Në rrugën “Brahim Osmani” në Prizren, dje, një shqiptar ka sulmuar me thikë një goran. Policia e Kosovës ka bërë të ditur se kjo ka ndodh pas një mosmarrëveshje rreth një borxhi, raporton PrizrenPress.
Viktima ka pësuar lëndime trupore dhe i njëjti është dërguar për tretman mjekësor në spitalin rajonal.
I dyshuari është arrestuar dhe me urdhër të prokurorit është dërguar në mbajtje. /PrizrenPress.com/
Sipas raporteve policore, Prizreni rezulton ndër qytetet ku po lulëzon prostitucioni.
Në raportin e sotshëm të Policisë së Kosovës bëhet e ditur se dje në këtë qytet janë arrestuar dy femra e një mashkull, të gjithë shqiptarë dhe shtetas të Kosovës me dyshim të bazuar se kanë kryer veprën marrje ose mundësim të prostitucionit.
Gjatë kontrollit tek njëra nga të dyshuarat janë gjetur dhe konfiskuar 2.35 gramë substancë e dyshuar narkotike e llojit marihuanë dhe është iniciuar edhe rasti ‘posedim i narkotikëve’.
Me urdhër të prokurorit mashkull i dyshuari është dërguar në mbajtje, ndërsa dy femrat e dyshuarat janë liruar në procedurë të rregullt.
Në Prizren, në rrugën “Tirana”, po ashtu dje, policia ka arrestuar dy femra, shqiptare shtetase të Kosovës, nën dyshimin e bazuar se kanë kryer veprën e marrjes me prostitucion.
Me urdhër të prokurorit njëra nga të dyshuarat është liruar në procedurë të rregullt, kurse tjetra është dërguar në mbajtje. /PrizrenPress.com/
Policia e Kosovës bën të ditur se një femër nën moshën 16 vjeçare është keqpërdorur seksualisht nga një i dyshuar mashkull në Rahovec.
“Viktima femër K-Shqiptare e mitur ka raportuar se është keqpërdorur seksualisht nga i dyshuari mashkull K-Shqiptar. Viktima është dërguar për ekzaminim mjekësorë në IML”, njofton PK-ja, raporton PrizrenPress.
Policia bën të ditur se i dyshuari është arrestuar dhe me urdhër të prokurorit është dërguar në mbajtje. /PrizrenPress.com/
Kreu i spiunëve të specializuar në një organizatë të quajtur Ushtria e sirianëve të Lirë, në një intervistë ekskluzive për “Le Monde”, ka treguar se agjentët e tij kishin mbledhur informacione të sakta rreth ISIS-it që në fillesat e organizatës.
Sipas tij CIA i ka injoruar të dhënat që mund të kishin ndihmuar në zhdukjen e terroristëve që në shfaqjen e tyre.
Ai tha se kishte dërguar tek kontaktet e tij në CIA për dy vjet rresht “raporte të hollësishme” mbi ISIS-in.
Inteligjenca dha një pasqyrë kritike për ISIS-in si një strukturë në Irak dhe Siri, që përfshinte koordinatat e GPS, harta, fotografi, numra telefoni dhe madje edhe adresat IP.
“Nga momenti që ISIS kishte 20 anëtarë deri kur kishte 20 mijë, ne kemi treguar gjithçka për amerikanët. Kur e pyetëm se çfarë kanë bërë me këtë informacion, ata gjithmonë kanë dhënë përgjigje të paqartë, duke thënë se ishte në duart e vendimmarrësve”, tha kreu i spiunëve. /javanews/
Frank Sinatra Jr, i biri i legjendës së muzikës, i cili kishte një karrierë të gjatë muzikore, u nda nga jeta këtë të mërkurë në moshën 72 vjeçare.
Lajmi i hidhur është bërë i ditur nga menaxheri i tij, Andrea Kauffman.
Ai tha se Sinatra ndërroi jetë në një spital, në Daytona Beach, Florida, ku do të mbante një koncert.
Nancy Sinatra shkroi në profilin e saj të Facebook-ut pak më vonë se vëllai i saj ndërroi jetë pas një ataku kardiak.
