Mediat turke raportojnë se një shpërthim ka ndodhur përsëri në një zonë tregtare të Stambollit që vizitohet prej shumë turistëve.

Raportohet për numër të madh të personave të plagosur në këtë shpërthim në Istikal Avenue, mirëpo ende nuk dihet për viktima, transmeton Klan Kosova.

Mirëpo sipas informatave të pakonfirmuara të CNN, të paktën dy persona menohet të kenë vdekur dhe shtatë të tjerë janë plagusor pas shpërthimit.

Në minaren e xhamisë së fshatit Geraj, më 28 nëntor 2014 është ngritur flamuri shqiptar. Imami i xhamisë, Nexhat Jashari ka marrë një letër nga gjykata në Preshevë. Gjoba është rreth 300 euro për shkelje të ligjit, pasi akuzohet për “përdorim të simboleve të palejuara”. Hoxha i fshatit Geraj, për shkak të moshës, nuk mund të ngjitet sipër në minare.

“Ne nuk mund ta ruajmë 24 orë xhaminë se kush hyn e kush del. Natën ka hyrë dikush, por se dimë se kush ka qenë. Jemi duke u konsultuar mes nesh se kush mundet të ketë qenë, por ende nuk dimë asgjë”, tha Nexhat Jashari, imam në Preshevë.

Pas kësaj ngjarjeje, xhamia konsiderohet se ka kryer “vepër të jashtëligjshme” dhe gjoba është e pakthyeshme.

Problemi i simboleve në Jug të Serbisë është i vjetër, pasi ndalohet me ligj përdorimi i çdo simboli që nuk është i shtetit serb, e që i përket një tjetër shteti. Mirëpo shqiptarët duan vetëm shqiponjën dykrenare.

Ragmi Mustafa, kryebashkiak i Preshevës thotë se, shqiptarët janë të gatshëm ta zgjidhin problemin.

“Gjatë përdorimit të simbolit kombëtar për 28 Nëntor, ditën e Pavarësisë së Shqipërisë, përkatësisht ditën e simbolit kombëtar kudo që ka shqiptarë që festojnë, edhe në Komunën e Preshevës manifestohet. Në këtë drejtim ka një varg dënimesh të shprehura në të holla, për institucione të ndryshme duke filluar nga Komuna, madje edhe mua si kryetar komune”, thotë Ragmi Mustafa, kryetar i Preshevës.

Imam Jashari thotë se, herën e fundit e kanë mbyllur xhaminë, por ajo është thyer dhe flamuri megjithatë është vënë. Ai kërkon nga politika zgjidhje, në mënyrë që të mos ketë më autoritetet në adresën e tij.

Ne u kërkojmë të gjithë udhëheqësve që të jenë më konkretë në punën e tyre. Ne do ta këqyrim punën tonë, por të mos vijnë e të hedhin flamuj për të luajtur”, thotë më tej Nexhat Jashari, imam në Preshevë.

Edhe pse thotë se është i pafajshëm, hoxha do ta paguajë gjobën, por lutet që të mos ketë më probleme për valëvitje flamujsh./TCH/

Një aksident i rëndë ajror ka ndodhur në orët e parë të ditës së shtunë në Rusi. Një avion me të paktën 61 persona në bord është rrëzuar në aeroportin e qytetin jugor Rostov-on-Don.

Avioni, një Boeing 738-800, i kompanisë “FlyDubai” ishte nisur nga Dubai, ndërsa si destinacion kishte pikërisht Rostovin.

Mediat ruse shkruajnë se aksidenti ka ndodhur rreth orës 03:50 me orën lokale, ndërsa avioni është aksidentuar në tentativë për t’u ulur në aeroport.

Raporte ende të pakonfirmuara thonë se 55 pasagjerët dhe 6 anëtarë të ekuipazhit kanë mbetur të vdekur, por ende nuk kemi pasur një deklaratë zyrtare.

Shkaqet e rrëzimit janë ende të paqarta, por era e fortë dhe ndriçimi jo i duhur i pistët mendohen si faktorë që kanë ndikuar në aksident.

Mediat ruse shkruajnë se rreth 100 anëtarë të grupeve të shpëtimit janë në vendin e rrëzimit të avionit, ku kanë arritur të shuajnë zjarrin.

Kompania “FlyDubai” është krijuar në vitin 2009 me qendër në Dubai, ndërsa fluturon në më shumë se 90 destinacione.