Komuna e Prizrenit ka ndërmarrë veprime për trajtimin e qenve endacakë, kanë raportuar autoritetet përgjegjëse në mbledhjen e fundit të Këshillit Komunal për Siguri në Bashkësi. Sipas tyre aktualisht në fuqi është kontrata me një operator ekonomik për trajtimin e qenve endacakë, ndërkohë që në ndërtim e sipër është edhe strehimorja e përkohshme për këta kafshë. Por për zgjidhje të qëndrueshme është thënë se nevojitet mbështetja më e madhe nga niveli qendror.

Drejtori i Bujqësisë, Bexhat Bytyqi, duke folur para të pranishmëve ka bërë të ditur se në proces është ndërtimi i një strehimoreje me kapacitet për 114 qenë.

“Kjo strehimore do të ofrojë trajtim të përkohshëm për qentë endacakë, përfshirë kapjen, transportin, vaksinimin, sterilizimin, kastrimin dhe qëndrimin disa ditor, përpara se ata të kthehen në vendin ku janë kapur. Është mirë që qytetarët të jenë të informuar se kjo është një strehimore e përkohshme, që do të ofrojë trajtim bazuar në legjislacionin në fuqi”, ka thënë Bytyqi.

Sipas tij, në këtë strehimore nuk do të mundësi për qëndrimin e qenve deri në adoptim, dhe se kjo çështje duhet shqyrtuar edhe me nivelin qendror, për të gjetur zgjidhje të qëndrueshme.

Zyrtari i lartë komunal gjithashtu ka bërë të ditur se Komuna ka një kontratë aktive me një operator ekonomik që do ti kryejë shërbimet e trajtimit të qenve endacakë deri në përfundimin e strehimores. Sipas drejtorit të Bujqësisë, ekipet komunale janë vazhdimisht në terren dhe reagojnë ndaj rasteve të raportuara.

Megjithatë, ende ekzistojnë shqetësimet për sigurinë publike. Anëtari i Kuvendit të Komunës së Prizrenit, Ertan Simitçi ka ngritur çështjen e qenve endacakë në lagjen “Ortakoll”, ku sipas tij, një grup prej 15 deri në 20 qenë janë parë afër semaforëve, në një zonë ku kalojnë shumë nxënës.

“Nxënësit kalojnë andej për të shkuar në shkollë. Besoj që aty duhet të njoftohet kompania dhe të ndërmerren masa për largimin e tyre”, ka thënë Simitçi.

Por ka sqaruar se qentë që tashmë janë të trajtuar dhe kanë vathë identifikues duhet të kthehen në vendin ku janë kapur, sipas legjislacionit në fuqi.

“Operatori ekonomik, sipas ligjit, nuk ka çfarë t’u bëjë qenve të trajtuar, pasi ka obligim ligjor t’i kthejë në vendin e tyre”, ka sqaruar Bytyqi. Megjithatë, ai ka theksuar se rasti do të verifikohet dhe nëse ka ndonjë qen që nuk është trajtuar ende, atëherë do të merret në kujdes nga shërbimet e kontraktuara.

Trajtimi i qenve endacakë mbetet një sfidë për komunat në Kosovë dhe kërkesat kanë qenë për gjetjen e një zgjidhjeje të qëndrueshme në nivel kombëtar. /Telegrafi/

Ka përfunduar numërimi i votave të ardhura me postë.

Sipas të dhënave të përditësuara nga Komisioni Qendror i Zgjedhjeve (KQZ), LVV ka siguruar 31.963 vota, që përbëjnë 51.57% të totalit.

Lidhja Demokratike e Kosovës (LDK), ka dalë e dyta me 18.933 vota apo 30.55%.

Në vendin e tretë është renditur Partia Demokratike e Kosovës (PDK) me 5.878 vota, që përfaqësojnë 9.48% të numrit total.

Ndërkohë, koalicioni AAK-Nisma ka arritur të mbledhë 2.000 vota ose 3.23% të votave me postë.

Drejtoria e Inspektorateve në Prizren ka ndërmarrë një aksion për lirimin e hapësirave publike, duke larguar pengesat nga rrugët dhe trotuaret e qytetit.

Ky aksion ka përfshirë disa rrugë kryesore, si: “Ersan Mazreku”, “Edit Durham”, “Rrustë Kabashi”, “Muhaxherëve”, “Zahir Pajaziti”, “Rifat Krasniqi”, “Fehmi Lladrovci” dhe të tjera, me qëllim përmirësimin e kushteve të lëvizjes për qytetarët./PrizrenPress.com/

Kamerat e sigurisë kanë kapur një person mbrëmë në Prizren teksa ka shqyer librin e shenjtë të myslimanëve, Kur’anin.

Rasti ka ndodhur rreth orës 12:10, përballë një lokali, ndërsa një nga qytetarët tha se nuk e njohin personin në fjalë.

“I shikuam kamerat, por personin nuk po e njeh askush”, tha ai në emisionin “Fol me Arin” në Klan Kosova FM.

Ndërkohë, gazetari Nuhi Salihu deklaroi se “dyshohet se personi ka probleme mendore”, por kjo mbetet të konfirmohet nga autoritetet.

Policia ka bërë të ditur se ka nisur hetimet dhe ka ndërmarrë të gjitha veprimet e nevojshme për zbardhjen e rastit.