Frank Sinatra Jr ndoqi rrugën e të atit në muzikë, ndërsa më vonë u bë edhe dirigjent. Ai u rrëmbye nga anëtarë të një bande kur ai ishte 19 vjeç në një kazino në Lake Tahoe. Babai i tij, Frank Sinatra, pagoi 240,000 dollarë për lirimin e djalit të tij, por shuma e parave iu kthye pas arrestimit të autorëve. /CNN/
Analistët mendojnë se refuzimi i LDK-së për anëtarët e OSHP-së ishte teatër politik, për t’u treguar votuesve të vet se kanë qëndrim, por PDK-ja së shpejti mund ta çojë vendin në zgjedhje, në një moment kritik për Lidhjen Demokratike
Dështimi i koordinimit në mes të PDK-së dhe LDK-së në seancën e së martës, kur nuk u siguruan votat e mjaftueshme të koalicionit për votimin e anëtarëve të OSHP-së, po vlerësohet nga analistët politikë si një situatë e re krize, në të cilën po rrezikojnë të futen partnerët e koalicionit për shkak të interesave të ngushta. Nëse kjo situatë vazhdon të përsëritet, atëherë PDK-ja dhe presidenti i ri që do ta marrë së shpejti detyrën, ka gjasa që në një të ardhme jo të largët, në funksion të eliminimit të përçarjeve të tilla , të detyrohen që në konsulta edhe më subjektet tjera politike nga opozita, të mendojnë seriozisht për shpalljen e zgjedhjeve të reja në një afat kohor para se të skadon mandati i rregullt kushtetues i Qeverisë ‘Mustafa’.
Në një skenar të tillë të hiles që do ta bënte PDK-ja dhe kreu i saj i ri Kadri Veseli gjithsesi humbës do të mund të dilte LDK-ja dhe kreu i saj, Isa Mustafa, me klientelën e ngushtë rreth vetes, pasi që po del se janë zgjuar me vonesë në angazhimin e tyre gjoja se për të penguar kapjen e shtetit nga PDK-ja një moto gjatë garës zgjedhore në vitin 2014.
Analisti politik, Driton Selmanaj, vlerëson se rasti i seancës së djeshme gjithsesi ka dëshmuar se pavarësisht deklarimeve publike të partnerëve të koalicionit për stabilitet dhe qëndrueshmëri të funksionimit të tyre të brendshëm, nëkëtë fushë nuk është gjithçka aq e konsoliduar.
“E djeshmja na dëshmoi diçka që tregon se nuk mund të kalohet edhe pa ndonjë problem të veçantë. Qeveria i sjell propozimet dhe më pas partia politike nga e cila parti politike vjen kryeministri i vendit vendos që të mos i votojë ato propozime. Kjo i bie që, megjithatë diçka nuk po funksionon mes tyre”, thotë ai. /Kosova Sot/
Ambasada e Francës në Kosovë, ka njoftuar se nga data18 deri më 26 mars 2016 do të mbahet “Frankofonia”.
“Frankofonia kremtohet çdo vit, në mars, në më shumë se 70 vende. Në Kosovë, përfaqësitë diplomatike të Belgjikës, Kanadasë, Francës, Luksemburgut, Republikës Çeke, Zvicrës, si dhe Ministria e Punëve të Jashtme e Kosovës, Filharmonia e Kosovës dhe Aleanca franceze e Prishtinës do të organizojnë nga data18 deri më 26 mars 2016, ngjarje të ndryshme artistike dhe kulturore që do t’i mundësojnë publikut të vlerësojë dinamizmin e rrjetit frankofon dhe pasurinë e gjuhës frenge dhe kulturës frankofone”, thuhet në njoftimin e Ambasadës Francës në Kosovë të postuar në faqen e saj Facebook.
Ja programi i Javës së Frankofonisë në Kosovë, edicioni 2016
Zgjerimi i strategjisë vepruese të opozitës së bashkuar në kundërshtimin e qeverisë aktuale, duke denoncuar në masë të dukshme edhe krimin e organizuar dhe korrupsionin në të gjitha nivelet e qeverisjes së vendit, përveç denoncimit dhe kundërshtimit të deritanishëm ekskluziv të marrëveshjeve politike të 25 gushtit të vit të kaluar, nga analistët politikë po shihet si një strategji e qëlluar, mbase edhe mjaft e vonuar, nëpërmes së cilës blloku i treshes opozitare po u kthehet së afërmi problemeve elementare të qytetarit dhe mund ta fitojë edhe përkrahjen maksimale të shtresave të rrezikuara nga qeverisja e deritanishme kriminale.
