në përmirësimin e cilësisë së shërbimeve dhe kënaqësinë e pacientëve”, ka thënë ajo.

Ndërsa shefja e Repartit, Sevim Brina, ka theksuar rëndësinë e renovimit për ofrimin e shërbimeve cilësore për pacientë.

Punimet për renovimin e Repartit të Pulmologjisë, sipas njoftimit të Spitalit të Prizrenit,  pritet të përfundojnë gjatë muajit mars.

Në Komunën e Malishevës kanë filluar aktivitetet e parapara për shënimin e manifestimit “Epopeja e UÇK-së”.

Në kumtesën për media bëhet e ditur se sot në të gjitha shkollat e komunës, orët e para të mësimit iu kushtuan “Epopesë së UÇK-së”, ndërsa u mbajt edhe një seancë solemne e Kuvendit të Komunës.

Aty u fol se si 27 vjet më parë, më 5, 6 dhe 7 mars të vitit 1998, familja Jashari luftoi dhe u flijua për lirinë e vendit.

Pas kësaj mbledhjeje, u bënë nderime dhe homazhe në varrezat e dëshmorëve në Malishevë, në Kleçkë dhe në kompleksin memorial në Prekaz.

Tutje bëhet e ditur se aktivitetet do të vazhdojnë edhe në ditët në vijim dhe do të përmbyllen më 7 mars me ndezjen e zjarreve dhe flakadanëve në kompleksin “Kodra e UÇK-së” në Ngucat./PrizrenPress.com/

Komuna e Rahovecit ka shënuar Ditën Ndërkombëtare të Efiçiencës së Energjisë duke promovuar masat e kursimit të energjisë dhe përdorimin e burimeve të ripërtërishme. Në një njoftim të shpërndarë për publikun, komuna thekson rëndësinë e përdorimit të energjisë në mënyrë efikase për një të ardhme më të qëndrueshme dhe më të gjelbër.

Sipas njoftimit, “Termoizoloni shtëpitë/ndërtesat tuaja – Termoizolimi redukton humbjet e nxehtësisë dhe përmirëson komoditetin në shtëpitë/ndërtesat tuaja. Investoni në pajisje efiçiente – Pajisjet me efikasitet të lartë ndihmojnë në kursime afatgjata. Përdorni drita LED – Konsumojnë deri në 80% më pak energji! Shfrytëzoni burimet e ripërtërishme – Panelet diellore fotovoltaike dhe sistemet diellore për ngrohjen e ujit janë alternativa të pastra dhe efiçiente!”

Gjithashtu, komuna ka shpërndarë materiale informuese me hapa të thjeshtë për të kursyer energjinë dhe ka inkurajuar qytetarët të investojnë në burime të ripërtërishme.

Ky aktivitet është mbështetur nga Asociacioni i Komunave të Kosovës me ndihmën e qeverisë gjermane përmes Deutsche Gesellschaft für Internationale Zusammenarbeit (GIZ) GmbH./PrizrenPress.com/

Nxënësit e shkollës “Mustafa Bakiu” në Prizren kanë shfaqur një pamje fantastike të tri shkronjave të arta të UÇK-së, në nderim të Epopesë së Ushtrisë Çlirimtare të Kosovës.

Aktiviteti ishte udhëhequr nga mësimdhënësit e arteve Gent Smani dhe Besnik Bobaj.

Kjo shfaqje ka shërbyer si një homazh i madh për krenarinë kombëtare, duke përçuar mesazhin e qëndresës dhe sakrificën e UÇK-së. [Shih VIDEON]