Ish-komandanti i UÇK-së dhe Zonës së Dytë të TMK-së në Prizren Selim Krasniqi thotë se politikanët kanë krijuar terren që të sulmohen institucionet e vendit. Ai akuzon edhe pushtetarët, madje duke i akuzuar se po sillen sikur Milloshoviqi.

“Një sulm mbi Parlamentin e Kosovës, natyrisht që nuk mund të quhet si veprim i mirë, por matrapazët politik duhet ta kuptojnë se ata vete, duke i shërbyer politikave ditore e interesave personale e klaneve të caktuara antishqiptare, po krijojnë klimë e terren të përshtatshëm për veprime të tilla, që mund t’i bëjë gjithkush për arritjen e qëllimeve të veta dhe për t’i thelluar përçarjet në mes shqiptarëve”, shprehet Krasniqi, shkruan PrizrenPress.

Ai kërkon nga politikanët që të pyesin vetën se a kanë të drejtë të dëmtojnë Kosovën.

“Duhet këta matrapazë politik, ta pyesin vetën se a kanë të drejtë të dëmtojnë interesat kombëtare dhe territorin e Kosovës”.

“Duhet ta pyesin veten se si ka mundësi që ish- bashkëpunëtorët e Serbisë fashiste të rehabilitohen e të vishen me pushtet edhe pas gjithë atyre burgosjeve, torturave e vrasjeve që ua shkaktuan shumë patriotëve shqiptar”.

“Ju që ofroni njerëz të tillë afër vetës, a thua mos jeni edhe vetë të tillë e më të zinjë se ata?!”

“Po largimi, evitimi, etiketimi dhe burgosja e njerëzve që sakrifikuan gjithçka për kombin, a do të thotë se po punohet për interesa të tilla, sikur në pushtet të ishte Millosheviqi”.

“Përfundimisht , ata te cilët i kanë shërbyer fashizmit serbe nuk duan që kombi shqiptarë të përparojë, të rritet e forcohet”./PrizrenPess.com/

Analistët politikë dështimin e eventual të ratifikimit të Demarkacionit në Kuvendin e Republikës e shohin si një shkas që do të përdoret nga PDK-ja për ta prishur koalicionin dhe për ta çuar vendin shumë shpejt në zgjedhje të jashtëzakonshme, ndërsa ka gjasa që tashmë është bërë marrëveshja për qeverinë e ardhshme

Pavarësisht vendimit të Qeverisë së Kosovës që ta dërgojë për ratifikim në Kuvend, partnerët e koalicionit akoma nuk janë të sigurt nëse do t’i sigurojnë votat e mjaftueshme për ta kaluar këtë marrëveshje, e cila ka tensionuar tej mase gjendjen politike, madje edhe të sigurisë në vend. Krijimi i kësaj situate të paqartë dhe rrezikut të dështimit të ratifikimit të demarkacionit me Malin e Zi, nga analistët politikë lidhet ngushtë edhe me fatin e koalicionit qeverisës, shpalljen e zgjedhjeve të parakohshme, derisa përfaqësues të subjekteve politike në këtë koalicion theksojnë se stabiliteti duhet të ruhet, sepse nuk është në interes të vendit që në prag të vendimit për liberalizimin e vizave të krijohen kriza të tilla të paqëndrueshmërisë politike dhe institucionale në vend.

Deputeti i LDK-së, Adem Salihaj, thotë se nuk mund të ketë ndonjë parashikim paraprak rreth fatit të marrëveshjes për demarkacionit, kurse sa i takon rrezikut nga shkuara në zgjedhje të reja, që mundë t’i shpallë njëanshëm PDK-ja, nga inati i dështimit eventual të demarkacionit, Salihaj thotë se ai vendim nuk mund të merret në asnjë mënyrë pa pëlqimin e faktorit ndërkombëtar.

“Është vështirë ta parashikojmë se çfarë do të ndodhë nëse nuk aprovohet marrëveshja e demarkacionit, por gjithsesi do të jetë një situatë tepër e vështirë”, theksoi ai..