Në fshatin Krushe e Madhe të Rahovecit, sot u mbajte tubim senzibilizues për zbardhjen e fatit të Ukshin Hotit. Në tubim morën pjesë Idriz Vehapi, kryetar i Komunës së Rahovecit, familjar të Ukshin Hotit, deputet të Kuvendit të Kosovës dhe zyrtar të komisionit qeveritar për persona të pagjetur.

Në fjalën e tij të mbajtur kryetari i Komunës së Rahovecit Idriz Vehapi u shpreh se të gjithë e dimë se profesor Ukshin Hoti, duke qenë njëri nga intelektualët dhe patriotët , më konsekuent të çështjes kombëtare, ai, nuk ishte i lirë të shprehej dhe të vepronte për të drejtat kombëtare. Për këtë kujdesej vazhdimisht pushteti i atëhershëm, por edhe me argatët e tij , sepse Ukshin Hoti ishte pengesë e madhe kur ishte i lirë, prandaj pushteti e donte Ukshin Hotin ose në burg ose të izoluar. Ukshin Hoti , ishte prej njerëzve të parë i cili kishte paralajmëruar se populli Shqiptar mund të çlirohej vetëm me luftë.

Ibrahim Makolli, kryetar i delegacionit të Kosovës për bisedime për çështjet e personave të zhdukur i cili tha se edhe 17-vjet, pas përfundimit të luftës për fat të keq përkundër angazhimeve të pandalshme , nuk kemi arritur që të mësojmë edhe për fatin e profesor Ukshin Hotit, por edhe për fatin e mbi 1500 Shqiptarëve , që edhe sot e kësaj dite janë si persona të pagjetur. Ne si institucione natyrisht do të përpiqemi me të gjitha forcat, mekanizmat që të mësojmë për fatin e këtyre personave, që është një proces edhe kompleks dhe që kërkon angazhim të të gjithë neve pavarësisht se nga vijmë dhe çfarë përfaqësojmë.

Në emër të familjes Hoti , fjalën e mori Etrit Hoti i cili kërkoj si nga institucionet lokale po ashtu edhe nga ato qendrore që të ushtojnë trysni shumë serioze që të merren me seriozitet , sepse u bënë 17-vite dhe Ukshin Hoti ende është peng dhe ende është barrë e familjes dhe luti që këtë vit të zbardhët fati i tij.

Në tubim, nga një fjalë rasti kanë mbajtur edhe Selami Hoti, kryetar i Fshatit Krushë e Madhe dhe deputeti i Lëvizjes Vetëvendosje në Kuvendin e Kosovës, Rexhep Selimi./PrizrenPress.com/

Në një aksident trafiku dje në Suharekë janë lënduar gjashtë persona.

Policia e Kosovës përmes një komunikate bën të ditur se në fshatin Maqitevë një burrë derisa ishte duke e drejtuar veturën e tij VW Sharan nga pakujdesia dhe mospërshtatja e shpjetësisë e humb kontrollin dhe del jashtë rrugës, me ç’rast godet një muri.

Si pasojë e aksidentit janë lënduar vozitësi dhe pesë pasagjerë, transmeton Koha.net. Katër prej tyre pas tretmanit janë liruar ndërsa njëri prej tyre është dërguar për tretman në spitalin e Prizrenit.

Deputeti i PDK-së në Kuvendin e Kosovës, Nait Hasani, ka uruar Fatmir Limajn, i cili është shpallur i pafajshëm nga Gjykata e Apelit në rastin “Kleçka”
Ai ka thënë së një vendim i tillë dëshmon se lufta e UÇK-së ka qenë e pastër dhe e drejtë.

“Fatmir Limaj – komandant Çeliku, shpallet i pafajshëm nga Gjykata për krime lufte për të saten herë. Prandaj shpallja i pafajshëm i Fatmir Limajt- komandant Çelikut nga akuzat për krime lufte të UÇK-së nga gjykata e EULEX-it tregon edhe njëherë pastërtinë e luftës sonë të drejtë të Ushtrisë Çlirimtare të Kosovës për liri dhe çlirim nga pushtimi kolonial i Serbisë. Urime Fatmir! Urime UÇK!”, ka shkruar Hasani në profilin e vet në “Facebook”.

Një aksident trafiku ka ndodhur në Malishevë.

Aksidenti ka ndodhur të hënën pak pas orës 10:00, ndërsa raportohet edhe për të lënduar.

Nuk bëhen të ditura detaje tjera. /Telegrafi/

Sot në mbledhjen e rregullt të Qeverisë Komunale, Kryetari i Komunës së Malishevës, Ragip Begaj, në fillim të kësaj mbledhje, ka përshëndetur vendimin e Gjykatës së Apelit, lidhur me rastin “Kleçka”, për lirim nga aktakuza për Fatmir Limajn dhe nëntë ushtarët tjerë të UÇK-së, të cilët kryesisht janë nga Komuna e Malishevës.

“Me këtë vendim të Gjykatës së Apelit, për herë të pestë, për të njëjtin rast, u dëshmua jo vetëm pafajësia, por edhe lufta e pastër e Ushtrisë Çlirimtare të Kosovës”.

Përndryshe në mbledhjen e sotme, drejtorët e drejtorive, raportuan për punët dhe angazhimet e tyre, gjatë javës së shkuar dhe planifikimet për javën në vijim. Në këtë mbledhje, u bë e ditur se kanë filluar përgatitjet për shënimin e 16 Qershorit- Ditës së Çlirimit dhe Ditës së Dëshmorëve të Komunës së Malishevës, si dhe u tha se do të ketë aktivitete edhe me rastin e 1 Qershorit-Ditës së Fëmijëve.

Sa i përket realizimit të projekteve, sipas drejtorive komunale, të gjitha projektet nga lista e miratuar, e investimeve kapitale, do të përfundojnë sipas planifikimeve, si në infrastrukturë, bujqësi, arsim dhe në fusha të tjera.

Ndërsa për shërbimet administrative, u bë e ditur se janë mobilizuar për shkak të rritjes së numrit të personave që aplikojnë për pasaporta biometrike dhe të cilët kanë nevojë për nxjerrje të dokumenteve në shërbimin e gjendjes civile, si dhe janë përgatitur edhe për pritjen e bashkatdhetarëve, të cilët gjithashtu kanë nevojë për nxjerrjen e dokumenteve të ndryshme, dhe u premtua se në maksimum, do të evitohen pritjet para sporteleve, sepse shërbimet do të jetë të shpejta.

Drejtori Komunal i Arsimit në Prizren, Nexhat Çoçaj, është shpallur i pafajshëm sot në Gjykatën Themelore në Prizren në akuzën për keqpërdorim të detyrës apo autoritetit zyrtar ndërsa drejtori i gjimnazit në Prizren, Shaip Buduri, është dënuar me një vit burg pasi u gjet fajtor në akuzën e njëjtë.

Çoçaj dhe Buduri akuzoheshin për kryerje të veprës penale të keqpërdorimit të detyrës apo autoritetit zyrtar, se i mundësuan mikut të drejtorit të gjimnazit, Besnik Krasniqi, lidhje të kontratës së punës pa shpallur konkurs për vendin e punës.

Edhe Çoçaj edhe Buduri, gjatë shqyrtimit të provave, ishin deklaruar të pafajshëm ndaj akuzave./kallxo.com/