Shkruan: Musa Bushrani
(Adnan Abrashit)
Më the: Ç’të keqe ka shiu?
Le ta pastrojë njeriun nga mëkatet,
Le ta kthjellë, le ta drejtojë.
Mbase njeriu i qyteti tim
Më në fund do të mësohet të qëndrojë vertikalisht.
Hape çadrën dhe u zdorgje Bazhdaranës poshtë…
Binte shi si sonte.
E, ç’të keqe mund të kemi nga shiu?
Janë bërë tre vjet nga vdekja e publicistit Adnan Abrashi. Kolegët, tre vjet pas ndarjes fizike, e vlerësojnë lartë figurën e Abrashit.
Gazetari Qazim Morina thotë se Abrashi ka qenë emblemë intelektuale e Prizrenit.
“Neve na mungon fizikisht ai, ndërsa opinionit të gjerë shkrimet e tij domethënëse”, thotë Morina.
“Pajtohem me atë se ka qene një lloj embleme intelektuale e Prizrenit”, shprehat ai..
Ndërkaq, opinionisti Besnik Kryeziu thotë se Adnan Abrashi ishte intelektual brilant.
“Adnani ishte njeri i mrekullushem,intelektual brilant”, thotë ai.
Shkrimtarja Drenusha Zajmi Hoxha thotë se Adnan Abrashi ka qenë një personalitet i guximshëm.
“Një njeri i mirë, i ngritur, i guximshëm dhe i gjithanshëm!”
Publicisti Adnan Abrashi, tre vjet më parë ndërroi jetë në moshën 56 vjeçare. Ai u lind në Prizren në vitin 1957, ndërsa me profesion ishte jurist. Ishte bashkëpunëtor i shumë mediave në Kosovë dhe Shqipëri. /PrizrenPress.com/
Petrit Musolli
E vetmja gjë që e ban bashkë sot, në nji front, tanë elitën e Shqipnisë, asht kundërshtimi rreth përfaqësimit të Kosovës në botë, si entitet me identitet të vetin! Pamvarësisht tentimit me manipulue me sentimentin e patriotizmit kombëtar, shqetësimi real i tyne duket sheshit. Pa Kosovën, asnji udhëheqës i Shqipnisë nuk mundet me shpresue rolin e nji lideri me përmasa rajonale. Prandaj, të vetëdijshëm nga ky fakt, politika e elita, në përgjithësi, e Shqipnisë, trishtohet nga ideja e pamvarësimit të Kosovës nga paternalizmi i Shqipnisë. Nji paternalizmi që i kërkon Kosovës me sakrifikue gjithçka ka konsolidue deri sot si shtet.
Politikës së Shqipnisë, thuejse përsosmënisht i konvenon kjo gjendje status-quo’je në të cilën asht kurthue Kosova. Ajo nuk ka nji lidership stabil dhe të respektueshëm, rrjedhimisht asht e papërfaqësueme. Në anën tjetër, përkeqësimi i situatës në shumicën e vendeve të rajonit, ka ba që Kosova mos me qenë, njiherëpërnjiherë, tema primare për trajtim. Njashtu, paaftësia e saj me zgjidhë probleme, kanë ndikue me zbeh besimin, sidomos te partnerët, për konsolidim të shpejtë shtetnor.
Këte stagnim në afirmimin e shtetit dhe mungesën e nji përfaqësimi kredibil, asht tue e shfrytëzue ma së miri politika e elita e Shqipnisë për me e rritë ndikimin e vet në Kosovë, e nëpërmjet saj edhe në rajon. Me Kosovën ‘nën sqetull’, Shqipnia faktorizon pozitën e saj rajonale dhe ndërkombëtare, tue pas parasysh se, Kosova, megjithatë, pa nji normalizim raportesh me Serbinë, mbetet vend potencial për destabilitet rajonal. Kurse, në anën tjetër, me rolin që asht tue synue shteti shqiptar – mundëson me u ofrue si Qeveri që mban zgjidhjen e Kosovës në dorë. Kjo fuqizon rolin rajonal të Shqipnisë, por njikohësisht, damton pamasë atë të Kosovës, e sidomos avancimin e pamvarësisë së saj!
Ndoshta, marrëveshjet e fundit mes Shqipnisë e Serbisë, e demonstrojnë ma së miri. Në njërën anë Shqipnia e forcoi pozitën e vet, e në anën tjetër, eklipsoi rolin e Kosovës në vendimet rajonale. Mirëpo, reagimet që erdhën prej Prishtine, e ban koshiente se pa pajtimin e Kosovës nuk mundet me synue nji përfaqësim të tillë, e pa dakordimin e saj, ky lloj përfaqësimi nuk gëzon njohje as rajonale as ndërkombëtare. Prandaj, këto reagime, i acaruen deri në këtë shkallë.
Sa ma shumë Kosova fuqizon pamvarësinë e saj, aq ma shumë dobëson dominimin e Shqipnisë mbi të dhe rrezikon pretendimin e saj për liderizëm rajonal. Saherë Kosova arrin me u reprezentue e dëshmue pamvarësinë e saj, jo vetëm në skenën politike ndërkombëtare, por edhe në sferat tjera kulturore, presionet prej Shqipnie nuk kanë të ndalun. Në përgjithësi, asnjiherë s’janë argumentuese, pos kualifikuese!
As debati për kombëtaren kosovare s’ke nji përballje tifozërish, si u provue me u konkludue, por qe qartë nji mospërballim i elitës së Shqipnisë me u pajtue me humbjet e “aseteve” në Kosovë, që ajo beson me i përvetësue e sundue. Kuptohet, me të vetmin qëllim përfitimi e rritje të vlerës së saj në tregun rajonal, të paktën.
Për me i parandalue tana këto veprime që pamvarësojnë Kosovën prej vullnetit e interesit të Shqipnisë, u vnuen në aksion, në nji ofensivë, ndoshta ma agresiven ndonjiherë. Të parin që e shukatën qe presidenti. E shtyen me u gërdit prej qytetarëve të vet, identitetit të vet e kulturës së nanës e babës së vet! Ndërsa që, përfaqësuesit tjerë politik të Kosovës (me ndonji përjashtim), i janë nënshtrue vullnetarisht këtij trajtimi që politika e elita e Shqipnisë i’a ban Kosovës.
Ndoshta, bindja e papërmirësueshme e tyne, se bashkimi kombëtar asht veç çashtje vullneti dypalësh, e jo çashtje sanksionimi ndërkombëtar, asht tue vazhdue me i mbajt në këte jerëm politik. Shqipnia del se asht e vetmja që e ka të qartë se bashkimi kombëtar (në kuptimin klasik), asht veç nji përrallë. Asht përralla e tyne që vazhdon me na e recitue e recitue saherë provojmë me u zgjue në realitet! Sepse, realiteti na gjen te shteti i pamvarun e obligimi ynë me e forcue!
Bashkimi kombëtar e manipulimi me përkatësinë, ka mbet karta e vetme me të cilën Shqipnia mundet me vazhdue lojën e saj ndaj Kosovës. Tue e pas të njoftun faktin se shqiptarët e Kosovës kanë vuejt shumë vetëm për shkak të përkatësisë së tyne etnike. Tue pas parasysh faktin se vuejtjet e shqiptarëve të Kosovës janë të mishënueme fort me përkatësinë e tyne etnike. Prandaj, Shqipnia, saherë ndihet se po humb territor në Kosovë, shtin gishtin thellë në plagën e saj. Edhe pse kjo plagë, asht dashtë qenë e mshelun me pamvarësimin e krijimin e shtetit të Kosovës!
Deputeti nga Nisma për Kosovën, Zafir Berisha, ka nënvizuar se ky fenomen është jashtëzakonisht i dëmshëm për perspektivën e Kosovës dhe qëndrueshmërinë e institucioneve të drejtësisë dhe jorastësisht, duke pasur një drejtësi të këtij lloji që është, siç tha, ne vazhdojmë ta kemi kushtin elementar për liberalizim të vizave, luftën kundër krimit dhe korrupsionit.
“Në këtë drejtim e para është drejtësia, që ka dështuar dhe që faktikisht neve na ka dhënë si shtet një pasqyrë të keqe, derisa ne jemi dëshmitar se ajo është e kapur nga parapolitika e partive në pushtet dhe ky defekt po na përcjell, duke shkuar në dëm dhe kurriz edhe të qytetarëve”, u shpreh Berisha.”
