Presidenti i Atletico, Madridit, Enrique Cerezo ka thënë se skuadra e tij duhet ta mposht Real Madridin në finale të Ligës së Kampionëve.
Ai tha se pas një sezon ku eliminuan Barcelonën dhe Bayern Munichun, duhet ta fitojnë edhe trofeun.
“Ne duhet të fitojmë të shtunën. Nëse nuk fitojmë do të ishte një zhgënjim i madh. Nuk ka rëndësi se si fitojmë, ne duhet të fitojmë”, tha Cerezo për Marca.
Trajneri francez, Zinedine Zidane nuk ka e ka të ardhmen e sigurt në Real Madrid dhe i duhet të fitojë Ligën e Kampionëve kundër Atletico Madridit.
Sport Mediaset shkruan se, nëse Zidane dështon në finale, atëherë ai do të largohet nga Reali, ndërsa Perez ka gati edhe zëvendësuesin e tij.
Bëhet fjalë për trajnerin e Sevillas, Unai Emery, i cili e ka drejtuar Sevillan drejt dy titujve në Europa League.
Ka lindur në Brisbane të Australisë, por sporti i saj i preferuar është futbolli. Modelja 23-vjeçare, Davina Rankin, ka një skuadër në zemrën e saj.
Bukuroshja bën tifo për Atletico Madrid dhe do të jetë një nga tifozet më të veçanta të skuadrës “Los Colchoneros” në finalen derbi të Champions League.
Rankin është gjithashtu e obsesionuar pas trajnerit argjentinas, Diego Simeone.
Anësori i Portos, Yacine Brahimi është lojtari i radhës që kërkohet nga klubi anglez, Liverpool.
Sipas mediave angleze, “të kuqte” e Anglisë janë gati të nisin negociata me skuadrën portugeze për Brahim-in.
Klauzola për prishjen e kontratës së algjerianit kap shifrën rreth 60 milionë euro, dhe thuhet se klubi nga “Anfield” është gati të paguajë këtë çmim në mënyrë që lojtarin ta ketë në skuadër sezonin e ardhshëm.
Brahim kërkohet edhe nga Manchester United, AC Milan dhe Juventus, por duket se destinacionin më i mundshëm i algjerianit është Liverpooli.
Kryetarja e Degës së LDK-së në Gjermani, Donika Gërvalla, thotë se LDK-së i duhet një reformë e thellë.
Sipas saj, nëse dështon LDK-ja, atëherë pushtetin mund ta marrin “kriminelët dhe radikalët”.
Lidhjes Demokratike të Kosovës (LDK) i duhet një reformë e thellë si ajri për të jetuar, ndërsa grupi rreth Isa Mustafës, LDK-së së Ibrahim Rugovës po ia merr frymën pak nga pak.
Kështu ka thënë gjatë një interviste për “Zërin” kryetarja e Degës së LDK-së në Gjermani, Donika Gërvalla.
Gërvalla, e cila u nxor zvarrë në mbledhjen e Këshillit të Përgjithshëm të LDK-së më 20 maj, ka thënë se LDK-ja aktuale dhe njerëzit e dobët të saj kanë frikë dhe prandaj frikësohen nga kokat e pavarura me argumente të forta.
Sipas saj, prej vdekjes së presidentit Rugova, LDK-ja vazhdimisht keqpërdor statutin e saj. Në këtë frymë ajo thotë se edhe vetë kryetari i partisë, Isa Mustafa, është zgjedhur në mënyrë jolegale.
Ndërkohë sa i përket incidentit që ndodhi më 20 maj, Gërvalla thotë se ata persona asnjëherë nuk do të guxonin t’i preknin asnjë fije floku dikujt nga i cili do të llogarisnin reagime të dhunshme.
Ajo më tutje zbulon se pavarësisht tentimit që disa herë të takohet me Kryesinë Qendrore të LDK-së, ata nuk kanë pranuar.
Ndërkohë akuzon rëndë edhe Ismet Beqirin, siç thotë ajo, si një person pa kurriz. /Zëri/
Policia e Tiranës ka vënë në pranga 71-vjeçarin Bashkim. A banues në kryeqytet, i denoncuar për ngacmim seksual.
