Një nxënëse në Rahovec ka përdorur telefonin gjatë Testit të Maturës.

Ajo është “kapur” nga videoja e KALLXO.com duke kryer këtë veprim.

Thuajse në të gjitha shkollat ku u zhvillua testi, nxënësve u janë marrë telefonat, por ka pasur raste kur administratorët e këtij testi nuk ua kanë garantuar nxënësve ruajtjen e këtyre telefonave, prandaj edhe nuk ua kanë marrë ata.

Në këto raste administratorët ua kanë tërhequr vërejtjen maturantëve që nëse kapen me telefona do të nxirren nga testi.

KALLXO.com gjatë ditës raportoi edhe për përdorime tjera të telefonave gjatë testit.

Edhe dhjetë ditë bëhen dy vjet prej se është vrarë Elvis Pista, kandidati i PDK-së për deputet të Kosovës nga Rahoveci.

Tash e dy vite organet e ndjekjes dhe drejtësisë nuk kanë arritur t’i zbardhin motivet e as dorasin e vrasjes së Pistës, edhe përkundër intervistimit të më shumë se 60 personave. Motra e tij kishte drejtuar gishtin kah politika dhe biznesi për vrasjen e tij.

Pavarësisht se menjëherë pas vrasjes kishin filluar hetime intensive për ndriçimin e rastit, prokuroria tash e dy vite nuk ka arritur ta ndërtojë ende një profil të vrasësit dhe shkaqet që kanë çuar te vrasja.

Vrasjen e pistës, Kryeprokurori Prokurorisë Themelore në Prizren, Sylë Hoxha, e kishte komentuar si një vrasje shumë profesionale.

Ndërsa, Riza Shillova, nga Policia e Kosovës në vitin 2014, kishte thënë se rasti i Elvis Pistës është rast me prioritet mbi të gjitha prioritetet, shkruan Express.

“Jemi duke i ekzaminuar disa dëshmi po ashtu në shtëpinë e Elvis Pistës kemi gjetur pajisje apo dëshmi që dërgojnë te rruga e vrasjes, por profili i Elvis Pistës ka qenë mjaftë kompleks, jemi duke hetuar në gjitha pistat dhe besojmë së shpejti në rezultatet”, kishte thënë Shillova.

Shkrimet personale të Elivës Pistës ishin dërguar në Finlandë, pasi që institucionet e Kosovës e as ato të EULEX-it nuk kanë qenë në gjendje ta bëjnë ekzaminimin e tyre.

“Ekzaminimet e fundit i kemi dërguar në Finlandë për arsye që jo vetëm institucionet e Kosovës por as ato të EULEX-it nuk kanë qenë në gjendje ta bëjnë, nga i cili ekzaminim presim shumë,” kishte thënë Shpresa Bakija me rastin e dërgimit të dokumenteve të Pistës në Finlandë.

Motra e Pistës, Beatrisa, kishte deklaruar se politika dhe biznesi e kishin vrarë vëllaun e saj,

“Unë jam këmbëngulëse se vrasja ka të bëjë me politikën dhe biznesin”, kishte deklaruar ajo.

Elvis Pista, është vrarë më 15 qershor 2014, derisa po largohej nga një restorant në Rahovec. Mbrëmjen tragjike ai po festonte ditëlindjen e gruas së tij.

Pista është qëlluar 4 herë nga prapa me silenciator (armë me shurdhues)

Monitoruesi i KALLXO.com ka filmuar parregullsi në shkollën e mesme “Avdyl Frashëri” në Prizren.

Një maturante është filmuar tek përdor lirshëm telefonin gjatë procesit të testimit.

Në Prizren tashmë është raportuar se një nxënës është larguar nga procesi i testimit për shkak se ka përdorur telefonin.

Edhe vitin e kaluar gjatë monitorimit të Testit të Maturës KALLXO.com raportoi për përdorim të telefonave nga nxënësit.

Policia e Kosovës ka bërë të ditur se gjate ditës së djeshme ka arrestuar dy meshkuj shqiptar në Prizren. Arrestimi i tyre është bërë me urdhër të Gjykatës Themelore në Prizren, raporton PrizrenPress.

Sipas Policisë, njëri mashkull është arrestuar në rrugën “Jusuf Gërvalla” të qytetit, kurse tjetri është arrestuar në fshatin Atmaxhë.

Të arrestuarit janë dërguar në vuajtje të dënimit në burgun e Prizrenit. /PrizrenPress.com/

Një polic është lënduar ditën e djeshme teksa ishte në detyrë zyrtare në Vërmicë të Prizrenit, pasi është goditur nga një kamion.

Polici i lënduar është dërguar në qendrën emergjente në Prizren për trajtim mjekësor.

“Viktima mashkull K/Shqiptar – zyrtar i PK-së ka pësuar lëndime derisa ishte në detyrë zyrtare, pasi që një automjeti transportues (kamion) gjatë lëvizjes i ka dalur pneumatiku nga boshti i vet dhe ka goditur viktimën”, njofton Policia e Kosovës, raporton PrizrenPress.

“Viktima ka pësuar lëndime trupore dhe i njëjti është dërguar në qendrën emergjente në Prizren”.

“Lidhur me rastin është njoftuar prokurori, ndërsa njësitet policore janë duke hetuar rastin”. /PrizrenPress.com/