Ish- komandanti i UÇK-së dhe ish- deputeti i PDK-së, Azem Syla, tashmë gjendet në duar të policisë. Ai u dorëzua sot në Vërmicë.
Tomë Gashi avokati i Azem Sylës e konfirmoi se deputeti i kërkuar ndodhej në Shqipëri. Ai tha se Syla do të paraqitet në gjykatë në orën 14 e 30.

12:21

Sot pasdite, Azem Syla pritet të dalë para gjykatësit të procedurës paraprake në Gjykatën Themelore të Prishtinës për t’iu caktuar masa e sigurisë.

12:02

Zëdhënësi i Prokurorisë së Shtetit, Ekrem Lutfiu, konfirmoi për KALLXO.com se Azem Syla është dorëzuar sot në pikën kufitare Kosovë- Shqipëri në Vërmicë.

11:28

Azem Syla në Veturë të Policisë

Azem Syla tashmë gjendet në duar të policisë.

Gazetari i KALLXO.com raporton se ish deputeti i PDK-së, Syla, aktualisht gjendet në një veturë të policisë në Stacionin Policor “Qendra” të Prishtinës.

Ai i është dorëzuar policisë para pak çastesh, tri ditë pas operacionit policor në shtëpinë e tij dhe të të dyshuarve tjerë për tjetërsim pronash.

Dorëzohet Azem Syla

Tri ditë pasi policia e kërkoi në shtëpinë e tij, ish deputeti i Kuvendit të Kosovës nga PDK, Azem Syla, ka vendosur t’i dorëzohet organeve të rendit dhe drejtësisë.

Avokati Tomë Gashi konfirmoi për KALLXO.com se Syla pas pak çastesh do të dorëzohet tek organet e rendit.

Ende nuk dihen detajet për dorëzimin e tij, por që nga dita e operacionit është folur se ai është duke qëndruar në Shqipëri.

Detaje të operacionit të bastisjes në shtëpinë e tij do të transmetohen sonte ekskluzivisht në emisionin “Drejtësia në Kosovë” në RTK në orën 21:20.

Në një dyqan në Kijevë të Malishevës tre të dyshuar kanë hyrë me dhunë për të kryer një vjedhje.

Me këtë rast pronari i lokalit, ka shtënë me armë zjarri në drejtim të hajnave.

Sipas Policisë nga të shtënat njëri nga të dyshuarit ka pësuar lëndime trupore dhe është dërguar në QKU, ndërsa dy tjerët kanë ikur nga vendi i ngjarjes.

Me vendim të prokurorit i dyshuari-pronari i lokalit është arrestuar dhe pas intervistimit është liruar, ndërsa njësitet policore lidhur me rastin kanë bastisur dy shtëpitë e të dyshuarve, me ç’rast në shtëpinë e të dyshuarit të lënduar në Podujevë, si provë materiale kanë konfiskuar një laptop dhe dy telefona celularë.

Njësitet policore janë duke hetuar rastin. /PrizrenPress.com/

Policia ka bastisur tri lokacione dhe ka arrestuar tre persona në Prizren. Bastisja dhe arrestimi i tyre është bërë me urdhër të Gjykatës Themelore në Prizren.

“Në bazë të urdhëresave të lëshuara nga Gjykata Themelore në Prizren, janë bastisur tri lokacione të ndryshme të tre të dyshuarve”, njofton PK-ja.

“Gjatë kontrollit janë gjetur dhe konfiskuar 80.5 gramë substancë të dyshuar narkotike e llojit marihuanë, një foli plastike që shërben për paketim të narkotikëve dhe një telefon celular”.

“ Me vendim të prokurorit nga tre të dyshuarit, njëri është arrestuar dhe është dërguar në mbajtje”./PrizrenPress.com/