Arrestimi i tij u bë pas denoncimit të një gruaje 44 vjeç, e cila në polici ka treguar se 71-vjeçari e ka përndjekur vazhdimisht e së fundmi e ka ngacmuar seksualisht në ashensorin e pallatit.
Mësohet se gruaja dhe i ndaluari jetonin në të njëjtin bllok pallatesh dhe kjo kishte bërë që ngacmimet dhe shqetësimet të ishin të vazhdueshme. Por teksa gruaja po ngjitej me ashensor për në banesë, i moshuari ka hyrë pas saj duke e prekur në pjesë intime.
Ka qenë reagimi i ashpër i gruas, ai që ka shmangur çdo tentativë të mëtejshme, duke bërë edhe denoncim ndaj tij, çka bëri që Bashkim A., të vihet në pranga
Ekspertët e sundimit të ligjit theksojnë se për sa kohë organet e shtetit janë në duart e politikanëve të inkriminuar, atëherë edhe drejtësia nuk do të jetë në nivelin e duhur, prandaj duhet ndryshuar klasa politike për t’i hapur rrugën pavarësimit dhe profesionalizimit të sistemit gjyqësor dhe prokurorial.
Drejtësia selektive dhe ndërhyrjet e ndryshme politike janë vetëm disa nga problemet tashmë të identifikuara, të cilat e kanë përcjellë dhe vazhdojnë ta përcjellin drejtësinë kosovare. Kësisoj kjo gjendje e rëndë dhe e mjerueshme që po mbretëron në drejtësi doemos ngrit edhe pyetjen se a po bëhet Kosova një xhungël e drejtësisë dhe se për një gjendje të tillë a mund të jetë njëri nga shkaktarët ekzistimi i një konsensusi politik në mënyrë që të dobëtit të ndëshkohen, derisa në anën tjetër të fortët të rrinë mbi ligjin dhe të shpë- tojnë gjithnjë nga ndëshkimi.
Analisti Fadil Lepaja ka thënë se nëse i referohet asaj që të krahasohet drejtësia kosovare me xhunglën, atëherë Lepaja thotë se siç duket në krye të ministrisë do të vijë luani.”Kjo nuk d.m.th. se në xhungël nuk ka rend, porse i forti do të vazhdojë të hajë të dobëtin me një disiplinë më të madhe”, ka vlerësuar Lepaja për gazetën “Kosova Sot”. Analisti politik dhe juridik, Mazllum Baraliu, tha për gazetën “Kosova Sot” se tashmë është evident fakti se jo gjithherë sistemi ynë i drejtësisë i orienton drejt përgjegjësisë, qoftë asaj etike, penale, shoqërore, financiare etj., ata përfaqë- sues të strukturave përkatëse të atyre që kanë përgjegjësinë më të madhe shoqërore, por edhe atë institucionale dhe që, sipas tij, këtu mund të bëjnë gabime dhe shkelje të caktuara.
Sistemi në kolaps
“Kjo është evidente dhe është një fenomen pothuajse që në emër të kinse zbatimit të ligjit dhe shtetit të së drejtës të procedohen madje ndonjëherë edhe në mënyrë spektakulare pa asnjë arsye, ose me pak arsye apo dyshime, ata të cilët janë më pak të involvuar në përgjegjësi penale apo krime etj. Prandaj është evidente ajo që ka drejtësi selektive dhe se mund të ketë përgjithësisht përpjeke që nga ata të cilët janë të fuqishëm dhe që kanë fuqi, si ekonomike ashtu edhe politike, të shtyhet, të mënjanohen apo edhe të lihet anash përgjegjësia e tyre dhe të mos procedohen, ndaj të cilëve në fund rezulton qoftë nga EULEX-i apo drejtësia jonë se nuk kanë ndonjë përgjegjësi penale, duke u liruar nga ajo dhe si rrjedhojë procedohen thjesht në një mënyrë apo tjetrën me vite të tëra”, është shprehur Baraliu. Profesori i së drejtës, Riza Smaka, me këtë drejtim ka gjykuar se sistemi juridik i vendit ka dështuar në përgjithësi dhe se ai gjendet në kolaps. Kjo ngase Smaka thotë se ky sistem është i korruptuar, ashtu sikurse edhe institucionet e tjera. Më tej, Smaka ka nënvizuar se veç kësaj problemi qëndron edhe te mungesa e profesionalizmit, pasi në këtë aspekt, sipas tij, nuk aplikohen studimet e specializuara.”Po e zëmë jurist për gjithçka në atë kuptim, pasi këtu edhe fakultetet juridike nuk janë reformuar për të krijuar profile të specializuara, si për çështjet juridike penale, pastaj juridike civile, juridike administrative, apo edhe juridike ekonomike, që kësisoj do të kishte pasur hapësirë dhe mundësi që të punohej shumë më tepër dhe më mirë”, u shpreh ai./Kosova Sot/
Diskutimi i zhvilluar gjatë këtyre ditëve, rreth Projektligjit për parandalimin e pastrimit të parave dhe luftimin e financimit të terrorizmit, ka ngritur seriozisht dyshimin e bazuar se në Kosovë është shumë i përhapur fenomeni i shpëlarjes së parave të pista edhe përmes të OJQ-ve të ndryshme. Këtë shqetësim e ka ngritur deputeti i LDK-së, Armend Zemaj, i cili ka thënë se, sipas njohurive që ka ai, madje informacioneve shumë zyrtare, ka pasur organizata joqeveritare, të cilat kanë marrë gati 300 mijë euro në muaj për financimin e veprimtarive të tyre.
Sipas tij, një nga këto OJQ ka pasur vetëm një individmenaxher në atë organizatë. Mirëpo, kjo nuk është vetëm një rast, derisa problemi akoma më i madh qëndron në faktin se nuk mund të sigurohen akoma informacione se kush realisht i kontrollon këto OJQ, sepse nuk ka auditime të këtyre OJQ-ve, derisa informacionet flasin se në gjithë territorin e Kosovës vetëm gjatë vitit 2015 janë regjistruar hiç më pak se 496 OJQ. Nga ky numër, sipas raportit të publikuar nga Qeveria e Kosovës, përkatësisht Departamenti për organizata qeveritare, rreth 490 OJQ janë vendore, kurse ndërkombëtarët kanë regjistruar 96 organizata të tilla. Ekspertët e fushës së legjislacionit dhe analistët politikë theksojnë se këto të dhëna, të bëra publike, janë alarm serioz, që flet se OJQ-të dhe financimi i tyre në Kosovë nuk është nën kontroll të duhur institucional, dhe për shumë dyshime të ngritura ka hapësirë veprimi edhe nga Prokuroria e Shtetit.
Organizatat që shpëlajnë trurin
Profesori i së drejtës, Muhamet Kelmendi, i ka thënë gazetës se shikuar për nga analizat e punës së OJQ-ve në vendet e tjera, OJQ-të do të duhej të ishin subjekte të rëndësishme për ta luajtur një rol kontrollues aktiv ndaj pozitës, përkatësisht Qeverisë, si qendrore, ashtu edhe asaj lokale, me qëllim të ndërtimit më të mirë të normave ligjore dhe të funksionimit të shtetit ligjor, por në Kosovë ka devijime të mëdha në këtë fushë veprimi. “OJQ-të në Kosovë janë shndërruar në mekanizma për të degjeneruar mentalitetin e qytetarit, duke sjellë mendime dhe ide të dëmshme për ndërgjegjen dhe moralin tonë. Ato janë mekanizma, që kanë sjellë në vend edhe ide politike dhe ideologjike nga më të ndryshmet. Kemi një konglomerat të nduarnduarshëm të ideve, nga ato të djathta, të qendrës dhe të majta, deri te idetë terroriste, të karakterit fetar dhe natyrisht edhe të një karakteri armiqësor.
Kemi OJQ që kryesisht u shërbejnë armiqve të shtetit dhe të së drejtës”, tha prof. Kelmendi. Grupi tjetër i OJQ-ve, sipas tij, është ai i qëllimit të pastër të përfitimit material dhe asgjë më shumë. “Kemi grupin tjetër të OJQ-ve për të fituar para, përkatësisht financa, dhe janë shndërruar në mekanizma bankarë të spastrimit të parave. Në OJQ-të e vendit dhe ato ndërkombëtare kemi para nga të tëra anët e botës. Financat vijnë edhe nga Rusia e Serbia, nga vendet arabe, ato të BE-së dhe nga kush jo. Për OJQ-të, pra e rëndësishme është vetëm paraja, pavarësisht punës që kryejnë në kontinuitet”, tha Kelmendi për “Kosova Sot”. Sipas tij, institucionet e drejtësisë duhet të alarmohen dhe të merren seriozisht me hetimin e veprimtarisë së të gjitha OJQ-ve vendore e ndërkombëtare, sepse ka disa prej tyre që realisht janë shndërruar në rrezik permanent për shtetin dhe popullin. “Nëpër këto OJQ janë instaluar dy lloj shërbimesh. Në njërën anë, shërbimi kriminal i spastrimit të parasë së pistë dhe, në anën tjetër, janë shërbimet informative të shteteve, të cilat po kryejnë shumë punë kriminale ndaj vendit tonë. Çështjet e tilla duan analiza dhe masa konkrete”, theksoi Kelmendi./kosova sot/
Esma Muçaj, e punësuar si pastruese publike prej 22 vjetësh në Bashkinë e Kukësit, nuk ka asnjë lidhje me klubin e futbollit të qytetit.
Madje, asnjë ndeshje nuk ka parë në jetën e saj të varfër. Por për këtë lidhje ka menduar, ish-kryetari i Bashkisë së qytetit, Hasan Halili, i cili, nëpërmjet manovrare financiare, ka sponsorizuar sportin me paratë e rrogës së saj dhe të mbi 300 kolegëve të tjerë. Halili tashmë është shpallur person në kërkim, pasi Prokuroria e Kukësit e akuzon për shpërdorimin e detyrës me fondet publike.
Esmaja është larguar nga puna në nëntor 2015, pasi vendi i saj i punës u shkurtua. Në të drejtën e saj ligjore, ajo kërkon të paguhet me asistencë sociale. Në moshën 57-vjeçare ajo e ka të pamundur të sigurojë një punë tjetër dhe për këtë arsye mendon të marrë një pjesë nga kontributet që ka arkëtuar në administratën tatimore. Kërkesa e saj ka marrë një përgjigje absurde. Nuk mund të përfitojë, pasi nuk ka kontribuuar në skemën e sigurimeve shoqërore dhe shëndetësore gjatë 4 viteve të fundit. Esmaja, e pamësuar me shakatë administrative, kërkon të drejtën e saj tek kryetari i Bashkisë së Kukësit, Bashkim Shehu, i zgjedhur vetëm pak muaj më parë në këtë detyrë, në qershor 2015. Pastruesja Esma ishte një ndër të paktën 10 ish-punonjës të Bashkisë së qytetit verior që prezantonte këtë shqetësim në administratën e re lokale.
Bashkia e Kukësit, në periudhën tetor-nëntor 2015 ushtron audit të brendshëm mbi mënyrën e shpenzimit të fondeve publike nga ish-paraardhësi i tij, Hasan Halili dhe shkeljet e konstatuara, të shumta në numër, i referon në Prokurorinë e qytetit.
Gjatë veprimeve hetimore, prokurorët arritën të evidentonin shkeljet e kryera nga të paktën 4 ish-zyrtarë të lartë lokalë të Kukësit, me një dëm që llogaritet në rreth 45 milionë lekë të reja.
Të martën e datës 24.05.2016, gjykata e Kukësit vendosi për arrestimin e ish-kryetarit të Bashkisë, si edhe tre ish-drejtuesve të tjerë në këtë institucion dhe në administratën tatimore, pasi dyshohet se kanë devijuar fondet e sigurimeve shoqërore të punonjësve, në drejtim të sponsorizimit të ekipit të futbollit të Kukësit.
“Boldnews.al” ka mësuar disa prej shkeljeve të konstatuara nga Prokuroria e Kukësit, në bazë të të cilave ka urdhëruar arrestimin e ish-kryetarit të Bashkisë, Hasan Halili. Ky i fundit, pas dy mandateve si përfaqësues i Partisë Demokratike, në zgjedhjet lokale të vitit 2015 ndryshoi ngjyrë, duke iu bashkuar aleancës së majtë. Në garën elektorale ai u shpall humbës dhe prej aty nisën problemet e tij ligjore.
Prokuroria e Kukësit ka vënë në dispozicion, me kërkesë të “Boldnews.al” rezultatet e saj në mënyrë kronologjike, mbi shkeljet e konstatuara gjatë hetimit disa mujor.
Sipas dokumentacionit sekuestruar në Qendrën Kombëtare të Regjistrimit, rezulton se më datë 08.09.2011është regjistruar si person i tatueshëm “FUTBOLL KLUB KUKESI –Sha”, me ortak R. G., F. H., S. Gj. dhe Bashkia Kukës .Aktualisht aksionerë të kësaj shoqërie rezulton shtetasi L. Gj. me 87.5 % të aksioneve dhe 12.5 % Bashkia Kukës.
– Nga dokumentacioni i administruar në Degën e Thesarit, rezulton se nga Bashkia Kukës janë kryer sponsorizime për llogari të klubit të futbollit të qytetit në 4 vite radhazi, 2011-2015. Më konkretisht, Bashkia Kukës ka kaluar në llogarinë e klubit sportiv 2 herë 5 milionë lekë për vitet 2011 dhe 2012. Në vitin 2013, shuma e sponsorizimit është rritur me trefish-15 milionë lekë. Në vitin 2014, Bashkia e Kukësit ka vijuar sjelljen bujare ndaj sportit, duke i dhuruar 10 milionë lekë. Dhe, vetëm pak ditë para se të largohej nga zyra e Bashkisë, në vitin 2015, ish-kryetari ka sponsorizuar edhe 6 milionë lekë të tjera.
Paralelisht me këto sponsorizime, Bashkia Kukës shtonte borxhin ndaj Institutit të Sigurimeve Shoqërore, për shkak se nuk kryente pagesat e sigurimeve shoqërore dhe shëndetësore për mbi 300 punonjës të strukturave në varësi të institucionit.
Hetimi i Prokurorisë së Kukësit ka konstatuar se shuma e parave që bashkia ka sponsorizuar për ekipin e futbollit të qytetit, është thuajse e njëjtë me shumat e papaguara për kontributet e punojësve.
Prokurorët kanë krijuar bindjen se paratë e punonjësve kanë shkuar për lojtarët e ekipit, të cilët luajnë në kategorinë superiore të futbollit shqiptar. Kuksianët e duan ekipin e tyre dhe e kanë mbështetur fuqishëm. Por manovrat financiare të ish-kryetarit të Bashkisë, të cilat kanë goditur drejtëpërdrejtë xhepat e më shumë se 300 banorëve të Kukësit, mund të ndërlikojnë raportet e tifozëve me lojtarët e ekipit, të cilët për herë të parë, vetëm para 3 ditësh, fituan një kompeticion të rëndësishëm futbollistik në vend, Kupën e Shqipërisë. /BoldNews
Zëvendës ministri i Ministrisë së Financave që vjen nga radhët e PDK-së,Isni Kilaj ka zbuluar disa emra të personave që sipas tij janë larguar nga puna nga LDK-ja për të vendosur militantë të partisë së tyre.
Ai në emisionin “Republika” me Dardan Gashin i ka deklaruar se me ardhjen e Avdullah Hotit, në Minisitri, njerëzit janë larguar pa asnjë fakt, dhe pa asnjë element që do ndikonte në punën e tyre.
Shaqir Totaj sipas tij është larguar vetëm për shkak të një interviste që ka dhënë.
Këshilli i pavarur mbikëqyrës i Kosovës e ka kthyer atë në punë por ministria nuk ka pranuar ta kthejë.
Pastaj ai ka përmendur Fikret Ibrahimaj drejtor regjional ne Ferizaj,i cili gjithashtu është larguar nga puna në vitin 2015
Ilir Murtezi nga ATK dhe shumë persona të tjerë, për të cilat Kilaj fajëson koalicionin qeverisës LDK-në.
Kilaj ka treguar se e ka njoftuar edhe kryeministrin për këto largime por që ai i ka thënë vetëm se do merret me këtë por se nuk ka bërë asgjë