Presidenti i Barcelonës, Josep Mario Bartomeu ka thënë se asnjëri treshja MSN – Messi, Suarez, Neymar– nuk do të largohet këtë verë.

Është përfolur shumë një largim i mundshëm i Neymar, apo Messi, sidomos me kontratën e brazilianit ende në tavolinë.

Por treshja e fuqishme do të mbetet e bashkuar, për së paku edhe një edicion, ka konfirmuar Bartomeu.

“Është e pamundur që të largohet dikush nga MSN”.

“Të gjithë lojtarët tanë janë të lumtur me klubin dhe qytetin sepse është mjaft e këndshme të jetoni këtu”.

Mario Balotelli është i vendosur për t’u rikthyer në Liverpool, pasi pronari i Milanit Silvio Berlusconi bëri të ditur se sulmuesi është në listën e futbollistëve që klubi do t’i largojë.

Balotelli u bashkua me Milanin si huazim në gusht të vitit të kaluar, por kaloi një kampanjë jo të kënaqshme në San Siro, ku ka shënuar vetëm nj herë në 20 paraqitje në Serie A.

25 vjeçari që ka edhe dy vite në kontratën e tij me Liverpool, në prill kishte thënë se nuk dëshiron që të rikthehet në fund të sezonit në Anfield.

Por duket se italianit nuk i ka mbetur rrugë tjetër përveç rikthimit, pasi ai është në listën e të padëshiruarve në Milan.

Presidenti i Atletico, Madridit, Enrique Cerezo ka thënë se skuadra e tij duhet ta mposht Real Madridin në finale të Ligës së Kampionëve.

Ai tha se pas një sezon ku eliminuan Barcelonën dhe Bayern Munichun, duhet ta fitojnë edhe trofeun.

“Ne duhet të fitojmë të shtunën. Nëse nuk fitojmë do të ishte një zhgënjim i madh. Nuk ka rëndësi se si fitojmë, ne duhet të fitojmë”, tha Cerezo për Marca.

Trajneri francez, Zinedine Zidane nuk ka e ka të ardhmen e sigurt në Real Madrid dhe i duhet të fitojë Ligën e Kampionëve kundër Atletico Madridit.

Sport Mediaset shkruan se, nëse Zidane dështon në finale, atëherë ai do të largohet nga Reali, ndërsa Perez ka gati edhe zëvendësuesin e tij.

Bëhet fjalë për trajnerin e Sevillas, Unai Emery, i cili e ka drejtuar Sevillan drejt dy titujve në Europa League.

Anësori i Portos, Yacine Brahimi është lojtari i radhës që kërkohet nga klubi anglez, Liverpool.

Sipas mediave angleze, “të kuqte” e Anglisë janë gati të nisin negociata me skuadrën portugeze për Brahim-in.

Klauzola për prishjen e kontratës së algjerianit kap shifrën rreth 60 milionë euro, dhe thuhet se klubi nga “Anfield” është gati të paguajë këtë çmim në mënyrë që lojtarin ta ketë në skuadër sezonin e ardhshëm.

Brahim kërkohet edhe nga Manchester United, AC Milan dhe Juventus, por duket se destinacionin më i mundshëm i algjerianit është Liverpooli.