13.6 C
Prizren
E hënë, 5 Maj, 2025
type here...
Home Blog Page 6169

Petrit Çeku me koncert recital në Prizren

admin
-
0
Petrit Çeku me koncert recital në Prizren

Sonte në ora 19:00, në qytetin e Prizrenit do të mbahet koncerti recital nga Petrit Çeku, i cili ka për qëllim përkrahjen e Down Syndrome Kosova, qendra në Prizren.

Kjo iniciativë ka siguruar një shumë të konsiderueshme mjetesh, të cilat bashkë edhe me të hyrat që do të sigurohen nga shitja e biletave të koncertit, do t’i dhurohen kësaj shoqate për rritjen e cilësisë së shërbimeve ndaj personave të prekur nga sindroma Down.

Lidhur me koncertin, Petrit Çeku tha: “Roli im në recitalin e së Dieles është që t’i interpretoj sa më mirë veprat e kompozitorëve që i kam në program, duke krijuar njëkohesisht mundësinë që bashkë me publikun të marrim pjesë në ndërtimin e një institucioni që i përmban vlerat fundamentale njerëzore të një shoqërie. I falemnderoj të gjithë individët, OJQ-të, kompanitë dhe artistët që pa hezitim dhanë kontributin e tyre dhe morrën pjesë në realizimin e këtij koncerti, si dhe të gjitha ngjarjeve tjera në përkrahje të Down Syndrome Kosova!”.

Ky koncert u realizua me organizimin e Fondacionit Lumbardhi dhe përkrahjen e Shtëpisë së Kulturës në Prizren, Studio Helix, Bubrrecat, Night Design Studio dhe AMM, si dhe Barcode, BarAca, DokuKino dhe Dit’ e Nat’. Dyert hapen në orën 18:30./PrizrenPress.com/

Vidhte makinat me të dashurën, gjykata liron djalin e drejtorit

admin
-
0
Vidhte makinat me të dashurën, gjykata liron djalin e drejtorit

Gjykata e Tiranës ka vendosur të lërë të lirë Deivis Mukën dhe të dashurën e tij Matilda Mertini,të cilët u arrestuan pak ditë më parë si autorë të 10 supergrabitjeve të makinave në Tiranë dhe Kamëz.

Gjykata e Tiranës dha masën e sigurisë të “detyrimit të paraqitjes” çka do të thotë se çifti duhet të paraqiten në Policinë gjyqësore çdo të hënë në orën 10:00 të paktën deri në përfundim të hetimeve.

Në dëshmine e tij Muka eshte shprehur se e ka babain drejtor në Ministrinë e Bujqësisë por pa specifikuar konkretisht sektorin që ai mbulon.

Policia ka faktuar 10 vjedhje që të rinjtë kanë kryer në makina të parkuara, në të gjitha rastet pa thyerje xhami. Kjo pasi, çifti i të rinjve përdorte një pult që bllokonte mbylljen e makinave në momentin që shoferi e mbyllte me pultin e tij.

Muka dhe Mërtini vidhnin sende personale (parfume, celularë) që gjenin në makinë si dhe shuma të konsiderueshme parash./ Shqiptarja.com

Opozita: Pranojmë vetëm ofertë për zgjedhje të reja

admin
-
0

Partitë opozitarë kanë theksuar se asnjë ofertë e pushtetit, pos zgjedhjeve nuk është e pranueshme për ta.

Sipas tyre, dialogu i ofruar nga PDK, është i vonuar, dhe zgjidhja e vetme janë zgjedhjet e parakohshme.

Arbër Zaimi nga Vetëvendosje ka thënë se vlerësojnë faktin se “më në fund pushteti e ka kuptuar se me dhunë policore nuk mund të shtypet opozita”.

“Thirrjet e qeverisë, më saktë të PDK-së për dialog, janë të vonuara. Dialogu është dashur të ndodhë para se të ndërmerreshin veprimet dëmtuese, pra para se të nënshkruhej për ndarjen e territorit sipas formulës bosnjake, e para se të nënshkruhej dhënia e tokës Malit të Zi. Pas nënshkrimit të marrëveshjeve, siç e kemi konfirmuar në 7 muajt që shkuan, për të nisur dialogu kishte vetëm një mundësi. Të tërhiqeshin marrëveshjet. Po t’i kishin tërhequr marrëveshjet, situata do të ishte normalizuar që moti. E pas vendimit të Gjykatës Kushtetuese, e vetmja gjë që do të normalizonte institucionet, është dorëheqja e qeverisë. Nuk mund të dialogohet me dikë që me vetëdije ka shkelur Kushtetutën. Qeveria e di këtë, prandaj po përdor dhunën policore të cilën dëshiron ta maskojë me ftesa për dialog”, ka thënë Zaimi, shkruan Gazeta Blic.

