Shqipëria nuk është futur në mesin e dhjetë shteteve që kanë siguruar Finalen e Eurovisionit 2016, nga Gjysmëfinalja e dytë, pasi Eneda Tarifa me “Fairytale” nuk ka arritur të sigurojë votat e mjaftueshme.
Letonia, Gjeorgjia, Bullgaria, Australia, Ukraina, Serbia, Polonia, Izraeli, Lituania dhe Belgjika janë shtetet që kaluan në Finale natën e së enjtes.
Në fshatin Pastasellë të Komunës së Rahovecit, sot u shënua 12 maji – dita e shkollës fillore të mesme të ulët “Milaim Krasniqi”, e cila e mban emrin e dëshmorit të parë të brigadës “124 Gani Paqarrizi”.
Në ceremoninë e organizuar nga mësimdhënësit shkollës mori pjesë edhe kryetari i Komunës, Idriz Vehapi me bashkëpunëtorë, ku fillimisht bëri homazhe dhe vendosi buqetë me lule tek varri i dëshmorit Milaim Krasniqi.
“Sot për banorët e fshatit Pastasellë është një ditë e veçantë. Data 12 maj, është dita e rënies së dëshmorit Milaim Krasniqit, emrin e të cilit me krenari tani e tutje do ta mbajë shkolla e fshatit tuaj. Kjo ditë është ditë e veçantë edhe për një fakt se data 12 maj është “Dita e Dëshmorëve” në komunën e Rahovecit, është dita e cila lidhet me rënien e dëshmorit të parë e që ishte Milaim Krasniqi”, tha Vehapi.
Ramadan A Krasniqi, në emër të familjes së dëshmorit Milaim Krasniqit, tha se është privilegj që shkolla e fshatit e mban emrin e tij.
“Për familjen tonë është një privilegj që shkollës së fshatit i është vënë emri i Milaimit, emrin e një njeriu i cili i filloj mësimet e para në këtë shkollë dhe i cili dha jetën për lirin të cilën ne sot po e gëzojmë”, tha ai. /PprizrenPress.com/
Lepurushja më seksi e Playboy për vitin 2016 është Eugena Washington, e treta vajzë me ngjyrë që merr këtë çmim, e që ndryshe nga të tjerat përpara saj, u prezantua goxha më e veshur. Modelja e kthyer në aktore kishte një mesazh për të përcjellë.
“Dua t’iu them vajzave që të kenë besim në vetvete. Dua t’u them të besojnë te magjia e tyre, të përqafojnë çdo pjesë të personalitetit të vet, të individualitetit të tyre, e të bëjnë çfarëdo lloj gjëje që duan të bëjnë, sepse bota ka nevojë të dëgjojë për to”, tha Eugena Washington.
31-vjeçarja do të zërë kopertinën e revistës për muajin qershor dhe 10 faqe të brendshme të saj. Edicioni del në shitje më 20 maj. Si “lepurushja” më seksi e vitit, Washington do të marrë edhe 100 mijë dollarë dhe lejen për t’i dhënë dy vite një “Fiat 124 Spider”.
Playboy, i krijuar në 1953-shin nga Hugh Hefneri, sot 90-vjeçar, njoftoi muajin tetor se nuk do të publikojë më femra të zhveshura, me argumentin se për shkak të internetit, foto të tilla tani konsiderohen të vjetëruara.
Bleona Qerreti do të jetë e ftuar këtë të shtunë në emisionin e Kastro Zizos “Rrokum Night me Kastro Zizon”.
Ashtu si në çdo dalje publike të saj, ajo di shumë mirë të jetë qendra e lajmeve rozë, kjo falë deklaratave të forta që jep.
Një prej tyre ishte: “Kam shumë kohë pa bërë seks dhe kam shumë kohë pa dëgjuar një mashkull të më thotë “Të dua””, ka thëna ajo.
Bleona ka zbuluar edhe disa nga mangësitë e saj siç është fakti që nuk di të gatuaj dhe nuk ditë bëjë kafe.
“Kam patur shumë oferta për tu bërë deputete dhe ministre”, ka qenë deklarata tjetër që ka bërë Bleona, intervistën e së cilës do ta dëgjojmë të plotë ditën e shtunë.
Kreu i Nismës Fatmir Limaj, që sot është intervistuar në lidhje me një rast që ka ndodhur në vitin 1998, për vrasjen e dy personave në rajonin e Malishevës, thotë se shpreson që deklarata e tij dhënë në Prokurorinë Speciale do të ndihmojë në zbardhjen e këtij rasti.
Pas intervistimit Limaj ka thënë se për këtë rast ishte deklaruar edhe në Hagë dhe beson që deklarata e tij do të ndihmojë që të gjenden dhe të shpallen fajtorët.
“Ne sot kemi qenë të ftuar nga prokuroria për ta sqaruar një rast nga lufta dhe me deklarimin tim besoj se do t’i ndihmoj prokurorisë të zbardhet rasti dhe fajtorët të shpallen fajtorë. Unë edhe në Hagë kam deklaruar në lidhje me këtë rast dhe shpresoj që të zbardhet e vërteta”, ka thënë ai, raporton KTV.
