Policia në Dragash ka arrestuar një person të nacionalitetit goran nën dyshimin se ka kërcënuar bashkëshorten dhe vajzat e tij.
“Është arrestuar i dyshuari pasi që i njëjti ka kërcënuar bashkëshorten dhe dy vajzat e tij. Me vendim të prokurorit i dyshuari është dërguar në mbajtje”,njofton Policia e Kosovës./PrizrenPress.com/
Një lokal është gjuajtur me armë zjarri nga persona të panjohur në Prizren. Policia e Kosovës njofton se përvec dëmeve materiale nuk ka pasur të lënduar.
“Ankuesi ka njoftuar se persona të panjohur kanë shtënë me armë zjarri në drejtim të lokalit të tij. Në vendin e ngjarjes janë gjetur dy gëzhoja të kalibrit të panjohur. Përveç dëmeve materiale nuk raportohet për të lënduar”, njofton Policia e Kosovës./PrizrenPress.com
Sekretari i Degës së LDK-së në Prizren Fatmir Memaj, qëndron prapa iniciativës për shkakrkimin e kryetarit Haxhi Avdyli. Ende nuk dihen arsyet pse Memaj ka marrë një iniciativë të tillë.
Ndërkaq, burimet e “PrizrenPress”-it brenda LDK-së bëjnë të ditur se raportet në mes Fatmir Memajt dhe Haxhi Avdylit nuk janë të mira.
“Fatmir Memaj qëndron prapa kësaj iniciative”, tregon për “PrizrenPress” me kush anonimiteti një zyrtar i lartë e LDK-së në Prizren.
Kryetari i LDK-së Haxhi Avdyli thotë ndërkaq se iniciativa është marrë nga një grup i njerëzve të dështuar. Ai nuk tregon emrat e këtij grupi të njerëzve të LDK-së.
“Këta njerëz janë me krye e me zemër argatë të partive tjera”, thotë Avdyli. Ai është i bindur se kjo iniciativë do të dështojë.
Ndërkaq, sekretari i LDK-së në prizren Fatmir Memaj ka mohuar se është iniciues i shkarkimit të kryetarit të Degës Haxhi Avdyli.
“Me përgjegjësi mund të them, se unë, si njeri nder mbështetësit kryesor për zgjedhjen e Haxhi Avdylit, nuk jam njeri ndër iniciatorët e shkarkimit të tij, e as nënshkrues”, ka sqaruar Memaj në Facebook.
“Për sa i përket ceshtjes se cka mendoj unë për të ardhmen e Degës së LDK-se se Prizrenit, dhe te ardhmen politike të Haxhi Avdylit, ndoshta nuk ka fare rëndësi, por për këtë do të shprehem në nivelet e organeve gjegjese të LDK-së”./PrizrenPress.com/
Sokol Zogaj nga Shërbimi Korrektues ka thënë se Donika Kadaj-Bujupit, nesër do t’i bëhen të gjitha analizat në qendër korrektuese.
“Deputetja e Aleancës për Ardhmërinë e Kosovës, Donika Kadaj-Bujupi, nuk është e helmuar, por ka tension të lartë dhimbje dhe marramendje”, ka thënë ai për
Ora e Fundit në Klan Kosova. “Para një ore jam kthyer, kam qëndruar dy orë në burg dhe kam biseduar me zonjën Kadaj-Bujupi. Gjendja ka filluar t’i përmirësohet. Shihet që ka ngritje të tensionit, por jo të lartë. Ka dhimbje dhe marramendje. Nesër do t’i bëhen të gjitha analizat në qendër korrektuese. Nëse ka nevojë për analiza më të thella do t’ia bëjmë ato në QKUK”.
Zogaj tha se e ka vizituar edhe deputeten tjetër të opozitës që po qëndron në paraburgim, Albulena Haxhiun, dhe se në plan e ka të njëjtën gjë ta bëjë edhe me Albin Kurtin në ditët e ardhshme.
“E kam vizituar edhe deputeten Albulena Haxhiu, ajo ka qenë shumë mirë e pranuar, e trajtuar dhe e sistemuar. Edhe Albin Kurti është duke u trajtuar mirë”, ka thënë Zogaj, i cili ka shtuar se në burgjet e Kosovës të gjithë të burgosurit trajtohen mirë dhe pa dallim. /klan Kosova/
Kryesia e Kuvendit ka vendosur që seanca e Kuvendit të Kosovës të mbahet të hënën e ardhshme, në orën 10:00. Në këtë seancë do të jenë 26 pika të rendit të ditës, duke përfshirë shqyrtimin në lexim të dytë të Projektligjit për buxhetin e vitit 2016.
Gjithashtu është vendosur që më 17 dhjetor presidentja e Kosovës, Atifete Jahjaga, të mbajë fjalimin e saj vjetor para deputetëve të Kuvendit.
Kryetari i Kuvendit, Kadri Veseli, pas përfundimit të mbledhjes së Kryesisë u bëri thirrje subjekteve opozitare që t’i kthehen Kuvendit dhe të mos vetëpërjashtohen.
“Kisha dëshiruar ta shfrytëzoj këtë moment t’i bëj ftesë serioze opozitës që të vije në seancë. Në asnjë moment qëllimi as imi, as i kësaj Kryesie nuk ka qenë dhe nuk është që të përjashtohet dikush nga opozita. Ju edhe vetë e keni vënë re që çdo herë jam munduar t’i thërras të marrin pjesë në seancë, mos ta vetëpërjashtojnë veten, mos të vetinkriminohen”, është shprehur Veseli.
Kreu i Kuvendit më tej i ka përgëzuar institucionet e drejtësisë për punën profesionale, siç ka thënë ai.
“Sido që të jetë dua të përçoj mesazhin se askush nuk është mbi ligjin dhe t’i përgëzoj organet e rendit për punën e tyre dhe organet gjyqësore për punën e tyre profesionale”, ka deklaruar Veseli.
Kryeparlamentari Veseli ka sqaruar se nënkryetarja e Kuvendit nga Lëvizja “Vetëvendosje”, Aida Dërguti, ka kërkuar që të mos mbahet seanca për shkak të iniciativës së presidentes për dialog. Por, sipas tij, kjo nuk pengon asgjë që të vazhdojnë me mbajtjen e seancave plenare. /Zëri/
Nënkryetari i PDK-së, Adem Grabovci ka thënë se për të dalë nga situata aktuale duhet vullnet i dyanshëm politik.
Ai e ka fajësuar opozitën se nuk po lëviz nga qëndrimet e saj, pasi, sipas tij, pozita e ka bërë hapin që e ka takuar.
Grabovci ka vlerësuar për ‘Epokën e re’, se roli presidentes është shumë i rëndësishëm në këto zhvillime.
Sipas tij, gjasat për zgjidhje brenda institucioneve të Kosovës ekzistojnë.
Duke e komentuar kërkesën e opozitës për zgjedhje të parakohshme, Grabovci ka thënë se ka bindje se opozita nuk dëshiron zgjedhje, por edhe nëse shkohet në zgjedhje të reja, ai thotë se PDK-ja do të dalë partia e parë politike.
Ish-kuvendarja e LDK-së në Prizren, Arjeta Nezaj i ka quajtur të paftyrë iniciatorët e shkarkimit të kryetarit të Degës së LDK-së Haxhi Avdyli.
Sipas saj, iniciativa për shkarkimin e Avdylit është marrë nga njerëzit që kanë frikë nga gjeneratat e reja.
“Njëherë kërkonim një person të ri, të kualifikuar, të dashur nga populli dhe këtë person e zgjodhëm”, shkruan Nezaj në Facebook.
“Tani ka demonë që kanë frikë, që gjeneratat e reja do t’i përjashtojnë ata nga pozitat që i morën në rrugë të ndryshme”.
“Disa me para, disa me dinakëri, disa i punësuan edhe gratë, sa për të marrë një rrogë dikund dhe shumë e shumë fakte tjera që bien shumë lehtë në sytë e popullit”./PrizrenPress.com/
Liderin e PDK-së e pret një vit i vështirë politik e juridik
“Siç duket, Thaçi në asnjërin variant nuk e ka një të ardhme të ndritshme, nuk po e presin ditë të mira. Situata çdo ditë e më shumë po komplikohet për të. Ndoshta do të jetë një fat për Kosovën që të mos komprometohet Kosova me një president të tillë si Hashim Thaçi”, tha deputeti i koalicionit qeverisës, Adem Salihaj, për “Kosova Sot”
Marrëveshja në letër me LDKnë ia mundëson Hashim Thaçit që të ulet pas disa muajsh në karrigen e të parit të shtetit, por zhvillimet politike dhe juridike mund të sjellin befasi për liderin aktual të PDK-së. Kriza që ka shpërthyer pas marrëveshjeve të 25 gushtit dhe Gjykata Speciale, e cila njërin nga “klientët” mund ta ketë edhe protagonistin e raportit të Dik Martit, Hashim Thaçin, janë bërë pengesa serioze të ambicies presidenciale të këtij të fundit.
Një nga deputetët e LDK-së, që bën pjesë në grupin e kundërshtarëve të zgjedhjes së Thaçit president të vendit, Adem Salihaj, i kontaktuar nga gazeta, ka pohuar se rrethanat politike janë komplikuar aq shumë dhe po shkaktojnë ngecje serioze në të gjitha fushat e funksionimit të shtetit, duke mos përjashtuar edhe nevojën e shkuarjes së shpejtë në zgjedhje të reja, të jashtëzakonshme…/kosova sot/
Deputeti i Grupit Parlamentar të Partisë Demokratike të Kosovës, Raif Qela, është kundër dy marrëveshjes së Asociacionit të Komunave me shumicë serbe dhe demarkacionit me Malin e Zi.
Këto komente ai i ka dhënë në emisionin “Kontakt” me Valdrin Krasniqin në Tribuna Channel, duke shtuar se këto marrëveshje janë të këqija për Kosovën dhe i bëjnë dëm të ardhmes së saj.
Qela tha se kauza e opozitës është mjaft e drejtë, por metoda e saj nuk të çon askund, sepse Kosova është në një ngërç dhe duhet të gjendet në zgjidhje me vullnet të dy palëve.
Deputeti i Lëvizjes për Bashkim e cila është në koalicion me PDK-në, shtoi se edhe pa opozitën këto dy marrëveshje nuk kalojnë, sepse ka shumë deputetë kritikë ndaj mënyrës se si janë zhvilluar bisedimet.
Kryetari i Degës së LDK-së në Prizren, Haxhi Avdyli, në emisionin Rrokum Roll, thotë se ka filluar një iniciativë për shkarkimin e tij.
Sipas tij, këta që e kanë nisur këtë iniciativë janë persona të dështuar me zemër tek partitë tjera.
Në TV Rrokum ai tha se nuk beson se prapa tyre qëndron Kryesia Qendrore e LDK-së.