30.8 C
Prizren
E shtunë, 2 Gusht, 2025
type here...
Home Blog Page 6141

Të mos heshten ngacmimet seksuale në UP

admin
-
0
Të mos heshten ngacmimet seksuale në UP

Rektorati ka kërkuar nga studentet që të mos hezitojnë dhe t’i raportojnë profesorët që i ngacmojnë seksualisht. Parlamenti Studentor ka kërkuar ndëshkim të profesorëve

Universiteti i Prishtinës (UP) “Hasan Prishtina” ka vendosur ta suspendojë profesorin e Fakultetit të Edukimit, Rexhep Osmani, derisa të sqarohet akuza ndaj tij për ngacmim seksual ndaj studentes. Drejtues të Universitetit i kanë bërë thirrje çdo studenteje, e cila mund të jetë pre e ngacmimit seksual nga ana e profesorit ta paraqesë rastin në Rektorat.

Ndërsa, Parlamenti Studentor ka bërë të ditur se ky nuk është i vetmi rast që ka ndodhur, por ka konstatuar se studentet hezitojnë t’i raportojnë rastet e tilla ose kanë frikë nga ndëshkimi, hakmarrja e kryesve të këtyre veprave të shëmtuara.

Prorektori për bashkëpunim ndërkombëtar në UP, Afrim Hoti, ka thënë për “Zërin” se Osmani nuk do të dalë para organeve tjera të Universitetit për masa të tjera disiplinore, pasi që ka sqaruar se ai nuk ka qenë në marrëdhënie të rregullt pune me UP-në, por bashkëpunëtor i jashtëm dhe profesor i pensionuar. “Në kuptimin juridik nuk ka asnjë konsekuencë, nuk ka efekte juridike në mes Universitetit dhe një personi që nuk ka kontratë të rregullt”, ka bërë të ditur Hoti

Diplomacia në regres, dy vjet një njohje

admin
-
0
Diplomacia në regres, dy vjet një njohje

Nga dhjetori i vitit 2014 kur Hashim Thaçi u emërua ministër i Punëve të Jashtme, Kosovën e ka njohur vetëm një shtet i pranuar në OKB dhe dy mikroshtete. Sipas opozitës dhe njohësve të marrëdhënieve ndërkombëtare, diplomacia kosovare ka dështuar me Thaçin dhe zëvendësit e tij në MPJ

Prejse në krye të diplomacisë kosovare erdhi Hashim Thaçi, tashmë president i Kosovës, diplomacia vendore ka shënuar regres. Për 15 muaj sa ka qëndruar si ministër i Punëve të Jashtme Thaçi ka sjellë vetëm një njohje nga një shtet anëtar i OKB-së, Antigua dhe Barbuda, si dhe dy njohje nga mikroshtetet joanëtare të OKB-së, Niue dhe Ishujt Cook.

Përveç kësaj, Thaçi sa qëndroi si shef i diplomacisë kosovare asnjëherë nuk shkoi në zyrën e tij në këtë Ministri, por qëndroi në objektin e Qeverisë duke e shfrytëzuar zyrën e zëvendëskryeministrit, shkruan sot gazeta ‘Zeri’.

Ndërkaq, duke e parë që diplomacia nuk çon peshë në këtë strukturë qeverisëse ka tre muaj që nuk ka as ministër të Jashtëm, por vetëm zëvendësministër dhe ushtrues detyre. Sipas opozitës kosovare, në dy vjetët e fundit diplomacia ka dështuar në disa fronte, ndërsa për Qeverinë fitoret diplomatike janë të dukshme./zeri/

Berisha: Koalicioni qeverisës s’e ka jetën e gjatë

admin
-
0
Berisha: Koalicioni qeverisës s’e ka jetën e gjatë

Kam qenë i interesuar dhe jam i interesuar që opozita të jetë e bashkuar, jo vetëm në këto dy kauza, por edhe në agjenda tjera. Bashkëpunimi tepër i ngushtë për muaj të tërë ngriti atë vetëdijen qytetare në Kosovë dhe u shemben ato dallimet në mes subjekteve politike dhe opozita u bë si një subjekt i përbërë nga partitë politike për të bërë diçka të mirë për vendin, tha Zafir Berisha deputet i NISMA-s për Kosovën për Ora e Fundit të Klan Kosovës.