Andaj, mendoj se duhet të bëhet një ndryshim radikal brenda organeve të drejtësisë, që ajo të pastrohet së pari nga kthetrat e parapolitikës së korruptuar, por edhe nga njerëzit e degjeneruar, që u kanë shërbyer shërbimeve të huaja gjatë kohës së sundimit të Kosovës, e që, për fat të keq, një numër i tyre vazhdojnë të jenë akoma në organet e drejtësisë”, ka deklaruar për gazetën “Kosova Sot” deputeti nga Nisma për Kosovën, Zafir Berisha.
(Kosova Sot)
Në Prizren, ankuesja femër rome ka raportuar se vajza e saj e mitur ka dalë nga shtëpia dhe nuk dihet për vendndodhjen e saj.
Policia ka bërë të ditur se është duke hetuar rastin.
Jo rrallë herë përdoruesit e rrjeteve sociale shfaqen në fotografi me armë. Një banorë nga Zymi i Dragashit e kishte zgjedhur platformën e komunikimit Viberin që të postonte një fotografi me armë të zjarrit.
Për fotografin e postuar janë informuar edhe Policia e Kosovës. Duke e konsideruar rastin si armëmbajtje pa leje, njësitet policore kanë shkuar dje tek shtëpia e zymjanit, por nuk e kanë gjetur në shtëpi.
“Raportohet se i dyshuari mashkull K-Shqiptar ka postuar një foto me armë në rrjetin social VIBER. Njësiti policor me urdhër të prokurorit ka bastisur shtëpinë e të dyshuarit por gjatë kontrollit nuk është gjetur asgjë”, ka bërë të ditur Policia e Kosovës në një konkikat për media.
Ndërkaq, është bërë e ditur se rasti ka shkuar në procedurë të rregullt.
Prokuroria Themelore e Prizrenit ka autorizuar zyrtarët policorë që të hetojnë pretendimet për numrin e madh të mësimdhënësve të pakualifikuar në arsimin prizrenas, shkruan sot Koha Ditore.
Kryeprokurori i kësaj prokurorie, Sylë Hoxha, ka konfirmuar autorizimin e hetimeve policore për të parë nëse ka ndonjë shkelje ligjore në këtë plan. “Kemi autorizuar njësitin përkatës për të nisur veprimet hetimore.
Tashti duhet të presim epilogun e hetimeve të policisë për të parë nëse ka apo jo elemente të veprave penale në këto raste”, ka theksuar Hoxha
Ndonëse së fundi zbardhja e vrasjeve politike gjatë dhe pas luftës ka filluar të bëhet temë diskutimi edhe në nivel të institucioneve të Kosovës, pritjet për fillimin e zbardhjes së këtyre vrasjeve janë të pakta. Madje ka një disponim fare pak optimistë që këto vrasje të zbardhen nga Prokuroria vendore, derisa edhe Gjykata Speciale që pritet të veprojë së shpejti e ka të përshkruar me ligj kryesisht ndjekjen e krimeve kundër viktimave që janë pjesë e minoriteteve të ndryshme në Kosovë, por jo edhe të shumicës shqiptare. Edhe për një kohë të gjatë Kosova do të mundë ta jeton kështu me një politikë të kriminalizuar, e cila përtej të gjitha interesave ka kapur edhe sistemin e drejtësisë. “Edhe shumë vite duhet pritur që drejtësia vendore të fillojë zbardhjen e vrasjeve politike. Tash për tash nuk ka asnjë gjasë që drejtësia jonë ta bëjë zbardhjen e ndonjë vrasje politike. Ne ende duhet të presim që të shohim se a do ta bëjë Gjykata Speciale veprimin e duhur, sepse fare lehtë mund të ndodhë që edhe ajo do të jetë një instrument për nevoja të politikës ndërkombëtare”, tha deputeti Adem Salihaj, shkruan gazeta Kosova Sot.
Drejtësia e kapur
Naim Miftari, njohës i mirë i fushës së sigurisë në vend, thotë se Gjykata Speciale nuk do të merret shumë me vrasjet politike të pasluftës. “Ajo do të merret kryesisht me akuzat për vrasjet e minoritarëve serbë, romë, ashkali e të tjerët, dhe nuk pres fare nga Gjykata Speciale që do të zbardhen këto rastet e vrasjeve të pas luftës me karakter politik në mes të shqiptarëve, mirëpo nuk pres që zbardhja do të ndodhë edhe nga kjo Qeveri, respektivisht nga këta njerëz që janë sot në pushtet, sidomos nuk pres se do të bëhet nga ata që janë në drejtësi, sepse ata nuk kanë guxim ta bëjnë këtë”, tha ai.”Tash edhe nga një anë ka kaluar edhe një kohë e gjatë, 15-16 vjet, kështu që një pjesë dërmuese e dëshmitarëve janë të vdekur, zhdukur, e ndërkohë janë zhdukur edhe shumica e vrasësve, ata janë vrarë në mënyra nga më të ndryshmet dhe gjurmët për mundësi të zbardhjes janë shumë të pakta. Pra, unë besoj fare pak, për të mos thënë aspak, në këtë drejtësi që kemi tani, por më shumë besoj në vetë kohën që gradualisht do të zbardhë një pjesë të këtyre vrasjeve, por jo tani dhe jo nga ky gjyqësor dhe kjo prokurori që i kemi tani”, tha Miftari për “Kosova Sot”. Sipas tij, vetë fakti se kush i ka zgjedhur këta gjykatës dhe prokurorë të jep të kuptosh që edhe zbardhja e krimeve të rënda që lidhen me këtë politikë nuk mund të bëhet prej tyre..
Kryetari i Nismës së Kosovës, Fatmir Limaj ka folur edhe njëherë rreth aktakuzës për krime lufte, që i është ngritur rishtazi si dhe për krejt hetimet që ai ka pasur që nga paslufta.
Limaj në emisionin “Republika” në Tribuna Channel ka thënë se megjithëkëtë ai beson ne drejtësi, ani pse ai po hetohet prapa edhe pas fjalës së 18 gjyqtarëve që e kanë liruar atë nga akuzat.
“18 gjyqtarë kanë folur për mua, të kaluarën time dhe drejtësinë time, megjithatë kjo nuk ka mjaftuar për të faktuar drejtësinë “ ka thënë Limaj.
Ai ka shtuar se nuk frikësohet nga ky proces, dhe kushdo që e ka nisur le ta përfundojë dhe të presim se si do të jetë.
Ai ka thënë se pavarësisht të gjithave i është përgjigjur gjithmonë sistemit të drejtësisë.
“Asnjëherë se kam menduar veten si individ përveç si qytetar kam dashtë me dhënë shembull si ish luftëtar si politikan. Me dhënë shembull personal se ne duhet ti përgjigjemi sistemit të drejtësisë pavarësisht a pajtohemi me të ose jo”, ka thënë Limaj.
Tutje ai është ankuar duke thënë se janë mbyllur shkresat e këtyre akuzave në kohën kur është gjykuar nga Haga.
Edhe në Hagë edhe kët ky rast është hetu dhe janë mbyll shkresat e lëndës. Hetimet hapen kur del diçka e re, hetimi rihapet nesh ka fakte të reja kjo që ka dal sot nuk krahasohet me hetimet e mëparshme, kjo tani është përndjekje le ta vazhdojnë ku e kanë nis dhe të shohim qysh po del”, ka thënë ai.
Sipas tij gjyqtarët që kanë punuar në sistemin e drejtësisë gjatë kohës së Millosheviqit nuk është nevoja t’i kemi ende prezent.
“Në këtë sistemin e drejtësisë mundësitë më të mëdha me keqpërdor ligjin e kanë prokurorët e jo gjyqtarët. Prokurori duhet të jetë me kredibilitet njerëzor dhe me moral. Edhe kryeprokurori Aleksandër Lumezi ka thënë që krimi i organizuar është në prokurori”, ka thënë Limaj.
Hajdar Maloku – Planeja, i vrarë para 70 vitesh nga dora e Serbisë gjakatare, ishte një figurë madhore e emblematike e Kosovës, i cili i tha jo komunizmit dhe ishte kundërshtuar i pari për ndarjen e trojeve shqiptare. Ai kishte kryer tri fakultete dhe njihte shumë gjuhë të huaja. Ishte njëri ndër inxhinierët e njohur për ndërtim të urave në gjithë hapësirën shqiptare dhe atdhetar i devotshëm, për çka OZN-ja e vranë në vitin 1946,shkruan gazeta Kosova Sot.
Shkuan jo më pak se 70 vite që u vra nga dora gjakatare serbe figura më emblematike e Nacionaldemokratikes Shqiptare, eprori i Akademisë ushtarake italiane dhe profesori i dy lëndëve të historisë dhe gjeografisë, njohësi i mbi shtatë gjuhëve të huaja, Hajdar Maloku – Planeja. Kjo organizatë u ngrit dhe u përforcua ideologjikisht e me synime të qarta pas shuarjes së kryengritjes së Drenicës. Midis atyre, që u angazhuan që më parë për formimin e ONDSH dalloheshin, prof. Ymer Berisha, Halim Spahija, Mulla Idriz Gjilani, Marije Shllaku, Hajdar Maloku – Planeja e shumë atdhetarë të tjerë të kësaj plejade. Hajdari është vrarë nga OZN-ja në Gjonaj të Prizrenit më 1.11.1946, e shumë të tjerë, prijës në zë e me famë.
“Këta u përpoqën që me përkrahjen e vendeve perëndimore të realizonin çlirimin e Kosovës dhe viseve të tjera shqiptare të okupuara nga Jugosllavia dhe ribashkimin e tyre me Shqipërinë. Lëvizja Nacionaldemokratike Shqiptare bazohet në traditën e Besëlidhjeve të vjetra shqiptare për hapat konkretë për formimin e kësaj organizate. Pas shpërthimit të Revoltës Shqiptare të Drenicës, nën udhëheqjen e Shaban Pllozhës, më 23 janar 1945, filloi përsëritja e Komitetit Nacional Demokratik të Ejup Binakut, por tashti në krye të tij do të vihet kapiteni shqiptar Hajdar Maloku-Planeja nga Malësia e Gjakovës, të cilin më 1 nëntor 1946 e likuidoi OZN-ja në fshatin Gjonaj të Prizrenit”, tregon Elez Hoxha, i cili është duke u marrë me jetën dhe veprën e këtij atdhetari.
“Vjehrrin tim Ilaz Planejën të gjallë e hëngrën qentë si dënim nga pushteti komunist”
Kunata e Hajdar Planejës, Kadime Maloku, tani rreth të 100-tave, por me vetëdije dhe me kujtim të freskët tregon për gazetën se Hajdari ka pasur vizion shumë të pasur. “Duhet të themi se ne kemi me u vra e gjithë familja, sepse po kundërshtojmë këtë frymë bolshevike. Prandaj mos trego asnjë gjë”, tregon t’i ketë thënë Hajdari, Kadime Malokut dhe më pas arrestohet më 1 nëntor 1946. Kadimja vetë ka qenë në burg, kur është vrarë Hajdari. Ajo pastaj shpjegon se si është arrestuar vetëm pse ishte familja Maloku.
”Në burg më kanë rrahur tmerrësisht për të treguar për veprimtarinë e Hajdarit, por kur nuk e kam treguar. Më rrihnin dhe më fusnin në ujë të ftohtë deri në alivansoje. Por, unë tashmë e dija se kishim humbur shumë familjarë dhe nuk dorëzohesha. Mësuam se komunistët shqiptarë vjehrrin tim e kishin nxjerrë të gjallë para qenve të çartur dhe ashtu e kanë hëngër të gjallë. Bile as varrin s’di ku e ka, sepse ai nuk e donte komunizmin. Pas vrasjes së Hajdarit më kujtohet edhe vrasja e Asllan Planejës”, tregon Kadime Maloku.
Hajdar Maloku – Planeja ishte i dashur nga populli
Dashuria e madhe që e ka pasur Hasi për figurën e Hajdar Planejës tregon edhe fakti se ai në ato rrethana qëndroi jo më pak se 18 muaj në ilegalitet, duke e përkrahur e duke i dhënë bukë Hajdar Planejës. “Ai ishte njëri nga personalitet e rëndësishme në atë kohë, kurse OZNA kishte obligim të vetëm që ta vriste këtë personalitet”, tregon Elez Hoxha. Sipas tij, Hajdari ishte një frymëzues i të gjitha ngjarjeve të atëhershme dhe për këtë arsye likuidohet. “Pas likuidimit të tij pushteti serb dëshironte që atë dashuri të popullit ta shndërronte në urrejtje për birin atdhetar dhe njeriun e tri fakulteteve të asaj kohe e njohësin e shtatë gjuhëve të huaja. Kishin marrë vendim që kufomën e tij ta ekspozojnë në sheshin “Shatërvan” të Prizrenit, që njerëzit t’i detyronin ta përulin këtë figurë për së vdekuri, duke i detyruar ta pështynë kufomën e tij”, tregon ai. Ka shumë të atillë që nuk kanë dashur të pështyjnë në kufomën e tij dhe për këtë kanë hëngër burg.
(Kosova Sot)