Deputeti Haxhi Shala, nga subjekti opozitar Nisma për Kosovën, tha se pavarësisht që fokusi i opozitës së bashkuar ka qenë dhe mbetet në marrëveshjet e dëmshme për integritetin dhe sovranitetin e vendit, denoncimi i krimit të organizuar dhe korrupsionit si fenomen nuk ka reshtur asnjëherë deri më tani.
“Qytetarët janë lodhur me këtë lloj qeverisje dhe pa marrë parasysh kush do ta drejtojë qeverinë e ardhshme, nëse do të vazhdojë të qeverisë në frymën e qeverisë aktuale, ajo do të jetë qeveri jetëshkurtër, sepse qytetarët janë lodhur nga qeverisja e korruptuar dhe e kriminalizuar ‘Mustafa-Thaçi'”, u shpreh ai.
Këtë e pohon edhe Ismail Kurteshi nga Lëvizja ‘Vetëvendosje’. /Zëri/
Nënkryetari i Kuvendit të Kosovës, Xhavit Haliti, ka thënë se bojkoti i Kuvendit nga ana e opozitës, vetëm sa i ka krijuar komoditet pozitës. Prandaj, sipas tij, një vendim i tillë duhet të rishqyrtohet
Xhavit Haliti e vlerëson hap të gabuar dhe të pamenduar mirë vendimin e opozitës për të braktisur Kuvendin, pasi që, sipas tij, me një veprim të tillë po i krijojnë komoditet pozitës.
Këto komente nënkryetari i Kuvendit i ka bërë gjatë një interviste për gazetën “Zëri”, duke shtuar se një Parlament pa zërin e opozitës është i mangët gjithmonë dhe do ta zbehë demokracinë e vendit.
Tani opozita ka dalë me qëndrimin e vet për të bojkotuar Kuvendin dhe unë mendoj që është gabim i tyre dhe politikisht do të duhej të ishte për ta e papranueshme. Për faktin se Parlamenti funksionon dhe pozita i ka me shumë se dy të tretat. Opozita vetëm i ka krijuar një komoditet më të mirë pozitës që të marrë vendime, të miratojë rezoluta, ligje, pa kundërshtimet e opozitës dhe pa zërin opozitar në Parlament. Kështu që unë mendoj që ata këtë veprim e kanë bërë pa e studiuar mirë dhe shpresoj që do ta rishikojnë vendimin e tyre dhe të kthehen në Parlament, jo për hir të pozitës, por për hir të vetvetes dhe për hir të Kosovës dhe demokracisë në Kosovë. Një Parlament pa zërin e opozitës është i mangët gjithmonë dhe do ta zbehë demokracinë e re të Kosovës”, ka thënë Haliti.
Ai ka komentuar edhe kërkesën e opozitës për zgjedhje të parakohshme, duke thënë se zgjedhjet nuk janë zgjidhje.
Gjatë intervistës për “Zërin” Haliti thotë se Organi Shqyrtues i Prokurimit duhet të shuhet pasi që, siç thotë ai, është shndërruar në qendër të korrupsionit. Ai flet edhe për zgjedhjen e Hashim Thaçit në krye të shtetit dhe të Kadri Veselit në krye të PDK-së e tema të tjera. /Zëri/
Një vrasje është regjistruar mbrëmjen e së mërkurës në qendër të Tiranës.
Ngjarja është shënuar në zonën e ish-bllokut rreth orë 22.00.
Nga të dhënat e para mësohet se vrasja ka ndodhur në një nga rrugicat e zonës.
Autori ka qelluar me silenciator dhe eshte zhdukur ne kete zone.
Policia eshte në vendin e ngjarjes, ndërsa rrethanat janë të paqarta për momentin.
Mesohet se krimi eshte krer prane nje lloto-sporti prane Shehsit Wilson.
Nes 24 citon burime policore, te cilat dyshojne se atentatori e ka studiuar mire situaten perpara kryerjes se krimit dhe ka qene me nje kapele ne momentin qe ka qelluar.