Berisha shprehu keqardhje për një çarje të opozitës, që sipas tij i dha mundësi edhe presidentit Thaçi ta kapitalizojë këtë.

“Ajo që ndodhi nuk ishte diçka e mirë. Ishte një kundërgoditje e asaj pune dhe shprese. Ajo përçarja e vogël e opozitës ngriti edhe ambiciet e Hashim Thaçit që të del dhe të thotë se nuk ka krizë politike në vend. Duhet të tejkalohen edhe mospajtimet dhe të japin diçka nga vetvetja. Unë po shpresoj shumë që ka vend për bashkim”, tha Berisha, njofton Klan Kosova.

Ai shtoi se Vetëvendosja është dashur ta ketë një qasje vetëmohuese, por ky subjekt humbi një mundësi të madhe, por nuk pranoi se do t’i bashkohet këtij subjekti opozitar.

“Vetëvendosja në rend të parë është dashur ta tejkalojë pak vetveten dhe e ka humbur atë mundësi që ta ketë kryeministrin e vendit. Unë do të jem ithtar që opozita të jetë bashkë. Ato që na bashkojnë janë më shumë se ato që na ndajnë”, tha Berisha.

Ai foli edhe lidhur me mundësinë e kalimit të tij në VV, duke thënë se “unë nuk kam dalë në shitje as në ankand. Unë bashkëpunimin nuk do ta ndali as me VV-në përderisa ka mundësi. Nuk jam për naj akrobacion tani në politikë. Jemi shumë të bindur se këto marrëveshje janë të dëmshme për sovranitetin e vendin dhe nuk ka rrugë tjetër përpos kundërshtimit”, tha Berisha.

Deputeti nga Prizreni deklaroi se koalicioni është duke shkuar drejt fundit

“Në momentin kur opozita po mungon po shihet fytyra e vërtetë e këtij koalicioni. Ky është koalicion i individëve dhe jo i natyrshëm. Ky koalicion, jam i bindur se nuk e ka jetën e gjatë. Dëmet e Hashim Thaçit do të jenë të pranishme me dekada”, ka thënë Berisha, njofton Klan Kosova.

Ajshe Shala: Dega e AAK-së në Prizren, drejtohet nga të dështuarit

admin
-
0
Ajshe Shala: Dega e AAK-së në Prizren, drejtohet nga të dështuarit

Kuvendarja Ajshe Shala ka goditur ish-partinë e saj, AAK-në në Prizren. Ajo thotë se në Degën e kësaj dege janë instaluar njerëz e dështuar.

“ Në krye të Degës së AAK-së në Prizren erdhën njerëzit e dështuar, prandaj edhe u largova”, thotë Shala.

Ajshe Shala javën e kaluar ka dhënë dorëheqje nga AAK-ja.

Ajo ka deklaruar se interesin e qytetarëve do të mbrojë si e pavarur.

Shala nuk ka pranuar të tregojë nëse për këto pakënaqësi janë njoftuar organet qendrore të AAK-së.

“Nuk kam cka komentoj më shumë “, ka thënë ajo.

Sipas saj, njerëzit e përgatitur intelektualist janë larguar nga AAK-ja në Prizren.

“Janë larguar sepse udhëheqja e Degës së AAK-së në Prizren drejtohet sikur me qenë pronë private e individëve”./PrizrenPress.com/

Zhduket një fëmijë 9 vjeç

admin
-
0

Një fëmijë 9 vjeç rezulton i zhdukur që prej pasdites së djeshme në qytetin e Durrësit. Familjarët e minorenit bëjnë me dije se Brajan Plaku, rezulton i zhdukur që prej orës 18:00 të së mërkurës.