“Ne nuk jemi në pazar, ne nuk jemi ‘bela lala’ që të dialogojmë me çdo kusht e me këdo. Opozita do të normalizojë institucionet vetëm kur shkelësit e Kushtetutës dhe dhunuesit e opozitës të mbajnë përgjegjësi politike, pra kur vendi të shkojë në zgjedhje. Meqë vazhdimisht PDK e LDK mburren se ‘i kanë numrat’, atëherë i ftojmë ta zhbllokojnë situatën dhe ta çojnë vendin në zgjedhje. Askush s’duhet të ketë frikë nga zgjedhjet”, tha Zaimi

Kurse Bilall Sherifi nga Nimsa për Kosovë, thanë se “pos fjalës Ofertë askush ende asgjë as nuk ka parë dhe as nuk ka dëgjuar”.

“Mirëpo për Opozitën e Bashkuar pos zgjedhjeve çdo gjë tjetër as që do ta konsiderojmë si ofertë. Përkundrazi do të përbënte një përpjekje për të mbajtur me çdo kusht pushtetin. Në situatën në të cilën gjindet vendi pas krizës pothuajse 8 mujore, asgjë pos zgjedhjeve të parakohshme nuk garanton dalje nga kjo krizë. Tentimi që përmes të ashtuquajturave oferta pa zgjedhje në vend të zgjidhjes së krizës do ta thellojë edhe më shumë atë”, ka thënë Sherifi.

Oferta e PDK’së për Opozitën s’parasheh zgjedhje të reja

admin
-
0
Oferta e PDK’së për Opozitën s’parasheh zgjedhje të reja

Zyrtarët e PDK’së kanë thënë se oferta për Opozitën nuk parasheh edhe zgjedhje të reja. Kanë thënë se është ide për bisedime dhe marrëveshje për të stabilizuar Shtetin. Nënkryetari Adem Grabovci ka thënë se për këtë nismë të Kryetarit të Partisë do të njoftohet edhe Partia e Isa Mustafës.
Ideja e PDK’së për një ofertë serioze në drejtim të Opozitës nuk parasheh edhe mbajtjen e zgjedhjeve të reja.

Kjo është përgjigje e Nënkryetarit të PDK’së, Adem Grabovcit, i cili është edhe Shef i Grupit Parlamentar të kësaj partie.

Në një deklaratë për Gazetën Express, Grabovci, ka thënë se qëllimi i kësaj oferte është të arrihet një marrëveshje për të stabilizuar Shtetin.

Mirëpo, ky udhëheqës i PDK’së ka thënë se oferta për Opozitën s’ka paraparë edhe mbajtjen e zgjedhjeve para afatit kushtetues.

“Zgjedhjet të reja nuk nënkupton ky propozim”, ka thënë Grabovci, për Express.

Zyrtarët e LDK’së kanë thënë se nuk kanë kurrfarë njoftimi për propozimin e PDK’së. As për idetë konkrete që do t’i propozohen opozitës nga partneri i tyre i koalicionit.

Pavarësisht kësaj, Adem Graboci thotë se PDK do të konsultohet edhe me LDK’në kur të konkretizojnë propozimin për Opozitën.

“Njëherë është ide e Kryetarit e pastaj e bisedojmë edhe me partneret koalicionit. Qëllimi është me gjet gjuhë te përbashkët. Vetëm nënkupton të ulemi të bisedojmë bazuar në përgjegjësinë me stabilizu situatën”, ka shtuar ai.

Pavarësisht kësaj, partitë opozitare, kanë paralajmëruar vazhdimin e protestave për të kërkuar largimin e Qeverisë PDK-LDK. Deri më tash, Opozita ka përdorë edhe gaz lotsjellës në Kuvend për të çuar përpara kauzën e tyre.

Sidoqoftë, Adem Grabovci thotë se dhuna dhe presioni s’duhet të jetë mjetë për arritjen e qëllimeve politike.

“Atë që mund të them si Parti mjet për zgjidhjen e dialogun dhe kurrsesi nuk mendojmë që mjet i zgjidhjes s problemeve është dhuna dhe presioni ndaj njëri tjetrit. Duhet të ulemi dhe të diskutojmë. Kjo ide është e Kryeçarit. Ai mund të diskutojë dhe sqarojë më shumë rreth kësaj ideje”.

