Kryetari i Komunës së Malishevës, Ragip Begaj, u deklarua i pafajshëm sot para gjykatës themelore në Gjakovë, për akuzën që i vihet në barrë nga Prokuroria Speciale e Kosovës, për keqpërdorim të detyrës zyrtare.

Ai para trupit gjykues u deklarua i pafajshëm sa i përket aktakuzës lidhur më shkëputjen në mënyrë të kundërligjshme të kontratës së punës për Shemsi Morinën që mbante pozitën e drejtorit të shkollës fillore “Ganimete Tërbeshi” në fshatin Astrazub në vitin 2014.

Në seancën ku u zhvillua procedura e provave në gjykimin ndaj kryetari të Malishevës, prokurori Haki Gecaj kërkoi që kryetari i Malishevës të shpallet fajtor, pasi që “me provat që gjenden në shkresat e lëndës do të vërtetohet fajësia e të akuzuarit”.

Në këtë shqyrtim në cilësinë e dëshmitarit, u dëgjua i dëmtuar i Shemsi Morina, i cili në pyetjen e prokurorit, se pse që i është ndërprerë marrëdhënia e punës, tha “arsyeje e vetëm ka qenë politike” ndërsa nuk ka pasur vërejtje më parë për punën e bërë nga komuna e Malishevës.

Ai tha se mbi një vit ka mbetur pa punë, por prej 1 qershorit është punësuar pedagog në 5 shkolla në komunën e Malishevës dhe kompensimin për kohën sa ka qenë pa punë e ka marrë nga komuna e Malishevës. Ai nuk kërkoi kompensim nga kryetari Ragip Begaj.

Emrush Kastrati, avokati i kryetarit Begaj, tha për KALLXO.com, se klienti i tij është i pafajshëm, pasi që ai nuk merret me procedurat e shpalljes së konkursit, por janë organet kompetente që merren më këtë punë.

“Dihet çka menaxhon kryetari, vartësit e tij i kanë i kanë zbatuar të gjitha këto”, tha avokati Kastrati.

Seanca e ardhshme u caktua për 7 korrik, ku në cilësinë e dëshmitarit do të dëgjohen ish drejtori i arsimit në komunën e Malishevës, Blerim Thaqi dhe avokati publik i kësaj komune. /kallxo.com/

Grupi Parlamentari i Nismës për Kosovën, në një deklaratë për media, ka bërë të ditur qëndrimin e saj lidhur me mundësinë e kthimit të Opozitës në Kuvendin e Kosovës.

Kjo është deklarata e plotë e GP të Nismës për Kosovën:

A DO DUHEJ DHE SI TË KTHEHEJ OPOZITA NË KUVEND?

A do te duhej te kthehej opozita ne kuvend, nëse themi po, duhet të kthehet opozita në Kuvend pas një proteste të gjatë e pothuajse të pa shembull në historinë e parlamentarizmit demokratik, ngase gjithë ajo përpjekje e cila ishte një “sui generis” në historinë e demokracisë parlamentare, është bërë për çështje të një rëndësie të veçantë për kombin e shtetin. Konsideroj që kthimi pa arritur as një garanci, se do të hiqeshin nga rendi i ditës nga ky mandat qeverisës, dy marrëveshjet e trajtuara si kauzë nacionale, do të ishte disfatë më e madhe për opozitën sesa vazhdimi i bojkotit.

Opozita me gjithë dallimet që ka dhe që i ka pasur që nga fillimi, është dashur që kthimin në Kuvend ta kushtëzonte, se paku me heqjen dorë të koalicionit qeverisës nga çdo përpjekje për miratimin e marrëveshjeve në fjalë. Kthimi i opozitës në punët e Kuvendit në mënyrë parciale si po tenton LVV-je, është shkuarje siç thotë populli “si capi të kasapi”. Ndryshe kjo do të thotë mungesë e konsistencës politike.

Pse është mungesë e konsistencës politike?

Është mungesë e konsistencës politike, se kthimi në institucionin që jo pak herë u tha se e ka humbur legjitimitetin, ajo vetë po ua kthen legjitimitetin?! Po ua jep mundësin që edhe më prezencën e opozitës t’i merr vendimet e kontestuara që sa kohë nga ajo, madje qoftë edhe vetëm më kthimin e legjitimitetit të institucionit të delegjitimuar, është disfatë e gjunjëzim? Dhe jo vetëm kaq, por ajo po kthehet e copëzuar, mu për ato çështje që ishte bashkuar! Kështu “shpresëmadhja” e “luftarakja” e vetëshpallur si shpresë e vetme e “bashkimit kombëtar”, po kthehet në gjirin e të shpallurve jo vetëm njëherë si “tradhtarë” e “kriminelë”! Nuk e di nëse kësaj i thonë koherencë e konsistencë në politikë?!

Nëse keni vendosur të kthehuni, kthehuni dhe vazhdoni lojën demokratike të numrave. Kthehuni dhe vazhdoni luftën si në filmat vizatimor të “maces e të miut”! Kthehuni, se tek e fundit për miun nuk ka armik më të fuqishëm se macja!

Opozita do të duhej të kthehej, por jo kështu e çakorduar dhe e bërë “pikë e pesë” nga “gjeneralët” e protestave në rrugë!

Kryetari i Lëvizjes Vetëvendosje, Visar Ymeri e ka quajtur Lidhjen Shqiptare të Prizrenit si projekt të lindjes së Shqipërisë.

Ai në përvjetorin e Lidhjes Shqiptare tha se ky projekt mbetet frymëzim i politikës shqiptare dhe çdo politikë që nuk dialogun me Lidhjen i përket një projekti tjetër, jo shqiptar.

“Prej këtij themeli, projekti ynë është shënuar nga nevoja për t’u vetëmbrojtur, e për t’u paraqitur në mënyrë dinjitoze përballë vendimeve ndërkombëtare që nuk i marrin parasysh pozitat tona ekzistenciale dhe politike”, thuhet në deklaratën e Ymerit me rastin e përvjetorit të Lidhjes së Prizrenit.

Sipas Ymerit kjo paraqitje dinjitoze e jona ndërkombëtarisht ka qenë e nevojshme dikur, është e nevojshme sot, dhe do të jetë e nevojshme gjithnjë.

“Dinjiteti ynë nuk do të thotë armiqësim. Do të thotë mospranim i të qenit thjesht “shprehje gjeografike”, dhe afirmim i vetes sonë kombëtare si kolektiv politik, sigurisht, jo ekskluziv, jo organik e romantik, por tërësisht modern e demokratik”.

“Mbetemi të përkushtuar ndaj asaj që themeloi Lidhja, e i kujtojmë me respekt e mirënjohje gjithë veprimtarët që në dekada kanë dhënë aq shumë për këtë projekt, prej Abdyl Frashërit e deri tek miliona shqiptarët që sot pavarësisht bindjeve politike e përkatësive kulturore e regjionale, i mbeten besnikë projektit të Lidhjes Shqiptare të Prizrenit”. /PrizrenPress.com/

Drejtori i KDI-së, Ismet Kryeziu ka kritikuar fort partitë politike në Kosovë. Ai në një shënim në Facebook ka thënë se këto parti politike janë indiferente ndaj qytetarëve. Kryeziu është befasuar me atë se si partitë heshtën për vdekjen e vajzës tre vjeçare në Prizren, raporton Gazeta Blic.

Shënimi i plotë:

Partitë politike demagogjia e tyre dhe indiferenca ndaj jetës së qytetarëve(viktimës tre vjeçare) për pazare e interesa partiake.

Ju kujtohet të gjithëve VV-ja, AAK-ja dhe NISMA, të cilat as nuk ishin në pushtet lokal në Gjakovë, e as nuk ishin në pushtet në nivel qendror. Ju bashkëngjiten protestave dhe u bënë udhëheqës të kauzës për shkarkimin e Jabllanovicit, për fjalorin e tij fyes ndaj familjeve të viktimave në Gjakovë.

Tani, jo që kemi fjalor fyes, por kemi viktimë, një vajzë tre vjeçare. Por për partitë politike ka pak rëndësi tani kjo, sepse s’ju shkon përshtati kauzave të tyre partiake.

PDK-ja e edhe AAK-ja të cilat udhëheqin me Prizrenin, sot s’ju duket etike e as që e konsiderojnë si përgjegjësi që ndonjëri nga këta të jap dorëheqje, pas vdekjes se vajzës tre vjeçare. Kur është në pyetje jeta e qytetarit, përpara e kanë pushtetin.

LDK-ja dhe kryetari i saj tani kryeministër, si gjithnjë parti institucionale dhe se sheh të rrugës as të reagoi e as të kërkoi llogaridhënie ose të shkarkoi të emëruarit e vetë. Ata kanë vlerë shumë më shumë se jeta e secilit do qytetar.

VV-ja, për të rëndësi qytetari i Kosovës ka vetëm atëherë kur beteja politike në emër të qytetarit mundet me marrë karakter të politikave dhe konflikteve ndër etnike.

NISMA është e mjaftuar me ndonjë paraqitje mediale, apo dhe nëse dikush ngrit ndonjë temë a problematik nuk përton t’i bashkëngjitet.

Lidhur me vazhdimin e mandatit te EULEX-it kanë komentuar edhe kryetari i AAK-së, Ramush Haradinaj dhe kryetari i NISMA-s, Fatmir e Limaj.

Që të dy kanë ndarë mendimin se EULEX-i në Kosovë është i nevojshëm pasi që institucionet e Kosovës kanë dështuar që të vendosin rend dhe ligj.

“Unë nuk di si e kanë rinegociuar, por që është i nevojshëm për të ndihmuar. Vetë gjendja që është ne vend po tregon se në çfarë situate jemi”, ka thënë Limaj.