Gjithashtu thonë se Brajan është parë për herë të fundit në një qendër interneti, në lagjen nr 11, pranë banesës. Ata luten të komunikojnë në numrin e celularit 069 32 91 195.

Zhdukja e minorenit është denoncuar edhe në policinë e Durrësit, ku kanë nisur kërkimet për gjetjen e tij.

Roman i ri i Veton Surroit

admin
-
0
Roman i ri i Veton Surroit

Shkrimtari dhe publicisti Veton Surroi shfaqet tani me një roman të ri, me titull “Përcaktimi i dashurisë së Marie Gjonit”.
Romani “Përcaktimi i dashurisë së Marie Gjonit” është njëri nga gjashtë titujt që Botimet Koha do t’i prezantojë në Panairin e Librit që do të mbahet gjatë muajit qershor në Prishtinë.

“Përcaktimi i dashurisë së Marie Gjonit”, romani i ri i Veton Surroit është një rrëfim mjeshtëror që mund të lexohet si roman dashurie, rrëfim historik, thriller politik dhe analizë psikologjike. Me një stil të veçantë, “Përcaktimi i dashurisë së Marie Gjonit” është rrëfimi i Kosovës së shekullit XX dhe padyshim shënon një faqe të re e të rëndësishme letërsinë shqipe.

Surroi me librat “Miliarderi”, “Ambasadori i Melkizedekut”, “Këmbët e Gjarprit” dhe publikimet tjera ka tërhequr vazhdimisht vëmendjen e lexuesit në gjitha hapësirat shqiptare. “Ambasadori i Melkizedekut” vjet ishte libri më i shitur i edicionit të 17 të Panairit Ndërkombëtar të Librit në Prishtinë.

Striptistja futet në festën e gjimnazistëve(Video)

admin
-
0
Striptistja futet në festën e gjimnazistëve(Video)

Festat e përfundimit të një viti shkollor mes gjimnazistëve janë të rëndësishme dhe janë kthyer në traditë, që në Gjermani monitorohet rreptësisht nga mësuesit.

Por në një gjimnaz të Mynihut, studentët arritën që të fusin në festën e tyre një striptiste, madje edhe ta filmojnë atë duke u performuar në prehër.

Gjithçka ka ndodhur në gjimnazin Luitpold dhe mediat gjermanë shkruajnë se mësuesve dhe drejtuesve të gjimnazit u është thënë nga nxënësit se striptistja e njohur si Jarly ishte e ftuar për të folur “për barazinë gjinore”.

Kur mësuesit dhe drejtuesit morën vesh se për ç’barazi gjinore bëhej fjalë, ishte tepër vonë dhe nga videoja dhe fotot e shpërndara, Jarly, 33 vjeç, duket se ka folur më shumë se për barazinë.

https://youtu.be/t0B5ge0tkro

 

Kolumnistët ballëngrysur zviceranë!

admin
-
0
Kolumnistët ballëngrysur zviceranë!

Kjo letër nuk do të duhej të dërgohej nga Shqipëria por nga Kosova. Por meqë Shqipëria dhe jo Kosova është zyrtarisht vend pjesmarrës në Kampionatin Europian në Francë, po e lëmë me Shqipërinë. Nëse njeriu do të numëronte dhe bashkonte lojtarët e kombëtareve të Shqipërisë dhe Zvicrës, të cilët kanë prejardhje nga Kosova, atëherë kjo do të ishte e mjaftueshme që në Francë të bëhej një Kombëtare nga Kosova. Pra le të flasim hapur: Zvicra dhe Shqipëria pa këta lojtarë nga Kosova zor se do të kishin arritur të shkonin në Francë!

Kjo gjë duhet të thuhet njëherë, sidomos tashti, pas pranimi të Kosovës në Uefa dhe Fifa. Ajo që pas pranimit ngjau është gadi se tragjike: tifozë, funksionarë futbolli, gazetarë nuk munden ta bëjnë zemrën guri dhe ta urojnë anëtarin më të ri. Ata nuk ishin të lumtur por shumë më shumë të brengosur. “E tërë Zvicra” klithte. Por edhe Shqipëria nuk heshtte.