Opozita po kërkon zgjedhje të reja, ndërsa, Presidenti në ardhje kishte thënë se nëse partitë merren vesh për datën e zgjedhjeve, ai do t’i shpallte ato.

Ndërkohë, për mundësinë e zgjedhjeve të reja kishte folur edhe Nënkryetari i LDK’së, Lutfi Haziri. Kishte thënë se në zgjedhje të reja shkohet vetëm nëse për këtë vendos LDK dhe askush tjetër.

“Këtë vend në zgjedhje e çon veç LDK dhe s’ka asnjë individ e parti politike tjetër. Pa LDK-në, nuk ka as zgjidhje as zgjedhje. Kudo që është LDK, aty ka sukses”, kishte shkruar Haziri, në FB.

Sidoqoftë, Kadri Veseli kishte thënë se beson se Opozita do ta pranojë ftesën e PDK’së për marrëveshje.

“Me marrëveshje janë bë pavarësia dhe shumë interesa të vendit, andaj jam optimist se opozita do ta pranoj ftesën”, kishte thënë ai.

Vetura del nga rruga dhe përfundon në treg, vdesin burrë e grua

admin
-
0

Aksidenti ka ndodhur rreth orës 10:30 minuta, kur një automjet tip Benz, i drejtuar nga shtetasi Pashk Vokrri doli nga rruga dhe përfundoi në tregun e qytetit.

Për pasojë, ka gjetur vdekjen në vendngjarje shtetasi Llesh Marku, 70-vjeç dhe gjashtë persona të tjerë janë plagosur.

Të plagosurit janë transportuar menjëherë për në spitalin e Laçit, Lezhës dhe të Tiranës dhe mes tyre ndodhej edhe bashkëshortja e 70-vjeçarit, Dila Marku, 68 vjeç. Ajo është shoqëruar për në spitalin e Lezhës, ku rreth dy orë më vonë ka ndërruar jetë.

Ndërkohë, policia ka shoqëruar drejtuesin e mjetit, Pashk Vokrri, i cili rezulton në listën e personave invalidë dhe që drejtonte makinën pa leje drejtimi. Përveç mungesës së lejes së drejtimit nga ana e autorit të ngjarjes, policia thotë se mjeti që drejtonte Vokrri ishte modifikuar për persona me aftësi të kufizuara dhe teknikisht nuk duhej të dilte fare në qarkullim.

5 mijë euro ka kushtuar videoklipi i Eneda Tarifës për Eurovizion

admin
-
0
5 mijë euro ka kushtuar videoklipi i Eneda Tarifës për Eurovizion

Drejtori i RTSH-së, Martin Leka, këtë fundjavë u ka dhënë përgjigje të gjitha pikëpyetjeve që kanë lindur këtë javë për këngën dhe klipin e Eneda Tarifës “Fairytale”, përfaqësuese e Shqipërisë në Eurovision. Pas shumë reagimeve dhe aludimeve për vlerën e lartë të klipit, por edhe për një pjesë të kolegëve që e kanë konsideruar depresive këngën e Enedës, Leka u ka dhënë përgjigje të prerë. Në një intervistë për gazetën “Panorama”, drejtori i RTSH-së sqaron:

“Përshtypjet e para janë të mira. Klipi kushtoi 5 mijë euro dhe për ata që s’e kanë pëlqyer, unë jam indiferent,- thotë Leka, duke shtuar se elementët identifikues që përdor këngëtarja në klip, në rrjetet sociale janë keqkuptuar dhe keqinterpretuar.

Sipas tij, ata që kanë bërë dislike në YouTube nuk janë të zgjuar të kuptojnë se çfarë simbolizon ai “kapuçi i kuq” që Eneda vendos në kokë: “Pra, deri kur të kuptojnë se ç’do të thotë “duvak”, një mbulesë që vendosnin nuset shqiptare dikur në kokë, s’kam ç’them. Autorët e këngës dhe regjisori e menduan si element, por që në rrjetet sociale u keqkuptua, duke u krahasuar me veshjet e serialit indian “Bidaii”,- u shpreh Leka.