Limaj u intervistua për rastin që dyshohet se ndodhi në nënzonën Operative të Pashtrikut dhe ku të vrarë ishin Remzi Hoxha e Selman Binishi.
Dy vëllime të historianit Jusuf Osmani ku të mbijetuarit flasin për krimet e luftës në Kosovë janë përkthyer në gjuhën angleze.
Promovimi i dy vëllimeve të përkthyera të librit “Krimet e Shtetit Serb në Kosovë 1998-1999” u bë në Bibliotekën Kombëtare “Pjetër Bogdani”, ndërsa libri pritet t’u dorëzohet institucioneve ndërkombëtare në Kosovë si dokumentim i krimeve.
Kryeshefi i Agjencisë Shtetërore të Arkivave të Kosovës Ramë Manaj duke folur për rëndësinë e këtyre vëllimeve në gjuhën angleze, tha se libri që përurohet sot paraqet një thesar shumë të çmuar me fakte krejtësisht të qëndrueshme që flasin dhe rrëfejnë shumë.
“Ne ketë përkthim tani e tutje të dhënat trishtuese po të vërteta të luftës në Kosovë mund t’i ofrohen edhe lexuesit anglofon në mënyrë që tabloja e plotë të paraqitet edhe përtej Atlantikut edhe me tej. Kur faktet flasin, komentet sikur janë të panevojshëm. Rrëfimet janë origjinale, tregohen nga goja e të shpëtuarve për fatin e keq të më të dashurve të tyre,” tha Manaj.
Ismet Salihu, drejtor i Institutit për Hulumtime të Krimeve Serbe në Kosovë tha se disa nga krimet e përshkruara në këto vëllime njihen si vepra të pastra gjenocidi.
“Siç tregon edhe Osmani në këto vëllime, këto krime kanë qenë të planifikuara nga instancat me të larta shtetërore dhe ushtarake të Serbisë. Duke realizuar këto plane në mënyre sistematike, forcat ushtarake e policore vranë rreth 13000 civilë dhe dëbuan gati 1 milion shqiptarë nga vendi, po ashtu dhunuan shume gra dhe vajza,” tha Salihu.
Autori i vëllimeve, historiani Jusuf Osmani, tha se nuk guxojmë t’i harrojmë krimet që janë bërë.
“Mos të heshtim, se heshtja çon drejt harresës, e harresa drejt pushimit të ekzistimit. Vdekja nuk është përfundim i jetesës së viktimës, po harresa e saj. Viktima është e vdekur vetëm kur ajo harrohet. Të vrarët nuk janë numra, por kanë emra, kanë familje dhe kujtohen nga shoqëria, ndërsa fati tyre duhet të ndriçohet,” tha Osmani.
Autori i vëllimeve të përkthyera kritikoi edhe misionet ndërkombëtare të pasluftës në Kosovë që sipas tij bënë shumë pak për zbulimin e kryerësve të këtyre krimeve. /Kallxo.com/
Klubi i njohur anglez, Everton ka shkarkuar Roberto Martinez nga posti i trajnerit.
Lajmi është konfirmuar nga vetë klubi nga qyteti i Liverpoolit.
Spanjolli largohet pas një krize rezultatesh të skuadrës nga Goodison Park, e cila në 10 ndeshjet e fundit ka shënuar vetëm një fitore.
Sergi Guardiola mund t’i hakmerret në mënyrë të jashtëzakonshme Barcelonës.
Ai nuk do ta harrojë kurrë atë që përjetoi nga Barcelona, pasi iu ndërpre kontrata vetëm disa orë pas nënshkrimit me katalunasit, për shkak të ofendimeve ndaj klubit katalunas në Twitter që i kishte bërë disa vite më parë.
Pas kësaj, Guardiola kaloi te Granada, me të cilën skuadër Barcelona përballet të shtunën dhe mund të shpallet kampionë i La Ligës vetëm me fitore.
E në mesin e tyre është edhe Guardiola, i cili nëse futet në fushë, e ka rastin jetësor t’i hakmerret klubit të cilin tashmë e urren edhe më shumë.
Arsenali ka vendosur ta transferojë Alvaro Moratan nga Juventus.
Skuadra londineze është duke shqyrtuar mundësinë e transferimit të tij direkt nga Juventus, ndaj ka nisur negociatat, megjithëse Real Madrid ka mundësinë e riblerjes së tij.
Drejtuesit e Gunners janë lodhur duke pritur kthimin e tij në Madrid, për të negociuar më pas një blerje të mundshme, ndaj janë duke i shqyrtuar të gjitha alternativat.
Victoria Beckham, tregoi fleksibilitetin e saj të jashtëzakonshëm kur ngriti një këmbë në ajër dhe foton e postoi në Instagram disa muaj më parë. Tashmë, bashkëshortja e David Beckham e ripërsëriti pozën.
Ish-pjesëtarja e Spice Girls, aktualisht po qëndron në Kanë për festivalin e filmit, së bashku me shoqen e saj Eva Longoria.
42 dhe 41-vjeçarja postuan foto nga mbrëmja që kaluan në hotel. Victoria ka ngritur këmbën lart, ndërsa Eva shihet duke mbajtur ekuilibrin, e shtrirë në divanin e hotelit.