Kjo është pikëlluese. Me një mënyrë të padurueshme erdhi tek fyerje dhe kërkesa për futbollistët që të sqaronin dhe pranonin. Ushtrohej presion në lojtarët e kombëtareve me moton: “Jeni për Zvicrën apo për Kosovën?”. Kam lexuar një mori të kolumnistëve zviceranë dhe nuk mundja, nuk doja ta besoja, se çfarë shtronin në pyetje. Kjo ballëngrysje është fillimi i një rrëfimi pikëllues i cili përfundonte me teori konspiracioni tek media në Shqipëri. Atje në të vërtetë u lansua edhe një teori bizare: perëndimi ka për qëllim që të shqiptarët në Ballkan t’i ndajë në dy ekipe kombëtare. Pra, konspiracionistët dilnin edhe me propozimin: shqiptarët e Kosovës dhe shqiptarët e Shqipërisë mundësisht ta bëjnë vetëm një Kombëtare në mënyrë që të mos ndahen.

Kisha shpresuar që ta gjej së paku një dhe të vetmin kolumnist, pamarrparasysh zviceranë apo shqiptarë (nga Shqipëria), i cili me një dhe të vetmin rresht do ta tregonte historinë dhe para së gjithash arsyen e pranimit të Kosovës në Uefa përkatësisht Fifa. Por e kotë ishte ajo shpresë.

Për këtë shkak po e bëj vet: Kosovës për 25 vite me radhë nuk i është lejuar të ketë përfaqësuesit e saj të Futbollit në Europë. Pa sport. Pa ëndërra. Pa heronj! Me fillimin e shkatërrimit të ish- Jugosllavisë, proces ky i cili në këtë pjesë të Europës zgjati dhjetë vite (1990-1999) shqiptarët e Kosovës u shpërndanë gjithandej si refugjatë dhe azilkërkues. Pas çlirimit në vitin 1999 Kosova u vendos nën protektoratin e OKB-së deri në vitin 2008 kur edhe e shpalli pavarësinë. Por Serbia edhe mëpas pengonte praninë në sportin ndërkombëtar.

Së paku katër gjenerata të të rinjve nga Kosova u desht të mbanin trikotë e kombeve tjera ose të përfundojnë në ujërat e anonimitetit. Kjo tash mori fund!/klan kosova/

Dëshmori Nuhi Krasniqi, u rivarros me nderime ushtarake

admin
-
0
Dëshmori Nuhi Krasniqi, u rivarros me nderime ushtarake

Me nderime të larta ushtarake nga Forca e Sigurisë së Kosovës, u bë rivarrimi i dëshmorit Nuhi Krasniqi, i vrarë në gusht të vitit 1992, gjatë luftës në Kroaci.

Dëshmori Nuhi Krasniqi është shpallur edhe hero në Kroaci, pasi kishte treguar trimëri dhe heroizëm, në mbrojtje të qyteteve kroate, gjatë luftës së fundit në këtë vend.

Paraprakisht, në shtëpinë e kulturës “Tahir Sinani” në Malishevë, është mbajtur një akademi përkujtimore, në nderim të dëshmorit Nuhi Krasniqi, e ku morën pjesë, kryetari i Malishevës, Ragip Begaj, ministri i veteranëve të Kroacisë, Tomo Medved, i shoqëruar edhe nga ministri i kulturës Zllatko Hasanbegoviç, ambasadorja kroate në Kosovës, Marija Kapitanoviç, zv/ministri i FSK-së, Fadil Gashi, deputet të Kuvendit të Kosovës, përfaqësues të organizatave të dala nga lufta në Kroaci, nga Shoqata e Familjeve të Dëshmorëve të UÇK-së, eprorë dhe ushtarak të FSK-së dhe të ushtrisë kroate, bashkëluftëtar të Nuhiut, familjarë e qytetarë të shumtë.