Në lidhje me faktin se si do të jetë perfomanca në Eurovizion e Eneda Tarifës, Leka shton: “Nuk di të ketë koreografi. Eneda do të jetë në qendër dhe tre backvocal-et. Mund të them që do të ketë efekte në skenë, ndërsa veshja është surprizë. Sa për pritshmëritë, ne synojmë një përfaqësim origjinal, dinjitoz të Shqipërisë. Shpresojmë në mbështetjen e gjithë shqiptarëve që jetojnë jashtë kufijve tanë politike”,- tha ai. / KultPlus.com

Prizren: Tyrbja e Emrush Babës, shëruese e shumë sëmundjeve

admin
-
0

Sheh Emrush baba është vrarë në luftën e fundit në vitin 1999 nga forcat serbe në Qëndresë. Ai për së gjalli ishte shërues i disa sëmundjeve, kurse tani tyrbja e tij përdoret për shërimin e qindra sëmundjeve, si kokëdhembjen sëmundjen e dhëmbëve, ato mentale, sterilitetin e grave dhe sëmundjen e epilepsisë.

Nga banorët e Përdrinisë qarkullojë besëtytni interesante e besime në kulte të ndryshme, por edhe për njerëz siç është rasti me Sheh Emrushin nga Qëndresa, ish-Ranobrava e Prizrenit. Ylvi Hasani, një banor i këtij fshati, flet me admirim për Sheh Emrushin, i cili me këtë rast tregon se kur ai ishte gjallë personalisht ka shëruar qindra e qindra raste të kokëdhembjeve të mëdha. “Kur dikujt i dhembte dhëmbi, ai pa i futur danat në gojë vetëm me një lutje dhe një pikë uji dhëmbin e shëronte ose e bënte të butë dhe vetvetiu ai binte për pak minuta. Besimi thellohet me legjenda mbi njerëz që janë shëruar, për shkak të vizitave në këto vende dhe histori të tjera, të cilat qarkullojnë dhe amplifikohen nga një familje në tjetrën”. Hasani pastaj flet me admirim për Babën Emrush, për të cilin thotë se ka shëruar edhe të gjitha ato gra që nuk arrinin të lindnin. Hasani shprehet se duke i ditur këto aktivitete të Babës Amrush policia dhe ushtria serbe në luftën e fundit i vrau 7 anëtarë të kësaj familjeje krye më vete babën Emrush Shehun.

Shërim pa medikamente dhe pa harxhime Mirëpo, falë kësaj familjeje tash këtu është ngritur një tyrbe, e cila jo vetëm sëmundjet e përmendura për së gjalli që i ka shëruar Emrush Baba, tani shkojnë të shërohen edhe fëmijët me sëmundje mentale e sidomos ata që kanë sëmundjen e epilepsisë, apo nëse dikujt i përfton ose i paraqitet në ëndërr e keqe natën. Mitat Maliqaj shprehet me admirim për këtë tyrbe duke treguar se njerëzit bëjnë nezre dhe në shumë raste arrijnë të shërohen. Ai flet për disa raste të fundit kur fëmijët me sëmundjen e rëndë të epilepsisë vijnë këtu kalojnë nëpër rruazat e Emrush Babës dhe befasisht ata më nuk sëmurën dhe ndihen tepër mirë. Sipas tij, kjo tregon se forca e Emrush Babës është shtuar shumë edhe për së vdekuri dhe këto sëmundje tash shërohen duke kaluar nëpër rruazat e Emrush Babës. Ylvi Hasani shprehet se i sëmuri aq shumë befasohet rruazat e Babës Emrush dhe i hiqet sëmundja. Nuk është fenomen që ka përfshirë vetëm moshat e vjetra, siç mund të mendohet që besojnë në këto besë- tytni. Kohët e fundit janë shtuar të rinjtë që besojnë në këto vende të kultit../Kosova Sot/

Berisha: Kjo Qeveri e ka vendin në shtëpi

admin
-
0
Berisha: Kjo Qeveri e ka vendin në shtëpi

Zafir Berisha, mendon se as Qeveria, por edhe cilido ministër i saj nuk mundet që me tone kërcënuese t’i drejtohet Evropës, apo bashkësisë evropiane, ose cilido faktori ndërkombëtar, se kinse s’e pranojmë këtë apo atë.

Ai më tej nënvizoi se fakti se objektivi dhe synimi i qytetarëve të Kosovës është integrimi në BE dhe mekanizmat e tjerë ndërkombëtarë duhet të kryhen detyrat e shtëpisë, pasi Evropa e asnjë vend tjetër nuk është i gatshëm ta pranojë një shtet ku i zoti i shtëpisë së atij shteti e lidh shtëpinë e vet sikurse është duke ndodhur tani në Kosovë, raporton gazeta Kosova Sot Online.

“Prandaj, mendoj se kjo Qeveri nuk e ka vendin që ta qeverisë Kosovën, por vendin e ka në shtëpi, sepse e ka sjellë Kosovën drejt një falimentimi si shtet, ku korrupsioni nuk është stopuar, por vetëm ka lulëzuar edhe më shumë dhe kësisoj Kosova është larg integrimeve dhe liberalizimit të vizave”, shprehet ai.

Berisha ka përmendur rastin e OSHP-së në seancën e fundit të Kuvendit, e që është edhe një nga kushtet e BE-së, që dështoi të marrë votat e duhura për shkak të hesapeve partiake, që sipas tij është edhe një dëshmi shtesë se kjo Qeveri nuk e ka hallin e qytetarëve, por vetëm atë të klaneve të tyre”, ka pohuar ai

Berisha ka përmendur rastin e OSHP-së në seancën e fundit të Kuvendit, që është edhe një nga kushtet e BE-së, që dështoi të marrë votat e duhura për shkak të hesapeve partiake, e që sipas tij është edhe një dëshmi shtesë se kjo qeveri nuk e ka hallin e qytetarëve, por vetëm atë të klaneve të tyre.

(Kosova Sot)

Hajnat vjedhin stoli ari dhe para në një shtëpi në Prizren

admin
-
0
Hajnat vjedhin stoli ari dhe para në një shtëpi në Prizren

Persona të panjohur kanë hyrë në një shtëpi në Prizren. Policia e Kosovës njofton se viktima ka raportuar se ata kanë vjedhur stoli ari dhe para, raporton PrizrenPress.

“Njësitet policore janë duke hetuar rastin”, njofton Policia e Kosovës.

LDK e Rahovecit kërkon deputetë dhe ministra në terren

admin
-
0
LDK e Rahovecit kërkon deputetë dhe ministra në terren

Të shtunën Dega e LDK-së në Rahovec ka mbajtur një mbledhje ku prezent ka qenë edhe kryetari I kësaj dege, Avdullah Hoti.

Kryesia e kësaj dege ka kërkuar prezencë më të madhe të zyrtarëve të LDK-së, ministrave dhje deputetëve në terren për të biseduar me anëtarësi, njofton Klan Kosova.

“Kryesia e Degës vendosi që çdo të shtunë, nga ora 10:00 deri në orën 16:00, zyrat e LDK-së në Rahovec të jenë të hapura për qytetarë. Prezent në zyrë do të jetë Kryetari i Degës apo kryesia e ngushtë. Çdo të shtunë do të ftohen zyrtarë të lartë të LDK-së, ministra apo deputetë, për të diskutuar me qytetarë të interesuar. Me këtë rast, dega fton qytetarët e interesuar të vizitojnë zyrat e LDK-së. Kjo është një formë e re e komunikimit të LDK-së me qytetarë”.

Ky është postimi i plotë i Hotit në Facebook:

“Dega e LDK-së në Rahovec mbështet Kryeministrin në realizimin e Programit Qeverisës dhe cakton formë të re të komunikimit me qytetarë

Të shtunën, Dega e LDK-së në Rahovec mbajti takimin e Kryesisë dhe të Nëndegëve. Kryetari i Degës, Avdullah Hoti, informoi degën për zhvillimet në Qeverinë që udhëhiqet nga LDK-ja. Kryesia, në unitet të plotë, i shprehu mbështetje Kryeministrit Mustafa në realizimin e Programit Qeverisës të LDK-së Dega e LDK-së kërkoi që të shtohet më tutje angazhimi i LDK-së në Qeveri dhe në Parlament në funksion të forcimit të shtetit ligjor dhe të institucioneve dhe promovimit të zhvillimit ekonomik.

Kryesia e Degës kërkoi prezencë më të madhe të zyrtarëve të LDK-së, ministrave dhe deputetëve të LDK-së në terren për të biseduar me anëtarësi.

Për këtë qëllim, Kryesia e Degës vendosi që çdo të shtunë, nga ora 10:00 deri në orën 16:00, zyrat e LDK-së në Rahovec të jenë të hapura për qytetarë. Prezent në zyrë do të jetë Kryetari i Degës apo kryesia e ngushtë. Çdo të shtunë do të ftohen zyrtarë të lartë të LDK-së, ministra apo deputetë, për të diskutuar me qytetarë të interesuar. Me këtë rast, dega fton qytetarët e interesuar të vizitojnë zyrat e LDK-së. Kjo është një formë e re e komunikimit të LDK-së me qytetarë.

Ndërkaq, gjatë muajit prill, do të mbahet takimet në secilën nëndegë me prezencë të Kryetarit të Degës”.

1...6 1686 1696 170...8 677Page 6 169 of 8 677

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne