Dita Botërore e Poezisë është një festë e poezisë, letërsisë dhe fjalës së lirë, e që vëzhgohet nga UNESCO çdo vit.

Kjo ditë ka për qëllim nxitjen e krijimtarisë, duke frymëzuar mësimin e poezisë dhe rivendosjen e dialogut mes poezisë dhe arteve të tjera, të tilla si teatër, valle dhe muzikë.

“Ata burra dhe ato gra të cilët kanë instrument të vetëm të punës fjalën e lirë, janë të nderuar, ata imagjinojnë dhe veprojnë në një mënyrë të tillë. UNESCO përshëndet vlerën e poezisë si një simbol i krijimtarisë së shpirtit njerëzor” tha Irina Bokova, drejtoreshë e përgjithshme e UNESCO-së, me rastin e shënimit të Ditës Botërore të Poezisë, përcjellë Klan Kosova.

Sipas Bokovës, poezia i jep formë çdo gjëje duke rrethuar me fjalë të tilla aq të bukura për të përçuar tek të tjerët përjetimin e vuajtjes së madhe dhe mjerimit të botës apo edhe gëzimet duke kontribuar në zgjerimin e njerëzimit të përbashkët për të arritur forcën dhe solidaritetin e vet- vetëdijes.

Dita Botërore e Poezisë, shënohet çdo 21 mars, datë kjo e cila u zgjodh gjatë seancës së 30-të, të UNESCO-së e që shënimi i një dite të tillë u vendos në Paris të vitit 1999.

Për herën e katërt radhazi mes datave 18-22 maj në pllaton e Pallatit të Rinisë në Prishtinë do të mbahet festivali i birrës dhe i verës “Beer and Wine Festival”.

Këtë gjë e kanë konfirmuar organizatorët, të cilët tashmë kanë bërë të ditur se festivali do të hapet më 18 maj nga këngëtari i mirënjohur shqiptar, Alban Skenderaj, ndërsa pritet që në javët në vijim të publikohet edhe programi i plotë me emrat e artistëve të tjerë që do të prezantohen.

Festivali pesë ditor promovon kulturën e pijeve si vera e birra dhe për çdo vit sjellë risi dhe laramani të tyre. Festivali i birrës dhe i verës njihet gjithashtu edhe për lojëra të ndryshme shpërblyese.

Viteve të kaluara “Beer and Wine Festival” ka numëruar përafërsisht 7 mijë vizitorë, secilën natë.

Agjencia Shteterore e Arkivave të Kosovës sot shënon 65 vjetorin e themelimit.

Me këtë rast, në Institutin Albanologjik do të mbahet një konferencë me temën Sfidat e Bashkëpunimit në mes të arkivave në rajon. Përpos drejtuesve të Arkivave të rajonit në Kosovë kanë arritur edhe përfaqësues të Arkivave të Turqisë.

Pos konferencës do të mbahet edhe një ekspozitë ku do të prezantohen dokumente të ndryshme por edhe nga arkivat e Turqisë që do t’i sjellin në Kosovë e që flasin për kosovarët në periudhën e perandorisë turke.

Kryeshefi Ekzekutiv i Agjencisë Shtetërore të Arkivave të Kosovës Ramë Manaj ka thënë për Klan Kosovën se ky 65 vjetor i gjen arkivat në një gjendje jo fortë të mirë pasi ato ballafaqohen me mungese të hapësirave, me mungesë të kapaciteteve njerëzore e teknologji të vjetëruar.

E këto sfida sipas Manaj bëjnë që arkivat e Kosovës të jenë prapa krahasuar me ato të rajonit.

Arkivat e Kosovës përpos në Prishtinë kanë edhe 6 degë në qytetet më të mëdha të vendit.

Manaj tha se po planifikohet që në Ferizaj të hapet dega më e re e arkivave të vendit.

Skena është gati por koncerti historik i Rolling Stones në Kubë do të shtyhet sepse një tjetër emër i madh vjen të dielën në ishull – Presidenti Obama.

Duke mos dashur ta ndajë vëmendjen mediale me të, rock grupi veteran do të japë një koncert gratis të premten në Havana.

Vincent Van Gogh ishte një prej artistëve më të mirë të të gjitha kohërave, por ai kishte po aq probleme sa edhe dhunti.

Në vitin 1890, Van Gogh po qëndronte në periferinë pariziene të Auvers, ku dilte rregullisht në fushat me grurë përreth për të pikturuar. Në 27 korrik, u gjet i qëlluar në stomak.

Për shkak të problemeve mendore të mirënjohura, menjëherë u mendua se ishte vetëvrasje. Por, sipas historianëve fitues të Çmimit Pulitzer, Steven Naifeh dhe Gregory Uhite Smith, ajo teori thjesht nuk qëndron. Kurrë nuk u gjet një armë. Van Gogh nuk la pas një letër vetëvrasjeje dhe ka shenja që ai priste të qëndronte aty edhe për pak kohë. Mes të tjerave, ai kishte porositur një seri të re bojërash dhe i kishte shkruajtur një letër shumë optimiste të vëllait.

Naifeh dhe Smith kanë gjithashtu dyshime, se si dikush mund të qëllojë veten në stomak dhe pastaj të zvarritet drejt qytetit. Nëse Van Gogh donte të vriste veten, përse do të zgjidhte një metodë që, për t’u kryer tërësisht, do të donte 29 orë?

Autorët flasin edhe për burimet e dobët të tendencave vetëvrasëse të Van Goghut. Ishte një artist, Emile Bernard, i cili më herët kishte përhapur zëra dramatikë në lidhje me episodin e famshëm të Van Goghut me veshin. Pastaj ishte një vajzë 13-vjecare, e quajtur Adeline Ravoux, bija e pronarit të hanit ku qëndronte Van Goghu, dhe e cila e ndryshonte rrëfimin sa herë që e thoshte.

Ishte edhe 17-vjecari Paul Gachet Jr, i cili shpesh herë ndante rrëfime për “miqësinë” e tij me Van Goghun. Gjithashtu, më vonë atij iu gjetën disa piktura që ishin zhdukur në mënyrë misterioze nga studioja e Van Goghut, pas vdekjes së tij. Atëherë, cila është alternativa ndaj teorisë së vetëvrasjes? Rene Secretan, djali i përkëdhelur 16-vjecar i një familje të pasur vendase, dilte shpesh herë me një armë në dorë. Ai e ngacmonte shpesh herë piktorin e cuditshëm që kishte ardhur në Auvers. Naifeh dhe Smith gjetën madje edhe dëshmi të injoruara nga një dëshmitar që kishte parë Van Goghun para se të qëllohej, jo në fushat me grurë, por rrugës drejt shtëpisë së Secretanëve.