Këto personalitete e kanë vlerësuar lartë figurën e dëshmorit Nuhi Krasniqi.

Përkujtohen martirët e “Tusuzit”

admin
-
0
Përkujtohen martirët e “Tusuzit”

Sot në 17 vjetorin e vrasjes , janë përkujtuar dhe nderuar me homazhe 27 martirët e masakrës së Tusuzit. Halim Arifi, i përlotur dhe në moshë të shtyrë kujton mëngjesin e 26 majit të vitit 1999, kur pjesëtarë të makinerisë vrastare serbe kishin rrethuar lagjen “ Tusuz”, me ç’rast e kishin ndarë nga familjarët edhe djalin e tij 22 vjeçar , Hajrimin, student të historisë , të cilin e kishin vrarë në oborrin e shtëpisë.

Atij nuk i hiqet nga mendja tmerri i asaj dite ku fatin e djalit të tij e kishin edhe 54 civilë tjerë në mesin e të cilëve 27 banorë të kësaj lagje.
Për të përkujtuar të vrarët në këtë masakër, jetën dhe veprën e martirëve e kanë nderuar me homazhe në Memorialin e Tusuzin familjarë të martirëve dhe dëshmorëve, veteran e invalid të luftës, qytetarë dhe përfaqësues të të institucioneve lokale dhe disa partive politike.

Veterani i UÇK-së nga kjo lagje, Hajrim Çengaj, dhe sekretari i degës së OVL të UÇK-së në Prizren, Isa Berisha, thanë a se armiku gjakpirës, duke parë se nuk mund të të arrinte suksese në fushën e nderit kundër ushtarëve të lirisë, nga humbjet e shumta masakroi popullatën e pafajshme siq ndodhi në lagjën Tusuz 17 vite më parë, ndaj civilëve të cilët nuk deshën të largohen nga pragu i shtëpive të tyre. Për të nderuar jetën dhe veprën e martirëve të Tusuzi, kishte ardhur edhe një delegacion i Qendrës së Lëvizjes Vetëvendosje, me ç’rast deputeti Mytaher Haskuka, tha se liria të cilën po e gëzojmë sot kishte sakrifica sublime nga tërë populli ynë, dhe çmimi i asaj lirie tha ai, ishte edhe gjaku i martirëve të shumtë të cilët me sakrificën e tyre nuk i shpëtuan dorës gjakatare të armikut në kuadër të përpjekjeve shekullore për lirinë e Kosovës.

Në emër të familjeve të martirëve të kësaj lagje, ka folur Islam Thaçi, i cili tha se sot është një ditë ku ne si familjarë jemi të përfshirë nga emocione të shumta, sepse kujtojmë prindërit, vellëzerit dhe motrat tona, të cilët u vranë vetëm se ishin shqiptarë. Shqetësim i yni tha ai, mbetet fakti se deri më tani autorët e këtij krimi nuk janë vënë para drejtësisë, dhe për këtë ai kërkoi më shumë angazhim nga institucionet vendore e ndërkombëtare. Gjatë luftës, lagjja Tusuz ishte njëra nga bazat kryesore të Ushtrisë Çlirimtare të Kosovës, dhe luajti një rol të rëndësishëm në masovizimin e radhëve të UÇK-së për zonën e Vërrinit, prandaj kjo lagje si e tillë ishte bërë halë në sy për regjimin pushtues serb. Në muajt mars – maj 1999, në kohën kur forcat miltare dhe paramilitare serbe me dhunë e shpërngulte popullatën shqiptare për në Shqipëri, Tusuzi ishte shndërruar në një çerdhe të fuqishme për UÇK-në, dhe prandaj shumica e banorëve të saj nuk i lëshuan shtëpitë e tyre… /TV Prizreni/

1...6 1406 1416 142...8 803Page 6 141 of 8 803

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne