Ish-drejtori i Inspektoratit të Komunës së Suharekës tha se nuk mund të merrte kurrfarë masash ndaj objektit të një biznesmeni, ngase ai ishte ndërtuar sipas lejes.

Ish-drejtori i Inspektoratit në Komunën e Suharekës Raif Fetiu që akuzohet për shpërdorim detyre paraqiti mbrojtjen para trupit gjykues.

Fetiu së bashku me ish-drejtorin e Urbanizmit në këtë komunë Kurtesh Fondaj dhe dy inspektorët Hafir Maliqi dhe Berat Kabashi, akuzohen se ia mundësuan biznesmenit Muharem Elshani ndërtimin e një objekti banesor në kundërshtim me planin urbanistik dhe në hapësirat e fushës së futbollit të klubit “Ballkani”.

Gjatë paraqitjes së mbrojtjes, Raif Fetiu foli pikërisht për objektin, lidhur me shkeljet rreth të cilit akuzohet ai dhe tre personat tjerë.

“Jam interesuar të di nëse objekti është i vendosur sipas kushteve të përcaktuara me leje përkatëse dhe kam marrë përgjigje se objekti është i vendosur konform kushteve të lejuara,” tha Fetiu në gjykatë.

Ai deklaroi se kur mori detyrën e drejtorit, objekti i biznesmenit Muharrem Elshani ishte në ndërtim e sipër.

Fetiu tha më tutje se nuk kishte si të merrte ndonjë masë për këtë objekt, pasi ai ishte duke u ndërtuar sipas lejes.

“Për herë të parë tek objekti personalisht kam shkuar gjatë muajit shkurt të vitit 2014 dhe kam hasur në objektin, në ndërtim në katër nivele, bodrumi, përdhesa dhe dy kate,” tha Fetiu.

Seanca e ardhshme u caktua për 19 dhjetor, ku pritet të jepet fjala përfundimtare.

Ish-drejtori i Urbanizimit të Komunës së Suharekës, Kurtesh Fondaj, akuzohet se më 22 korrik 2013 miratoi dhe aprovoi kushtet e ndërtimit, duke plotësuar dhe ndryshuar aktvendimin e pëlqimit urbanistik dhe kushtet e lokacionit dhe lëshoi leje të re ndërtimi në emër të Muharrem Elshanit në kundërshtim me planin urbanistik detal të qytetit.

Aktakuza e ngarkon Muharrem Elshanin se ka zhvendosur një pjesë të fushës së klubit të futbollit “Ballkani”, duke shfrytëzuar për nevoja të kompanisë së tij 16 ari nga kjo fushë.

Elshani akuzohet edhe se gjatë ndërtimit të objektit afaristo-banesor ka përvetësuar sipërfaqen prej 50 metrash katrorë, duke kaluar në bazën e themeltë të objektit në pronësi shoqërore, me ç’rast Komunës i shkakton dëme të konsiderueshme.

Ndërsa drejtori i Inspektoratit, Raif Fetiu, dhe inspektorët e ndërtimit Hafir Maliqaj dhe Berat Kabashi akuzohen se prej muajit korrik 2013 deri në muajin prill 2015 me qëllim ia mundësojnë Muharrem Elshanit zhvendosjen e një pjese të fushës së “Ballkanit” në sipërfaqe prej 16 ari dhe hyrjen në pronë shoqërore prej 50 metrash gjatë ndërtimit të një objekti afarist-banesor. /Kallxo.com/

Ish-zëvendësdrejtori i Gjimnazit “Gjon Buzuku” në Prizren, Beqir Letaj, e ka quajtur absurd dënimin nga Gjykata Themelore e Prizrenit.

Postimi i plotë dhe pa ndërhyrje në Facebook

Të nderuar miq !

Unë jam Beqir Letaj,njëri nga të apostrofuarit në portale se jam i denuar nga Gjykata Themelore në Prizren. Mjerisht ky lajm është i vërtetë edhe pse për mua është një gjykim apsurd që i ngjanë proceseve gjyqësore të periudhës së komunizmit dhe fashizmit.

Për hirë të miqëve të mi në fb,jap kët skjarim.

Kam kryer detyrën e zëvendësdrejtorit të gjimnazit “Gjon Buzuku” në Prizren nga shtatori i vitit 2009 deri në prill të vitit 2016. Gjatë kësaj kohe,sikur edhe më parë, në cilësinë e mesimdhënësit, jam munduar ta kryej detyrën me përkushtim dhe ndershmeri maksimale.

Por, çka ndodhi?

Në vend se për punën time,por edhe drejtorit Shaip Buduri dhe stafit të shkollës ku punojmë të merrnim falenderime, për çudi,ne denohemi nga një paneli gjyqëtarësh të Gjykatës Themelore të Prizrenit.

Pse u procedua ky gjykim ?

Ja po sqaroj
Është bërë si traditë që nga periudha e çlirimit(1999),maturantët e Kosovës ,në fundë të shkollimit të mesëm të shkojnë në ekskursion në Shqipëri.Në vitin shkollor 2013/14,me vendim të Masht,të publikuar në Udhëzim Administrativ,ishte marrë vendim që ekskursioni për maturantë të organizohej në muajët shtator apo tetor.Mbi këtë Vendim,drejtori i shkollës,në bashkëpunim me Këshillin Drejtues të Shkollës,dhe DKA,e shpall tenderin për sigurimin e një kompanie transportuese për maturantë.

Unë,si zëvendësdrejtor nuk isha fare pjesë e këtij procesi.Në finalizimin e këtij tenderimi,drejtori i atëhershëm i Arsimit,nuk e miraton vendimin e KDSH për kompaninë “ATMAXHA” për barjtjen e maturantëve.

Drejtori i DKA,me një arsyetim apsurd,me shkrim i delegon kompetencat të KDSH,që ta përseris tenderin dhe ta shtyrtojë atë deri në fund.Drejtori i shkollës dhe KDSH,e ripërserisin tenderin,dikund me datën 23 apo 24 shtaror 2013.Edhe gjatë fazës së tenderimit të dytë,unë si zv.drejtori ,nuk isha pjesë e këtij procesi.

Ndërkohë që ekskursioni ishte shtyrë, maturantët revoltohën dhe të nxitur nga ndonjëri prej mesimdhënësëve,ditën e premte,me 29 shtator 2013,gjatë pushimit të gjatë,bojkotojnë mësimin dhe shkojnë para DKA për të protestuar.

Në këto rrethana,drejtori dhe unë,për t’i qetësua mbi 600 maturantë,i kemi siguruar ata se ekskursioni do të realoizohët,më së largu deri me datën 6 tetor 2013.Ritenderimi i ekskursionit përmbyllët me datën 3 tetor 2013.atë ditë kur fillonte fushata zedhore për zgjedhjet komunale ,ku kandidat ishte edhe drejtori i shkollës,z.Shqip Buduri.Sipas ligjeve të Arsimit Parauniversitar,kur i pushon funksioni drejtorit,disa kompetenca i kalojnë zëvendësdrejtorit.Dhe, në cilësinë e drejtorit në detyrë,më ra hise ta nënshkruaja vendimin për shkuarjen e mbi 600 maturantëve në Republikën e Shqipëris.

Ju informoj se së paku nga viti 2009,sikur ishte bërë modë që drejtorët e shkollave të mesme të Prizrenit të denoncohën në Prukororinga kompanitë jofituese-se pse kompania e tyre nuk e ka fituar tenderin.

Për rastin konkret,denoncues ishin kompania “Halimaj” dhe “SHARRTRAVELL”.Edhe pse në polici për krime ekonomike ishin ftuar të gjithë anëtarët e KDSH,drejtori dhe zëvendësdrejtori,për çudi,prokororja e gjenë të arsyeshme që të trejgoj kallzim penal kundër 3 personave,drjtorit,Shaip Buduri,kryetarit të KDSH,z.B.Neriovaj dha ndaj meje,Beqir Letaj.Dhe…e dini sa ka zgjatë gjykimi,më shumë se një vit !

Përkundër arsyetimeve tona se nuk ka bazë për ndjekje penale,për shkak se asnjë nxënës dhe asnjë prind nuk është ankuar,gjykimi mori këtë formë denim 1 vit burg joefektiv dhe nga 150 eu pagesë për shpenzimet e gjykatës !

Te nderuar miqë ! Ky ishte denoncimi dhe gjkimi i 3 personave -punonjës të arsimit.Kam përshtypjen se ky gjykim ishte sa për t’i arsyetuar procedurat gjyqë[sore dhe për të plotësuar normat epunës nga prokuroria dhe gjyqëtarët.Dhe..kjo nuk iu çuditë besoj edhe juve.Në këtë Kosovën tonë të martirizuar gjatë,” maririzimi” zgjatë akoma.

Dhe,pa marrë parasyshë se në këtë kohë të apsurditeteve ndodhin gjithë çka,unë ndihëm krenar me punën time 37 vjeçare në arsim, ku gjithëmonë kam qenë në nivel të detyrës.Ky gjykim banal nuk mund dotë të ma baltosë karierën time.Konsideroj se edhe 2 miqëve të mijë,Sh Buduri dhe B. Neriovaj ,i është bërë gjithashtu gjykim banal.

Me rrespekt:Beqir Letaj-Prizren

Drejtori i Gjimnazit “Gjon Buzuku” në Prizren, Shaip Buduri, bashkë me ish-zëvendësin Beqir Letajn dhe –ish kryetarin Këshillit të Shkollës, Bujar Nerjovaj  janë dënuar me një vit burg, me kusht.

Zëdhënësja e Gjykatës në Prizren, Afërdita Kicaj ka konfirmuar për “PrizrenPress” se të dënuarit janë gjetur fajtor për veprën penale të keqpërdorimit të detyrës zyrtare.

“Gjykata Themelore e Prizrenit shpalli aktgjykimin dënues ndaj të akuzuarve nga Prizreni me inicialet: Sh.B. , B.N. dhe B.L. dhe ia vërteton dënim me burgim në kohëzgjatje prej 1 (një) viti, i cili dënim nuk do të ekzekutohet nëse në afat prej dy vitesh nuk kryen vepër të re penale”, tha Kicaj për “PrizrenPress” .

Tre të dënuarit me datën 20.09.2013 deri me datën 05.10.2013, në cilësinë e personave zyrtarë, kanë tejkaluar kompetencat në përzgjedhjen e Agjensionit turistik për ekskursionin e maturantëve. /PrizrenPress.com/

Në dëshminë e tij përmes video-lidhjes, Pal Gruda ka treguar në detaje se si filloi historia e tij me grupin e fajdeve, i cili sipas aktakuzës udhëhiqej nga i akuzuari Tunë Kqira. Ai tha se një kohë kishte paguar kamatë prej 500 euro në ditë.

I dëmtuari Pal Gruda ka dëshmuar sot përmes video-lidhjes në gjykimin e 14 personave, të cilët akuzohen për vepra të rënda penale si krim i organizuar, fajde, detyrim dhe lojëra piramidale të bixhozit.

Gjykata Themelore në Prizren ka pranuar kërkesën e avokatëve të Pal e Zef Grudës që këta të mos jenë prezentë në gjykatë dhe të dëshmojnë përmes video-lidhjes.

Sipas Pal Grudës e gjithë historia kishte filluar nga lokali “Route 66” në Tiranë, në kohën sa ai ishte atje në studime. Ai tregoi se në këtë lokal vazhdimisht kishte drekuar. Sipas tij, pronarë ishin Asdren Mekaj dhe Visar Lipa.

Këta të fundit tha se i kishin ofruar që ta blinte biznesin e tyre në vlerë prej 15 mijë euro. Pas blerjes së biznesit, të cilin tha se e kishte bërë pa dijeninë e familjes së tij, lokali kishte dalë të jetë në dy hipoteka.

Më tej, në dëshminë e tij ai tha se kishte qenë i detyruar nga Asdren Mekaj që të blinte një veturë të tipit “Mercedes ML” në vlerë 45 mijë euro, në të kundërtën Mekaj i kishte thënë se do ta njoftonte familjen e tij për blerje të lokalit dhe po ashtu e kishte kërcënuar se ishte i fortë edhe nga ana e shtetit, madje i kishte përmendur edhe mixhën e tij, Salih Mekaj, që në atë kohë ishte kryetar i Gjykatës së Qarkut në Pejë.

Pas kësaj veture, Pali dëshmoi edhe për shumë shitje dhe blerje të veturave tjera mes tij dhe Asdren Mekajt, njëra prej të cilave kishte pasur vlerën 85 mijë euro.

Pal Gruda tha se duke qenë i detyruar për shumë shitje dhe borxhe ndaj Asdren Mekajt, ky i fundit së bashku me Kastriot Kukën e kishin detyruar duke e paralajmëruar për një shumë të borxhit prej 200 mijë euro, të cilën dëshmitari tha se nuk e kishte pranuar.

Po ashtu, Gruda tha se kishte qenë i detyruar të hynte në borxh te tani i akuzuari Besfort Omaj, të cilit më pas i kishte paguar shuma të mëdha parash, deri në 60 mijë euro. Ai tha se kishte paguar kamata ditore deri në 500 euro.

I dëmtuari tregoi se të gjitha këto i kishte bërë pa dijeninë e familjes së tij, madje se kishte marrë të holla dhe ar në lokalet familjare.

Më tej dëshmitari tregoi se kishte ardhur momenti dhe për problemin kishte biseduar me të atin, Zefin. Bashkë me babanë ishin takuar me familjarë të Besfort Omajt, të cilët tha se kishin kërkuar si përfundim edhe 120 mijë euro.

Këtë borxh Pali tha se nuk e kishin pranuar, ndërsa më pas kishin marrë “selam” nga vëllai i Besfortit se tani e njëqind vjet i kanë borxh ato para familjes Omaj.

Për shkak se përfundoi orari i rregullt i punës i Gjykatës, dëshmia e të dëmtuarit Pal Gruda u ndërpre, për të vazhduar më 9 janar 2017.

Mbrojtësit edhe një herë në fund të seancës kërkuan ndërprerjen e masës së paraburgimit për klientët e tyre.

Madje, avokati Azem Vllasi tha se i mbrojturi i tij, Tunë Kqiraj, i cili po mbahet në paraburgim qe 18 muaj, është edhe në gjendje të rëndë shëndetësore.

Të njëjtën kërkesë për ndërprerje të paraburgimit e patën edhe mbrojtësit e tjerë.

Ndërsa prokurorja speciale, Merita Binaj-Rugova, tha se e kundërshton fuqishëm kërkesën për ndërprerjen e masës së paraburgimit ndaj të akuzuarve.

Në një prononcim për KALLXO.com, avokati Esat Gutaj tregoi se e gjithë mbrojtja kanë bërë kërkesë për ndërprerjen e paraburgimit, duke qenë se klientët e tyre qe dy vjet gjenden në paraburgim.

“Paraburgimi nuk është dënim, është masë për prezencën e tyre. Meqenëse kanë pushuar arsyet edhe kërkuam që të ndërpritet paraburgimi. Por, edhe këtë herë, për fat të keq, nuk u ndërpre”, tha ai.

Sipas Prokurorisë Speciale, gjatë disa viteve të kaluara, të pandehurit Tunë, Kastriot, Gjon, Marjan, Gjekson e Gëzim Kqira dhe Benson Buza kanë vepruar si grup i organizuar kriminal më qëllim të përfitimit të drejtpërdrejt të dobisë financiare, duke kryer vepra të rënda penale.

Sipas aktakuzës, Tunë Kqira i ka mbikëqyrur dhe i ka drejtuar veprimet e këtij grupi kriminal.

Grupi ka shfrytëzuar gjendjen e rëndë financiare ose papërvojën e të dëmtuarve dhe u ka dhënë para me fajde. Pastaj, duke përdorur kërcënimet e rënda, i kanë detyruar të paguajnë kamata dukshëm joproporcionale ose të kryejnë ndonjë veprim tjetër në dëm të pasurisë së tyre.

Të akuzuar në këtë rast janë: Tunë, Kastriot, Gjon, Marjan, Gjekson e Gëzim Kqira, Benson Buza, Besfort Omaj, Zyrafete Hukolli, Ragip Fazlija, Ekrem Leci, Hil Katinari, Sejdë Kaqorraj dhe Zef Oroshi.

KALLXO.com ka raportuar edhe nga seancat e kaluara të këtij procesi. Raportet mund t’i gjeni në këtë link.

Një burrë është arrestuar në Prizren, pasi që i njëjti më 30 maj të vitit 2015, ka falsifikuar dokumentet për aplikim për kartelë identifikuese.

Sipas raportit 24 orësh të Policisë së Kosovës, i dyshuari përmes këtij aktiviteti ka marrë kredi nga një institucion në vlerë prej 2000 euro duke përdorur dokumente të falsifikuara dhe të rrejshme.

Me urdhër të prokurorit i dyshuari është dërguar për mbajtje.